鍾爺爺海鮮火鍋刺身專門店

营业中

休息中

👧🏻😋👅🍽✨靚料高質火鍋🥰性價比之冠🤩-🧓🏻 太子靚料火鍋地方闊落仲有4間VIP房, 門口有大水缸生猛海鮮, 見其他大枱有食一大盤刺身同海鮮, 我地兩人就揀返精緻小品🧓🏻 餐廳開到2am方便大家歡聚暢飲, 宵夜優惠九點後入座全單八折再送每人一支嘉士伯大樽裝-🍲 翅群花膠雞鍋 $198💯勁足料啖啖都有翅或花膠, 邊爐前飲一碗鮮甜開胃, 雞肉嫩滑充滿黃油; 店員加湯都係加雞湯唔會越打越淡, 將美味持續到食飽🥰-🥩 爺爺牛皇拼盤 $398✨以本地牛, 霜降牛, 牛𦟌, 牛胸爽同牛肉粒鋪滿大圓碟, 全部手切開蝴蝶邊, 塊塊肉汁爆棚-🥟餃餃震拼盤 $98💯水餃, 韭菜餃, 秘製西洋菜餃各3粒, 粒粒飽滿, 菜肉餡濃香得黎唔會鹹, 餃皮都好滑-🧆招牌四寶丸 $88✨四款招牌分別係梅菜豬肉丸, 鮮牛丸, 手打鮮蝦丸, 手打墨魚丸, 質地好彈牙, 每粒都明顯食得出特色, 另外單點丸類仲有更多款-🍜 其他💯豬潤 $48 大大碟每一塊都新鮮厚身肥美, 入口好順滑而有咬口💯鍾華記自家制生麵 $35 上菜前廚房已飛水, 所以冇咩鹼水味, 輕輕淥幾下就食得, 麵質爽彈, 配上雞湯更鮮甜💯前菜小食 $15 全場

今日同朋友仔去太子食飯，平時火鍋都會寧願去任食嘅，因為單點好貴唔捨得去，不過呢間嘅價錢相對嚟計比較親民，而且見食物賣相都唔錯，所以決定試試佢。湯底要咗個鮮茄薯仔牛坑腩鍋，呢間出面比較少見，有齊菜、主食同肉嘅配料。番茄酸甜，薯仔都有幾塊，反而牛坑腩份量最多，煮至軟身，老少咸宜，估唔到幾好味。見每枱都有碟響鈴所以都叫咗份，原來係餐廳自己即叫即整嘅，上枱時熱辣辣，超級脆身，記得要趁熱食，旁邊仲有個酸甜醬可以點，懷疑自己一個人都可以清曬。另外個香辣魚皮都唔錯，夠薄身而且好入味。呢度仲有唔少炸物，可惜太飽無食到。肉肉有順德魚滑、魚蛋同脆鯇片，份量好多，食落新鮮。菜都有唔少選擇，整體感覺唔錯。

餐廳位於太子，係間海鮮火鍋刺身專門店，食物款式眾多，有齊各式各樣嘅肉類、海鮮、火鍋料理、菜品、主菜等選擇。門外燈光猛烈，平日晚上到訪已經滿座，價格合理，適合聚餐。鍋底有好多選擇，私心推介鮮茄薯仔牛坑腩鍋，牛坑腩份量都唔少，肉質軟嫩，啖啖肉，吸滿湯汁，已經可以當作一款配料享用。肉類嘅話會推脆鯇片，帶點咬口，食落鮮甜，性價比高。火鍋配料有潮州魚蛋，四方型狀，咬落爽口彈牙，幾有驚喜、順德魚滑帶魚香氣、響鈴現場即炸，熱辣辣，可以點酸甜汁直接食或者浸湯、魚皮同樣出色，炸至酥脆可口，十分惹味。值得一讚喺呢度嘅菜類，款色多元化而且款款都幾鮮甜，特別推介嘅有豆腐、甜粟米、涼瓜片、油麥菜同唐生菜，其他就正常發揮冇咩特別。最後記得要埋個出前一丁，吸飽湯底嘅精華，正👍

今晚同兩個同事happy hour之後過咗嚟呢間火鍋食飯，佢嘅地理位置非常方便 就喺正旺角維景酒店旁邊👍 去飲嘢之前或者飲完嘢之後可以過嚟食返餐😎啲醬料會喺你坐低之後無耐由店員提供自助調配，餐廳員工好熱情 會同你傾偈，今晚仲有機會見到鍾爺爺坐陣☺️今晚人少少得三個叫咗以下嘅菜式好值得推介迷你刺身拼盤翅群花膠雞鍋霜降手切頸脊肥牛鮮鵝腸韭菜餃響鈴娃娃菜招牌四寶丸仲有一個驚喜就係：@鍾華記生麵@40年老字號，傳承三代必試仲有最新嘅消息係每一晚9:00之後入座，全單八折。另外鍾爺爺仲會請你一人一支嘉士伯大啤酒🍻

5月20日星期一.一行七八個朋友,去到太子砵蘭街368號鍾爺爺海鮮火鍋刺身專門店宵夜吹水.該店而家做緊晚上九點後全單八折.仲請你飲大啤一支.超級超值性價比高.入返正題睇下啲刺身.當日條島池油香十足.在座淨係見到手指公.象拔蚌選用加拿大A級貨.蚌身彈牙鮮甜.唔飲啖sake對自己唔住.火鍋點少得牛肉.整咗碟鍾爺爺手切和牛拼盤.件件精品油香十足.牛肉軟滑甜.牛味濃郁.其他火鍋配料亦都誠意可加.全部全手作製、我最鍾意就係個梅菜豬肉丸同埋青芥辣魚蛋香煎午餐肉必然首選.最後整個用餐感覺良好.尤其是服務員態度親切貼身但係點到即止.到時到後就會換骨碟添水加湯.全程自動波最重要有笑容.very good.你哋做得好好!

早幾晚同朋友相約太子砵蘭街鍾爺爺海鮮火鍋刺身專門店,疫情之後都比較少出街食飯.今次同朋友一行15人.係該店相聚.一入店已經感覺佢哋招呼殷勤.服務員換碟嘅次數亦都恰到好處(喺香港實在少見)地方亦都乾淨冷氣足夠地面乾爽.講到出品.該晚我哋就冇食火鍋.就食咗啲海鮮出品.加拿大象拔蚌刺身鮮甜無比.紅瓜子蒸到僅僅黐骨.魚身滑溜爽彈.魚腩油脂豐盈.上上之作,大瀨尿蝦爆膏.呈現啫哩狀嘅蝦膏甘香蝦身彈牙.皇帝蟹大廚用咗花雕蛋白蒸.蛋白吸收蟹嘅鮮甜.真係牛油麵包冇咁滑.朋友個個搶住嚟食.結尾估都估佢唔到連個炒飯都飯粒粒乾爽做到香噴噴.陳皮紅豆沙啲陳皮香味榮繞口腔陪我進入夢鄉

朋友剛試過鍾爺爺火鍋店！即推介比愛好火鍋嘅姐妹們🥰所以姐妹們相約一齊去滾吓啦🤣🤪沙嗲鴛鴦窩：,惹味餐前小食👍香辣魚皮黄金鮮鱿👍霜降手切頸脊肥牛（大）牛味很濃👍輕輕一灼、肉質嫩滑👍豬雜拼盤材料新鮮👍没有羶味！自家韮菜餃材料足👍大大粒鳳城水餃又係材料足👍正鍾華記生麵没有鹼水味👍日本黑豚肉招牌三寶丸👍鲜魚卜👍鍾愛魚卜控、必要試吓！

新火鍋店！朋友食過大讚所以試吓！一行4人可以試多d嘢，活魚剌身價錢低食，點咗條紅鮋4斤幾，頭骨腩椒鹽好味！接住火鍋上場，火鍋料水準以上，價錢合理。整體食物質素高，服務好！

見呢間火鍋店新開張個幾兩個月，即刻叫埋朋友去試下。一坐低就叫左兩碟小食送啤酒先。冰火魷魚其實係醬撈水魷黎，醬汁惹味吸引，水魷處理得好好唔會有陣簡水味，厚實有咬口。薑蔥魚皮就有啲失望，咸到近乎食唔落，與店員反映後話師傅腌料重手左。換左一碟比我地就食到停唔到口了。鮮爽魚皮配埋十分脆口既花生，必嗌！跟住黎到今日重頭戲 - 花金鼓刺身花金鼓，日本又名石垣鯛；平時細細條金鼓蒸黎食已經相當開胃，豐富油香配上金鼓獨特既鮮味；估唔到花金鼓拎黎做刺身，味道一樣咁濃郁美味，有魚油既鮮香而不膩。更誇張既係魚生上到枱，魚尾都仲係度郁緊，魚既新鮮程度同師傅刀工都係好高質。然後仲可以要求廚師拎個魚頭魚尾去蒸，店員推薦陳皮薑蔥蒸，好食到同朋友一人一碗白飯撈住黎食前菜已經好食到差點忘記呢度係一間火鍋店。特別想講係呢間火鍋店仔細到連午餐肉都會先半煎炸好再上，咁樣打邊爐就更香又唔會散開！牛肉拼盤高質，係新鮮牛黎，肉味香濃口感細膩。同場仲叫左四寶丸（蝦丸、墨魚丸、牛丸、梅菜鯪魚丸）同埋韭菜水餃，全部都係自家制，當中既心機值得一讚總結黎講：新開店面環境同乾淨程度一定無得頂，見佢仲有vip房可以包箱；價錢少貴但食材處理相當出色

同朋友飯聚，首選當然係打邊爐。呢次黎呢間新開嘅火鍋店，店面光猛乾淨，招呼很好。等緊朋友嘅時候，老闆過嚟推介薑蔥涼拌魚皮同埋惹味冰火魷魚，非常好食，結果朋友黎到都差唔多俾我食哂。之後，店長推介佢地嘅海鮮刺生，呢度係有專屬開放式設計，睇住師傅點樣切啲刺生。我哋叫左條深鯭同一條細象拔蚌。之前未食過，估唔到條深鯭咁肉爽味甜，象拔蚌就食得出係新鮮靚貨。食完刺生，叫個火焰花甲牛皇湯底，啲花甲好大隻，湯底鮮甜。再叫左啲牛肉、丸、餃子、水蓮菜等，都唔錯。食飽之際，老闆又過嚟推薦試個鍾華記生麵，原來老闆家族係製麵嘅，食落同一般嘅生麵唔同，無嗰浸鹼水味，結果最終又食哂個麵。老闆好好人，送埋個生果盤。呢間絕對有下次😋

朋友要求，太于打邊爐。得月呢間有得inapp訂座。老板親切，員工招呼週到。食物質數好好。第一次寫食評就比左呢間。值得一試！叫左條海紅鮋新$980兩斤幾（好似係），超正。骨頭椒鹽。乾反象扙蚌$880. 脆卜卜好食到不得了。其它火鍋料都好生鮮。湯底就揀左個沙嗲。個人較少叫因為遷就朋友。覺得一般。帶左兩支紅酒，無收開餅費啦！食完仲有生果送。非常好既一次體驗。門口仲有車位！推介！

跟朋友大隊去咗呢度食，估唔到條池魚刺身勁鮮甜，竟然比起我上次日本料理叫仲好食，證明呢條魚生猛高質🤣可惜條魚一上就個個搶住食，打唔到卡另外最眼前一亮係喎，田雞同蝦，上枱仲郁緊真係即劏即串，我響出面打邊爐已經好耐未見過咁鮮，仲要價錢唔貴牛都不過我個人鐘意海鮮多啲，所以不停食串蝦、珊瑚蚌貴妃蚌、蝦滑、水魷。佢哋墨魚波同墨魚餅都食得出唔會肥豬膏太多，仲食到粒粒墨魚🦑炸墨魚餅送酒一流真係值得encore同埋想講呢，朋友仔食雞雜個啲都好似好surprise 正；不過我冇食到comment 唔到😂反而黑柏葉我有食，又係勁好食

天氣涼涼地，仍然是打邊爐好季節。朋友推薦左去太子一間新開火鍋，話食過一次幾好，於是帶我地一齊試吓。店舖入面幾新淨，座位都好闊，坐得幾舒服❤️店舖提供好多唔同刺身選擇，當日我地揀池魚刺身，師傅刀工唔錯，魚肉鮮甜，肉質爽滑，非常新鮮，價錢亦都唔貴❤️跟住叫左店舖推薦爺爺牛皇併盤，當中我最推薦佢既牛胸爽，依個部位唔係到到都有得食，我就第一次食，本來見白色一片片，以為是脂肪，原來是牛胸腔肋骨中間的軟骨，口感非常爽脆，油脂香在口中滲出，一試難忘❤️另外併盤有本地手切牛肉，牛展，肥牛粒，每樣都幾好，爽口有肉味火鍋配料方面點左招牌新鮮鵝腸，鵝腸最緊要肥美，依間火鍋店非常合格，淥一陣即刻食，非常爽，好好食！招牌三寶丸，三寶丸有墨魚丸，鯪魚球同手打牛丸，所有丸都超爽彈，冇點豉油就咁食都好夠味❤️十分推薦❤️最後點左店舖推薦嘅鍾華記生麵，第一次打邊爐用生麵，係完全估唔到咁夾！店員請返原來店舖有新鮮自家製生麵提供，生麵處理得好好完全無任何鹼水味，生麵非常掛湯汁，必點！❤️整體來講成餐飯食得好舒服，店員都自動自覺會幫手加湯打邊爐同換底碟，唔怪之得朋友會帶我黎食❤️

早幾日同男友係太子附近睇完婚紗，所以順便係附近搵食，離遠見到一間好光猛既新火鍋店，所以就入去試試。店內仲有卡位座，岩晒2人世界或者一家四口👍🏻👍🏻一開始已經比隔離枱果碟椒鹽栗米($48) 吸引左，所以即刻落單，果然係冇點錯，粟米已切開細細件上碟，食得好舒服同容易食，加埋D椒鹽，真係夠晒惹味。😋另外，我地又叫左個脆炸韭菜餃($68)，外皮炸得好脆，入面仲係熱辣辣，食得出唔係炸定既。本身想叫多一個小食，但店員就好細心咁提我地留返個肚食打邊爐🤭打邊爐我地就點左個澳門豬骨鍋 ($128)，建議下次多人食先點依個鍋會比較好，因為真係太足料，食完會豬骨鍋都試唔到好多其他火鍋料，味道方面我同男友都覺得個黑胡椒味好正，味道岩岩好👍🏻最後我地再左一碟本地手切肥牛細($198)，係好飽既情況下，仍然覺得牛肉係好味，因為好有肉味，唔似我地平時任食果D肥牛😅😅總括我覺得下次要叫多D朋友一齊黎再試下唔同款既湯底同埋火鍋料，2個人真係食唔到太多食物，而且店員仲同我地講店內有包房，大班朋友黎可以坐房🥳🥳P.S. 當日見到店主鍾爺爺，佢真係真係同招牌LOGO公仔一樣，鍾爺爺仲會同食客互相交流，問下我地D野食O唔OK，

今日天氣涼涼地,經朋友介紹知道港鐵太子站砵蘭街開咗一間火鍋店,<鍾爺爺>。店內裝修幾靚，今時今日的港式火鍋店也越來越高級，當然不少得刺身游水海鮮。火鍋配料的選擇十分多，海鮮 肉類 蔬菜，仲有多款佐酒小食，加上魚缸內的游水海鮮，應該可以滿足所有人的口味。我們兩個人點一個麻辣鴨血鍋$98頂級手切鮮肥牛（小）$198椒鹽粟米$48新鮮鵝腸$68即包韭菜餃$68牛肉相當抵食，肉質軟腍，牛味香濃👍🏻鵝腸同韭菜餃都好好味😋埋單連酒水醬芥加一服務費$604人均消費$300，一定會再來，下次約多幾個朋友來食刺身。值得一讚👍🏻服務態度非常好👍🏻