陶源酒家

营业中

休息中

今日早咗收工，咁就嚟到尖東呢附近搵嘢食 ， 朋友有好介紹話原來陶源啲片皮鴨幾好食同抵食，咁佢就請我嚟試下， 因為之前疫情較為緊張，所以都好少落嚟尖東，今次有呢個機會，咁就梗係試下。京式片皮鴨： 自己一向都好鍾意食片皮鴨，不過想喺香港食好嘅片皮鴨真係不多，笫一時間即刻點個嘅填鴨先，上檯嘅時候個餅皮熱辣辣地 ，加上甜醬、黃梅醬及砂糖襯熱食，兩個字滋味。 大家可以參考我啲相。發財好市： 呢個其實係發菜蠔豉再加豆苗，咁其實佢整得都幾好食 食完啲鴨係肥肥地，所以食番個菜調劑下，呢個菜唔錯都幾新鮮。最後大家可以叫埋啲朋友試下呢隻鴨，因為都算幾抵嘅， 而且又將近新年 ，大家可以試下。

今日同朋友去咗尖沙咀食嘢因為呢我哋諗住由天星小輪一直行海邊行到去尖東。然後去咗呢間陶源餐廳因為呢餐廳我曾經喺灣仔食過都真係唔錯。呢間酒樓地下一坐入去就見到一個好大嘅魚缸入邊有好多龍蝦同埋東星班，我哋嗌咗佢哋最熱門嘅片皮鴨同埋因為就嚟過年所以食呢個發財好市煲，希望真係會有好多好事同埋會發財㗎。最鍾意佢嘅片皮鴨就係嗰啲皮係有蒸籠蓋住所以就唔會凍得咁快，另外嗰條東星班都係一月見到佢喺魚缸度鬧完之後出嚟火候啱啱好，至於好事髮菜煲下面係豆苗啦當然亦都好好食，下次可以再去。

新年前有咩必食？發財好市，要拎個好意頭咩係發財好市？食完會發財🤪🤪其實就係必備髮菜蠔豉燜冬菇，燜左既髮菜蠔豉好吸汁，好入味髮菜，菠菜，蠔豉，加埋仲唔係發財好市🥰健康又好意頭，上網睇防脫髮添潤澤岩曬我京式片皮鴨黎到既時候有驚喜，因為賣相唔錯，而且見到厚薄均勻，唔會太薄太厚，仲平均咁擺盤，每件都有被有皮有肉，賣相加分而且唔會好油膩，兩件肉加青瓜京蔥同醬料用皮包住一啖一件好滿足如果皮，青瓜，京蔥同上了唔夠仲可以添加佢個鴨唔係得個樣，色香味俱全架，值得一食

同老友去左間走高檔粵式菜餚路線的傳統酒家食晚飯. 酒家設計和裝修風格豪華, 配以大型燈飾, 好有氣派. 首先來個北京填鴨, 上枱時都好有排場, 上層是切得薄薄的鴨皮連鴨肉, 一片片排成圓形, 好有心機. 下層是伴菜和伴醬, 分別有傳統京醬、黃梅醬、青瓜條、京蔥條和砂糖. 未食已經被賣相吸引. 鴨皮切得夠薄身香脆鬆化, 鴨肉肉質嫩滑, 難得油份適中無肥膏, 食完唔會有油膩飽滯感覺. 餅皮厚薄適中略帶煙韌, 唯略嫌唔夠熱, 配以醬料及再加入爽脆青瓜條及京蔥條，簡直令人吃不停口。跟住加個發財好市賀新年, 豆苗香口, 冬菇和蠔豉都炆得好焾好入味, 開心有髮菜食, 唯豆粉似乎太多, 醬汁有點混濁. 朋友慶之所至叫左兩個壽飽同我提早慶生, 咁我都贈慶叫左碗蛋白杏仁茶.我鐘意佢唔太甜, 伴以一絲絲的蛋白, 口感不錯. 另朋友叫左芒果布甸, 佢就話味道一般, 芒果味唔太出.整體上食物水準是配合高檔路線的, 而且空間感強, 令人坐得舒服. 題外話, 食完第一道菜北京填鴨, 足足等了超過一個鐘才食到發財好市, 慶幸我同老友都唔趕時間可以傾住等, 自問係心急人的食客就要有一定的心理準備啦

尖沙咀食片皮鴨話說超級耐冇食片皮鴨，事隔幾個月，今日放工又想食片皮鴨，見到尖沙咀有得食即刻去食餐廳環境寬敞舒適，裝修傳統茶樓風格，中國風音樂。比較多人食，上菜製作需時，侍應收碟快，茶位$14@位，另收+1服務費金陵片皮鴨 $298鴨卷餅皮薄得來堅韌，而且份量足夠。肥美的鴨皮充滿鴨油脂➴ෆ⃛中間仲有啲鴨肉，另有青瓜、京蔥、秘製的甜醬和京醬等片皮鴨拼盤配料，份量唔多，岩2個人食，煙韌的餅皮包裹燒鴨爽口的配料，味道似燒鴨，非常之邪惡 發財好市 $168新鮮滾熱辣，製作需時。髮菜蠔豉好足料，有好多鮮綠色菜苗，芡汁唔會好鹹，味道適中，啲菜幾好味，又健康。另外仲有大大隻、蠔豉、鴨腎、冬菇等。服務質素：7/10環境舒適度：7/10ᶘ ᵒᴥᵒᶅ個人口味評分：6/10

⭐【尖沙咀】滋補鮑魚和牛餐⭐很久沒有吃中菜，天氣轉冷，吃中菜滋補一下就最正，今次去品嚐〔鮑魚和牛餐〕，每一款菜份量都很足，吃了身體暖笠笠，感覺很滋補。*〔鮑魚和牛餐〕($588/位) *【六頭鮑魚伴百靈菇】鮑魚入口很軟腍，芡汁煮得夠鮮味，配上厚切的百靈菇，很滋味【堂煎和牛】(四安士)和牛煎得香口，一上檯已經聞到很香和牛味道，店員即場煎，很有新鮮感。【上湯大虎蝦配天使麵】上湯大虎蝦啖啖肉，天使麵炸得香口，影完相麵質還是很脆身。【玉乳杉斑球】 班球有兩大塊，碗內的蒸蛋白很滑。【濃湯遼參翅】濃湯是雞湯湯頭，入口濃郁很好喝，湯裡面還有遼參、花膠及魚翅，喝完身體暖笠笠，很滋補。【鮮拆蟹粉豆苗】豆苗很足料大碟，豆苗鮮嫩，上面鋪了很多一粒粒蟹肉及蟹粉。【可可鴛鴦包】蒸得熱騰騰的流心奶黃包，包身軟綿，記得要趁熱吃。【養顏棗皇糕】棗皇糕味道是很濃郁的棗味，口感香糯柔潤，煙煙韌韌很有咬口。【蛋白杏仁茶】蛋白杏仁茶味道偏甜，杏仁茶味道不算濃，比較容易入口，很滋潤。*茶位每位$12*另有加一服務費〔陶源酒家〕@sportfulgardenhk香港九龍尖沙咀加連威老道98號東海商業中心LG1樓LG1/F, Ea

陶源酒家佈置華麗， 樓底高，空間感十足， 環境舒適， 喜歡它比一般茶樓寧靜，方便傾偈， 每個菜色 用心製作， 做到色香味俱全。今晚試咗鮑魚和牛餐588/ 每位堂煎和牛 /4安士和牛肉，脂肪分佈平均， 表面散發著誘人肉香， 入口軟嫩， 牛味濃郁， 豐富的肉汁在口中迴盪， 讓人喜歡。 六頭鮑魚半百靈菇肥美的原隻六頭鮑魚， 色澤亮麗，用鮑汁扣鮑魚， 令到鮑魚更加鮮味，用刀輕輕力已經好容易切開， 中心部分，口感黏黏， 軟嫩帶彈性 ，鮑魚味香濃，風味迷人，是我的至愛， 與滑溜白靈菇滋味搭配。玉乳杉斑球杉斑球魚肉雪白，肉質細嫩，非常鮮味，底部的蒸蛋白， 比想像中更加滑溜， 十分鮮甜。濃湯遼參翅金黃色的濃湯遼參翅， 打開蓋時，香氣十足， 餡料相當矜貴， 有遼參及魚翅，遼參黏糯滑溜，夠曬滋補養生， 濃湯入口非常鮮甜， 不消一會，給我通通喝光了。上湯大虎蝦配天使麵大隻的虎蝦，入口鮮味爽彈， 配上脆卜卜的天使麵， 滋味滿載。鮮拆蟹粉豆苗每口翠綠的豆苗，掛滿濃郁嘅蟹粉 及一絲絲蟹肉， 滋味指數爆燈。可可鴛鴦包可可鴛鴦奶皇包， 包皮鬆軟， 中間填滿滑溜的奶黃，香甜滑溜 ，甜度適中， 十分喜歡。養顏棗皇糕QQ

係日本返左來之後，即刻同朋友食生日飯，估唔到朋友帶我食中餐，之前見到桃園酒樓有大閘蟹，估唔到佢哋有和牛鮑魚套餐🤣套餐包咗：香煎和牛（4安士）六頭鮑魚伴百靈菇上湯大虎蝦配天使面玉乳杉斑球濃湯遼參翅蟹粉豆苗甜品-可可鴛鴦包，紅棗糕，蛋白杏仁茶成個套餐都好豐富，菜式好精緻，依家天氣咁凍，飲返碗濃湯遼參翅就最適合，六頭鮑魚呢都好有口感，冬天呢就最適合食豆苗啦，再配上蟹粉，正！至於甜品可可鴛鴦包，裏面係有流心奶黃，外面就係朱古力包，紅棗糕都好有濃紅棗味😬

陶源最近出咗鮑魚和牛餐,放工跟老公慢慢食天氣轉冷，喜歡食返滋補高上中菜套餐有9道菜，有和牛，海鮮，中式甜品，真係好滿足堂煎和牛和牛扒煎至金黃，油花及牛肉的比例均勻入口已經感受到濃郁的牛味切開見到肉色唔錯，肉質嫩滑六頭鮑魚伴百靈菇鮑魚入口軟腍，口感細膩，香味濃郁，肉質厚腴，口感柔嫩鮮甜，襯鮑魚最夾。上湯大虎蝦配天使麵虎蝦大隻又鮮甜，肉質結實，天使麵條幼細，吸收海鮮的精華，炸麵更有口感。玉乳杉斑球斑球魚肉甘香，燉蛋白嫩滑，又高蛋白質，仲有翠綠爽嫩的露筍濃湯遼參翅整個湯底好鮮甜，遼参很名貴，仲有翅湯，湯色奶白，今日又濕又凍，飲完個湯很暖胃。鮮拆蟹粉豆苗豆苗很嫩芽，仲有很多蟹粉，即拆很新鮮，又鮮味可可鴛鴦包微微的朱古力香氣，餡料竟然是奶皇包，很熱騰騰，要小心食。包點軟熟很香甜。養顏棗皇糕紅棗味香甜又濃郁，仲食到少少棗泥，很養生。蛋白杏仁茶最後的糖水滋潤一下

因此間酒樓再公司下面，所以會在早上去此處飲早茶！但最令人氣憤此間酒樓的服務員的態度：首先此間酒樓沒有標明是要搭枱的！但每次去都要我們搭抬！如果你不聽她的指揮，竟然對客人抱怨，和發脾氣！另外有一次，我同事冼碗筷時，把水濺到枱布上，她竟然跟我同事說你為什麼把枱布弄濕？我和同事只想找一個舒適的地方吃餐，但我不知道為什麼要如此受氣！老實講，她的食品又不特別好吃，茶錢亦𣎴是很便宜，而且還要付服務費！如果她們覺得伙記不夠，就應該何公司反映，而不是要求不要分散坐和不要弄濕枱布！而且還發現她們欺善怕惡，只要客人是男人或稍為大聲說話，她們就會說隨便坐，不會對他們有任何的不滿！從未遇見如此懶惰的員工！總之，以後不會再去！😡😡

我第一次挺身而出寫食評 千祈唔好去再去呢間垃圾我同女朋友今次去食大閘蟹放題，感覺好差好差好差，仲要唔係平，要6百幾一個人。第一體驗到員工態度惡劣，要咩無咩，唔理客人，唔會安撫下你，最慘係食食下發現有小強起薑茶到嬲到飛起，之後我同部長講，佢只係將小強拎走就算我唔明點解呢間野仲可以生存！！完全無一可取，我知打字比評語好麻煩，但今次真係頂唔順，我要比其他人知呢間野完全去唔過，無質素可言，希望大家睇到呢篇食評之後停一停諗一諗

嘩啦啦！又到了大閘蟹時間😋一行三人，11月5日（星期六）嚟到尖沙咀東海商業中心「陶源酒家」品嚐大閘蟹二小時放題，提早食 6:00 到達，酒家環境舒服值得贊，服務員態度非常好，有禮貌，勤力地幫客人換上碟，辛苦了大大碟蟹粉扒豆苗（忘記拍照）味道一般，可能豆苗不夠嫩淡淡冇味蟹粉😀大閘蟹可以清蒸、太雕或鹽焗共叫9隻及再嚟6隻清蒸、3隻鹽焗唔錯, 熱辣辣，隻隻有膏，蟹膏味道濃郁個人鐘意清蒸，原汁原味、鮮味，套餐有（位上）鮑汁扣原隻鮑魚伴翡翠欠汁太多，鮑魚炆得好淋😋金湯小米燴遼參： 賣相靚靚小小遼參夾黃色湯出面自助區有幾款小菜及甜品可以拎蝦、豬扒、四季豆、糯米飯 ….一定要試片皮鴨，偶然會出現😀趁熱食，皮夾肉、青瓜、醬、.. 好食我哋好似拎咗3次😊甜品有糕點、番薯糖水及楊枝甘露… 香滑好味，我哋食咗2碗😋

喺呢度買左兩張優惠卷食大閘蟹放題，星期六晚食，兩個人就$1116，事前打左去訂位，去到就嘟QR code兌換，食完返到屋企先發現無送到蟹粉小籠包俾我🥹個餐有菜苗，金湯海蔘，同埋鮑魚，食落正常出面自助區有片皮鴨，正常，但唔係成日有，要自己留意住甜品有楊枝甘露，好食，食左兩三碗👍🏻蛋白杏仁茶，一直煲住仲燶左，臭到😩蕃薯糖水，無試到熟食仲有海蝦同豬扒，無食到重點大閘蟹有三款，清蒸，太雕蒸同鹽焗但其實三款都唔太食得出分別，上枱既時候，無繩綁住既就係鹽焗，有繩綁嗰啲就係清蒸或者太雕蒸鹽焗嘅蟹會比較好啲，清蒸同太雕蒸嗰啲好多都係死蟹黑蚊蚊今晚嘅大閘蟹大部份都係蟹乸，只有幾隻蟹公，但係啲蟹公嘅白色膏食落都有啲怪，唔係好黏口嗰種，而係好似一舊膠，所以都唔係好夠膽食到完既時候要再俾$150,總括嚟講，真心唔建議大家去試

利申: 非打手訂購日期： 10月31號（星期一） 入座時間: 7:30pm 訂坐人數: 5位入座前，路經正在品嚐大閘蟹中的其他客人，目測D大閘蟹。。。嘩！咁細隻既🤔心諗，會唔會中伏呢？坐定定後，當然馬上落單叫蟹啦。之後就出去排隊取片皮鴨。。。吓！10幾人排隊，得一位服務員切鴨，等左10分鐘先排到，自己有小小不高興。每人可以取2碟，每碟有5片(皮連肉），但值得讚嘅係，鴨係熱的，而且皮脆，幾好食，又可以成隻燒鴨髀比你的。塊粉皮都係熱的。*呢個片皮鴨( 合格) 食完鴨，跟住就送嚟鮑魚伴百靈菇(一般) ,再嚟金湯小米燴遼參( 唔好太有期待，本人覺得麻麻地)。之後就上大閘蟹，我本身係”公”迷，但頭25隻，一隻公都無，有啲灰，不過算啦，放題就係咁架啦。見到D大閘蟹真係比較細隻，點知一打開，有驚喜喎。。。都算爆羔，隻隻都爆，但有3隻，一打開係黑色既，所以無食到。第二轉，又有驚喜喎，見到有幾隻”公”,又係爆哂。第三轉同第四轉，竟然公多過乸，掂哂👍值得大讚的，就係一班服務員，個個都好有禮貌，好好人，成日埋枱幫你清理隻碟。會提住你，盡情食呀，食得開心啲😉甜品 - 要自取(一般)小食 - 要自取(一般) 差

朋友做佐一圈功課之後企硬要來呢間，因佢朋友舊年去過好多間，呢間最好。我地義氣仔女一定跟。結論：細size高質。太調蒸好香，每隻蟹上檯都是熱的，後段蟹凍了想蒸熱，馬上換熱的給我們，任食的片皮鴨係脆的，好食過好多酒樓，好享受的一晚，會再來