鋿晶館

营业中

休息中

[ 鋿晶館 ]之前係旺角分店食過鋿晶館，環境&點心都不錯。今次lunch time嚟到上環分店同個附近返工嘅朋友食點心🤤點心唔同日子&時間嚟價錢都有所不同，大家留意番喇😀蒸點類✿ 好姐潮州蒸粉果 (小點) 蒸粉果火喉剛好，外皮煙韌，餡料好香芹菜&胡椒味，風味十足👍🏻✿ 黑松露鮮蝦燒賣 (中點2粒/特點4粒)燒賣好足料，有蝦有豬肉，配埋黑松露味道更香濃🤤✿ 沙嗲金錢肚 (大點)沙嗲醬香濃，金錢肚非常入味，口感唔韌。✿ 馳名南翔小籠包 (特點)熱辣辣嘅小籠包外皮夠薄，肉汁多到辣親個嘴😳脆點✿ 九製陳皮叉燒酥 (大點)叉燒酥熱辣辣，酥皮香脆，面頭配搭肉鬆更可口。包點✿ 糖冬瓜懷舊千層糕 (大點)懷舊特色糕點，味道唔會太甜，千層糕層次分明，看似用唔少工序先整到😮手作腸粉✿ 卜卜脆蘿蔔絲膠 (特點)腸粉皮滑溜，包住炸金絲網&蘿蔔絲，口感有啲似蘿蔔絲酥餅。總結🫦之前去嘅旺角分店係新派點心店格局，雖然上環分店係傳統酒樓格局，但面積好大😮 點心都係即點即製夠哂熱辣辣🔥✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿鋿晶館地址: 上環德輔道中287-291號地下至2樓電話: 28506722✿✿✿✿

香港懷舊點心比以前少好多（因為好多時都係見到可愛動物造型）難得呢度有得食 即使現場即叫即做都唔駛等好耐👍🏻好耐都冇食到即叫即整脆麻花卷la!要讚一讚過脆麻花卷，超級脆口又唔會「戒」口因為好多時食呢啲咁脆炸嘅食物我會食到成個口損晒😂 但係呢個唔會～而且完全唔會有任何油炸嘅油膩感，食得出新鮮即刻炸出嚟呢個真係好好食 😋蝦餃 （佢有四粒同埋兩粒揀）本身諗住再追單多兩粒但係又想試其他點心）😂仲有潮州蒸粉果 棉花雞同叉燒酥個粉果皮薄 而且入邊加咗辣椒碎啱晒我😋 煎蛋牛肉飯個煲仔飯keep住溫度👍🏻個牛肉餅好足料 完全覆蓋成個小煲仔基本上係一啖飯可以配到一啖牛肉餅 食得出佢係新鮮牛肉到出嚟唔係隔夜再翻蒸 仲加咗一啲馬蹄 正蒜香蝦春卷暫時食過最香脆嘅春卷皮薄餡多😋 坦白講點心係唔錯❤️（尤其係炸/ 焗嘅點心）而且見到好多茶客都係熟客，經理會同客人傾偈打成一片，有一種小社區嘅感覺😊我呢啲周圍鍾意同人傾偈嘅人😂又傾咗兩句先至知道師傅原來曾經喺日本工作係服侍名人，返到香港之後係米芝連餐廳同酒店做主管，唔怪得知啲對點心新鮮程度同埋質素都好有要求😊下次再同屋企人嚟食懷舊點心😊

今晚收工之後黎左鋿晶館食埋晚飯先返歸，鋿晶館晚市小菜之前試過質素都唔錯。地點喺上環港鐵站出口附近，都方便。入面裝修光猛，地方乾净。餐牌有小菜，燒味，湯羹魚翅，海鮮，都有套餐。老爺子半肥不瘦蜜餞叉燒 例 $128先黎一客燒味。叉燒一客9件，隻碟係暖既。叉燒半肥瘦，外皮少脆而入面非常腍，個汁都好啱味，蜜汁調得好。呢個份量都唔少。正野！龍蝦湯瑤柱燴海皇羮 龍蝦湯瑤柱燴海皇羮用左兩隻好靚嘅湯碗裝。材料好多吓，有爽脆蝦肉，瑤柱，菇菌，紅蘿蔔，豆角，蛋白等等。味道好清，不過我都冇另外加調味，都幾健康。如果龍蝦湯味道濃d就更好。燒汁煎焗海石斑頭腩煲 $168燒汁煎焗海石斑頭腩煲原煲上，吱吱聲熱辣辣上枱。石斑頭腩有10舊左右，雖然有骨，不過好入味，外脆內淋，明顯煎過。其他配料有燈籠椒，蒜頭同洋蔥，非常入味。蜜椒薯角一口牛 $118牛柳粒好淋，牛味又濃，份量唔少。薯仔外皮少脆而內軟。其他配料有燈籠椒同洋蔥，最後灑上白芝麻粒。呢道菜都好好。蝦乾啫啫通菜煲 例 $98蝦乾啫啫通菜煲都係原煲上，吱吱聲熱辣辣。通菜好嫩，吸咗好多油，配有蝦乾同肉碎，一d都唔寡。陳皮綠豆沙食完仲有糖水送，係陳皮綠豆沙，綠豆煲到爛哂

今日收工約咗屋企人一齊食飯～一於同佢地食下小炒、飲下茶啦☺️酒樓環境闊落，而且燈光都幾光猛，職員相當爽手～最後，我地點咗香芒蝦球、拿破倫牛仔骨、燒汁斑頭腩、啫啫通菜同埋叉燒燒肉。首先，香芒蝦球食落好特別，蝦球食到啖啖新鮮蝦肉，配埋個酸酸甜甜嘅芒果汁好開胃！好推薦依一道菜！另外，我地都好好奇拿破倫牛仔骨係點嘅味，所以就點咗黎試下喇，一上枱已經聞到勁香嘅茄汁味，牛仔骨食落好嫩口，唔會鞋烚烚，酸酸甜甜咁好惹味！另外，燒汁斑腩頭舊舊都好大件，整得好滑同埋好嫩，個外皮輕輕咁煎炸過配甜甜地嘅燒汁，唔經唔覺已經食晒成煲！啫啫通菜好有鑊氣，上枱個方式都好特別，係去到枱面先至將通菜倒入去燒紅咗嘅砂煲到，一瞬間已經聞到個鑊氣香味，通菜仲要用大蝦米同埋肉沬去炒成，所以食落唔會好單調，正！最後就係叉燒燒肉喇，外皮脆卜卜，叉燒大大舊，油亮油亮咁，送飯食一流～

同長輩食飯多數都要book酒樓/中菜廳因為老人家唔太中意食西餐，終於比我搵到個家庭飯局聚會嘅好地方！😄 位於上環嘅鋿昌館係自家製品牌，所有點心都係即點即做嘅手作點心。大廚曾經係日本東京做廚多年，回港後先後喺幾間米芝蓮酒店同大型連鎖酒樓集團做主管，主理中菜經驗豐富！📍龍蝦湯海鮮羹：有幾款不同種類嘅海鮮，好足料都好香濃嘅龍蝦湯。碗湯嘅料好似仲多過D湯本身😂📍例牌叉燒拼燒肉：燒肉嘅皮烤得好香脆，豬肉偏肥。叉燒肥瘦適中都幾多油花。味道咸中帶點甜👍🏻📍香芒汁蝦球經理介紹必點菜式之一😊基本上每枱客都有點！大蝦非常新鮮，蝦肉咬落非常彈牙，配上酸酸甜甜秘製芒果醬汁同花生碎一齊食，味道同咩感有層次👍🏻📍啫啫通菜煲上枱時仲聽到咋渣聲，一打開蓋陣香味濃到隔離枱都忍唔住望過嚟😂加咗豬肉碎去炒嘅通菜再用煲上原來係咁香口嘅！📍金薯牛柳粒加咗好多炸過嘅薯仔同埋三色椒一齊炒，黑椒味香濃，牛柳肉質都幾嫩。

OT，近近地係附近食飯～之前同同事食過lunch ge點心，覺得唔錯～試下晚市又如何先！海皇湯羹先來配湯～好足料，啖啖都食到唔到既配料：蝦球、瑤柱、冬菇等，飲完都少飽了😂叉燒肥瘦適中，又夠稔，舊舊沾滿蜜汁味啊！有d位仲幾爽口，推介欖角醬燒骨 外層微微燒脆，啖啖肉加埋鎖甜甜地嘅醬燒汁，超惹味 送飯食一流～豬潤莧菜勁大舊豬潤！肥美爽口 唔會overcooked！估唔到配埋莧菜食又幾夾～總括黎講，份量ok，野又好食！會encore

上環晚飯好去處，呢度食中菜好地方，位置寛敞，光線充足 回疆大汗欖角醬燒骨🍖特別推介好入味欖角醬燒骨，個醬汁甜甜酸酸好好味，燒骨又香又入味，肉質好淋 香芒貴妃大蝦球🦐必食香芒貴妃大蝦球，蝦球好大粒，香芒汁又惹味😋 蜜汁叉燒🥓叉燒肉好鬆軟，蜜汁好香濃，令到叉燒好好味 百里香燒汁斑頭腩煲🐟百里香燒汁好香，斑頭腩肉質好有彈性，用煲上保持温度 龍蝦湯瑤柱燴海皇羹🍲龍蝦湯海皇羹好足料，瑤柱好香，海皇羹味道唔錯

鋿晶館 🥬同屋企人去完海味街入貨之後就帶媽媽之前話想試既自家製品牌既中菜沿住電車路行好快就到入到去環境寬敞 食都食得舒服啲每張枱既距離唔會太近而且光線充足員工好有禮貌仲推介左幾款小菜俾我地🦞 龍蝦湯海皇羹個碗都幾精緻一開蓋都忍唔住心心眼因為見到個羹好足料仲聞到陣陣香味食落好滿足🐽 脆皮燒腩仔燒腩仔份量都幾多仲要好多肉咬落去個皮脆脆地肉又唔會好乾仲有個醬俾我哋點吓 幾好幾好🦐 香芒貴妃大蝦球對於好鐘意食芒果既我黎講呢碟香芒貴妃大蝦球真係好吸引芒果汁配上又大隻又爽口的蝦再加埋花生碎咬落去好有層次好滿足 🍲 燒汁班頭腩煲上枱時熱辣辣仲要有滋滋聲頭腩份量好多 而且幾好食配埋好香甜醬汁🥒 魚肚雜菌浸勝瓜厚身既魚肚吸收曬D濃湯咬落去魚肚既時候覺得好Juicy而個勝瓜都炆到好腍最後飲埋啲湯好清甜睇到佢話所有點心現場即點即做師傅原來係日本東京富麗華做左好多年係香港仲做過多間米芝蓮酒店及大型連鎖酒樓集團既主管下次要黎試下D 點心先得 🤤📍 鋿晶館(上環)上環德輔道中287-291號地舖

朋友約我去飲茶，推介去呢間，因為係自家製品牌，所有點心即點即做，手作點心。酒樓有三層，去到吾使等已經可以上樓入座。目測有唔少街坊熟客。《馳名南翔小籠包》堅係皮薄多汁，皮薄得嚟又唔會一夾就散，真係好好味。《藥膳雞腳》燉盅上枱打開已經好香，足料有鮮淮山、龍眼、𣏌子、當歸、紅棗、黨參，湯超甜，我一個人成碗清曬。《黃金蜂巢芋角》，呢個真係幾特別，手工點心，以前未食過，炸得好靚又香脆，但又唔油膩，芋頭好香口。《豉汁排骨陳村粉》呢個點心已經好少酒樓有得食。今日懷舊一下，豉汁好香，排骨滑滑。聽朋友話，酒樓師傅曾在香港多間米芝蓮酒店及大型連鎖酒樓集團做主管，難怪佢地嘅點心又真係幾好味。除了早茶點心，亦設有下午茶時段。當然也有午市點心套餐及晚飯小菜。仲有阿仔好恨食嘅片皮鴨。都適合一家晚飯聚餐。

高質平價的酒樓買少見少，呢間之前有朋友介紹過，今日心血來潮，黎咗上環分店飲早茶。 呢度嘅點心大部分都係即叫即整，平日有分早茶同下午茶時段，仲有不同嘅特價優惠組合，想當經濟實惠。我地點咗兩份”晨早孖寶” 加藥膳鳳爪同黑松露燒賣2人份，埋單$150有找，超抵食。 蜂巢脆芋角新鮮熱辣上台，外層好鬆化，足料內餡有香菇豬肉，口感豐富，會令人食唔停口。 鮮淮山藥膳鳳爪 藥膳湯用上鮮淮山、黨參、圓肉、杞子等材料前一晚開始烹調，雞腳好入味軟冧，湯頭香濃唔油膩。 鮮竹牛肉球 加咗好多葱同芫茜嘅彈牙牛肉球，味道層次更豐富。 黑松露燒賣皇 份量不算特別大，以豬肉配上鮮蝦嘅QQ燒賣，加上少許黑松露點綴，特別鮮味。 鳳爪排骨飯 小小1碗的盅頭飯，飯粒軟硬適中，鳳爪排骨好入味同軟嫩。 新疆紅棗糕 自家製紅棗糕，用上新疆一等大紅棗製成，入口啖啖清香棗味，唔太甜，值得一試。

係朋友介紹下，黎到呢一間酒樓聽佢講係是自家製品牌，而所有點心都係即叫即做，可算係手作點心。呢度既師傅仲係多間米芝蓮酒店同埋大型連鎖酒樓做過，可想言之經驗幾豐富平日夜晚去到都好多人，梗係睇吓人哋食咩我哋再叫啦老爺子半肥不瘦蜜餞叉燒 $128侍應見到我哋頭望望，就問我哋係咪有咩需要介紹之後佢就話呢度叉燒好出名，咁梗係嗌叉燒啦半肥瘦果然名不虛傳，一啲都唔柴仲好Juice依家好難食到啲咁好食嘅叉燒龍蝦湯瑤柱海皇羹呢一個海皇羮不得了，每一啖都好足料唔係講笑真係每一啖都有龍蝦肉，味道好濃郁同埋好有層次蜜椒金薯安格斯牛柳粒$108牛柳粒好多酒樓都有，但係佢係可以做到好鬆軟每一粒，薯仔都唔錯㗎！貴妃香芒蝦球$118我見到每一台都有嗌呢一個！咁梗係唔執輸啦甜中帶點芥辣味，佢仲喺蝦球上面加咗花生碎令到咬口更加特別。必叫之選南乳溫公素齋煲 $88呢個齋煲充滿粉絲同各樣蔬菜，包括雲耳，豆卜，冬菇，小棠菜，健康之選。配菜仲有魷魚粒同埋蝦米，素食者一定要點。總結，下次有時間一定要晏晝嚟到試埋佢啲點心！

今晚收工約左好耐冇見既朋友佢想食好味高質的中餐 最後我地揀左鋿晶館食晚飯呢度點心出名，現場手工製作，即叫即做小菜質素都唔錯酒樓喺正德輔道中 入面裝修光猛，傳統嘅中式酒樓裝潢，地方乾净餐牌有小菜，燒味，湯羹魚翅，海鮮，都有套餐一嚟到梗係叫呢度出名嘅叉燒啦真係好多人推介例牌份量算係多識食叉燒嘅朋友都知道一定要肥先至好食！身為叉燒關注組嘅我一定要試咗先佢呢度嘅叉燒係肥瘦適中夠肥、夠淋、夠肉嫩黑醋豬柳非常惹味嘅豬柳炸到脆卜卜卜再加上半碟嘅青椒紅椒黃椒仲有菠蘿酸酸甜甜再加上佢嘅黑醋醬料無敵Perfect match香炸蝦球蝦球熱辣辣，蝦球大大粒新鮮彈牙 加上黃色嘅醬汁黃色嘅醬汁應該係有啲蛋黃再加上沙律醬超級好食柚皮玉掌季節限定整柚皮嘅功夫絕對唔少而且呢度嘅食材都係特別挑選柚皮特別嘅柚皮好厚身好好肉上面左一層非常厚嘅蝦子🦐鵝掌厚厚充滿骨膠原膠質豐富足料嘅海皇湯羹勁重份量嘅海鮮入面大概有蝦球、蛋白、瑤柱、冬菇等等性價比極高伙記仲介紹佢地嘅師傅喺日本東京富麗華任職多年一直專為高管達人和明星服務返到香港後仲喺多間米芝蓮酒店及大型連鎖酒樓集團做主管，所以煮嘢食嘅經驗豐富！鋿晶館給我多重驚喜，高質的中菜，

最近同屋企人去咗呢間主打自家品牌嘅中菜廳🥢師傅經驗豐富 曾就職於日本東京富麗華多年👨🏻‍🍳其後更喺多間米芝蓮酒店同大型連鎖酒樓集團做主管佢地所有點心都係手作點心 現場即點即做😳不過我地今日係食dinner 所以係嗌小菜😗-一坐低先叫咗花膠雞腳螺頭燉湯🍲燉湯味道清甜 滋陰補腎 正好補返近排頻頻OT嘅辛勞🥹-🐽老爺子半肥不瘦蜜餞叉燒 $128例牌黎講份量都幾多 蜜汁味超重🍯叉燒腍得黎又真係唔算肥 食多幾件都ok🤣-🐟西檸龍躉柳 $268我見好多枱都有嗌 應該係呢度嘅招牌菜🤔同平時啲炸斑球唔同 餐廳用上高質龍躉食材龍躉柳炸得金黃酥脆 魚肉熱辣辣好新鮮!!配以自家製西檸醬汁 好似中菜版嘅fish and chips🤣-🐽回彊大汗欖角醬燒骨 $108燒骨一客有6-7件 外層微微燒脆 鎖緊肉汁配上甜甜地嘅醬燒汁 非常惹味 餸飯一流👍🏻-🥬南乳溫公素齋煲 $88齋煲有多種素食 包括茄子、雲耳、菇、白菜仔、豆卜、粉絲同腐竹 非常豐富特別鍾意佢個茄子 入味又唔會爛蓉蓉咁🍆整煲南乳味香濃 食齋都可以好滿足🥰-最後餐廳送上綠豆沙 整體唔會太甜 滿足仔!

約了朋友飲茶，就近近地係公司附近揾到呢間鋿晶館，見佢門面都幾吸引，酒家地下係入口，樓上有兩層，有電梯可直達，被安排上一樓就座。11點坐低見有張醒晨特價點心紙，11點半前入單可享用，二話不說睇下有乜啱食先，見到都有頗多選擇，但兩個人唔試得咁多，只選了兩個孖寶，一碗兩款配料嘅生滾粥，一個川式紅油抄手及兩隻蝦餃皇。生滾粥選左鮮肉丸及鯇魚腩，粥底都好綿，肉丸有4粒食得出鮮味，鯇魚腩份量都頗多，呢碗粥只係35元非常超值。孖寶之一：黃沙豬潤腸, 豬潤份量唔多，腸粉算 OK, 整體只係一般。孖寶之一：馳名小籠包，呢個真係超讚，熱辣辣之餘，皮又夠薄，咬落去滿口湯汁，要小心爆汁爆到四圍都係！調味都十分出色。蝦餃皇，可選2隻或4隻一籠，兩個人所以揀左2隻一籠，當中點計，蝦都好新鮮， 一啖一隻啱啱好，唔錯！孖寶之一：鮮竹牛肉球，一碟有3粒都頗大粒，食得出有馬蹄，少許陳皮，芫荽份量算多，調味唔錯，咬落都好彈牙！川式紅油抄手，抄手有4粒， 餡料有菜有肉，個汁都頗多蒜但唔會好辣，算合格。孖寶之一：香草綠豆沙，總係覺得有臭草煲嘅綠豆沙先至似樣，佢都算煲得唔錯，唔會太甜，啱我口味！總括而言，係上環商業區飲茶，佢算係

今晚試左同事介紹嘅鋿晶館呢間係自家品牌喺港九都有分店主打手工點心，現場即叫即做不過晚市就食小菜上網查過原來大廚曾喺東京名餐廳工作回港後又擔任過多間連鎖酒樓集團主管工作對出品非常有信心咁今晚就同父母親大人黎一試究竟先上燉湯燉湯非常清澈不多油睇到晒有乜材料有花膠瘦肉雞腳味道清甜唔鹹唔錯招牌叉燒又一手工作叉燒睇落偏瘦不過食落完全唔柴唔痴牙正喎！最啱又怕肥但又只愛肥叉夠軟淋嘅我呀！蜜味都好香送飯啱晒！欖角醬燒骨我本人比較愛啖啖肉但爸就覺得識食一定係食排骨肉所以試下呢個醬燒骨個醬少少甜甜地但又唔係蜜糖甜燒骨幾脆口其實佢都係肉多骨少又一送飯良品燒汁班頭腩用煲上所以非常熱辣非常香頭腩相當嫩滑魚肉清淡所以配上香濃醬汁就算怕腥嘅我都食左好幾件！上湯菜芯簡簡單單菜芯無渣而且唔會煮得太淋保持返爽口上湯清甜幾好味！由於分店位於商業區晚飯時間都係商務客環境清靜服務專業食得好舒服