開飯主義

营业中

休息中

見到門口個餐牌寫住主打芝士焗飯，鍾意食芝士既我就即刻衝左入去坐低食～有成半個餐牌都係芝士野，有啲花多眼亂⋯最後揀左龍蝦汁炸蝦芝士焗飯同日式雞扒炒烏冬～龍蝦汁吾係平時係西餐廳食果隻味，比較淡但好香，都幾特別，面頭舖滿曬芝士真係夠曬香，炸蝦都炸得岩岩好，呢個飯好好食！日式炒烏冬同出面既差不多，不過都係好味既～

住咗大埔咁多年，好難得可以一家人去到大埔墟食飯，我哋就選擇左一間價錢平民化，而且坐得舒適嘅開飯主義。入到去已經爆滿了，我哋坐入面嘅卡位位置，餐廳嘅裝修大多以木為主，而且燈光光猛。餐牌上嘅食物好多款式，而且圖文並茂，圖片更非常吸引。首先就叫咗幾款小食，分別係蒜香蜜糖雞翼、韓式炸雞翼、法式燒蠔、煎餃子、小丸子同埋蒜燒茄子。兩款雞翼都炸得非常香脆可口，而且肉質鮮嫩，非常滋味。另外茄子好大條，而且燒得好香，蒜蓉粒粒鋪滿茄子肉上面，食落去有少少辣嘅味道，非常入味。主菜方面，分別叫咗蘑菇燒汁豬手粒焗飯同埋豬仔骨焗意粉，而且套餐仲有餐湯同埋餐包送。焗飯即叫即整，新鮮滾熱辣，豬仔骨有四條，焗飯嘅份量都比較多，豬仔骨嘅肉質鮮嫩。飲品嘅選擇更多不勝數，我哋就叫咗凍咖啡同埋熱柚子茶。最後食咗咁多嘢＄500有找，價錢合理，而且食物質素同價錢成比例，難怪咁多人等位。

來到大埔買嘢，順便搵到一間性價比唔錯，售賣亞洲菜式的餐廳。餐廳佈置簡單輕鬆，坐位以舒適梳化卡位為主。打開餐牌，花多眼亂，有印度、東南亞菜、韓國、日本菜、港式菜等等。煙三文魚沙律 ($36)煙三文魚都新鮮，色澤唔錯且均勻。韓國菜式 - 熔岩拉絲芝士麵包 炸雞肉$85滿滿嘅芝士，一睇到就知道吸引。炸雞點芝士不嬲好配合，而且餐廳大大嚿脆豬麵包相當好味，脆脆地，加埋芝士一齊食，相當過癮。用叉拮雞肉落熔岩芝士，轉一個圈，拎返出嚟就有好可愛的拉絲效果。香煎A級穀飼西冷牛 10 Oz （$95）廚師嘅心機， 反映咗係切開了的肉上。五成熟嘅西冷牛扒，中間有清澈可見的粉紅色。而且牛扒大大塊，一個人都未必食得晒。最後加兩杯港式飲品，熱菜蜜、熱檸蜜。

好young 好文青風的西式餐廳。煙三文魚沙律，三文魚花好大個，用心形碟裝住，好靚，D沙律菜好新鮮，青綠色。依個拉絲麵包好特別，芝士非常好吃，好香的芝士味，入邊仲加咗好多雞肉，拉絲令我食慾大增，跟住，再一口咬斷牛扒好大份，一個女仔係食吾哂的，所以，要搵埋朋友幫手😁燒生蠔好入味，陣陣蒜香，味道中夾雜住少少牛油味左邊係：青蘋果薄荷檸檬沙冰。右邊係：藍柑果味檸檬沙冰。兩杯沙冰我都好鐘意，飲落吾會太甜，重點係拎住自拍會影得好靚發現間餐廳都好易搵，就喺公園附近。

新界的我及另一朋友今天到大埔逛街餐廳佈置簡潔，坐位以梳化卡位為主，空間足夠舒適，食物方面質素不錯。溶岩拉絲龍蝦汁海鮮焗麵包 HKD 90 另加 HKD 15 配餐湯、餐飽，柚子檸檬賣點芝士含量達250ml很吸引！海鮮法包外形吸引份量十足，令我憶起以前食農夫飽的日子。有青口、墨魚、蟹柳蒜蓉及芝士燒日本廣島蠔 (各2 隻）HKD48 / 2隻 芝士蠔及蒜溶蠔味到剛剛好，濃淡適中，而且很大、肥美，是上等蠔！煙三文魚沙津 HKD 36煙三文魚很新鮮，色澤很均勻而且沒冇根。蒜香蜜糖雞翼 HKD22密糖份量剛好，不會太甜過溜。 還有蒜香提提味和風餃子 （4隻）HKD 22 餃子皮脆又薄，內有肉汁，沒有根，啖啖肉，沒有醬汁也可。藍柑果味檸檬沙冰梳打 HKD 40 青蘋果遇上檸檬，味道很夾、很似，酸酸甜甜，很開胃

大埔墟附近見到一間招牌好大隻，離遠都望到嘅《開飯主義》，鋪頭位於大埔墟公園仔附近，人流比較多，所以吸引左好多人等位中。隨即我哋就叫左以下嘅食物蒜香蜜糖雞翼炸得非常香口，再加埋佢特製嘅炸蒜放在面上，再配埋蜜糖，味道相當Match。煎餃子分別有四隻，皮薄餡又充足，煎得好香脆，新鮮嘅肉再配埋個特製嘅醬汁，好味。蒜香茄子兩大條非常新鮮，再加埋蒜蓉粒，小小麻辣粉同埋蔥花，相當好味吸引。蘑菇燒汁豬手粒焗飯，新鮮嘅磨菇片，再加埋特製嘅豬手同埋洋蔥粒，而且面頭上鋪左芝士，好足料。法式燒蠔有四隻，兩隻芝士，兩隻蒜蓉味道。蠔相當新鮮，芝士味好濃郁。這裏還有很多各類焗飯意粉任君選擇。至於飲品方面，有很多特色嘅飲品，美味既甜品。而環境方面亦都相當舒適，好有歐陸情懷嘅風味。

大埔街市附近係美食集中地遠近馳名嘅陳漢記，新興嘅開飯主義也是不錯的選擇已經不是第一次食，但仍是喜歡它的溶岩系列，每次也是必點菜色餐廳價格係抵食，set lunch 都只係$4X左右～內裡環境也寬敞溶岩系列 套餐跟奶油豬半個，奶油豬脆口，份量非常大跟餐加6蚊就有煙鴨胸胡麻醬沙律，份量都好大，有點驚喜沙律醬毫不吝嗇，足夠之餘，蔬菜新鮮爽口，6蚊真係勁抵食！？芝士焗豬扒肉醬意粉表面滿滿嘅芝士，係拉絲嫁！芝味唔洗我講就知有幾濃郁細心嘅讀者就會見到我仲未拉斷所有芝士絲就相機食先😂😂😂豬排好大塊，肉質質感鬆軟，厚度又足，加埋芝士的確滋味芝士豬扒之下嘅係滿滿嘅肉醬肉醬多而不過咸，入口味道適中，鮮茄味足夠，加埋芝士、豬排，點令人唔滿足服務都好足，食物質素不錯，最緊要價錢也街坊價，街坊生意唔會少

新界的我及另一朋友今天到大埔逛街餐廳佈置簡潔，坐位以梳化卡位為主，空間足夠舒適，食物方面質素不錯。溶岩拉絲龍蝦汁海鮮焗麵包 HKD 90 另加 HKD 15 配餐湯、餐飽，柚子檸檬賣點芝士含量達250ml很吸引！海鮮法包外形吸引份量十足，令我憶起以前食農夫飽的日子。有青口、墨魚、蟹柳煙三文魚沙津 HKD 36煙三文魚很新鮮，色澤很均勻而且沒冇根。蒜香蜜糖雞翼 HKD22密糖份量剛好，不會太甜過溜。 還有蒜香提提味和風餃子 （4隻）HKD 22 餃子皮脆又薄，內有肉汁，沒有根，啖啖肉，沒有醬汁也可。藍柑果味檸檬沙冰梳打 HKD 40 青蘋果遇上檸檬，味道很夾、很似，酸酸甜甜，很開胃

今日天氣凍凍地，唔想走咁遠食飯，屋企人又想食d新式少少既野食，諗黎諗去都唔知大埔有咩合適。咁岩朋友介紹呢間，就選擇左佢！7點鐘到，目測已經有9成滿，但好彩唔使等位！Menu有好多好多野食好吸引，重點係一d都唔貴！等我介紹下食左d咩：瘋狂炸雞沙律用透明樽分開炸雞同沙律好細心！炸雞新鮮炸起熱辣辣，加上凍既沙律菜，一凍一熱好好食！龍蝦汁海鮮焗面包見差唔多每枱都有一客巨型焗面包，我當然要試下！注意，係超巨型，旁邊仲有薯角，建議三人以上先叫，入面汁料充足，面包脆卜卜，海鮮唔算多但入味，食完呢個成晚都好暖！松露忌廉汁羊扒焗意粉眼闊肚窄叫多左，但呢個都好好味，羊扒好林，個汁有淡淡松露味，一d都唔heavy。燒蠔（garlic and cheese各二）睇相都知大隻，蒜容好多好好味，蠔身幾厚，值得一試！今餐係好滿足，又抵食，下次再黎試其他！

聽聞大埔開左間好多芝士料理既餐廳，我一聽到就即刻約埋家姐一齊去試啦！餐廳名叫開飯主義好特別，係大埔街市附近，地點都算方便易搵。內裡格局比較似一般既茶餐廳，但係擺設上都有花心思，有不同既小擺設同掛畫，令人感覺舒適。店員既服務態度都非常好，經常都面帶笑容。言歸正傳！一打開餐單就見到邪惡既芝士包！芝士包可以跟幾種主菜，有野菌雞皇、炸雞或者海鮮，我同朋友仔就分別揀左炸雞同海鮮黎試下。(當然，其實menu仲有其他類型既主菜，例如石窩飯、慢煮咖哩飯等等)野飲方面都幾吸引，特色飲料包括沙冰多多同沙冰梳打。我同朋友分別叫左柚子沙冰多多同草莓果肉檸檬沙冰梳打。兩杯味道都十分濃郁，加上第二杯真係有啖啖草莓果肉食到，令人回味無窮！當野食黎到既時候都有驚喜！餐湯有紅有白，但係餐包係牛！角！包！鍾意牛油香味既我真係非常滿意！然後終於到主菜登場啦！香脆既包內填滿了可口既芝士，見到都已經流曬口水！芝士配海鮮係非常夾既組合，海鮮種類包括龍利柳、蟹柳、青口、魷魚等等，比想像中多呢！另外配炸雞都非常好味，呢度既炸雞唔係無骨啖啖肉嗰種，雞肉咬起來更有口感，真係唔錯。呢餐非常'芝'味又邪惡既晚餐真係令人非常滿足，十分推薦大家

這天難得去到較少去的大埔區，當然要來吃好西！我和朋友都是芝士迷，都想來試這裡的招牌菜—溶岩拉絲芝士麵包～加 $15 便有餐包、餐湯和飲品！（特飲再加 $10）牛角包挺軟熟的，但如烘過便更好了。柚子沙冰多多不算很甜，喝下去超冰涼的，而且伴有小粒的柚子肉～重頭戲—溶岩拉絲麵包芝士炸雞！以多種芝士形成較滑的溶岩芝士，拉絲有幾寸長，單看已經心心眼了～炸雞本身也有不少千島醬，不點芝士也好吃，但雞骨比較碎。吃過炸雞後，把剩餘的麵包也沾上芝士吃了，可惜不夠芝士，令部分麵包部分顯得較韌。章魚小丸子的麵團較多，主要靠燒汁搭救，只有三件太少了～茄子超長，落了很多蒜蓉所以很香。蠔殼像手掌般大，兩款味道的廣島蠔都很滋味，皆因用了大量的蒜蓉/芝士～

行開大埔都知呢間舖好好生意，今日就同朋友去一探究竟。入到去，舖面行西式路線，裝修得好有風格，係大埔確係少呢個路線嘅舖。而餐牌菜色繁多，有焗類、鐵板類、仲有佢地特色嘅芝士拉絲麵包，幾乎全部菜色都附圖，相當精美。今次我地就叫咗香煎A級穀飼西冷10oz ($95)，叫咗七成熟同黑椒汁。塊扒鐵板上嘅，而塊板好夠熱，唔係得個睇字，而食落的確有西冷嘅靭勁，有豐富肉汁，而且塊扒好肥厚兼大塊，好夠份量，再配埋薯角、蕃茄、西籣花，配搭得唔錯。 另外，軟殻蟹霜降色仔牛焗螺絲粉($85)，呢度大部分焗類可以由飯轉去意粉或螺絲粉，我就叫咗螺絲粉。軟殻蟹炸得金黃香脆，有肉地有咬口。牛柳粒好重肉汁之餘有咬勁，而且又厚又大舊，份量唔少，好有驚喜。仲叫咗份廣島蠔（兩隻芝士兩隻蒜蓉），個蠔上枱好驚喜，好肥厚、大隻，食落好鮮好juicy，蒜蓉味好香，而芝士味更見出色，因為芝士份量既多、拉絲力又強，食完仲好返尋味，推薦！

大埔係一個餐廳林立的地方，很輕易便能夠找到餐廳。今次我推介一間位於大埔墟的多元化餐廳，這間餐廳有很多不同地方的菜色，相信能夠滿足不同顧客的要求，另外一個特色係這間餐廳飲品有很多唔同類型亦都充滿特色 第一道菜色係蒜蓉和芝士焗蠔，係一道好特別嘅菜式，作為一個蠔的愛好者，我對這個烤蠔非常滿意。首先好像十分肥大，能夠充分吸收蒜蓉和芝士的精華，令到每一口充滿精華。蠔也十分新鮮，能夠吃出鮮味，這也是一件十分難得的事，總括依然這個烤蠔的質素十分高，絕對十分值得嘗試。咖哩牛腩亦都係其中一道必吃的菜色，咖喱牛腩的確非常常見，但能夠處理得好嘅十分困難，首先咖喱汁不會太辣，容易入口，適合大眾口味。牛腩亦都不太硬， 證明廚師用很多心機和時間烹調，才能使她容易入口，若果牛腩太硬太痴牙便不好吃，因此這個咖喱牛腩質素十分高。他們推出的安格斯牛扒十分美味，牛扒厚度充足，廚師亦能夠將火候調節得很好，能夠將牛扒控制到七成熟以內。而且牛扒鬆軟，證明牛扒質素良好，牛扒配有不同嘅醬汁選擇，我選了黑椒汁，黑椒汁味道不會蓋過牛扒的鮮味，反而能夠配合得到，令牛扒味道不會過於單一。而且牛扒套餐亦配有而且牛扒套餐亦配有薯條和時菜，因此能

依間KAI FAN CAFE, 店內環境設計摩登,有唔小特別既模型裝飾,燈光黃黃地幾柔和,座位唔迫挾坐得舒服,食物方便都好多選擇,一般粉麵飯都有齊,重有鐵板早款式,更有幾款創意款式,例如溶岩拉絲麵包系列!!!清新凱撒沙律羅宋湯忌廉湯牛角包鐵板系列: 經典雜扒餐,珍寶腸+牛扒+豬扒+雞扒+蔬菜,咩都有齊好豐富!!!溶岩拉絲芝士麵包配羊架,好有創意,麵包外脆內軟,裏面有咖喱肉碎既餡料,上面重要舖層厚厚既芝士,再加埋啖啖肉既羊架,好豐富好好味,一個字""嘩,睇下個拉絲效果,真係好引人!口水都流埋!!!小食: 韓式炸雞,炸得脆而唔燶!蒜蓉燒生蠔,正,蠔肉都幾肥美!蒜香好濃,但又不失蠔個種鮮香味!潮流特飲: 草莓果肉檸檬沙冰梳打熱檸檬菜蜜

聽朋友介紹，開飯主義的雞翼好特別好好味，而且menu選擇多，所以試下！餐包竟然係我最愛的牛角包，加分！本來是想是一是招牌電擊雞翼，可惜今天售罄，選擇了蜜糖雞翼，幸好也沒有令我失望，甜甜的煎得剛好。另外，點了蒜蓉和芝士廣島蠔，個人更喜愛蒜蓉，夠香口，不會腥，是必點之選。主菜是芝士豬軟骨石窩飯，鋪滿了芝士，混合豬軟骨，很好吃。豬軟骨軟林林的，充滿骨膠原，是女士之選。有人選擇了軟殼蟹牛焗飯，分量十足，而且牛肉質鬆軟，蟹很大個，非常抵食。