金船長餐廳 (已結業)

朋友自從做左媽媽之後，就勁難約到時間食飯，難得今日大家突然間有時間，梗係要食個飯吹下水啦貴為媽媽級食過飯都勁多顧慮，又唔敢離屋企咁遠，於是就就一就佢喺大角咀食，佢話佢屋企果邊有間西餐廳都幾出名，好好食，問我有冇興趣試吓，都傻傻地嘅，憑係好嘢食我都有興趣試㗎啦，一於跟佢去一探究竟餐廳唔算難搵，我唔太熟路都行得到，一入去已經好快咁安排左張四人枱比我地，坐得都幾舒服。法式鵝肝多士配蘋果沙律呢個鵝肝真係超誇張，激大塊，有成三安士，一咬落去口感綿密，濃郁香醇，配埋蘋果沙律慢慢食，勁滋味法式焗田螺田螺牛油味香蒜味超級香濃,配埋佢隔離脆卜卜嘅法包一齊食，減淡左油膩感之餘亦都帶出左田螺嘅香蒜鮮甜味。燒紐西蘭羊架羊肉唔太蘇，肉質亦都鮮嫩多汁，朋友唔太鍾意食羊，但係呢個羊唔點醬佢都食到黑松露芝士焗pizza侍應話佢哋呢個Pizza係攞醬，既然一場黎到點可以唔試吓，呢個Pizza外層鬆脆，一咬開內裏嘅黑松露味湧出嚟咁滯，而且裏面嘅芝士味同黑松露味勁match,真係超好味呀原味焗疏乎里估唔到呢度嘅疏乎里咁出色，唔會太甜，上枱時熱辣辣，即叫即整，蛋香味濃，好食飲埋個士多啤梨沙冰慢慢傾，成件事勁圓滿

好多人以為只有銅鑼灣，尖沙嘴和旺角等既地區先至搵到美食，但係其實好多地方禾稈冚珍珠架。今次我就去到大角咀去食意式fusion菜(金船長餐廳)，係奧運站出行5分鐘就到。入到去餐廳裏面，裝修設計會令客人好似置身一隻海盜船咁。睇完menu就叫左，黑松露菌醬意式馬斯卡普芝士夾心比薩 (16寸 HKD 108)，黑松露牛肝菌雲吞 (HKD 85)，燒紐西蘭羊架 (8 安士 HKD 188)，金船長梳乎里 (HKD 58)和心太軟朱古力布甸 (HKD 58)。飲品就叫左黑牛 (HKD 30)同埋宇治抹茶紅豆奶昔 (HKD 32)。黑松露芝士夾心比薩係金船長既signature dish，而且仲係得獎作品添，所以係非試不可架。 賣相非常靚，有6塊比薩，有沙律菜伴碟，最重要既係佢自家製既提子果醋。 上碟既時候聞到好香既芝士味，跟住輕輕打開個夾心比薩，你就會見到多如繁星既黑松露，非常足料。店員話有3種食法，第一種就係咩都唔駛加就咁食，可以感受到黑松露同芝士既清香，同埋夾心比薩個種外脆內軟既口感; 第二種食法就係加提子個醋一齊食; 第三種就係將沙律菜加埋提子果醋連同比薩一齊食。我個人覺得呢3種食法各有特色

Openrice訂位，唔洗等，夜晚8點半只得幾枱客人。兩口子Order左三樣野！黑松露芝士夾心Pizza幾香，夠熱，但唔夠芝士味，同提子醋汁幾夾，個人認為pizza偏乾，點汁會好食啲！自選Pasta全部材料可以自由配搭我地就揀左”龍蝦汁+螺絲粉+兩種芝士+帆立貝+煙三文魚”。上枱夠熱，夠大碟，但加$14只得1粒帆立貝，再加錢要煙三文魚又只得碎濕濕嘅三文魚，龍蝦汁淡味，配搭螺絲粉好乾，有點失望！慢煮烤豬手配蜜糖燒汁極度推介！豬手非常大隻！熱辣辣仲噴緊煙！ 慢煮嘅豬手肉好嫩滑，唔油膩！可以配飯/意粉/薯蓉，我地揀左薯蓉，好match！經Openrice訂座會送一客甜品，我地揀左朱古力心太軟，不過不失！

春節假期後，搭地鐵去奧運站嘅HSBC接朋友放工兼拜年，佢帶左我去後邊大角咀呢間金船長餐廳，小小餐廳裝飾如船上的浪漫，可惜我對面嗰位。。。一坐底我朋友極力推介黑松露菌醬意式馬斯普芝士夾心比薩，佢仲話因為呢個pizza至帶我嚟，有冇咁跨？pizza 一到就聞到好香，但個樣唔似pizza，似夾包，anyway，真係好味，外邊脆內軟熟，熱住食，全個口腔都係黑松露嘅香味，加佢哋自製嘅提子果醋，或夾沙律菜一同食都好食，但我個人喜好～～淨食😋我哋仲叫左香煎挪威三文魚比目魚伴白酒忌廉汁，我大膽問侍應哥哥薯菜可否改薯條，佢好好人咁應承左😍一上枱賣相好靚，兩款魚煎得好脆👍🏼有自選車仔意粉玩，但我哋懶到出汁，用手指👉🏼指左車仔精選2⃣️，因為我鐘意食墨汁意粉。個意粉好食，但以前兩道菜我俾分較高，相對呢度意粉比左下去啫。甜品點可少得呢，我哋要左心太軟朱古力布甸及一杯加洲牛油果沙冰，齊齊開心share。

坐低叫左羊架做晚餐，侍應介紹左個黑松露芝士夾心餅，話幾好味，咁就要左一個，食落口啲味道都幾夾，唔會話好多黑松露攪到好咸咁，最緊要係夠脆夠熱，跟著加啲提子醋，味道又唔同左，變左甜甜地咁，幾得意，個主菜羊架有三塊，我要求medium，上枱時真的medium嚟，外皮煮到脆皮咁，而𥚃層啲肉仲係好嫩口，因為侍應有專業介紹同埋大廚真心按客人要求上菜，甜品我大膽叫左梳乎厘，點解大膽，因為通常都整得唔好食，記憶中上次好食嘅梳乎厘係n年前係尖咀Sheraton 頂樓餐廳，想講今晚呢間餐廳個梳乎厘令我好滿足。

一入餐廳已經聞到香濃芝士味，原來係餐廳既名物黑松露pizza，仲要拎過獎上下都夾住pizza皮，餅皮外脆內軟，帶點穌香，送上檯既時候仲熱辣辣，心急食就會辣親😂有三種食法: 1） 原塊食，保留左芝士既奶香，黑松露既濃郁2） 配上自家製提子醋，中和黑松露同芝士，減低膩度3） 將有機蔬菜夾係pizza中間，令到pizza多左清新味道真係食過先知有幾吸引!! 真係好香好好味!!! 拎過獎係唔同d!! 職員都好好，會過黎教我地幾種食法，又會經常幫我地加水其他菜色我就覺得普通，最驚喜真係黑松露pizza

到了年尾的時間，又係相約同事朋友們聚一聚的時間啦！今次我們一起食好西，到了大角咀搵食去！由於我們大家都是黑松露的super fan，我們做完資料搜集後就選了金船長餐廳啦！招牌大大的，很容易就搵到啦！當然一座低就要睇下食咩啦！黑松露菌醬意式馬斯卡普芝士夾心pizza~我們就是衝著這款pizza來的，當然冇令我們失望啦！pizza內夾滿滿的黑松露醬，香氣撲鼻！面層用芝士的外皮封著，增加味覺享受！而且它有三種食法，我最愛就沾上提子味醬汁，甜甜地更開胃呢！香煎法國鵝肝（3安士）蘋果沙律～另一邪惡的選擇，厚厚的鵝肝煎得呈金黃色，入口即溶，相當肥美！甜甜的蘋果沙律剛能中和油膩感！十分合襯呢！三文魚比目魚伴白酒忌廉汁～賣相十分有氣勢，當然同樣有實質啦！同樣外面煎得香口，內裡魚肉嫩滑！忌廉波菜～菠菜上索滿了忌廉酒，十分rich 而且令菠菜更加滑嫩呢！食完主菜當然要食甜品先美滿啦，選擇繁多，花多眼亂！金船長梳乎厘（原味）～只看見脹鼓鼓的形象，已幸運萬分啦！梳乎厘打得十分輕身，入口細膩，甜度適中。今次我們真的是沒有選擇錯呢，主菜及甜點同樣出色，過了滿足的一晚！

你知大角咀好多食肆小店，有時真係唔知邊間好。朋友食過金船長話唔錯，所以今日同朋友去開呢頭就入去食個晚餐喇。室內環境整整齊齊，初初早去都仲有位，之後無耐已經 full哂。雖然舖頭細細，但餐牌好多種類-沙律,小食，主菜（🐮🐷🐐🐔）,意粉，意大利飯，甜品都仲要唔少！其實我本身好鐘意食意粉，所以見到個餐牌有自選車仔麵即刻心心眼😍黑松露菌醬意式pizza $168見咁多人都點，我哋又點黎試下，加上佢同平時嘅pizza有啲唔同，都幾有新鮮感。新鮮焗制，熱辣辣。 個皮脆脆地，黑松露係滿滿咁樣充滿係成件餅中間，所以非常之香。豬鞍扒 $188呢個真係有驚喜，估唔到小店有咁既水準。一切落去已經感受到佢既彈性，絕對唔係瘦瘦鞋鞋個種。好 juicy，肥瘦適中，讚👍我期待既自選意粉。蕃茄蟹肉帆立貝白菌意粉 $68+$8+$14+$14=$104所有料都係自己揀嘅，所以我很滿意。 其實同出面一個意粉價錢差唔多，甚至更平，但係可以自己揀，就更加容易讓自己口味啦！最後仲叫咗個甜品㖭原味梳乎厘$58我成日覺得梳乎你係應該要出街食。 因為要焗得起唔係咁容易，同埋一定要即刻整即刻食。 呢個梳乎厘仲要好大份， 感覺好抵食，個

矛盾嘅係因為工作關係多數都要係呢邊放工，但大角咀又係幾多野食。網上話呢間好食，我都懶得搵。呢間出名黑松露馬卡斯普芝士夾心餅，見寫住得獎作品，出邊又無見過，叫一客6吋。味道挺特別，沒我想像中濃。配一口鮮菜，好似清一清黑松露嘅香味，平衡一點。配果醋，稍為提升清香，有另一種味道。鵝肝炒飯，飯炒得粒粒分明，鵝肝肥美度足，亦可口^o^。焗金獅魚柳，我第一次吃，質地有點似烏頭，唔係滑身，上面嘅toppings好味啲。軟殻蟹唔油，好脆口，不錯嘅選擇。梳乎厘，過下口癮，好好味，夠哂開心。（多數失落在其淋掉後ε-(´∀｀; )）最後來杯牛油果沙冰去除口腔多種味道，為之一振。

今日第一次黎大角咁覓食 朋友就推薦左呢間得獎餐廳 果然超好味 水準一流黎到當然要下得獎作品 就係呢個黑松露夾心芝士pizza 望落已經好surprise 真係好足料 好多黑松露店員仲會教我地點食 有三種食法可以直接食、配提子果醋食、又或者同時配上沙律菜同提子果醋個人最鐘意真接食 啖啖都係黑松露 又有香濃芝士味 加上皮薄 外脆內軟既口感 好正推薦大家黎到一定要食咁多人一齊食 當然都點下小食評盤啦芝士豆腐好正好好味 趁熱食仲有小小流心既效果另外青口同雞翼都唔錯 前者幾新鮮 後者就肉質鮮美 又好入味身為黑松露fans 當然都必點黑松露忌廉意大利飯 一送上枱已經即刻聞到香濃黑松露味 食落更滿意 唔單止個飯好creamy 又勁黑松露味 而且份量都好大 啱曬大家share另外自選車仔意粉都好有特色 可以自由配搭鐘意既西式食材 真係第一次見仲要好多食材都好吸引 忍唔住點左好多我地就揀左墨汁麵+忌廉香草汁+Mozzarella cheese+Parmesan cheese+煙鴨胸+煙三文魚+溫泉蛋超吸引 一上枱就見到煙三文魚整左做一朵花既形狀 好有心思 食落都好正 有香濃芝士味 又好creamy 味道

同事係到住左好多年，成日食，應該係呢區好出名，今日佢帶我黎食，真係好好味！嘿嘿呢個必食的，台台都有人食緊得獎黑松露pizza，外皮烤到十分香脆，內軟既黑松露味好香，面上有芝士粉，味道好有層次！有３種食法，加新鮮提子汁或雜菜。嘿嘿蒜香欖油香辣青口，隻隻都好飽滿好大隻肉質好爽口，調味得好香，小小香辣味，唔錯！嘿嘿燒大蝦帆立貝配天使麵。牛油大蝦煎得好香，肉質爽彈，天使麵軟硬剛好，而且撈滿龍蝦汁好好食！嘿嘿

同阿珍一齊來金船長吃一頓豐富晚餐，她生日，想品嚐這店的得獎菜-黑松露pizza，那晚我們享受了一頓船長的心意之作。先談黑松露pizza，表面灑滿芝士粉，吃落鬆脆，不是太厚，內層有很多黑松露醬，好清香，我們都愛蘸上提子醋，沒有那麼膩，我也愛伴著有機豆芽苗同吃，口感更清新，得獎菜果然令人喜出望外。法式田螺配多士，田螺局得很香，食落彈牙鮮甜，表面有芝士和香草，吃落更有層次。多士香脆，配以田螺和醬汁一齊食，極美味。煎西冷夠份量，7成熟都好脍，肉汁多，牛味重。還選了炸軟殼蟹南瓜意大利飯，軟殼炸得香脆，伴以粒粒分明煙韌的意大利鈑，味道很夾，飯食落有Creamy 南瓜醬汁，太美味了!我們品嚐了梳乎梨作結，自家做的，吃落好鬆軟，極以吃蛋糕，不會太甜，有牛油香，不錯。船長fusion菜，後會有期啊!

自從上次過開嚟大角咀搵好嘢食，再約朋友過黎啦，今次係西餐。（勁唔好意思，遲大到）7點幾8點都幾乎滿座，店細細，坐都幾舒服嘅，可以傾到計。酒嘅價錢唔算貴，可惜今次馬馬地，都係下次先。佢有set dinner可以揀，不過同朋友最後都係單點，set dinner麻麻地想食。餐牌上都多選擇，飲品個頁都令人期待，有白牛黑牛呢啲特色飲品。我係超愛黑松露嘅，呢款真係要點，有哂我最愛嘅黑松露同埋芝士。初初好難想像兩種濃味嘢點放埋一齊，原來係夾到。原味就咁咬，先係黑松露陣味跑出黎，後嚟芝士味都出黎，各有千秋。再點佢自家製提子果醋，平衡番個種濃味嘅刺激，好fresh嘅感覺。黑松露炸薯條，不用多說，正，厚薯，啱哂送酒！呑拿魚田園沙律，開一開個胃，淡淡嘅呑拿魚加新鮮嘅菜，可以有清一清嘅作用。介紹番係佢嘅自選意大利粉，好似車仔麵咁點，有唔同嘅麵底，我揀左忌廉汁兩種芝士加雞絲。忌廉汁係出奇地滑，唔結，汁夠，芝士味道好味。呢種食法好有趣，當然佢都有配好嘅，等你唔駛煩。飲品叫咗抹茶紅豆，味道夠，而且料多，食左咁多芝士黑松露，飲一啖可以再嚟過。朱古力，夠濃，好少何有餐廳可以重啲。

聽住係附近嘅朋友介紹 所以特登入黎大角嘴呢邊食金船長😆 朋友話呢度嘅黑松露pizza係必食嘅！所以我地一坐底就叫左🤤 黑松露pizza🤩🤩🤩一上台已經聞到好香嘅松露味 係咁飄上黎 而表面就被一層鬆化嘅芝士粉包住！ 而且pizza 仲係熱騰騰 個pizza 皮好香脆 而裏面就係軟綿綿嘅黑松露餡 係真正嘅外脆內軟😭👍而侍應都好細心咁介紹左3 種食法 1. 咩都唔點就咁食2. 點提子醋汁3. 提子醋汁加旁邊嘅有機蔬菜 個人最鍾意咩都唔點就咁食 因為就咁食食到cheese mix 松露嘅原味 味蕾唔會被其他影響😛 但朋友就覺得點提子醋汁都唔錯 酸酸甜甜都幾夾😚 一打開個下嚇親（加上有d密集恐懼）好足料 係滿佈嘅黑松露 唔怪得之一上檯就咁香啦😻小食拼盤 😆有焗青口 焗蜜糖雞翼 炸魷魚圈 炸芝士豆腐 全部都好好食 尤其係青口 焗得好香牛油同有少少香草味 剛剛好🤤 吞拿魚沙拉😻😻 估唔到係咁樣嘅吞拿魚 外面個層熟但入面個層睇落仲生 估唔到食落又幾特別幾新鮮嘅感覺😛 老虎蝦龍蝦汁意大利飯 😚 老虎蝦幾鮮甜 而呢度嘅意大利飯比較硬身 同我平時食開嘅唔同 朋友幾鍾意 而且每一粒都沾滿汁 份量都幾多同飽肚

下晝同朋友去咗附近屋苑會所打完波, 那就這間西餐廳 食晚飯, 其實這間餐廳, 都好似係呢度開咗好耐了 。今次第一次嚟食……😅其實在大角咀食嘢有好多不同的選擇 ，始終習慣食西式野 ，貪佢夠靜，因太嘈吵嘅地方，對我來說始終不太習慣。睇完menu 始終喜歡食risotto， 所以點了個香煎鱸魚配意大利飯 ，再加多個餐前嘅番茄海鮮湯， 當然唔少得叫埋我嘅至愛甜品心太軟啦！😍個蕃茄海鮮湯味道較清，海鮮沒有腥味。至於主菜 海鱸魚煎得恰到好處配埋意大利飯嘅creamy口感一粒粒軟硬適中的飯底…… 如果可以配合更多芝士 咁就更perfect啦。最後 我的主角出場啦 朱古力心太軟 唔知有意定無意 師傅放朱古力粉時候，竟然有叉形狀喺我隻碟上高。 賣相我覺得一流，而用出落去流出來的心太軟朱古力漿簡直令我流晒口水😋