陳鵬鵬潮汕菜館

营业中

休息中

前排同老友去沙田新城市廣場行街，見到深圳人氣潮汕菜陳鵬鵬潮汕菜館都喺度開咗分店😮 聽講佢哋曾獲法國鵝肝大賽亞洲首獎，仲連續四年入選大眾點評嘅必吃榜，一於試吓先！蜜蘭香 $10/位茶味香郁、味甘，有消脂去膩、减肥嘅功用餐前小食-肚臍餅 Free食落幾煙靭，甜甜地，幾特別金獎潮鹵拼盤 $128有用潮汕地區名物獅頭鵝，以秘製滷汁烹調，有鵝片、鵝頸、掌翼、鵝血、糖心蛋溏心蛋等，滷得好入味海鮮砂鍋粥 $98(例)加入蝦、花蛤、蠔仔熬煮，配料十足，粥底吸收晒海鮮精華，超級鮮甜南澳蠔仔烙 $98依照地道嘅南澳做法，加了木薯粉製作，炸得好鬆脆又香口，鮮味飽滿蠔仔份量都幾多，蘸埋魚露食特別滋味打冷午筍魚 $88魚肉鮮美，軟嫩順滑，入口即化潮汕七樣菜 $68以七款菜煮成的傳統菜式，寓意吉祥，蔬菜新鮮清甜

近期愈來愈多內地過江龍來港開店，沙田新城市廣場可算是熱門地點之一！我非常喜愛吃潮汕菜😋見陳鵬鵬潮汕菜館新開業，就來湊湊熱鬧🤣平日晚上人流亦不少，要等位。▪️金獎潮鹵拼盤有鵝片、鵝翼及鹵蛋等，鹵水味不會過咸，沒有蓋過食物原味。▪️香煎鯧魚鯧魚切成一塊塊，沾上薄粉煎香，要趁吃才可以好好品嚐魚的鮮味。▪️蠔仔烙建議3-4人分享！有厚度，外層脆，中間帶微微煙韌感！蠔仔大大粒，頗新鮮。▪️胡椒豬肚湯極大鍋！集咸、酸味於一身，微微胡椒辣。▪️潮汕七樣菜就是雜菜煲，份量都頗多。

終於排隊食到陳鵬鵬！話說嚟咗香港之後日日夜夜都排長龍生意勁好 其實好多朋友都鍾意食潮州菜，不過就好難搵到一啲正宗嘅餐廳。潮汕菜起源於唐朝，歷經千年傳承與創新，享譽海内外，被譽為“國際上最好的料理”。本身都知道呢個品牌喺內地好出名，佢哋一共有20年餐飲從業經驗，目前已超過30間直營門店，仲喺好多比賽裏面獲得獎項！當然要試吓佢哋嘅超值金獎潮滷拼盤，啲滷水每日五次現場滷，確保新鮮出爐！拼盤有蛋、鵝掌同豆腐，加上白醋，特別美味開胃。另外仲食咗佢哋嘅潮汕七樣菜，真係有七樣菜！分別有小棠菜、白菜仔、娃娃菜、椰菜花、普寧黃豆醬、韭菜同埋芥菜，清清地幾好食，果然係非常傳統嘅潮汕風味哦！韭菜鵝血煲，平時多數食豬紅韭菜，但呢度係用鵝血，質感入口有明顯分別，湯底用了一些香料令味道有點辣辣的。香煎鯧魚係我覺得最好吃的菜，炸過金黃色，皮和骨也可以吃用很香口，骨肉分離，方便食用。海鮮砂鍋粥也有驚喜，完全估唔到勁多蠔仔蝦同埋甲殼類，啲海鮮好鮮甜，尤其個蠔！啲粥又唔唔會太熱又唔唔會太水，果然係正宗潮州粥。甜品本來想叫雪糕，可惜已經賣晒！紅糖仙草蜜加芋圓同薑薯綠豆爽都係唔錯嘅選擇，佢哋嘅草仲係自家製添，食落清甜解膩。

越嚟越多國內品牌喺香港開分店，今次呢間陳鵬鵬潮汕菜館就係其中之一。如果平時有上去深圳，呢間餐廳就應該一定見過。因為好多大商場入邊都有。之前冇喺深圳食過，所以今次就喺香港試吓佢究竟好唔好食。入座招呼都好好，先裝咗茶同埋有個餐前小食，係糖餅嚟嘅，不另收費。金獎潮鹵拼盤有鵝背、鵝胸片、鵝紅、鵝頸、鵝掌、滷蛋同埋蝦棗。唔同於坊間嘅做法，佢嗰啲係新鮮滷水新鮮鵝，每日都會新鮮製作做滷味。所以香料味比較少，豉香同埋鵝味較重。韭菜鵝血煲鵝紅同豬紅唔同，比較嫩滑。同韭菜一齊煮都出色嘅。南澳蠔仔烙又唔同香港蠔餅，佢唔係炸到脆卜卜，而係外脆得來裏便係煙煙韌韌。聽講都係潮汕嘅特色。啲蠔仔仲要好大粒。潮汕七樣菜用咗普寧豆漿煮七種唔同嘅蔬菜，鹹香入味。幾有潮汕風味。香煎䱽魚我覺得呢個最好食，新鮮䱽魚斬件煎到香脆。肉質結實與味濃。真係食多一條都食得落。海鮮砂鍋粥呢個都係第二好食，佢用咗大量鮮蝦、蠔、花甲生滾砂鍋粥，再用冬菜提鮮，加上少少胡椒粉。係一個非常出色嘅主食。食飽佢哋送咗一碗紅糖仙草蜜俾我哋做甜品。呢個甜品有幾好食仙草好嫩滑唔會苦。清涼曬。

本身我好鍾意食 #潮州打冷菜知道於深圳擁有超過 30 間直營店的「 陳鵬鵬潮汕菜 」 @cppteochew喺今年3 月底正式登陸沙田新城市廣場今次終於有口福同美媽擦返餐勁喔主打鹵鵝的潮汕菜館🪿曾榮獲中華鹵鵝大賽金獎🏅法國鵝肝大賽亞洲首獎香港潮州菜大賽銀獎及連續4年榮登大眾點評「必吃榜」除了用上精選頂尖食材還有著經驗豐富經驗的潮汕廚師團隊坐鎮👨🏻‍🍳❣⊰⊹════════════════⊹⊱💬 ✎ 食後感 ：✨我哋二人一口氣order咗幾款菜式大家開心share食以下幾款菜式令我們記憶猶新呢 ⬇️ 🖤 蜜蘭香（位）甘薯蜜味、濃密幽蘭的茶香有帶點荔枝的蜜韻而且好處多多更有助消脂去腻、减肥及降血脂等🤎 金獎潮鹵拼盤當中包括鵝片、鵝頸、鵝血、廣章並堅持選用每日食新鮮象草的鮮鵝並每日新鮮運送到店肥瘦勻稱的滷鵝配上特製滷湯令肉質更鮮甜可口💛 南澳蠔仔烙煎到脆邊脆面的蠔仔烙每一啖都帶點煙韌又香脆的裏面嘅蠔仔份量都頗多喔🩶 香煎鯧魚煎得好香又美味估唔到每一件係冇乜骨配搭一點薑蓉增添鹹味好似食緊魚柳咁啖啖肉🧡 海鮮砂鍋粥加入滿滿的海鮮熬出來的這一鍋粥遠處都聞到濃濃的香氣加上有海蝦、蜆肉等海鮮熬出的海鮮砂

🎉深圳美食陳鵬鵬潮汕菜，終於來到沙田新城市廣場啦！🎉 獲獎無數的潮汕菜名店，實力果然名不虛傳！🏆榮譽滿滿：從法國鵝肝大賽亞洲首獎，到連續四年深圳美食必吃榜首位，再到《舌尖上的中國》製片人的贊譽👏🏢環境舒適：店內裝修明亮，無論是家庭聚會還是朋友聚餐，都是絕佳選擇！👨‍👩‍👧‍👦🍽️美食推薦：1️⃣ 潮鹵拼盤：鹵鵝片、掌翼、溏心蛋，每一口都是咸香鮮嫩，肉汁濃郁🦆2️⃣ 南澳蠔仔烙：蠔仔分量十足，粒粒飽滿，搭配木薯粉製成的酥脆口感，再配上煎蛋，簡直是美味到爆炸！🦪3️⃣ 煎鯧魚：榮獲香港潮菜銀獎的它，外皮香脆薄如紙，肉質鮮嫩滑口，絕對是你不能錯過的必試菜式！🐟4️⃣ 金獎鵝肝：口感細膩，比煎鵝肝少了油膩感，入口即化，讓人回味！🦆

何為服務？不限時，唔使齊人，1夫霸佔1張大枱多過一粒鐘。只有3張大枱。等咗個半鐘，叫都未叫過。因為3張大枱都係得一個人。係咪應該檢討吓呢？老人唔係大晒，請體諒係出面餓到面青嘅人。亦唔該唔好再叫D老人去霸位。約咗人食飯唔該準時到。亦希望貴公司可以改改呢個服務。唔係隨時執笠。一晚一輪一枱客真係唔係叫服務。門口嘅姊姊亦好為難。請訂好規矩。令大家容易解決問題。約人食飯遲過2個鐘，應該都係唔想同你去食飯，不如放番張枱俾有需要嘅人

大陸開過嚟嚟到發現好多人要等位，好在趕得切嗌一個好抵嘅午市套餐二人餐佢包個滷水拼盤，幾好味，不過鵝肉就唔會太多 每款得少少，提一提個流心蛋好好味！鵝紅都唔錯不過鍾意食肉嘅就一定唔夠 198嗰個餐會抵過298 侍應都好好，我哋問佢佢講 $58鵝紅份量唔算太多，呢間嘢嘅煲仔好淺嘅 所以送今餐嘅潮汕七種菜都係用呢個煲，不過我哋都食唔晒，因為太油啦今餐嘅煎䱽魚幾乎係炸 想食蛋太油所以跟餐叫咗個烏頭半條88反而幾好味幾啱食另外加鵝腎$48係我口味！不過我睇最多都係得一隻切片嘅份量炒粿條太油，同侍應講佢話佢叫廚房再整，諗諗吓我哋都係話唔要佢都OK 其實呢度服務態度超好 但係唔收假日，可想而知香港嘅餐廳真係好難同大陸鬥以後一定會再嚟食🤣不過會留多啲時間去排隊等位，如果唔係過咗兩點買唔到午市餐

終於排隊食到陳鵬鵬！話說嚟咗香港之後日日夜夜都排長龍生意勁好 其實好多朋友都鍾意食潮州菜，不過就好難搵到一啲正宗嘅餐廳。潮汕菜起源於唐朝，歷經千年傳承與創新，享譽海内外，被譽為“國際上最好的料理”。本身都知道呢個品牌喺內地好出名，佢哋一共有20年餐飲從業經驗，目前已超過30間直營門店，仲喺好多比賽裏面獲得獎項！當然要試吓佢哋嘅超值金獎潮滷拼盤，啲滷水每日五次現場滷，確保新鮮出爐！拼盤有蛋、鵝掌同豆腐，加上白醋，特別美味開胃。另外仲食咗佢哋嘅潮汕七樣菜，真係有七樣菜！分別有小棠菜、白菜仔、娃娃菜、椰菜花、普寧黃豆醬、韭菜同埋芥菜，清清地幾好食，果然係非常傳統嘅潮汕風味哦！韭菜鵝血煲，平時多數食豬紅韭菜，但呢度係用鵝血，質感入口有明顯分別，湯底用了一些香料令味道有點辣辣的。香煎鯧魚係我覺得最好吃的菜，炸過金黃色，皮和骨也可以吃用很香口，骨肉分離，方便食用。海鮮砂鍋粥也有驚喜，完全估唔到勁多蠔仔蝦同埋甲殼類，啲海鮮好鮮甜，尤其個蠔！啲粥又唔唔會太熱又唔唔會太水，果然係正宗潮州粥。甜品本來想叫雪糕，可惜已經賣晒！紅糖仙草蜜加芋圓同薑薯綠豆爽都係唔錯嘅選擇，佢哋嘅草仲係自家製添，食落清甜解膩。

等位耐 有四人枱都會叫兩張2人枱搭枱 旁邊等四人枱個啲飛一直唔叫 第二 樣樣餸都係平平無奇 蠔餅凍的 炒肥腸老 鵝肝乾 老鵝算最正常 但唔及正宗香港小店好 粿條配佢個辣椒油最好食， 野食細！ 最後走先知原來係深圳開過黎… 最慘因為野食細 唔會覺得抵食 只係平少少少少 人均200左右。 唔知係咪預製菜 佢個啲餸完全冇即整的感覺。就算鵝加熱住 都唔覺得佢夠熱..建議大家要平直接去大陸食 無謂香港價錢食番唔值ge野。 最後呢 一間餐廳有冇心機做一道菜 其實食客係感受到的。

晚市二人, 六點攞飛, 等咗一個鐘頭先有位終於埋位發現兩隻碗都有污漬黐喺面, 隻碗摸上手有啲油, 即刻叫侍應換😓😓😓😓😓叫咗滷水拼盤同蠔仔粥, 仲有甜品買一送一滷水拼盤味道一般, 平時街市買開嘅仲好食啲😓😓😓😓😓蠔仔粥太淡唯一優點係應該冇落味精侍應會要求快啲夾起碟上剩低嘅兩三嚿俾佢收碟, 態度唔多禮貌, 餐飯食得唔自在😓😓😓😓😓見到咁多好評原本好期待, 但真係好失望，唔會再食下一次👎🏻

沙田越來越多好野食之前上深圳一直想食呢間得獎無數嘅潮汕菜今日終於喺度俾我食到金獎潮鹵拼盤賣相好靚好豐富，一次過可以試晒多款滷水包括鵝片、鵝頸、鵝血、廣章（潮洲豬肉條）、腩肉及秘滷溏心蛋，口感軟糯，蛋黃香甜香煎鯧魚曾榮獲香港潮菜銀獎呢個菜好有驚喜，煎得外皮又脆又薄，肉質鮮嫩又滑，魚骨不多，小朋友及老人家都容易食，必試菜式海鮮砂鍋粥好鮮甜，有機大米加入鮮蝦、花甲、蠔仔等金獎鵝肝口感細膩，比煎鵝肝少了油膩感潮汕七樣菜就好似香港嘅雜菜煲，七樣菜拼在一鍋金不換炒薄殼第一次食呢個菜，雖然細細粒但係肉質鮮甜配埋金不換，好惹味蜜蘭香仲有食潮州菜點少得功夫茶

唔洗北上都食到嘅🌟陳鵬鵬潮汕菜🌟，依家係沙田新城市廣場都有得食啦🤩新開咗一段時間，平日晚飯時間都勁多人排隊，好多特色嘅潮汕菜呢到都有，幾值得黎試下，每款菜式仲要好夠味，果然多人食👍🏻._.🤎金獎潮鹵拼盤 🤎鹵水拼盤有多款鹵水食物，每樣都好入味，濃濃嘅鹵水汁，個溏心蛋好出色又夠味✨️.🐟香煎鲳魚🐟鯧魚煎到好香，外層少少脆，將煎好嘅鯧魚肉整成條魚嘅造型上碟，好有心機，而且煎完唔會好油膩.🦪南澳蠔仔烙🦪 蠔仔每隻都好飽滿大隻，蠔仔數量多，而且大大餅，炸到好香脆，鹹鮮香味十足.🦐海鮮砂鍋粥🦐生滾粥新鮮滾熱辣上枱，海鮮足料，蝦隻仲開好邊，方便食到蝦肉，粥底都充滿海鮮鮮味.🐚金不換炒簿殼🐚好香濃嘅金不換香料，簿殼嘅蜆仔數量多，蜆肉鮮味，幾惹味.🫖蜜蘭香🫖茶葉放係茶杯上枱，可以翻沖幾杯，香濃，解膩又解渴._.

榮獲多個大獎既深圳潮汕菜名店陳鵬鵬潮汕菜✨係沙田開咗啦🥳🥳除咗招牌金獎滷鵝、一系列出色潮汕美食同樣大受歡迎🤟🏻今次就約埋好友試齊多款招牌菜，款款都好出色，果然係獲獎名店🎊🔹金獎滷鵝拼盤揀咗個例牌拼盤，有齊鵝片、鵝頸、廣章（潮洲豬肉條）、豆腐、秘滷溏心蛋等等，推介味濃香軟又多汁既鵝片，肥瘦相間、嫩而不柴，入口超香！另外秘滷溏心蛋亦同樣出色，蛋黃呈濕潤膏狀，食落軟糯香甜，相當香醇！🔹香煎鯧魚榮獲香港潮菜銀獎菜式，將鯧魚醃製後裹上薄薄炸粉，煎至外表金黃酥脆，火侯控制得岩岩好～外皮香脆夠哂薄，魚肉滑嫩味鮮，令人一試難忘！🔹海鮮砂鍋粥有機大米配以鮮蝦、花甲、蠔仔等材料一同熬煮，粥品鮮甜，食到粒粒大米，以砂鍋呈上更可保持熱度。🔹南澳蠔仔烙特別加入木薯粉製成，口感煙韌仲食到大大粒飽滿多汁既蠔仔，口感極佳。🔹潮汕炸粿肉即叫即炸金黃色外酥內嫩，優質豬肉夾雜馬蹄，提升層次感，香口又滋味。🔹潮汕七樣菜每款蔬菜都各有意思，一次過食齊七樣菜代表將七種祝福和運氣全都食落肚，取個好意頭～蔬菜新鮮翠綠，湯頭香甜，絕對係健康之選！🔹達濠魚丸湯最後飲返碗以達濠魚丸製成既熱湯，魚丸鮮美爽滑有嚼勁～陳鵬鵬潮汕菜✨📍沙田沙田正

呢幾日天氣開始熱，最啱就係喺商場搵間好餐廳慢慢享受一餐。尋晚同朋友去咗沙田新城市一間潮州菜餐廳，呢度唔單止冇茶水錢，仲冇加一服務費！我哋叫咗幾款招牌菜，真係每一樣都有水準。首先上枱嘅係金獎潮鹵拼盤，入面有滷水鵝、滷水豆腐同埋鵝掌。滷水鵝皮脆肉嫩，滷得入味，唔會過鹹，真係好正😋滷水豆腐吸晒滷水嘅精華，外層有啲韌，內裡就好滑。鵝掌就更加唔使講，滷得好爽口，有膠質感。香煎鯧魚係我哋當晚嘅驚喜之一，鯧魚煎得外皮金黃香脆，但內裡嘅魚肉依然保持嫩滑，魚味鮮甜，真係好惹味。南澳蠔仔烙係潮州菜經典之一，呢度嘅蠔仔烙煎得恰到好處，外層脆脆地，入面嘅蠔仔鮮甜多汁，蘸埋特製嘅酸甜醬汁。海鮮砂鍋粥係當晚嘅主角之一，粥底煲得好綿滑，入面有蝦、蟹、花甲等等，海鮮味道濃郁。潮汕七樣菜係每次食潮州菜都唔可以錯過嘅，每樣菜都炒得好香又入味。最後上枱嘅係金不換炒薄殼，金不換嘅香味同薄殼嘅鮮味真係絕配。呢間潮州菜餐廳真係無論食物質素同價錢都好有吸引力，特別係冇茶水錢同埋冇加一服務費，真係好抵食。同朋友一齊慢慢食，慢慢傾，感覺好滿足。