影片
更多
2024-08-16
613 浏览
𓇟日本雞髀肉$88 （8/10）抵食之選，一份有成8本，建議可以放去爐邊慢慢燒，咁樣燒出黎會有風乾口感但又唔會過熟變柴。𓇟和牛舌芯 $138 （9/10）個人最鐘意呢款燒肉，咬落煙韌&香口，加分位係配有青檸而唔係檸檬塊，可以解膩但又唔會過酸。𓇟石鍋牛肉拌飯 $128 （8/10）感覺有啲似韓式石鍋飯，不過無泡菜但有牛磅，上菜時個鍋熱辣辣，鐘意食飯焦嘅可以用啲飯貼鍋邊，等一陣就食到。𓇟魷魚 $68（9/10）魷魚比想像中大份&完全無冰感，燒完食口感好彈牙。最重要係價錢，性格比好高，就黎同碟和牛一樣大😯𓇟炎藏和牛六點盛 $588（9/10）無可挑剔，紋絡非常靚。入口即溶，和牛黎講唔算太肥，同埋厚度適中，食落無一種成口油嘅感覺。𓇟牛乳蛋糕🍧 $38（7.5/10）口感偏甜，食完和牛個人感覺可能試另一款柚子雪糕會好啲。𓇟環境 （8/10）地方好大，枱與枱之間唔密，坐得好舒服。注意到燒肉爐嘅抽氣系統好勁，燒肉時產生嘅白煙吸走得好快，同時冷氣都好足，所以成餐飯都無好熱/好油果種感覺。唯一缺點可能得景觀欠奉。𓇟服務 （9/10）19:30到達唔洗排隊，即時入座。可能我地比較毒毒，好怕同店員傾太耐，所
𓇟日本雞髀肉$88 （8/10）抵食之選，一份有成8本，建議可以放去爐邊慢慢燒，咁樣燒出黎會有風乾口感但又唔會過熟變柴。
𓇟和牛舌芯 $138 （9/10）
個人最鐘意呢款燒肉，咬落煙韌&香口，加分位係配有青檸而唔係檸檬塊，可以解膩但又唔會過酸。
𓇟石鍋牛肉拌飯 $128 （8/10）
感覺有啲似韓式石鍋飯，不過無泡菜但有牛磅，上菜時個鍋熱辣辣，鐘意食飯焦嘅可以用啲飯貼鍋邊，等一陣就食到。
𓇟魷魚 $68（9/10）
魷魚比想像中大份&完全無冰感，燒完食口感好彈牙。最重要係價錢，性格比好高，就黎同碟和牛一樣大😯
𓇟炎藏和牛六點盛 $588（9/10）
無可挑剔，紋絡非常靚。入口即溶，和牛黎講唔算太肥，同埋厚度適中，食落無一種成口油嘅感覺。
𓇟牛乳蛋糕🍧 $38（7.5/10）
口感偏甜，食完和牛個人感覺可能試另一款柚子雪糕會好啲。
𓇟環境 （8/10）
地方好大，枱與枱之間唔密，坐得好舒服。注意到燒肉爐嘅抽氣系統好勁，燒肉時產生嘅白煙吸走得好快，同時冷氣都好足，所以成餐飯都無好熱/好油果種感覺。唯一缺點可能得景觀欠奉。
𓇟服務 （9/10）
19:30到達唔洗排隊，即時入座。可能我地比較毒毒，好怕同店員傾太耐，所以少傾計。 但係食到中途，旁邊有枱E人客人單人入座，客人落單時店員好熱心同佢解釋唔同肉款式之間分別，中途仲有幫手燒肉。
张贴
