阿鴻小吃 (已搬遷) 新店位置

剛途經觀塘工業區看到阿鴻小吃， 今晚成9:00才找地方晚膳， 印象中北角的呀鴻小吃甚是人多，可能這鐘數已不太多人，即管一試！一看餐牌，感覺比一般貴了一點點，但二人進餐，應該吃不到太多，所以點了:南乳粗齋，鹵水鵝片，蠔仔粥。南乳粗齋～有紹菜，紅棗，白果，冬菇，枝竹，雪耳，雲耳等蔬菜，南乳味恰當，不太咸，配答得宜， 只是凍了一點點！鹵水鵝片～正！暖暖的！鵝肉不太肥，只有—層薄薄的肥膏+皮，比平時一般在潮州酒家吃到的好，有鵝味，配上鹵水汁和芽菜，賣相和味道相當得宜，值得推薦！蠔仔粥～正！蠔仔肉新鮮，湯底鮮味，平時吃到的蠔仔粥會容易囗渴，但這家沒有，整體良好！服務員態度好，有禮！整體是一家值得推薦的食府！

以前在北角食開，見觀塘有分店，即刻去試！果然冇令我失望。食物很好味，只是價錢有點貴。😄老火湯好夠味，冇味精，飲完重想再飲。蔡瀾撈麵比招牌撈麵香和美味。鹵水食品冇得頂！

阿鴻小吃從一間坐落於北角小店, 後得到米芝蓮星星, 分店愈開愈多, 能保持水準嗎?最近阿鴻小吃開到官塘工廠區, 假期的官塘十分清淨, 好容易搵到坐位食飯店內不太大, 跟其他店裝修差不多 ; 都是平實為主。 這裡另設VIP 房, 另外Menu 照片吸引, 又有中英日, 為遊客而設~價錢跟以前在北角小店時大幅增加不少.....一碟鵝片要2百, 真係唔平.....工廠區的午餐...都係叫雙併撈麵$95鵝片墨魚整齊排列, 兩側放了豆角, 賣相吸引!鵝片墨魚份量都算多, 但$95一碗真的不太便宜~墨魚爽口, 鵝片嫩滑, 鵝肉味重, 脂肪不多,但甘香豐腴。可惜撈麵有硯水味....阿鴻炒飯 $68 (午市特價) 原價$88有鵝肉,蝦干, XO醬炒成的官塘店限定炒飯實在出色炒得粒粒金黃, 十分干身; 面上鋪上炸過的蝦干香口, 成功令味道提升不少 味道依然好味, 但感覺格調提高不少, 因為米芝蓮星星??小妹較喜歡以前未成名的阿鴻小吃.....親民d

行經觀塘，見佢新開張，即管試試。2個人食lunch，一碗蠔仔粥，鹵水拼盤，加個小食，$380！鹵水拼盤--吾錯，同美心集團既差不多。分量唔大，兩個人啱啱夠。鹵水味適中，豬頸肉，鵝片唔會太肥。（$260）小食芥末雞腳筋--細細碟，芥末太咸，雞腳筋本身冇咩味，賣咬口，趙２－３舊ｏｋ，多就無畏，冇食完就埋單。（$68）蠔仔粥--味道OK啲蠔細粒冇咬口，唔係波子蠔漲卜卜。（$48）btw, 個經理攞住碗蠔仔粥經過我面前，送左去另一枱。後面個呀姐提佢係我張枱既，佢示意吾好多事。好，算，吾同你爭，我要後面果碗。點知五分鐘後，個經理攞返果碗返黎，咩你廚房搬左去果邊咩？？算，見碗嘢正常，我就當自己食緊大排檔。相信米之蓮既人真係要深切了解米之蓮既星級定義。一星代表“經過既話可以一試”。即係話佢既質素其它地方都有，吾需要特登去。另外，星星冇衡量價錢，吾代表低食。$380你大可以去你樓下既潮江春。起碼味道吾差，會跟單上菜，吾會攞人地碗嘢俾你。

老闆買回來給大家的下午茶，加埋公司一杯中茶，不錯不錯。評：鵝翼D汁足夠入味，肉同骨有CHEWING，下午茶小食，超好，8/10評： 鴨舌，夠辣，不夠麻，不過都好好味俾 9 /10

星期六放工心血來潮去阿鴻食Lunch，其實早在佢一開店就想試，曾經跟同事拉大隊卻過門而不入，因為一個字” 貴”！食個lunch 要成$88起…. 唔係人人捨得食。今日一個人就豪一豪去。一個人的選擇不多，沒有午市套餐，只有大碗飯，雙併$88，鹵水鵝走唔乜，另外一款問店員有咩推介，佢竟然係無idea!!! 問多兩句話豆腐ok，於是信佢叫左豆腐，點知上錯了賊船。大碗飯個賣相頗ok，真的如其名夠”大”，雙併份量都貨真價實足料，先吃一件鹵水鵝，睇落去就好肥美，咬落去就無咩味，先來是一朕好突出的花椒味，之後就係好淡好淡的鹵水味，鵝肉質好韌，要大口大口撕才吃得下，老人家完全唔使指意咬得開，招牌如此，頗為失望。Bill Tai Tai 身為”潮童”多年，兩親都是潮州人，典型過唔典型，鹵水呢家野，可以話係由細食到大，什麼是水準，什麼是好吃，絕對可以吃出個標準來。對於掛住鹵水為招牌的阿鴻的鹵水鵝，好想俾個咸樣，但人地打開門口做生意，如非真係要”告誡” 大家唔好去食，我唔會俾咸樣的。那…..我給一個僅合格吧…得罪講句，還不如台灣的的水準 (p.s. 鴨肉扁不是賣鴨的，是賣鹵水鵝片的，可配麵/米/飯，好好味的

北角的阿鴻小吃長大排長龍，剛開業不久的官塘分店，可以不用等位直接入座，當所有座位都有客人時，座位是比較擠逼的，我們一行六人到此晚飯，發覺餐牌主要提供滷水食物和小吃，就如店舖的名稱一樣，如果想選擇小炒之類的菜式，基本上是不多的，最後我們點選了以下菜式:整體食物水準中上，但價錢都是一樣，而且份量偏小，像炒飯，大約每人只有半碗，撈麵亦只是一至二人份量，在官塘工廠區算是不便宜的食肆。

以前成日收工都會去北角和富道上面嘅阿鴻小吃晚飯，好多時八點後都會等位生意滔滔不絶，至從榮穫米芝蓮推介之後更加大排長龍，都有好幾年無去過，雖然機場都有開分店但路途遙遠所以無試過，當知道官塘開咗又大又易搵到位嘅新店，即刻約埋官塘做嘢嘅朋友去試。 由於中午時間怕無位所以佢哋一早去登記攞位，不過最終都要等齊人至可以入坐。新店面積比舊店大，裝修、運作較現代系統化，有著住西裝嘅店長招呼客，穿著整齊制服嘅侍應、廚師。午飯時間大枱都以搭枱居多，由於大部份食客都係喺附近返工，所以流轉都好快。 餐牌圖文兼備，款式大至上同舊店差唔多，仲有賣樽裝XO醬同招募會員, 果然與時並進有心大攪，家陣見老闆無再坐陣廚房而係於舖面打點。例湯木瓜唐排: 一大碗足夠兩個人分，湯料豐富有木瓜、排骨、淡菜等等，火候十足味道濃郁，同屋企煲嘅味道一樣。南乳炆齋: 係一味家常菜，大年初一都會必備，有冬菇、粉絲、雲耳、雪耳、支竹、豆卜、白果、津白....，南乳非常惹味，齋都可以好豐富，不過略為咸咗啲。醉鴨舌: 份量好多每條都好厚肉又唔會太淋，個醃汁酒味香濃每條鴨舌都入晒味。鹵水掌翼: 表皮顏色深過鹵水鵝好多，翼無乜肉較乾身，皮連筋膜嘅位

知道這間在港島區經常要排隊而又等候良久才有座位的食店在九龍插旗，所以急不及待要去光顧，不論是否因為那顆米芝蓮的光環效應也好，也想探究她的個人之處是什麽？由於店鋪面積其實比港島區的大不了多少，只是多了一些包房而已，所以早點去是有好處的，明顯地由於附近又酒店和寫字樓的緣故，大概8時許有出現等候的人客。是日我們點取了以下菜式，雖然不是什麽名貴菜式，但是價錢也相對地比同區的食點貴少許，或者那是觀塘去未來的一個方向，由工廠食堂轉型為高檔餐廳。1. 滷水鵝片飯我們最為欣賞的一個食物種類，鵝片一點也沒有欺場，一碟飯內足夠10多片的滷水鵝片，而且絕對不是那些片頭片尾的鵝片，份量十足也味道不錯怪不得有附近人客在中午作為外賣飯盒帶回公司品嚐。看到每張枱上的滷水材料介紹，相信大家很清楚滷水如何炮製不是秘密，但是那種心機和誠意才是秘密，不是隨便可以提取去模仿。我最愛這碟飯。2. 芥末雞腳筋最初真的不知道什麽是雞腳筋，以為像牛筋之類的食物，後來才知道原來是雞腳的后蹄部份，沒有骨頭，一口一啖，有數種口味，我們選擇了芥末，口感良好，不會太過辣，但是會令您吃完希望再吃，是一道有新鮮感的小吃，或許用來送酒是上品。3.阿

打從第１次與阿鴻滷物相遇後，就好喜歡了還記得那次是跟 Yan 在晉薈嚐到的，最近也留意到它在觀塘工廠區裡開了新店本來跟朋友相約好去吃燒肉，但可惜的我做了病貓，臨時改地點令我再次想起它假日來這裡就有好處，不用等候客人亦不多不會坐得很擁擠嘛，早已鎖定想吃什麼，再嚐滷味就不必重複了蠻喜歡它的裝潢感覺很溫暖芥末雞腳筋 HKD$68膠原豐富的雞腳筋，以芥末來調味真的很適合我這個快失去味覺的病人刺激的辛辣味直衝到鼻子，冰冰涼涼的爽脆又有嚼勁吃罷大呼過癮啊，嘻...這次病中也吃到美味的五香牛展 HKD$68淡淡的滷水香氣滲進牛展裡，再竄到口腔這道我們吃得很開心，滿意度很高呦～最欣賞的都是師傅的刀法，每片都薄得透光嘛而且還非常的完整～阿鴻鴨舌 HKD$48這是有叉的，吃起來很不方便麻香辣味包圍著整支鴨舌，肉厚肥美的很香滑，舌後的氣管部份也軟中帶韌下次也想試試醉香那個～阿鴻炒飯 HKD$68 (午市優惠價)料很豐富，有xo醬、菜粒、鵝肉粒與雞蛋切成丁狀的鵝肉粒下得夠大方，滿咀都是甘香的鵝肉味飯炒得乾爽不油膩，因為有爽脆的菜粒增添了口感，層次也豐富服務方面很細心熱情又殷切，知道我們都會先拍照還幫我們弄得漂

周未午間的工廠區特別靜，最啱我呢ｄ鍾意食又唔鍾意等嘅麻煩人。貴為米芝蓮一星食店既平民食店雖然隱藏於觀塘工廠區一角，但其秘製鹵水汁名揚海外，今次專程過黎試試。薑蔥撈面傳統製作，用豬油撈面，配抄香的薑蔥絲，面質非常彈牙，但記緊要趁熱食，涼左會覺得油膩。鵝片大碗飯鵝片鮮嫩，秘製鹵水汁撈飯好香；欣賞阿鴻小吃的鹵水汁，１）唔會搶左食材味道；２）食完唔會好口乾。唔似外面的鹵水汁大部分都好鹹，食嘅時候會好驚食到有腎病！阿鴻小吃的鹵水汁抵讚！素鵝素鵝尚可，都係因為個鹵水汁好食，原因同上；不過因為得兩個人食一碟，而素鵝又吸收晒個汁，所以食到最後都有少少膩。蘿蔔薯仔湯碗湯係午市隨大碗飯送，百分百屋企湯水，蘿蔔薯仔煲得好稔，無味精，ｏｋ！雖然係小店, 但食店環境、食物質素、賣相都見心思, 值得一試！

連續多年貴為米芝蓮一星食店既「亞鴻小吃」終於進軍九龍區！作為一星飯店，自不然對佢既期望十分高。不過，唔知係咪重係新開既關係，整體服務水平仍需改善。樓面亞姐好似唔係好熟日常運作，有小小夢遊病發作咁，再加上小店對面係服務強國人為主既酒店，所以裏面大部份都係祖國既同胞會比較嘈少少！Anyway，是日由於唔係太肚餓既關係，所以無叫到$188例牌既鵝片拼盤，反而focus喺D平時比較少食既菜式！鵝肉飯︰比我想像中大碟。四十幾蚊有咁多鵝肉真係有點兒喜出望外！作為小店既主打，鵝片當然無令我失望，肥瘦比例剛剛好之餘味道亦都好正，鹵水味道亦都好入味，激讚！鵝片拼元蹄麵︰鵝片當然十分正，至於元蹄方面叫做不過不失啦！唯一要讚既係麵條方面用左傳統雲吞麵舖、溝左鴨蛋既麵條，令到麵既口感十分彈牙十分正！亞鴻炒飯︰Size方面比預期中大碟好多，本來諗住$58貨仔都係D基本野，但係炒飯喺用料上真係俾足心機。除左鴨肉之外，重有蝦同埋蛋碎，以咁既價錢有咁既質素真係唔錯！炒麵︰見到幾乎每枱都會點既必食之選！炒麵用左特製既XO醬去炒，非常之香口。不單可以一啖就食得出蝦米等等既材料之餘，又唔會好似坊間既XO醬咁一味只係得個辣字