鋿晶館

营业中

休息中

新派型格燒味系列有成十幾樣嘢揀，啲名都好特別吖，我哋揀咗“老爺子半肥不瘦蜜餞叉燒”，呢個叉燒認真唔錯，物如其名半肥不瘦，味道適中好滋味；“金衣芙蓉大蝦球”呢個就係有我最鍾意嘅大蝦啦，蝦的表面舖上一層蛋黃，猶如金色的外衣，仲有D花生碎點綴，似朵盛開的芙蓉花，我的理解道餸就因此而得名，唔知啱唔啱呢？啲蝦真係好大隻㗎，我一口吞唔落肚，哈哈；“台南度小月鮮菌牛仔骨”係我朋友鍾意之物，大大舊食得滿足，D菌有幾隻唔同類型的菇類，好入味，差不多我一個人食晒。“日本紫心番薯浸豆苗”又係個特別我未曾試過的新菜式，聽講本店師傅係日本做過大廚，幾出名㗎，咁見過世面，多諗頭好正常，呢個餸可以食到番薯粒粒，好鬼得意，豆苗亦好新鮮嫩滑。“龍蝦湯瑤柱燴海皇羹”和豆苗道餸一樣，都係用個好靚嘅盎仔盛住，更顯矜貴，而事實呢個海皇羮亦認真足料，龍味湯味濃郁，有好多小龍蝦肉/蝦肉，飲落好滿足。

初九老媽生日,老人家喜歡吃粵菜,當天去醫院覆診,醫院有車落中環,找來這間好評粵菜試試環境就是一間舊式酒樓,這位置一直都是酒樓,只是轉手而已碗碟有些污垢,尤其叉好嚇人,全是忌廉服務一個個員工,有個部長加位只加餐具不加椅,但都禮貌有個呀姐由頭到尾都極好禮貌叉燒不太肥,岩我,軟硬適中,味道也不錯鹵醬油豆腐,夠熱,軟滑貴妃香芒大蝦球,看食評人人贊,但我覺得未至於5星好評,芒果味OK,蝦彈牙,但沒什麼蝦味金沙大蝦球我沒有吃欖角骨幾香,唔脆龍蝦湯瑤柱燴海皇羹,略為稀,吃不出龍蝦味,但當一個普通湯飲都算好味果皮蒸七頭活鮑魚,鮑魚新鮮沒難度,穩陣之選清蒸東星班,魚也是新鮮沒難度,穩陣之選蟹肉竹笙豆苗,想像中的味道黑蒜香芹帶子,有幾粒黑蒜炒,但西芹和帶子都沒有黑蒜味我們帶了蛋糕去切,不用切餅費食物味道正常發揮但沒有驚喜,不過回家沒有口渴是最大的優點

今晚和家人提早團年。選了中環的鋿晶館，去這間酒樓飲過幾次茶，食晚飯是第一次。我們點了幾款小菜，食材和味道都上乘，傳統得來又有創意。🔶老爺子半肥不瘦蜜餞叉燒半肥瘦豬梅頭肉質腍軟，脂肪分佈均勻，淋上甜甜蜜蜜的蜜汁閃閃生光，睇見都開胃。🔶貴妃香芒大蝦球4隻大蝦仁爽口彈牙，用鮮芒果汁打成的醬汁濃稠適中，清爽不油膩。還有擺盤好靚。🔶日本紫芯番薯浸豆苗香芒蝦球的黃色和這碟紫薯的紫色，是差不多枱枱都有的兩種顏色，可見非常受歡迎。紫薯和豆苗，原來可以如此合襯，紫薯不但無蓋過豆苗的味道，反而增加了豆苗的清甜香滑。🔶香茅炆斑頭腩煲用有檸檬清香的香茅代替薑蔥，有另一種風味層次，斑頭腩油香嫩滑，惹味好下飯。🔶燒汁雜菌炒安格斯肥牛手切肥牛嫩滑有肉汁，加埋惹味燒汁，只好「唔該要多個白飯」！

朋友突然來電想約我食午飯，臨急臨忙唯有近近地喺附近呢間酒樓搵食，由於未到1點食午飯時間，所以都即時有位，坐低見佢有個午市自選套餐$238可以選三款點心、一款小食同一款粉麵飯，於是決定叫個套餐再加多個點心。首先個粉麵飯就揀咗個黄金球海鮮泡飯，黄金球原來就喺一大嚿球狀嘅飯，外面煎到脆脆似食飯焦嘅口感，入面就喺正常飯嘅口感，湯底喺蕃茄芫茜海鮮湯，海鮮配料就有帶子、蝦同魚，湯好鮮甜，整體十分好味！小食就揀咗個咸菜豬肚，豬肚份量都有唔少又夠淋，但個湯咸菜味唔夠出又唔夠熱。三款點心就揀咗黄沙豬潤腸粉、南翔小籠包同黑椒金錢肚。黃沙豬潤腸粉，豬潤喺切到一條條，腸粉皮唔會太厚，味道ok。南翔小籠包就最出色，咬落去充滿湯汁，一唔小心就會湯汁四濺，味道非常好，另外個黑椒金錢肚就幾惹味，金錢肚下面墊咗幾嚿白蘿蔔，金錢肚夠哂淋又入味，唔錯。另外加咗個意頭點心橫財就手，豬手份量算多，下面有啲花生墊底，豬手稍嫌唔夠淋但味道都唔錯。

鋿晶館（上環）今日假期我同老公去咗上環嘅鋿晶館食中菜。餐廳環境似啲舊式酒樓，坐落舒服，可以枱之間距離不會太近。1 龍蝦海皇羹海皇羹用料豐富，有好多海鮮同材料，所以飲落好鮮甜。材料包括有蝦、瑤柱、龍蝦、蛋白、金華火腿、紅蘿蔔粒。龍蝦同蝦新鮮，肉質彈牙。另外，金華火腿香濃滋味，令成個湯嘅味道更加昇華。2叉燒叉燒佈滿蜜汁，熱辣辣，睇到已經流晒口水。叉燒半肥不瘦，肉同脂肪嘅比例啱啱好。叉燒肉質鬆化，表皮帶點焦香。3 金薯一口牛依碟小菜非常惹味。牛肉濃味，肉質鬆化。薯仔表面炸過，食落表面香脆，內裏粉糯。另外，仲有青椒、紅椒作伴菜，除咗視覺上更加豐富，食落都更加香口。4 香檸蝦球蝦球大大隻，炸完後，食落好香口，入邊蝦肉彈牙。之後再用上青檸醬打茨，識落酸酸甜甜。面層仲放上香脆的花生粒，令口感更豐富。5 潤腸帶子扒豆苗最後食返個蔬菜先。師傅將帶點酒味的臘腸潤腸切成粒粒，再配上粒粒的帶子，成個餸菜味道非常特別。豆苗新鮮，炒完好有鑊氣。

今日上環收工諗住食中菜🥢🥢，咁搵吓邊度好食，就搵到呢間👀鋿晶館，睇吓其他食評發現😳😳原來師傅來頭唔惹小，曾經喺日本🎌東京富麗華做野，專門服侍明星⭐️同達官貴人，返香港之後係多間米芝蓮酒店同大型連鎖酒樓集團做主管，簡直係信心保證！👍🏻👍🏻餐廳門面寬敞光亮，有兩層，一開𨋢門就見到大量嘅生猛海鮮🐟🦐🦀等咗一陣就有位啦🈴我知呢間餐廳係自家製嘅品牌，今次我地就叫左份魚湯浸雜菌時蔬🐟香芒🥭貴妃大蝦球🍤，潮汕滷水墨魚🦑，涼拌海蜇同老爺子半肥不瘦蜜餞叉燒🐷🐷潮汕滷水墨魚，涼拌海蜇❄️❄️先講咗兩個冷盤先，滷水墨魚超入味同彈牙，食落超爽口🤩🤩涼拌海蜇充滿麻油香味，2個冷盤份量亦都相當之多，非常抵食😋😋老爺子半肥不瘦蜜餞叉燒🐷外皮少少焦香，肉質鮮嫩，配合蜜餞，入味得黎唔會太甜🍯🍯叉燒半肥不瘦，肉質超鬆軟，一啖接一啖食到停唔到口🤤🤤香芒貴妃大蝦球🍤🍤蝦球超大，炸得好香脆😳而且仲灑左啲花生🥜係面，除咗香芒醬之外，亦都食到少少蜜糖芥末嘅味道🤤配合埋沙律菜食，一啲都唔膩，口感超豐富🈵魚湯浸雜菌時蔬🥬🥬魚湯濃郁🍲🍲配合埋西芹，冬菇🍄雞髀菇，清炒白菜仔，配搭非常之健康🥰🥰我地諗住下次午市黎食佢哋啲點心，即叫即做一定好好食😋

細個成日比屋企人迫我去酒樓，我真係好憎，直到大個左去過「鋿晶館」明白酒樓既真締，呢到既師傅曾係日本東京富麗華多年，一直為達官貴人服務，回港後亦係多間米芝蓮酒店同埋連鎖集團任職，經驗豐富，絕對係質素保證！👇📌廚 師 新 派 小 菜 -▪️ 老爺子半肥不瘦蜜餞叉燒 - $148  ▪️ 香 芒 貴 妃 大 蝦 球 - $118▫️ 先黎一個「老爺子半肥不瘦蜜餞叉燒」出埸先，叉燒色澤睇落鮮亮，外層帶少少焦香，肉質肥瘦均勻，蜜汁份量岩岩好，香甜得黎唔會太"溜"；而「香芒貴妃大蝦球」食落夠哂爽口彈牙，面頭唔會炸得太乾身，仲帶少少脆口，用芒果汁做配搭，成件事變得開胃解膩，好食。▪️ 龍蝦湯瑤柱燴海皇羮 - $168▪️ 金 不 換 三 杯 雞 煲 - $108▫️ 另一道「龍蝦湯瑤柱燴海皇羮」亦有睇頭，成個龍蝦湯入口個鮮味好突出，濃度適中，加上裡面非常足料，蝦肉非常多，粒粒爽口彈牙，我個人認為呢個係必食；另一個「金不換三杯雞煲」，一上枱聞落已經充滿濃香，雞件份量亦多，配搭金不換同大量蒜頭，加埋醬汁夠入味，整體係相當惹味！▪️ 日本紫芯蕃薯浸豆苗 - $108▫️ 最後呢個「日本紫芯蕃薯浸豆苗」估唔到好有驚喜，從來

鋿晶館 🥬朋友話想食中餐～我就即刻提議去呢間主打自家製品牌既鋿晶館上環站一出轉個彎就到 交通方便入面環境寬敞，光線充足， 啱曬我地一路食一路傾計佢地既點心現場即點即做師傅唔單止係日本東京富麗華做過係香港仲做過多間米芝蓮酒店及大型連鎖酒樓集團既主管所以真係值得一試龍蝦湯瑤柱燴海皇羮 $168呢個羹真係不得了，好足料， 啖啖都有蝦有蛋白有瑤柱及菇菌，個龍蝦湯好香好濃，食完呢個羹都有D啲飽架老爺子半肥不瘦蜜餞叉燒 $148平時食叉燒鐘意半肥瘦，因為覺得瘦叉好乾要咬好耐， 但呢度既叉燒肉無乜肥膏仍然好鬆軟，蜜汁又香又濃我地好快就清左碟叉燒喇香芒貴妃大蝦球 $118一坐低就聽到隔離枱話叫多碟香芒蝦球， 我地都唔執輸叫返碟，蝦球好大粒好爽口，個醬汁甜中帶點芥辣味，每粒蝦球上面再配上花生碎，食落特別好味. 燒汁班頭腩煲 $168叫煲最正就係熱辣辣， 一打開蓋香味湧出黎， 仲有煙出同滋滋聲，真係好夠熱力. 班頭腩經油鑊爆炒，外層嘅魚皮好香口，魚肉又滑份量又多，佢個醬汁令到D 配菜都好惹味，蒜頭同三色椒我都清曬日本紫芯蕃薯浸豆苗 $108紫薯同豆苗我都鐘意食，但就無諗過可以拼埋一齊食，原來一齊食咁夾架喎

今晚約了朋友在上環食飯，去了一間自家品牌的餐廳，點心都是自己手作即製的。朋友還說這裡的廚師是曾在多間米芝蓮酒店和大型連鎖酒樓做主管，經驗豐富。進入餐廳，已看到有一個很大的魚缸，放了很多海鮮，有長腳蟹，龍蝦，石斑和南非飽魚等新鮮海鮮，任客人選用。而餐廳用了很多雲石和鏡做裝飾，加上吊了很多水晶燈，光線明亮，感覺時尚高雅。我們點了：-龍蝦湯瑤柱燴海皇羹叫了兩盅，很大碗，湯料很多，有龍蝦肉，瑤柱，菇菌和豆腐等，非常豐富。-香芒貴妃大蝦球4隻炸得香脆的大蝦球，再用上香芒沙律醬炒煮，令整個蝦球掛滿醬汁，面上還放了花生碎增加口感，酸酸甜甜，味道一流。難怪店員說這是招牌菜。-紫薯浸豆苗很特別的用了紫薯粒煮豆苗，多了份紫薯的香味。-老爺子半肥不瘦蜜餞叉燒 半肥瘦的叉燒是最好食的，肉質淋軟入味，蜜味濃郁。-燒汁煎焗海石斑頭腩煲 走油過的石斑頭腩香脆，肉質嫩滑，再用西椒蒜頭等一齊在煲仔焗煮，保持溫熱，香氣十足。

今晚收工之後黎左鋿晶館食埋晚飯先返歸，鋿晶館地點係喺上環港鐵站出口附近，入口喺地下，好易見到。酒樓入面裝修光猛，地方乾净舒適。鋿晶館係自家製品牌，師傅曾經喺日本東京富麗華專為高管達人同明星工作，返港後喺多間米芝蓮酒店同大型連鎖集團做主管。餐牌有小菜，游水海魚，廚師新派小菜，新派型格燒味，孖寶，湯羹魚翅，海鮮，都有套餐。老爺子半肥不瘦蜜餞叉燒 先黎一客燒味。老爺子半肥不瘦蜜餞叉燒個名好長，好得意。一客9件叉燒，係暖既。叉燒半肥瘦，外皮少脆而入面非常腍，個汁都好啱味，蜜汁調得好。龍蝦湯瑤柱燴海皇羮龍蝦湯瑤柱燴海皇羮用左兩隻好靚嘅湯碗裝。材料有爽脆蝦肉，瑤柱，菇菌，紅蘿蔔，豆角，蛋白等等。味道好清，口感好好，都幾健康。香芒貴妃大蝦球 香芒貴妃大蝦球一客4大隻，整得又爽又脆啖啖肉，個汁滿滿芒果同黃色芥末醬，甜甜地好好食，上面加上花生碎增添口感，下底墊有沙律菜。呢道菜式又開胃又好味。生煎家鄉蓮藕餅 生煎家鄉蓮藕餅 一客4件，煎得好香口，食落啖啖都有爽口蓮藕，味道唔錯，食清光都唔算太油。下底墊有菜苗減膩。日本紫芯蕃薯浸豆苗 呢款菜式好新潮，好少中菜會用日本紫芯蕃薯入菜。豆苗非常嫩綠，紫薯好多粒，味

在上環同親人飲茶，然後搭船入長洲，酒樓雖然在上環位置，但價錢不是太貴，由於是中午食飯時間所以我哋提早book了位。食物充滿懷舊款式，食物選擇也多，味道也好好味，春捲炸得很脆蝦肉很新鮮，雀巢芋角外表亦都很鬆脆內裏芋頭很綿，燒腩仔皮脆肉嫩好味，其他食物也不錯。

已很久無和公公婆婆飲茶了，他們愛到傳統酒樓，於是到上環的鋿晶館，它樓高兩層，有𨋢坐不用行樓梯，酒樓環境明亮闊落，枱椅闊落間不覺得擠迫。我們點了幾款點心，質素相當不錯，食得出是新鮮和自家手作。 雞絲粉卷雞絲粉卷在一般酒樓已甚少出現，今日難得一見，立即柯打。滑滑粉皮包着雞肉和西芹、木耳、紅蘿蔔等蔬菜，簡直是兒時味道。香茜叉燒腸現在新潮點心店的腸粉皮除了米粉外多溝了其它粉來改變腸粉的質感，這兒的腸粉皮則是傳統做法，有口感和有米香，也較飽肚。而且香茜配叉燒又幾夾喎。蘿蔔絲酥餅酥餅皮酥脆，一卷卷的排紋清晰有層次，蘿蔔絲清甜，炸得金黃，好好食。炸鯪魚球魚肉新鮮彈牙借未夠香脆，蜆蚧醬不錯。藥膳鳳爪藥膳湯水真材實料味道濃郁，鳳爪完整有口感。臘腸卷公公特別要點這個點心。臘腸卷用切片臘腸來做，比傳統的小巧。鳳爪排骨飯排骨和鳳爪都淋滑入味，白飯軟硬適中，加少少豉油很美味。臘味糯米飯喜歡這個糯米飯飯粒乾爽鬆軟，不會黏成一堆也不會硬崩崩，味道和口感都很好。

晚上嚟左呢間酒樓食，呢到嘅點心都幾出名，師傅係米芝蓮酒店做過，手作點心即點即做，不過今晚就點中式晚餐為主。前菜叫左海蜇、熏蹄、同叉燒。海蜇大條得嚟又幾爽身，一細碟分量都幾多。熏蹄切得厚薄適中，點醋食最啱。叉燒肥瘦適中，肉質幾鬆，醬汁多，偏甜。西湖牛肉羹叫左兩碗，羹底幾清甜，啲芫茜幾香，食完個羹幾暖胃。另外叫左西檸炸斑球，呢到嘅西檸汁會另上，咁就keep到斑球嘅脆度。斑球似斑塊多啲，炸皮幾薄，魚塊幾香脆。再叫左潤腸帶子扒豆苗，帶子同潤腸切左碎粒上，幾啱送飯食。最後嚟多碗綠豆沙，好味。

有個foodie朋友話旺角鋿晶唔錯 見上環有分店就搭丁丁去左食😙 去到間店係舊式茶樓既格局 幫襯既八成都係老友記 睇睇個餐牌 同旺角店走唔同路線 心念 要伏了嘛😅 嗌左幾樣野試下水溫個鮮蝦炸雲吞可以既 春卷皮上台係脆口既 蝦肉都弹牙既 係略嫌油左少少蝦餃皇同豉汁蒸鳳爪走正常路線 無特別 食唔出同其他酒樓好大既差別個黑椒金錢肚啲肚有啲韌 用咗蘿蔔墊底 蘿蔔夠𣺉既 旦白雪雪 好明顯係上台前將啲金錢肚加係蘿蔔上面就出餐😮‍💨個豬潤腸既腸皮有啲厚 豬潤未到鞋口 口感還可以 旦量略少 姐姐加上去既鼓油有調過味 都幾淡口下 整體一般個脆皮燒腩仔湯米粉先係今日MVP 燒腩同湯麵分開上 湯麵個湯淡如水😮‍💨 米粉個質地可以既 唔會太冧 係超X朋友 個燒腩仔個肉質唔錯既 肥瘦均勻既 旦個脆皮完美失蹤左 𣺉到好似浸左好耐湯甘😑 總結: 中下既質素 完😑

初嘗上環精緻人氣酒樓～～～之前搭叮叮經過呢一間酒樓見到好多人，一直都想試，趁媽咪今晚無煮飯，就即刻約咗朋友黎相聚一下。上到黎依然係人頭湧湧，好彩係weekday，所以有幸冇book位都有枱。～～～🥢睇完Menu之後叫咗以下幾樣食物：-老爺子半肥不瘦蜜餞叉燒（每例-$148）-香芒貴妃大蝦球$118-意大利黑醋脆豬柳$108-龍蝦湯瑤柱燴海王$168～～～蜜餞叉燒確實好似個名咁半肥不瘦，食落去有肉脂香味，好柔嫩，加上香甜蜜汁，不錯。～～～香芒貴妃大蝦球即係我哋成餐嘅Favorite，爽彈大蝦，鮮味滿滿，表面灑滿花生碎碎。香口亦令口感更好，底部擺放沙律菜吸油，貼心。～～～意大利黑醋脆豬柳外脆內軟，配搭三色椒同埋菠蘿，酸甜滋味，好下飯，佐啤酒🍺也不錯。～～～最後再食返碗清清地嘅足料龍蝦湯瑤柱燴海王，啖啖瑤柱、草菇、蛋白、菜粒同紅蘿蔔等等，令人非常滿足。～～～整體食完之後對餐廳留下幾好印象，d阿姐都nice，最後仲有送咗唔會好甜嘅高質綿密綠豆沙俾我哋。朋友話呢度嘅師傅出名係日本高級餐廳做過嘢，之前都係好多間香港嘅米芝蓮酒店餐廳同大集團做過主管，同埋佢哋啲點心係即叫即做嘅自家手作點心，等我下次帶