銓滿記餐廳小廚 (已結業)

見雜誌介紹，openrice又可以早book位既，就趁這寒冷冬天食煲仔飯。叫了帶子煲仔飯和 臘腸肉餅飯。帶子有4粒，好大隻加埋粉絲超正。肉餅都多，有味道，只是臘腸太硬很難咬。飯量很多，飯焦都多，但是飯太硬身，當凍左後便很難咀嚼很難消化。總括黎講，$72包湯和菜算抵食。

好耐都無食過有飯香，飯焦又剛剛好，臘腸又香又juice ，唯獨係啲鱔我食中係尾部，唔夠肥美，其餘所有嘢都一流！更何況咁多客人都保持食物同服務質素，老闆娘又親切，真係好窩心👍🏿

尋日煲仔飯癮發作，四周搵餐廳，及找朋友查詢。IG，網上及朋友都得出同一答案，九龍區想坐得好就去「銓滿記餐廳小廚」，其實呢間餐廳我經過N咁多次，次次都話下次先，未係時候，點知尋晚就去了。我哋3個人，每人叫了一煲煲仔飯，有人喜歡要加臘腸，因為煲仔飯畀你嘅感覺一定要有臘腸或者臘味先會夠香， 仲要有飯焦及秘製豉油。第一煲「 臘腸肉餅煲仔飯」， 臘腸都夠味，如果切片會比較容易食，肉餅都ok la。第二煲「 金銀蒜粉絲開邊蝦煲仔飯」，金銀蒜即係有生蒜及炸蒜，蒜味夠亦香口。粉絲份量好多，不過很濕令飯嘅水份多了，難造成飯焦，開邊蝦都ok，整體上中規中矩，只是差一點惹味，而且飯超多，我一個人根本食唔晒。第三煲「 陳皮鴛鴦鮑魚煲仔飯」，呢個煲仔飯比較淡味，朋友加了超多豉油都覺淡，鮑魚新鮮，味也ok，都一樣粉絲多而濕，有輕微飯焦。套餐送靚菜及老火湯，我想講老火湯真係好好味，好有火喉，沒味精及湯好清甜，我比較掛住個老火湯多一點。

天氣愈黎愈凍, 最岩食熱辣辣既煲仔飯, 就約左朋友一齊去食啦.餐廳經常迫滿要等位, 幸好人少不用等太耐就可以入座, 裝修比較殘舊而用餐空間只是剛剛足夠.點了1客窩蛋肉餅 和 豉汁白鱔, 套餐送一小碟油菜可老火湯, 湯的味道還算不錯, 在乾燥的冬季很滋潤.窩蛋牛肉感覺比較不過不失, 肉餅很嫩滑但蛋味較淡, 不過有香脆飯焦咬落chok chok聲很有滿足感.豉汁白鱔就比較出色, 時候掌握得好, 魚肉剛熟透而肉質煙韌, 味道香濃的魚肉和咸度十足的豆豉汁非常合拍, 愛吃鱔的朋友不能錯過.唯一可惜是當晚用餐體驗不好, 侍應不斷執枱想趕人走一般.

見呢幾日天氣涼d就搵煲仔飯食🤔順便去埋朗豪坊影tsumtsum-臘腸排骨飯 $72👦🏻自己揀既兩款餸😍份量都幾夠👦🏻夠食而且做到飯焦都唔錯仲有送既老火湯🍵同菜🥗個飯可能有豬油，煮起個飯有d淋有少許失色🤔-古法黃鱔煲仔飯 $76算多人叫呢個😌儘管一試一開蓋果然好香😋黃鱔入味唔會太鹹但個皮如果更加脆身就再正d😋-個老火湯係無味精問下店員仲會解釋下個功效👍🏿出街食都有種媽咪靚湯既感覺

黎到旺角又想食煲仔飯一定要黎呢到～其實都食過幾次，都仲覺得好正好想食～雖然呢間野好多遊客，但仍然保持到水準！讚！周六既晚餐時間開始多人，但好彩仲未洗等位，一坐低侍應會介紹你食套餐有海鮮啊煲仔飯啊乜乜乜。當然我地食開既唔會理佢🤣自選煲仔飯餐有老火湯有菜又有足料煲仔飯，真係好抵食老火湯真係好足料，好好飲，唔似味精湯！煲仔飯上左店員會幫你倒d豉油再蓋上焗一陣就食得！我叫左滑雞配臘腸，超多配料啊！雞又滑臘腸又岩岩好唔會太咸，飯又剛剛好，唔會太濕唔會太乾！重點係飯焦做得靚！！不過最尾個菜就油左d,似落左超多油！

「銓滿記」最出名仔煲仔湯、煲仔飯。依幾年都耐唔耐就會黎幫襯下～由好客既伙計叔叔，不停轉新人...新人都唔知自己做緊咩甘😩剩返個不停講門面功夫既老闆娘（亦有人喜觀這類）...而我係為左煲仔湯黎，每一次黎令我唔想再有下一次推介：湯好足料，冇味精，日日唔同款。當日唔記得影個煲仔飯，叫左雙拼 臘腸雞件..侍衛拎上枱加豉油再焗一陣再食，一打開，嘩！仲係甘濕既，我地要求再焗多陣睇下...最後依然係濕濕的煲仔飯。煲仔飯要求好簡單飯要乾身，但甘都做唔到...同想當年比退步太多～咕嚕肉分量適中，好味，酸甜度係岩岩好😀清湯牛腩牛腩好碎、好細件，分量小。底部全是白蘿蔔😒唔知係咪賣左廣告，多左好多大陸人，已對佢地既服務相對比較好，會幫佢地起煲仔飯蕉，介紹一輪。

雖然篇野幾長下，但希望大家睇完先決定去唔去，免得中伏食完餐飯之後既感想就係。。間野除左地理位置還好，唔難揾之外，都冇乜其他優點要我再去？不了，唔會再比機會自己貼錢買難受🤗先唔講食物質素住，連服務態度都好唔掂我地叫左個魚翅海鮮二人餐，”suppose”係包辣酒煮花螺，粉絲蒸扇貝，每人一隻鮑魚，翅，白灼生菜，同自選煲仔飯一個。但個辣酒煮“花螺”一落到枱，突然變左做辣酒煮蜆😒問佢乜唔係花螺咩? 點知佢態度仲要唔好咁答「依家係休漁期，所以冇花螺，轉左做蜆」大佬啊～你冇唔緊要 但你唔係好應該要通知聲先？啲野嚟到枱仲要我問先講？算，你比蜆我都okay。但啲蜆係有沙既，真係唔太想食😖之後個粉絲蒸扇貝上枱個陣係淨係得2粒肉+少少粉絲係面，冇乜鮮味，而且係冇殻既，令我好懷疑係咪急凍海鮮蒸翻熟🤮另外啲粉絲都係硬既☝🏻至於鮑魚就。。係凍曬架囉食到le到，樣樣野都唔係好，仲要服務差，已經成肚火。。本身個翅嚟到，見到好大塊翅係碗都冇咁嬲，但點知！又係令人失望🌚個翅成舊好似未煮開咁，但le樣都其次，連最重要既湯底都好似生粉溝水咁，完!全!冇!味! 仲要係超超超級“傑”，嚇死人晒曬啲食材最後個煲仔飯，叫左個芋頭煲仔

去旺角, 突然想食煲仔飯, 但係又唔想行到油麻地那邊排長隊, 見到呢間, 就一於去試下. 系openrice 正負 都有, 諗住小心為上咁去食. 行到門口望下餐牌時候, D STAFF系門口好熱情叫你幫襯, 於是好快入jor 去. 一開始當然有推銷你食海鮮啦~ 咁人地d 煲仔飯sellingpoint系海鮮, 我覺得人地sell 海鮮系正常bo！咁嗌jor 一個黑松露牛肉煲仔飯 同帶子！ 點完時候, 我又冇咩睇倒那個staff 黑面. 好正常咁, 佢都好快畀jor 兩碗老火湯畀我地. 帶子4粒 大大粒, 飯上面第一層系粉絲, 再帶子,再加上豆豉,通過蔥花, 一上台加豉油.等多幾分鐘.  帶子口感都好好, .除jor 大粒外, 都好鮮甜. 而且加上豉油既粉絲, 系最惹味.   其實也覺得不差！ 第二個就係黑松露蛋牛肉, 本來我諗住只系要牛肉, 但係佢冇得揀,  其實覺得黑松露加牛肉 放系煲仔飯裡面唔系好夾！ 但係又唔可以講佢好差！覺得那個黑松露真的系可有可無. 牛肉都算滑, 不過相對於那個海鮮, 遜色小小,. 總括黎講, 味道真的不算太差, 海鮮都算新鮮. 雖然價格系貴小小. 但係質量不

天氣突然凍左，去食煲仔飯！ 搵到呢間好食有服務既茶餐廳，全程幫手，問你要唔要飯焦！我要！侍應就幫你分開鋪面既食物，加鼓油，幫你分飯，再同你講15分鐘就有脆口飯焦！ 唔使自己頭痛，飯焦好薄好香好食🤗點二人套餐，有中湯，蒜蓉帶子蒸粉絲、陳皮鮑魚、每人一個碗仔翅（真係魚翅的）、自選煲仔飯（好多選擇，最後選擇蒜蓉開邊蒸蝦），食飽飽，好滿足的一餐。總結：一般裝修不起眼既茶記，但侍應既貼心服務，加上一流既煲仔飯！下次會再返黎！

失望！又貴又吾抵食！d野仲貴過酒楼！又趕住收野！講到d煲仔飯以為好好食，但其實真系好一般，太貴喇！d店員一入到去食不停sell你食海鲜，我食得海鲜都吾去佢呢度喇，我倒不如入屯門三埾。

一個字{劣}, 坐下個服務生強sales套餐, 便是$328 那個二人套, 信佢要這啦.頭菜~花螺, 用辣椒蓋嗅味: 吃兩個便不吃有, 頭一棵以為無嗅, 吃第二棵時啲臭味多, 立即吐出.煲仔飯, 肉梅有臭肉味難吃, 只吃了一些飯, 但都有臭肉味.鮑魚凍冇味.問服務生為何食物這麼劣, 佢大大聲話這是特價餐是這樣的.(態度其劣)

又一個冷鋒，是時候吃個溫暖牌煲仔飯。九龍區稍有名氣的除了油麻地的四季之外，旺角這間銓滿記都算是響噹噹的名字，同家人特意五點就到它的門前，1）唔洗等，2）餓到頂唔順，所以一早就坐低等開飯。一坐底見到唔少餐牌，見到它有個招牌銓哥豬扒包同撈麵，好似好正，但今日我的目的好明確，就是煲！仔！飯！屋企人好傳統，都是比較喜愛臘味類別，所以他選了臘肉田雞飯。我今日來之前，當然有做基本調查，知道它比較著名是海鮮類煲仔飯，結果我選了最愛的豉汁大鱔煲仔飯。先來我的，鱔都幾肥，豉油另上可以控制味道，撈一撈都好易整到飯焦，先食一塊鱔，唔錯，有魚油香，幾鮮味。但食一口飯，就出！事！飯好削，好似食米糠咁，一點也不煙韌，仲要一點味道也沒有，魚油沒滲入飯中，飯又沒有炭烤香味，簡單說，碎米一大煲。再到家人的飯，臘肉好少雖然味道唔錯，蒸得夠透，田雞反而有點老，可能怕蒸唔熟，但是飯仍然是一樣差勁👎。有一樣野幾勞氣，其實隨餐是跟時菜及例湯，一來俾左一碟，問佢另一碟幾時到，佢話呢碟係二人份量真心傻的嗎⋯⋯雖然可能見我地氣色唔對，都即刻俾另一碟我們，但今時今日咁既服務態度，真心唔太得，咁樣服務同質素，四季好過你一百倍。

It was a Monday at 19:30 and I was able to be seated immediately. The waiter, was very friendly and helped guide me through the menu, even without me asking.I went with their most popular claypot rice dish the eel in black bean sauce. With the meal you get soup and vegetables.The soup is brought out minutes after you order. The soup itself is light, composed of pork bones, cabbage, and potatoes. The claypot came out about 5 minutes later, it was just enough time for me to finish the soup. When t

睇電視介紹去試， 一行10人叫左8個煲仔飯， 無一款好食, 飯同飯焦都唔夠香， 得過硬字， 煲內粉絲乾到無朋友， 餸少又唔新鮮， 8個飯都只係食到鼓油味🙄老火湯有味精😒一定無下次