金田長壽司 (已結業)

團購SET LUNCH, 份量好似好少, 但原來夠食!我覺得都係因為個加洲卷夠大舊!!而且加洲卷味道豐富多層次, 蟹子夠多!8吋長既魚生其實冇特別, 因為D 味唔鮮, 就唔會特別好食.你估D 野大份就好GA LA 咩...相反海膽就好細舊..紫菜不夠脆..其他刺身也不見得特別鮮, 好普通的貨色.平平地一試無妨, 但由於WAITER 服務態度一般, 下次應不會再來.

刺身壽司餐有：美國珍寶蠔(配紫薊葉更覺鮮甜)，三文魚刺身三片(不太肥美)，不過其他刺身如翡翠螺、立魚、甜蝦都不錯，還有玉子和蟹柳。 壽司有黑松露鵝肝(好香鵝肝！)、海膽和火炙三文魚，還有蟹籽沙律腐船，特級火山卷，Shirley 給它們一個讚字。炸物餐有：芝士焗美國珍寶石蠔(雖然縮晒水但好好好香！)、澳洲M9和牛切片(生食，唔習慣)、土佐豆腐、日式炸餃子、黑松露炸軟殼蟹(黑松露食唔出，但肉質分明，不是滿佈炸粉那種)和七味雞翼。金田還提供了以上兩款套餐的升級版，我們最後以五十餘元的優惠價要了一客燒雪魚。不知是否價錢問題，那客雪魚很的式，但雪魚始終是雪魚，滑得很但層次鮮明，加上出色的厨藝，令我覺得花多了錢仍然值得！同樣價錢，東京部屋便被比了下去，太無顏色了！

今日lunch放晏左，攪到過左食飯時間好似有啲唔知餓咁，所以想食清啲，同同事兩個人去左哩間我地去開嘅日本料理。哩個時間無咁多人，仲有lunch set，同一啲下午嘅特價小食，好似仲抵過我平時早放lunch咁，又唔洗迫人！不過抵還抵，之不過個餐真係太多野啦，所以我同同事一人散叫左一啲壽司，同埋叫左一個七味燒雞亦小食同埋燒青花魚小食就算啦！我叫左一件加拿大海膽壽司、8吋三文魚壽司、同無頭甜蝦壽司及北寄貝壽司各兩件。七味雞亦我覺得淡左啲，可能因為我食得辣啦，不過肉質好嫩，無燒得太乾唔錯；燒青花魚都燒得幾好嫁，不過我地哩份剛好係腩位，我都係鍾意啖啖肉多啲，其次係鍾意個燒魚汁，教得好好味；加拿大海膽係我嘅至愛，而且唔係成日有，所以我就點黎試下囉，個海膽好新鮮，不過啲飯就硬左啲囉！無頭甜蝦壽司同北寄貝壽司就無乜太特別所以唔多介紹啦，我都係鍾意食有頭果隻甜蝦，得我下次晚市再幫襯過先得！

生日的月份,朋友相約聚會慶祝去!!友人早前吃過，說是不錯...於是訂枱去!!周五的晚上,人多是絕對的~訂了8:30的枱,最後還是等了20 min...而且一定要齊人先安排入座!!門口的店員態度很一般，沒有笑容，說話也很冷淡等位期間已睇定Menu....一座低已餓得立刻點吃~值得一讚是侍應很用心給我們推介食物,比門口的店門態度好很多!!經朋友及侍應推薦,我們叫了以下食物:三文魚腩刺身鮮味不錯，而且也切得頗厚八吋長壽司質素一般吧，魚生是很長的3沒錯，但相對也頗薄身~~不過對於唔識夾野的我來說，這裡的壽司都很「硬正」,絕不會一夾就散!特火山級卷朋友極力推介這個，單是點來拍照已很過癮!!至於味道,就是普普通通的卷物...吃的時候就是要苦惱要如果吃原本朋友打算叫最大的生蠔，點知早已售罄於是退而求其次...點了小一點的!! 本身我不吃蠔...不作特別評論~但朋友都讚好~芝士豆腐芝士味很濃，與淡淡的豆腐很夾不過一家要熱辣辣食...凍了就不好吃!!!本身想叫大大隻個款,不過見佢$45蚊先一舊,太貴,點小的算數~頗鮮，比8吋壽司出色~~花之戀壽司朋友點的，沒什麼特別...普普通通的一客花之戀~三文魚炒飯

第一次光顧這間店，也是相信 last 一次幫襯...首先一入店，個店員冇表情，仲要黑口黑臉，全冇eye contact 拋下一句：「比個半鐘你地」??嘩！咁巴閉，又唔係食 buffet，我地有 book 枱 ga!咁我已經開始對呢間嘢印像唔好， well,希望D food quality 搭夠喇！ but.....壽司件件成八吋長，不過D魚生片得好薄，同埋冇魚味，個壽司飯唔駛講一夾就散果DBB拳頭咁大的帶了冇味雞泡魚乾燒得好味炸蠔手卷同炸軟殼蟹手卷油淋淋，太油了！餃子好味，但係果所謂豬骨湯底烏冬就差到.....湯底白到咁但兼冇豬骨味，好驚！烏冬係超市 $3 包貨色醬燒三文魚骨腩 ok火山卷壽司係唯一我覺得好味的--成個大人拳頭咁大，我地要share來吃土佐豆腐--->太油，同太鹹，唔知點解枱枱都叫？我地一路吃一路點菜，上菜速度超快，但想說是我地仲有菜未上，問都唔問已經想收起我地D碗碟，最嬲是我們只用了1小時進餐，都未夠個半鐘已經揸住我地張單走來問你：「係咪冇嘢加？」，跟住顯出不太耐煩的樣子，擺明叫你走喇..我地食以上果D咁嘅嘢埋單成 $600幾喎! 咁貴憑心而論呢間嘢一D都唔

朋友生日來食飯, 第一次來, 壽司的確好長好大件, 果個加州卷好大舊, 成個權頭咁大, 但如果一個人食一碟已飽, 唔駛試其他! 生豪也好大隻! 價錢唔算低, 一般有質數的日本餐都係貴!服務和環境還可以, 係覺得坐得有d 迫!

無錯！又係團購~近期太迷團購la因為老公鍾意食蠔，而且仲係巨型蠔，响半信半疑既情況底下，就買咗…因團購時係話要用e-mail book 檯，所以一開始預訂時，就揀咗星期六去。入到去冇乜燈光，比較暗，D 位有D 迫既感覺…而個員工好快就拎咗張紙俾我地睇下個餐食會有d 咩食，講解咗一陣，就俾我地選需唔需要upgrade (upgrade 都係加$59，加一隻牡丹蝦同帶子)，選埋飲d 咩汽水就可以落order。同老公諗咗一陣之後，都係決定唔upgrade。D 員工都幾有禮貌，就算冇加錢upgrade都冇面黑。等咗10分鐘左右，就有野食lu~個餐有：珍寶蠔一隻刺身 - 有玉子、蟹棒、翡翠螺、甜蝦、三文魚，都幾新鮮壽司 - 鵝肝、火焰三文魚、海膽、黑魚籽、火山卷件件都好大件！見到隔離檯食芒果蟹籽沙律，又係珍寶SIZE，本來好想食，但太飽...唯有下次先~食飽飽只係俾加一，仲有兩張$100既COUPON。

這是經團購買的餐，$99，生蠔大隻新鮮，但其他剌身卻不太新鮮，估計是因為本人12noon去到，食的都是昨晚剩下的貨尾，有點失望！由於是團購優惠，所以必須先致電訂枱，但訂枱時，店員先至講由於我們有2人前去，但只購入一份團購餐，故另一位要最低消費$100。嘩，在團購細款上好似無咁講喎，唯有硬食！但去到先至話一定要叫正價食品，所以明明有午餐時段，但都唔俾人叫。我最多叫午餐都叫夠$100囉，但都唔准，真係超小家！唯有在好唔情願的情況下點了...冷麵，裡面只肉絛味道與冷麵汁不太配合，d麵有點硬！燒牛舌，好食！劍魚長壽司，ok啦，唔算極鮮甜！埋單，因團購價的剌身餐為$99，再加埋最低消費$100，食午餐嚟講，唔值！以前光顧此店數次，次次都好滿意地離開，唯獨今次以團購形式購買了優惠，但卻換多較多限制，經歷不太愉快。加上店員服務真的不太誠懇，見隔離枱個女學生埋單後向店員查詢為何找贖少了$1，個店員了解後將$1擲在枱上給回對方，真係眼都突，好無禮貌。以前，偶爾會心郁郁想到依間店舖食嘢，但經此一役，以後都唔會光顧！

食左個秋刀魚,一碟甜蝦,一碟炸天婦羅秋刀魚煎得很好味,肉質碎碎的,又很香,食落很正而且兩條很夠餸飯,點埋鼓油和檸檬真係一流,甜蝦就好一般,細細隻...味道啖啖地,帶有少少的甜味肉質都幾嫩滑...但實在太細隻,覺得很難食出味道來炸天婦羅外層鬆脆,很有咬口,點了些醬油非常好味但是上菜時已經凍晒,失了一點特色

鰻魚飯表面很有光澤,肥美,又沒半點燒焦的部份,賣相很好食落很軟軟淋淋的,質感幾好,蛋又整的很好,鰻魚汁雖有點少但略帶甜味的醬汁,伴著飯一起吃,很好味因為鰻魚份量比較少,所以多叫了一件鰻魚壽司XD火山卷好抵食,但太大件,因此有點鬆散,蟹子和沙律醬都好多三文魚壽司條紋很靚,有鮮甜的味道,大大件很厚身甜蛋好甜...不適合我的口味,蟹柳一般的味道

跟同事慶祝生日訂左枱第一次來試試火山卷壽司一放上枱好大個,面頭有個蟹子小山丘,入面就包滿蟹柳,蟹子,青瓜絲,蛋等材料.生日既同事真係未食見到都已經開心,食晒都飽左三分一.牛油魚壽司個面既質感有少少一粒粒咁,但食落就好滑,魚味唔係咁出,都新鮮不錯既.八寸長三文魚壽司見到三文魚咁長已經好開心,只係覺得薄左少少.不過都幾新鮮,把成條三文魚卷返住整件壽司來食,好味! 鰻魚炒飯我覺得炒得唔夠熱同香,材料都算足,味道賣相都尚可既.天婦羅手打烏冬天婦羅有蝦,茄子,蕃薯等. 烏冬方面就可以自選湯底,可惜選錯甜豉油,甜到好似糖水咁變左好”漏”,不過手打烏冬本身質感唔錯好彈牙.只係差在配錯湯底.燒三文魚頭連魚鮫個魚頭都幾大個,外層燒得好香入面又有好多肉,食落口唔會太油肉質仍然好滑又唔會太咸味道剛好.真係煮得好出色,食完都仲好回味.超正!!服務方面:佢每張枱都有個水壺放係枱面自己攪掂,所以都唔算有乜特別服務.但整晚就不停問我地要唔要試佢個日本運到既秋刀魚剌生,但秋刀魚生食,唔係好敢試喎.價錢方面:某幾張大路既信用卡有九折優惠都算合理.整體感受:限時一個半鐘,不過佢上菜都好快,連平時係出面食要慢燒既三文魚頭都

是晚同屋企人出去食飯, 咁O岩又想食壽司, 揀O左佐敦間金田長壽司, 冇訂位, 7:30pm 左右到, reception 姐姐俾即刻有得入座, 但佢要1.5 hr 後交枱, 絕對冇問題~~~O黎得呢度梗係叫D長壽司啦~帶子壽司真係超大件, 一定要分2口先得~食完十分滿足!!長壽司果然十分長, 但不太吸引, 食過就算..........再加上拳頭咁大O既加州卷~~~其實呢個係XXXXL O既加洲卷, 用料正常, 旨在食個樣, 見到咁大件都覺得開心外加4'' 三文魚壽司x 2, 2個吞拿魚手卷 , 1個牛肉鍋, 因為屋企人都係 prefer 有熱野食, 所以都要叫返正常野中和O下~~野食都幾好, 環境不錯, 仲成日加荼 tim~~3個人食到飽飽, 都係食O左個令鐘頭多D, 就可以夜返張枱俾姐姐啦~~又滿足到想食壽司O既欲望~~~正~~!!

和數位朋友去慶祝生日,決定去食日本壽司.這裡的環境還不錯,找了一個角位坐下後就叫東西食啦!先來了一碟豆腐,汁是這碟豆腐的靈魂!!食落一點也不油膩的0.0帶出爽口的感覺^_^而日式牛肉鍋湯底又濃又香,牛肉頗多,但味道普普通通無乜牛味,燉蛋都幾滑.還叫了個刺身船$258我覺得幾抵食,件件都很大件又美味,而且顏色襯托得很好啦,而冷麵很爽口= =b壽司盛就不多說了,除了三文魚外,其他的味道都很好.整體水準很好味,特別推介刺身船^_^抵食又好味!!

約o左女友人RL同VL兩位8月o既壽星女o係尋晚(12-8-2011 Fri)o黎呢o度食佢o地o既生日飯.由於我太遲至打o黎book位,接聽個女仔話最快要8:45pm至有枱.噢!但佢又叫我7點幾o黎到,人齊都畀枱我,但要o係個半鐘還枱.我問又話冇晒枱o既?佢話有walk in枱嘛,不過我book o左位就易話為啲囉.呵呵,佢真係好人呢.我o地最後o係7:40pm o黎到,我就話應該o係女經理知,佢愕一愕然同猶豫一陣,但都幫我安排,亦講同一句說話,話入座後個半鐘要還枱.啊,我o地冇問題.我o地坐低後,都睇o左好耐menu先至揀到:1.$42.00o既雜錦海鮮刺身沙律,要和風汁o黎到,睇睇,有三文魚,吞拿魚同唔知咩魚o既刺身,有蟹籽,豆腐粒,車厘茄同菜.RL將和風汁倒晒入去,呢個樣樣o野都新鮮,但豆腐粒唔係咁夠滑.8. $34.00燒雞泡魚乾自從荃灣江戶前冇得食後,都搵唔到呢樣o野.o係o度見返佢就叫啦.o黎到,要即刻食喇,唔係凍o左就硬晒o架喇.呢個都鹹鹹o地,而且真係開始有啲硬喇.而睇佢咁深色,唔知係咪燒耐o左呢?4. $64.00三件o既火山卷o黎到時,RL同VL都嘩一聲,咁大件.

因為可以用團購價錢 $99 便可以換來一個原價 $208 的「金田長至『蠔』火山刺身盛」，似乎十分吸引，所以在購買後，便在日前找了一天到來這間「金田長」吃晚飯。這間日式料理店的位置是比較吊腳的，話雖說是位於柯士甸道，其實需要從柯士甸道轉上一道十數級的樓梯才能找到這料理店的正門入口。正因為這緣故，所以在樓梯的前段便已有大大塊的射燈招牌告訴食客如何找到它。這日式料理店的地方都頗闊落，但燈光甚為昏暗，自己並不是太喜歡，而店內的其中一位中年女侍應的服務態度也比較差，回答我們的問題是態度帶點晦氣，也使自己感到不甚滿意。不過相對起服務和環境，始終還是食物的質素更為重要，所以只要這一頓晚餐的食物是有高水準的話，我還是不會吝嗇一張笑臉的。雖然自己早已從其他食家的食評中得知「金田長至『蠔』火山刺身盛」份量不小，不過為免吃不飽的緣故，我們除了用團購券換取了一份「金田長至『蠔』火山刺身盛」外，還另叫了一客「炸忌廉薯餅」和一份「鹽燒三文魚骨腩」。在整份「金田長至『蠔』火山刺身盛」中，個人覺得最「正」的是那超級大隻的「美國珍寶石蠔」。這生蠔除了確是十分巨型肥美之外，味道亦佳，肉質爽脆鮮甜，當中又夾雜著濃濃的海水