鋿晶館

营业中

休息中

真係咁啱得咁橋，打風前夕又約咗同事仔食晚飯講八卦同自high😂今次食中菜，同事仔之前黎過茶市覺得唔錯，話呢間中餐係自家製品牌，所有點心都係手作真材實料，重現場即點即做，新鮮熱辣。兩個無飯女人叫左四餸一湯🤣老爺子半肥不瘦蜜餞叉燒正當同朋友研究緊呢個菜名既時候，部長就行埋嚟自豪咁介紹呢度最出名就係呢個叉燒，咁就梗係叫來試試啦。面頭一層亮澤既蜜糖已經令到賣相相當吸引，叉燒係厚切，食落好鬆化有肉味，微微焦香，真係半肥不瘦恰到好處👍🏻 🉐香芒貴妃大蝦🍤球攞碟精美，4舊大大舊既炸蝦球，外層包裹住既香芒汁有濃厚既蛋黃醬奶香，好香口開胃。上面撒上少少花生碎，口感有驚喜，估唔到咁夾。我地吹水吹耐左先食第二舊，擺耐左味道都無好大影響👍🏻勁燒汁雜菌炒安格斯牛安格斯牛牛肉味重，幾款唔同既菌類口感同味道都唔錯，炒得香口無出水，朋友話連啲菇都有牛肉油香味👍🏻日本紫芯蕃薯浸豆苗好少見呢個做法，就貪得意試下😎紫芯蕃薯粒好甜，令到浸豆苗既湯同啲豆苗都索左陣甜味，更加鮮美。不過就咁食啲豆苗又唔會有好重蕃薯味，又幾得意😜龍蝦湯瑤柱海皇羹好期待呢個湯😍因為我勁鐘意飲龍蝦🦞湯用一個好靚既中式湯羹碗上，一打開就見面頭撒左好多瑤柱

9年冇黎，轉左手諗住試下，本身選擇海港，但見佢有片皮鴨好似好吸引，叫左個12人套餐阿拉斯加蟹+片皮鴨。碟碟重味精，上菜次序錯晒，魚同雞都未上，就已經上左炒飯，待應換完碗碟又唔補返，片皮鴨又乾，壽包又硬。呢個晚餐真難食一次過唔會再黎！見到d野食相都唔想影多張最差果個二食鴨炆苦瓜，見到都唔開胃，連骨一齊炒，好似食湯渣咁

今朝約咗舊朋友喺上環飲早茶，佢介紹咗我去鋿晶館，坐位闊落，座得舒服，估唔到我地兩個人都可以食到八碟點心😛。蝦餃皇、鮮蝦燒賣蝦餃同燒賣有得揀兩粒定細粒，所以兩個人就揀咗兩粒。蝦餃皮薄餡靚，而燒賣肉質厚實，有黑松露點綴，味道不錯。酥炸鯪魚球酥炸鯪魚球非常香口，肉質彈牙，加點蜆蚧能提升味道嘅質感。青芥鮮蝦長春卷熱騰騰嘅長春卷絕對係即叫即製，外皮香脆可口，帶有點點的芥末味，我自己就鍾意進食時加點喼汁提味。千層糕千層糕味道有驚喜，餡料有鹹蛋黃、崧子仁，與中式白麵包梅花間竹，外層有點點椰絲，我自己好鍾意😍。芋頭崧子餃呢款餃子好有特色，平時喺其他地方都從未見過。餃子內裏包有芋頭粒和崧子，感覺特別又健康。煎蘿蔔糕蘿蔔糕煎得好香口，我自己就鍾意加甜醬食。豉汁蒸鳳爪呢個係朋友揀嘅點心，事關佢好鍾意食鳳爪，呢度嘅鳳爪相當入味，完全是叫人一口接一口。

睇返其他食評先知原來呢間嘅師傅好架勢曾經喺東京富麗華做咗好多年嘢仲要係專服侍啲達官貴人同明星⭐️返到嚟香港仲要喺多間米芝蓮酒店同大型連鎖酒樓集團做主管真心幾佩服 呢個係我哋其中一個想去try try嘅原因另外仲見到話呢間餐廳係自家製品牌所有點心都係現場即叫即做仲有啲手作點心添 下次可以試吓😆一去到見到都幾大 眼見都唔係一層樓下除咗有接待處之外 仲有張梳化比人等位上到去上面都幾闊落 仲有晒水晶燈入座率一半一半 環境算唔錯👌🏿茶樹菇甘粟淮山豬𦟌豬粉腸湯 $168 🙆🏿‍♀️燉湯日日唔同款啲湯原煲上 不得不讚佢個蓋係完全隔熱湯渣已經係分開上我覺得幾貼心 而且好足料只要個名有提到嘅都有比 仲要份量都唔少👍🏿3-4人都夠飲仲要係用新鮮豬肉 每日新鮮煲啖湯好鮮甜 好入味仲要唔算好油 相信有氽水有時自己煲都覺得晒時間 又要睇火🕗喺呢到飲就一流西檸脆皮斑球 $268 🙆🏿‍♀️呢道餸係店長推介 話好多客都會叫我哋目測隔離枱都有 所以就跟機😂佢嘅西檸汁係另上侍應話咁樣可以因應個人口味去落再加上會保持斑球嘅脆口程度好欣賞佢呢個汁 啲味好到位食完好開胃 真係令人眼前一亮🤩直頭食剩都想打包走🤣🤣🤣斑球上枱嗰陣又夠熱

朋友請飲茶，當然第一時間話ok啦。佢搵到一間非常有質素酒樓，聴講師傅係日本富麗華任職多年，專為高官名人服務，回香港後曾任米芝蓮高級食肆，經驗豐富。今次有食神。點心即叫即蒸，熱辣辣。叉燒焗餐飽面層蜜糖甜甜地，叉燒餡料十足，麵包軟熟。鮮蝦菜苗餃皮薄薄的，透出內餡。菜嘅鮮甜顯著。鮮蝦腸粉蝦隻爽口又大隻，滋味。生煎蘿蔔糕富有蘿蔔嘅清甜，絲絲有口感。紅油炒手辣度有勁，惹味。鳯爪排骨飯煲仔飯夠傳統。秋冬季節最合時。

今早去上環鋿晶館飲茶，8:30點了個孖寶點心半小時未到，剛啱酒樓老總做傳菜便向其查詢，點知其敷衍了事。9:10等到第一個點心排骨飯上枱，發現個飯有少少暖又硬又乾仲近乎凉的；又等了10分鐘便追第二個點心金錢肚，點知上枱碟點心又係少少暖又近乎凉的，便要求取消第二個點心。最後所謂酒樓的老總行埋嚟問碟點心仲要定吾要，我話吾要，其就係度發爛渣兼老屈，態度非常惡劣。仲話我哋日日都係度嘈，本人就很少去飲茶，亦好少係早茶時段見過佢。

想食中菜，人少少，呢間酒樓菜式嘅份量好適合兩小口子開餐。燒腩仔皮脆肉滑，拎到出嚟仲熱辣辣，有肉汁，肥瘦比例剛剛好。香芒大蝦球係呢度嘅招牌菜，賣相味道都冇得彈， 隻蝦超級大，面頭佈滿芒果汁，蝦肉爽口，芒果汁甜甜酸酸，加埋上邊嘅花生碎，口感非常豐富。用煲上嘅燒汁斑頭腩係我今晚嘅自愛，個汁真係教得好惹味，啲魚肉喂裏面好啊，免頭渣除咗，好想執，唔可以錯過嘅係旁邊嘅配料，洋蔥蒜頭等等入晒味，焦糖化左，但又未去到窿嘅地步，超級好味。再食埋個龍蝦海皇羹，真係唔使叫白飯都夠晒飽，龍蝦好新鮮，啖啖肉，同湯羹一齊入口就係嫩滑爽口。

今次黎左呢間好出名既茶樓飲茶，餐廳係自家製品牌，師傅曾於日本東京富麗華制作點心多年，經驗豐富，反香港之後响酒店及大型酒樓做主管，我地叫左蠔油炆鵝掌仲有草菇底鵝掌炆到好淋好軟熟同入味，黑糖糕好特別小篇推介用左唔係好甜既黑糖代替傳統既白糖，口感鬆軟有層次，更加健康，鳳爪排骨飯份量都幾大碗而且好多排骨料，蘿蔔糕煎到好香口，配埋辣醬食，另外仲叫左一碟紅油抄手辣得過癮雲吞配辣油，之後叫埋滑滑既蝦腸涵料都幾多，仲有香脆可口芋頭酥芋頭涵好濃郁芋頭味。

西式嘢都食得多所以今日放工就決定去試吓附近嘅中餐 行到半路見到嗰間好有懷舊風味嘅酒樓就入咗去個餐牌好多選擇諗咗好耐先揀咗五味菜 就係薯角一口牛 叉燒 燒汁炆頭腩 香芒大蝦球 最尾再加個海皇羹第一個嚟嘅就係一口牛真係好有鑊氣 估唔到酒樓都做到街邊大排檔嘅水準 啲一口牛亦都完全唔韌 十分唔錯跟住個叉燒嚟到肥瘦分明 個蜜汁亦都調校得好好唔會話超甜得浸甜味10分惹味個燒汁炆頭腩用瓦煲上 嚟到嗰陣咋咋聲10分香 啲頭腩外脆內軟完全唔腥 好食到搞唔掂呀個香芒大蝦球完全無欺場 勁大粒 配香芒又好清新 好好嘅配搭食到咁上下就嚟咗個龍蝦湯海皇羹 勁足料好多龍蝦肉又香濃呢餐真係完全顛覆咗我對酒樓嘅一貫睇法 下次真係要帶埋屋企人嚟一齊再食

今晚可以食返個中式有鑊氣小菜同湯，而且菜式好豐富，有蝦有魚有牛又有菜，仲有海皇羹😊 今晚4餸1湯，坐得又舒服，飯後仲有糖水送香芒貴妃大蝦球🦐蝦球大大粒，香芒沙律汁好惹味 燒汁斑頭腩煲燒汁煮斑腩好野味又好香，斑頭腩肉質有彈性，用煲上熱辣辣勁美味 金薯一口牛有鑊氣小炒，牛肉嫩滑，配有3色椒好健康 豬潤莧菜時令莧菜配厚切豬潤，好清新口味 龍蝦湯瑤柱燴海皇羹🍲龍蝦湯海皇羹好足料，瑤柱好香，海皇羹味道唔錯糖水係綠豆沙，係免費㗎，今晚食得好豐富，質素又好👍

夜晚收工後同屋企人去咗呢間高質好味既新派粵菜餐館-鋿晶館. 鋿晶館原本係荃灣開店,主打廣東點心. 而上環分店更加入海鮮、小菜、燒味及燉湯,令餐廳多樣化來到鋿晶館當然要試下佢地既招牌菜-老爺子半肥不瘦蜜餞叉燒.叉燒如其名半肥瘦,外脆內軟口感好好! 蜜汁香甜而且分量十足. 叉燒好多地方有得食,但真係做得好既冇幾多間. 鋿晶館既招牌叉燒真係值得推薦而另一道招牌菜係香芒貴妃大蝦球 - 蝦球係十六頭越南虎蝦新鮮爽口. 蘸上蛋漿炸, 再配自家調校的芒果日本沙律醬. 香甜得黎又食道蛋黃醬同芥末醬既香味. 絕對係新式而又好食既廣東菜!龍蝦湯瑤柱燴海皇羹係另一道值得推薦既菜餚. 材料有:蝦肉，瑤柱，菇菌，紅蘿蔔，豆角，蛋白等等. 足料得黎湯汁鮮美! 而且分量都幾大,兩個人飲一盅我覺得都好夠飲蜜椒金薯安格斯牛柳粒亦都係好值得一試既新式菜式. 香甜蜜汁配上香脆既甜椒同炸薯粒, 配上新鮮嫩口既安格斯牛肉粒. 好食得黎分量都唔細最後仲有豬潤浸莧菜苗. 黃沙豬潤厚切得嚟又冇渣。莧菜夠而且食落鮮甜,值得一試.開心的一個晚上

鋿晶館地址 ：上環德輔道中287-291號地舖中秋節原本想一家人出街食飯, 但是又要打針又要做快測, 人數上限又限制, 疊埋心水在家食好了。之後再去同長輩食餐飯, 人數小比較好安排。龍蝦湯海皇羹好足料，啖啖都食到配料：蝦球、瑤柱、冬菇等，飲完都少飽了燒汁斑頭腩，一客有6-7件 外層微微燒脆鎖緊肉汁，腩位肉多而肥美，魚口富油脂入口好滑嫩。配上甜甜的蜜燒叉汁 ，so sweet 非常惹味 叉燒肥瘦適中又夠腍身，每塊都沾滿蜜汁味啊！香芝大蝦球，彈牙到爆，蝦大隻肉地厚，食落口感與別不同，個芝士汁好creamy ,似我地食芝士e麵個汁。金薯牛柳爆到薯粒表面香口，小小焦香，牛柳粒一口大小，甜甜地幾惹味份量設計得剛剛好，就算兩個人也可以食到多個菜式。

📍#老屎忽係上環#oldszefood #老屎忽 #老屎忽食飯 #老屎忽搵食 #老屎忽都要OT #上環最近同女朋友2個人去左間中菜館度食，上網睇好多評價都講師傅大有來頭，曾任職於日本東京富麗華同香港多間米芝蓮酒店、酒樓集團，有好唔錯嘅經驗。回疆大汗欖角醬燒骨 🐷 燒骨一碟有大概6-7舊，份量都okay。外層微微烤焦，食落香口惹味。香芒貴妃大蝦球 🍤 每枱都食既必食之選，香香甜甜嘅汁加埋爽口彈牙嘅蝦球，絕對係無得輸。燒鵝燒腩仔拼盤 🐷 燒鵝燒香嘅外皮加埋啖啖嘅鵝肉，啱曬鐘意食鵝嘅朋友。燒腩仔每塊都有好香脆嘅皮，水準高質。龍蝦湯海鮮羹🦞香濃嘅龍蝦湯加埋豐富嘅海鮮配料，可以係餐前暖一暖胃。啫啫蝦乾生菜煲🥬每一碟都係現場即刻落碟落煲到，聽到啫啫聲，唔錯嘅打卡位😂鋿晶館 (上環)📍上環德輔道中287-291號地舖

同閨蜜去完剪髮，想搵間舒舒服服嘅中菜館坐低傾下偈，順便食餐晚飯。由友人帶路，嚟咗上環呢間人氣精品點心店「鋿晶館」。聽朋友講，餐廳係自家製品牌，所有嘅點心都以人手製作，現場即叫即做，新鮮熱辣，所以佢每次放假都會同屋企人嚟呢度飲茶。另外呢度嘅師傅亦大有來頭，曾任職於日本東京富麗華多年，專為高官達人同明星服務，回港後，喺多間米芝蓮酒店同大型連鎖酒樓集團做主管，經驗豐富，所以食物嘅質素絕對有保證！既然友人係常客，點菜任務當然由她負責。先嚟每人一盅龍蝦湯瑤柱燴海皇羹，湯羹用料好豐富，用上龍蝦肉、蛋白、瑤柱及菇菌等熬製而成，入口味道非常鮮甜，啖啖滋味。香芒貴妃大蝦球：虎蝦新鮮又大隻，肉質爽彈，外層蛋漿炸得又薄又脆，再配上自家調校嘅芒果沙律醬，味道酸酸甜甜，清新開胃。老爺子半肥不瘦蜜餞叉燒：叉燒嘅肥瘦度啱啱好，望落飽滿有光澤，上桌時仍保持新鮮熱度，入口既鬆軟又有肉汁，配上甜而不膩嘅蜜糖汁，好惹味。燒汁煎焗海石班頭腩煲：班頭腩經油鑊爆炒，再用砂鍋熱力焗熟，外層嘅魚皮被煎至金黃香口，魚肉滑溜鮮甜，而且最正就係上檯後10分鐘仍熱烘烘，用嚟送飯真係一流！豬潤浸莧菜苗：黃沙豬潤好滑溜，厚切得嚟又冇渣。莧菜嘅水

今日嚟到上環呢間酒樓飲茶，我同朋友興之所至玩起一個遊戲，就係諗住大，中，小， 特點和頂點樣樣揀一樣，咁以下就係我哋揀咗嘅食物：1. 活拆生剝鮮蝦腸 （頂點），腸粉皮可以feel到彈彈下的感覺，亦好通透，蝦粒分配均勻，每一口都可食到新鮮彈牙的蝦肉。2. 馳名南翔小籠包（特點），勁多汁水，餡又多，大大舊，沒有100分都有98分。3.九製陳皮叉燒酥（ 大點），酥皮够脆，叉燒够味，加埋陳皮的清香，爽吖。4.大白菜蒸鯪魚球 （中點）和5.好姐潮州蒸粉果（小點）亦都唔錯，點解冇第6樣，因為食5樣嘢已經好飽。