銓滿記餐廳小廚 (已結業)

天氣大寒，對我這一個為食鬼而言，有兩件事是在這時間一定要做的，那就是打邊爐以及吃煲仔飯....邊爐，今年已在家打了兩趟。剩下來，就只有煲仔飯還未開齋....家裡的一大一小，特別是小的那位，對煲仔飯一向不太熱衷，亦因此而就不勉強拉他去吃了....至於一直不"湊米氣"的太太，也就更不用說了....實在難頂口癮。縱使今夜氣溫稍作上調，趁著有空，就獨個兒去嘆一煲....一路記掛著上環坤記的煲仔飯及菜，但一想到遙遠的路途以及那條排隊人龍，就決定放棄了。而若論到位置就腳的煲仔飯小店，"銓滿記"可算是一時之選....吃煲仔飯，我的口味算是蠻傳統的。所以這兒主打的海鮮煲仔飯，我就眼尾都不會去瞥一下....好久沒吃大鱔了。點一個大鱔煲仔，再貪心些另加條膶腸....真是想起來也高興....看到餐牌上寫著可以加豬油....嘩....如不加豈是能對得住味蕾呢 ?還未落單，阿姐已端來一小煲例湯，效率真快....相對起別處的"例水"份量通常都是得一小碗，這裡一來就是一大煲，實在是十分的慷慨....呷一口，味很甜。再喝多幾口，喉頭就有反應來了....還是少喝為妙。湯內料頭是足的，更有火腿粒吊味....費煞思量，想爆

帶著期待的心情來到。 因為之前在電視看到介紹這間的煲仔飯。 相當吸引教人食指大動。 於是帶同雙親一同前往。價錢比一般的煲仔飯貴。就算連普普通通的款式也不平宜。當日叫了一個二人餐再另加一個煲仔飯。有一個例湯和兩個翅湯，用料都相當足。接住上了辣酒煮花螺，沒有酒味，但味道還可以。而螺肉就不太新鮮。接著是鮑魚和帶子，不過不失。然後上了期待的蒸開邊蝦煲仔飯。其實味道整體是...沒什麼味道。 而那個刻意造成的飯焦更令到整煲煲仔飯玩完。因為飯焦不香又痴牙。都不想添吃。 而蝦就只有兩隻，開了邊有四條。 這個價錢...太貴了！ 但因為叫了兩煲還得再吃。 這一煲是鱔， 這次佢有個煲蓋，上枱後他說要焗一會。心想可能有意外驚喜，事實是我想多了。因為不到20秒佢已經叫我拎起， 而且煲蓋一點熱力都沒有，不知焗什麼。 飯就不用多說， 和之前那煲一樣痴牙。 但有讚的是條鱔頗好吃的。埋單467元。 可是我們都吃不飽。 🤦‍♀️所以呢電視介意真的不太可信。 帶著失望的心情回家。

今日出去旺角行街睇戲，睇戲前一於食飽先入場旺角太多美食真係唔知點選，今日想食淸d就睇吓有冇湯飯食先，周圍尋尋覓覓俾我找到呢間有得食，就入去坐低試吓原來呢間茶餐廳都好多嘢食，但我話左食湯飯就睇吓食邊款先，我最終選左皮蛋芫茜班片泡飯，坐左陣就送到枱上，睇賣相幾靚幾多料，但份量以旺角呢個價錢都可以，男仕就未必夠飽，現在試吓味先皮蛋芫茜班片泡飯，有魚湯和上湯選，我選左魚湯，白飯索左魚湯好鮮甜湯飯有好多料除左芫茜、皮蛋、班片、蘿白、還有冬菇、雞肶菇和松茸菇，蘿白好淋，菇好嫰滑，班片肉質結實，呢碗湯飯都幾好味價錢都係＄47，食飽飽可以去睇戲

前排有同事介紹呢度食海鮮煲仔飯，好似好吸引，所以同女友來開呢一頭，決定去試一試，呢間野茶記隔局，但都多人, 七點來到都有人一齊係門口等位，晚上食要搭枱食。海鮮類煲仔飯其實選擇唔多，另外仲有其他小菜同特色野如魚翅撈飯.今次目標係食海鮮煲仔飯, 所以叫左2個SET1)     豉汁帶子煲仔飯 ($85)2)     古法黃鱔煲仔飯 ($70)個SET跟個老火湯同菜個老火湯好正，相信好多食客都係想為啖湯來，個菜來左一碟，呢到ｄ菜係一碟咁上，你人多ｄ就俾多少少你。事源當我地見到我地碟菜同對面一個人個碟一齊來既時候，分量又差不多，再問個似老闆娘既人欠一份時，佢就話已經加左俾我地，咁只好食啦。兩個煲仔飯都幾好味，料既份量係呢個價錢都算多，個豉油又調味得好好，不過兩個人食兩個煲仔飯就有ｄ多，見有其他人食魚翅撈飯，好似幾好味，會再來，下次應該會叫個煲仔飯再加小菜。食完好快俾人收曬Ｄ野俾人收枱俾下位。

男友很愛這裡的燉湯和蒸魚。晚上經過旺角，很多時都愛這裡吃。是日燉湯為雞骨草，清甜降火。魚則點了盲曹，魚蒸很來恰到好處，很嫩，亦很新鮮。另點了京都豬扒，酸甜開胃，肉不柴。其實這裡的煲仔飯亦一絕，有興趣可試試。

見咁多人推介，今日黎食個煲仔飯試下咩料！叫左蝦煲同牛肉蛋煲仔飯，料比較少20%，但味道唔出色，用嗰種啞煲冇乜風味，鼓油唔掂，飯過多，但價錢約一百蚊位，根本唔會再黎。另外環境太熱，着短衫也不會覺凍。

一坐低就係咁催你叫嘢食，話佢知要睇睇先，唔夠30秒又嚟問，來來回回問你三四次，煩都煩死！到點菜喇，又話呢樣無嗰樣無，解釋話要過年啦，D嘢貴哂，好多嘢都唔做，要指定叫“新春菜式”！叫杯凍啡少甜就嚟杯熱啡，話佢知嚟錯咗，佢就問我做咩唔飲熱啡，我問返佢如果我食熱啡就唔使叫少甜啦，佢就口up up 就行開叫水吧搞，水吧問佢錯乜，佢夠膽死話唔知個客搞乜，叫啡又唔講凍定熱，我差D想起身爆粗……點咗3個菜3碗飯，味道麻麻，D飯嘅米好很差，食落去散嘅，杯啡淡而無味，一D啡味都無！絕無下次！

講明先：第一次寫食評，冇同任何人嘈交，而入座時心情原本很好，只係將睇到既野講出黎。老闆娘同伙計呀叔呀姐都會在食物上桌後明示暗示趕客走，明明未食完都會係咁收野走，大大聲話出面有幾多台幾多個客起度，伙計會不斷行埋你度問你有咩要加有咩要加，又會同你講土地問題寸金尺土咁！好大壓力！隔離枱仲有朋友未到就不斷催促佢地要加單, 仲開口問佢地朋友幾時到，聽見直頭銀耳，我由入座起到食完都係30分鐘已經俾人問左三四次食緊個飯收得未！喂大佬我仲食緊喎！收錢那老闆娘想做多幾十單生意完全不理人感受！食餐飯啫，貴都算，食物只係一般質素，煲仔飯飯超多而料太少，料只有三幾塊，鼓油撈飯配上老闆娘同伙計的嘴臉，對所有客人單單打打，太辛苦 我食唔落。我不會再去此間快餐店！

材料好足，田雞好入味又好香，啲汁都好香，配搭田雞不錯，令到田雞既鮮味更突出。此外，飯都好香，焗既時間控制得非常好，田雞既味都入唒落啲飯到，感覺不錯，食落非常入口。

早上太多野做野...LUNCH時間都過埋.. 唯有食下午茶, 黎左宜間茶餐廳~叫左一個豬扒包,同事就叫左個瑞士汁雞脾薯條~ 鬆脆既豬仔包, 滿滿既千島醬, 大大塊豬扒, 再配上生菜蕃茄  份量滿分!! 見到同事個瑞士汁雞脾 好似好好味咁.... 食完後悔叫左豬扒包雞脾好入味!!! 冇得輸..雖然講得誇張,但真係好好味下次lunch都唔食, 要過黎食雞脾

當天的午餐, 落腳於這間餐記 ~夏門炒米我喜歡此道菜的原因, 是因為味䢋酸酸甜甜, 但這店的 .... 近乎是沒有酸甜的味道 ~ 叉燒只有兩/三條, 很乾的, 火腿只有數條, 蝦仁兩粒, 亦只下了極少量的五柳來炒 ~ 味道不太夾, 炒得不均勻, 材料份量不足, 吃下去味道雖然不太差, 但也太一般 .... 廚師啊, 請多加改進 ~本篇完 ~

前排見叔叔嬸嬸去呢度食，好似好吸引，好好味，所以同大少去睇戲前，決定去食，因為大年初三關係，都唔係好多間食肆有開，其實都唔知佢有冇開，都係撞吓，好彩有開~~海鮮類煲仔飯其實選擇唔多，雖然我好想食鱔，但係大少對呢啲唔太鍾意，所以最後大少點要蒜蓉粉絲扇貝蓮藕豬骨老火湯，呢個湯唔錯，雖然明知係味精湯，但……好過無~~沙嗲牛仔骨粉絲煲 - 非常似平時食沙嗲牛肉麵味道，粉絲盡吸芡汁，牛仔骨比較肥，粉絲成為焦點青檸蜜 - 新年3日食太多煎炸食物，需要飲少少蜜糖潤一潤喉金蒜扇貝粉絲絲苗米煲仔飯 - 其實我同大少都係比較鍾意食廟街煲仔飯，可能因為我地只係食扇貝關係，所以，未食到覺得非常好味感覺，不過粉絲都吸收到扇貝味道，都唔錯，不過可能因為放上飯上面煲關係，所以粉絲好乾，一大餅，未夠沙嗲煲咁好味~

白鱔煲仔飯（$88）一直中意食尼到既煲仔飯多過廟街既，雖然比廟街貴，但唔洗排，又坐得舒服，仲有各種小菜食，重點係味道亦都十分好。 司令叫既係白鱔煲仔飯，等煲仔飯既時候會送上一壺足料老火湯，等左十五分鐘就上枱啦，叔叔會幫大家落豉油，過一陣會話比大家知食得啦。即刻撈均啲飯，每啖都充滿豉油同白鱔既香😍。白鱔有五大舊，每舊都好鮮嫩，不過有少少刺，不過煲仔飯重點都係個飯，就算你拎走曬五舊鱔司令都扒得曬啲飯😂，食完個底到仲有飯焦添啊，簡直係叔叔不行了。

煲仔飯食得多數係臘腸排骨，雞，白蟮等等。今次朋友帶我嚟試特別既海鮮煲仔今。我哋一人一個煲套餐連老火湯油菜抵食。老火湯足料冇味精仲要原盅上。正。豉汁聖子粉絲，原先擔心粉絲會過硬唔夠味等，但嚟到只係加小許豉油即可。 豉汁配粉絲一流聖子新鮮不過得兩隻，飯都乾身有飯焦。另外一個煲就金銀蒜粉絲扇貝，有3大粒新鮮扇貝同樣新鮮美味。兩者較喜愛豉汁。如不喜愛海鮮普通臘腸煲仔飯都有

this otherwise unremarkable restaurant is famous for its claypot rice, so we visit the place on a cold winter day for some comfort food.We had to wait for about 20 minutes in the cold (I've been told that the waiting time can be a lot longer), at least we could already place our order.The restaurant is serving classic versions as well as some unusual ones. We went for the classic BBQ and sausage, a shrimp with noodle and a rib with pumpkin.As we had already ordered the first pot arrived quickly