顏府御膳 (已結業)

跟友人聚餐，想找個舒適環境的中菜餐廳，朋友推介銅鑼灣呢間顏府御膳，原因菜式獨特而且精緻，性價比高，就來試試。餐廳裝潢高尚，空間感高，合適聚餐。前菜琥珀合桃造法考功夫，煮糖，再將合桃加上蜜糖炒香烤焗而成，外層加上芝麻，香脆惹味，會一口一口吃不停，一道有心思健康的小吃。尖椒皮蛋川菜中小食名列前茅，必定有惹味的尖椒皮蛋。皮蛋晶瑩通透，軟滑彈牙，尖椒辣度後勁強，出色係醬汁調配，花椒油味濃，嚐辣人士必食。川味手撕雞另一道前菜 川味手撕雞，份量多，手撕雞很滑溜，椒麻醬汁麻香別有風味。辣度有後勁，惹味，配合雞絲混合一起吃很過癮。是日的老火湯是紅蘿蔔雞腳煲西施骨湯，很足料，熬出香濃湯水有煮家味道。在外飲到老火湯真是太滿足了！ 荷香蟲草花雲耳蒸雞用蒸籠上，材料放在荷葉上面蒸，用滋補食材，蟲草花紅棗雲耳，放埋雞一齊蒸。雞肉嫩滑入味，淡淡荷葉香味，清香獨特。羊肚耳珍菌濃湯浸時蔬平常較少吃的羊肚耳菌，非常爽口，脆嫩，別具口感，氣味清香 ，有保健抗氧化功效。用香濃上湯浸娃娃菜，菜甜鮮味，吃到美味舒爽。整體食物質素好，環境格調高級，見大廚烹調心思，煮出不一樣的精緻中菜，性價比高，特色中菜餐廳之選。

-顏府御膳🥢好耐冇係出面食粵菜啦🥺所以就搵左日放工出去食中菜~上網見到呢間好似高級精緻既中菜廳🤔 就決定去食好啲☺️~餐廳位於利園中間 有好多貴價食肆呢間餐廳同平時既中菜廳唔同 以黑紅色為主 天花掛滿紅色吊燈 配合埋牆身鏡 成個空間感都大啲 幾有氣派 🥢青瓜海蜇頭 係平時比較少見既海蜇頭🤗比起腳 更加中意食呢個 較爽口彈牙用黎醃木耳 青瓜同海蜇既醬汁都好味 開胃~🥢保健老火湯係章魚豬骨湯 好有住家味👍🥢鮑汁鳳爪鳳爪炆得超稔 雖然賣相係完整無缺但一夾就已經會散開 配合花生同鮑汁炆得入味 味道濃郁 都幾唔錯 ✨🥢荷香蟲草花雲耳蒸雞賣相好吸引 食材非常豐富而且份量多荷葉上放滿去骨雞肉 冬菇 蟲草花肉質蒸得好軟稔 入味多汁🤗 送飯一流🥢羊肚耳珍菌濃湯浸時菜份量多到夠3-4人食 相比其他餸 呢個味道較淡配料有羊肚 菇類 木耳 沙蔘 都幾豐富羊肚都幾爽口彈牙唔怕腥~整體黎講 環境裝修都好別緻 又坐得舒服食物都係傳統中菜👍 上菜速度快可惜呢日8點半去到餐廳已經冇飯食🥺

朋友話呢排好似好耐冇食過中菜，就帶左我去御膳🤣🤣因為唔算太餓，所以兩個人叫左2個前菜同埋兩個主菜再飲埋個靚湯都好夠啦😋🎈青瓜海蜇頭 $158拍青瓜配埋爽口既雲耳同埋微辣既海蜇頭，好清新開胃👍🏻🎈鮑汁鳳爪 $108鳳爪煮得岩岩好又好入味，好適合作為前菜🤗🎈荷香蟲草花雲耳蒸雞 $268蟲草花雲耳蒸雞，我成日覺得蟲草花雲耳先係我既主角🙈 蟲草花吸左蒸雞既味道得別正😋雞件本身亦都去左骨，食起黎啖啖肉好方便👍🏻🎈羊肚耳真菌濃湯浸時蔬 $168今晚既時蔬係娃娃菜，同白色既濃湯好夾😋😋成為今晚我的最愛菜式🤗🎈保健老火湯（粉葛赤小豆煲鯪魚湯）食落口完全冇腥味，亦都完全冇味精👍🏻👍🏻另外餐廳提供嘅琥珀合桃同埋XO醬都唔好錯過，兩者都好出色😋😋

最近又去了顏府御膳吃晚餐啦! 已經好久沒有與媽媽撐枱腳，所以就預早訂了她最愛吃的中菜，然後一齊吃晚餐。當天光顧，店內基乎全院滿座，非常誇張。建議想吃佢朋友仔，預先訂座會比較好呀。川味手撕雞 $168 超級惹味的川味手撕雞，雞肉相當嫩滑，而且帶有Q彈雞皮，配上特調醬汁，非常開胃。 尖椒皮蛋 $108 上次又食過的尖椒皮蛋，質素依然沒變。皮蛋配上辣油和大量尖椒碎，要小心不要被辣到。羊肚耳珍菌濃湯浸時蔬 $168 清甜的雜菌濃湯，呈上時香氣四滋。濃湯吸收時蔬的鮮甜和精華，好好喝呀。 這個竹筒北菇蒸雞，雞件非常軟滑，脂肪含量頗高，雞肉無骨啖啖肉，最適合我這種懶人享用了~

呢間餐廳屬銅鑼灣高級粵菜餐廳選擇之一，今日難得同媽咪出嚟食飯，即管帶佢去品味一下！👍🏻前菜（蜜糖合桃）甜甜嘅蜜糖，滿佈係合桃當中，邊位帶點脆口。👍🏻鮑汁鳳爪滿滿嘅一盤，鮑汁味濃而不咸，雞腳色澤好深，炆得好淋，拌有嘅花生亦都相當可口。👍🏻青瓜海蜇頭罕見既海蜇頭，夠爽脆，加上切條青瓜同木耳，食落辣味慢慢滲出，帶點麻香，識落份外惹味。👍🏻保健老火湯（螺頭煲雞腳）好適合呢個❄️季節飲嘅湯水：益氣養陰、潤肺止咳。咁落去第一啖真係嘩左聲，螺頭嘅香甜直入口腔，真係唔知餐廳煲咗幾耐呢～湯頭浸有青紅蘿蔔既甜味，搭上螺頭，整體非常好濃郁。👍🏻鐵板鮮沙薑陳皮生煎雞職員上碟之前會再翻炒數下，正式上枱，薑蔥蟹即刻撲鼻而來，趁熱食，雞肉嫩滑到不得了，沙薑已預先在雞件上調味，入口即有薑絲香，慢慢帶出陳皮絲既餘韻。（自己真係煮唔到呢一個口味）👍🏻羊肚菌真菌濃湯浸時蔬連娃娃菜都煮得相當出色，羊肚菌份量大方，菌類多樣化，特別欣賞佢個濃湯，濃郁清甜。👍🏻👍🏻 餐廳屬貴精不貴多嘅高級粵菜聽，環境華麗，座位寬敞舒適。💡 埋枱嘅時候已經有一碟瑤柱XO醬，鍾意食辣嘅朋友，一定一定要試吓！！！

前菜青瓜海蜇頭 🥒 (8/10)我好鍾意嘅一款上海菜 海蜇頭好彈牙爽口 配埋青瓜份外清爽 青瓜醃得酸酸地 加埋木耳係好開胃嘅前菜🌟塩燒茄子 🍆 (9.5/10)齋睇賣相完全估唔到佢係茄子 我本來麻麻哋茄子 但係呢度菜真係非常有驚喜 椒鹽味好重做 有種椒鹽豆腐既口感 少少外脆內軟 茄子煎得好淋保健老火湯 🍲 (8/10)呢個青紅蘿蔔螺頭湯好有住家湯嘅感覺 因為都煲咗一段時間 所以味道幾突出幾清甜主菜鳳梨咕嚕肉伴炸雲吞 🥠 (8.5/10)咕嚕肉就食得多 但配炸雲吞就第一次試 咕嚕肉係用新鮮菠蘿炒 所以個酸味比較突出 酸度同甜度都取得平衡 咕嚕肉保持到肉汁 雲吞炸得好香好 唔會太厚粉 沾埋啲酸甜醬就更加開胃 🌟荷香蟲草花雲耳蒸雞 🐓 (9/10)份量非常大 適合幾個人分享 雞肉擺咗喺荷葉上面 吸收到少少味 配菜有蟲草 冬菇 雞粒 已經全部去咗骨 而且蒸得好淋 肉質好嫩滑OVERALL: 推薦😆 (8.5/10)餐廳裝修非常有中國風格 特別係牆上掛住嘅紅色吊燈好有氣派 燈光比較昏暗 幾有格調 雖然大部份菜式都係傳統中菜 但同時都結合左啲新穎嘅元素 食物選擇幾多 上菜速度好快 而且店員都會主動

味道：⭐️⭐️⭐️⭐️今次介紹嘅係呢間位置鬧市中嘅精緻中餐廳🧧岩曬family gathering👨‍👩‍👧❶顏府鹽水鴨🦆鹽水鴨口味清淡同時有點鹹味油脂一啲都唔多 同時鴨肉鮮嫩味美🤤❷尖椒皮蛋🥚尖椒皮蛋做法睇落好似好簡單😌但要令皮蛋惹味 其實都好考廚師技巧👨🏻‍🍳尖椒剁碎 再加入蒜蓉同秘製醬汁調配後獨特既味道同口感簡直令人愛不釋手💕❸保健老火湯🍲老火湯係用左粉葛餚製而成 相當足料☺️聽講可以袪濕氣 又可袪骨火🔥❹荷香蟲草花雲耳蒸雞🐥呢個係一個傳統港式家常小菜🇭🇰雞件用醃料拌勻 然後加入蟲草花同雲耳一齊去蒸⏲呢個烹調方法唔單止可以保留食物嘅營養而且雞肉仲依然相當嫰滑👍🏻❺羊肚耳珍菌濃湯浸時蔬🥗羊肚耳口感脆嫩 而且營養價值豐富而時蔬方面就選用左娃娃菜🥬味道鮮美 用湯底簡直係perfect match 👻

食得多外國菜，偶爾食下中式/廣東菜都唔錯。最近就去左銅鑼灣既【顔府御膳】食晚餐。【顔府御膳】主打港式粵菜加新式fusion，而且擺盤都好精緻。 前菜 胡麻茄子：本身就禁睇真係唔似茄子，比較似淮山/豆腐。食落去之後又唔同平時軟霖霖既茄子質地。係比較爽脆。因爲茄子本身都無咩味，加左胡麻醬就岩岩好，好match，又可以帶出茄子鮮味！藤椒木耳：微辣既涼拌木耳再加藤椒，鮮濃惹味，但又唔會太鹹。辣辣地，好開胃！保健老火湯：超級熱既老火湯，味道超級濃！好好飲。主菜 鮮淮山炒和牛：分量都算好多，有牛肉、淮山、豆、同三色椒。調味偏濃，但唔會好鹹。牛肉軟嫩、淮山爽脆、豆鮮甜。個人幾推薦呢個菜。砂鍋大澳蝦醬唐生菜膽：呢個算係臺臺必點。超熱砂鍋上臺，再係你面前炒。蝦醬味濃但唔臭。唐生菜膽分類比較少，所以食到底都會偏鹹。

前幾日落堂之後好攰，好想食啲好野慰勞下自己，醒起銅鑼灣有間精緻嘅中菜餐廳，就去咗嗰度食個晚飯。🍤金沙脆豆腐豆腐炸得好香脆嫩滑，仲有少少芝麻去增加佢嘅香味。可以食得出豆腐嘅豆香，如果想濃味少少，可以加埋XO醬一齊食，啲XO醬又係好惹味。🥒青瓜海蜇頭啲海蜇頭好靚，食落好彈牙，配埋涼拌嘅青瓜同木耳，辣辣地好開胃。🍲青紅蘿蔔湯一人叫返一盅湯飲下，呢個湯好香濃，除咗青蘿蔔同紅蘿蔔之外，仲有螺頭同雞腳喺入面，好足料，感覺會好養生咁。🦀蟹肉桂花炒瑤柱呢道菜好特別，賣相同味道都有啲似炒飯，不過就好似用瑤柱、蟹肉、芽菜同埋蛋返去取代咗飯咁，所以食落去平時嘅炒飯正好多。蟹肉同瑤柱嘅份量好多，味道好香，有啲瑤柱絲仲好香脆添，炒得好有鑊氣，值得一試。🥬羊肚耳珍菌濃湯浸時蔬點都要食返啲菜，呢道菜真係必食。濃湯好香，有啲鹹蛋黃味咁，我忍唔住飲咗幾啖。有好多種菇類，今日嘅時蔬係娃娃菜，食得出好鮮嫩，索晒啲濃湯，正。

朋友想搵間環境清靜嘅中菜食, 我第一時間就諗到 兩個月前嚟過嘅顏府御膳朋友話一聽個名就已經知道系高級野🤭店內裝修型格又高貴, 而且夠哂寧靜, 真係好適合三五知己嚟傾偈👭👬侍應第一時間 附上一碟自家製嘅XO醬，有蝦米瑤柱嘅香, 帶少少辣🌶還有一碟香脆合桃, 真係食到唔停口😝前菜 顏府鹽水鴨 真係第一次食鹽水鴨, 鹹鹹地肉質都OK。前菜 尖椒皮蛋鍾意食辣嘅朋友 一定要食🌶🌶老火湯絕對無添加味精, 飲完成晚都冇口渴👍羊肚耳珍菌濃湯浸時蔬 羊肚耳菌好爽口搭配各種珍菌菇類 上湯清甜濃郁, 娃娃菜入哂味荷香蟲草花雲耳蒸雞雞肉完全吸收到荷葉嘅香味, 而且雞肉已去骨, 啖啖肉又夠哂滑顏府御膳整體質素非常高, 環境又舒適

呢日約埋一位舊同學去銅鑼灣行街睇戲食飯，玩完一大輪、買完嘢咁Happy，最後一站當然唔會虧待自己個胃，我哋揀咗呢間位於Cubus嘅精緻中菜館—顏府御膳，餐廳環境極具氣派，裝修典雅，氣氛有格調。琥珀合桃糖漿+芝麻，合桃嘅完美組合。縢椒木耳整體味道微辣，我哋兩位都好鍾意食呢種酸酸辣辣嘅嘢，食落好惹味，唔會話辣到食唔到，作為前菜嚟講絕對合格，夠晒開胃！鮑汁鳳爪雞腳燜得好腍，每隻雞腳索晒醬汁好入味。與此同時，雞腳唔會煲到爛晒，上枱狀態剛剛好，友人完全食唔停口。粉葛赤小豆湯嚟到中菜館當然要一試當家中式老火靚湯，老拍檔豬骨、粉葛、赤小豆，健脾去濕又消腫，啱晒香港人體質。鮮淮山炒和牛淮山非常爽脆，對健康有好多正面功效。高質靚和牛，肉質好嫩、有牛味，除咗淮山同和牛之外仲有好多菇。大澳蝦醬唐生菜煲啫啫生菜煲，生菜有濃郁嘅蝦醬香味，令人食到停唔到口！

又到銅鑼灣約朋友食飯，決定再訪顏府食中菜。前茶是琥珀合桃，很欣賞他們的成品，糖漿焦香，再合裹著合桃，脆卜卜又甜甜的，真想再添多一碟！我們先點了金沙脆豆腐，豆腐炸得金黃香脆，而且不厚粉，加上芝麻，食起來更香口！而豆腐本身亦很嫩滑，一口一啖很好吃！另一個前菜是川味手撕雞，份量很多。而且手撕雞配上辣醬，真是別有一番風味。辣醬不算太辣，但很重香料辛口味，十分惹味。和滑溜溜的雞絲混合一起食很過癮。今日的老火湯是合桃黑豆雞腳煲西施骨湯，很足料，而且有煮家味道！在外用餐也可以飲到老火湯真是太滿足了。例湯也算鮮甜，而且很大一碗。之後我們點了兩個主菜。農家乳香黑豚肉很有鑊氣，豚肉經炒香，充滿南乳的香味，增加風味！但想不到最好吃是各種配菜，像是蓮藕、秋葵、雲耳等等，食起來充滿鑊氣香。另一款是砂鍋XO醬蝦乾肉碎芥蘭，以砂鍋煲熱騰騰上菜，芥蘭切成一塊塊，和蝦乾、XO醬、豬肉碎一起炒香，一點也不單調。特別是蝦乾，很大條，又充滿鹹香味，最適合配飯食了。每次到顏府都食得很滿足，因為食物份量足，味道很好，值得再來。

去到銅鑼灣開平道1號Cubus 5樓嘅顏府御膳 ，已經給佢佢環境氣氛吸引住，感覺好chill，坐位好舒適！前菜:🌸鮑汁鳳爪，鮑汁好濃郁，鳳爪已經炆到好淋，但係好神奇地啲鳳爪係唔會散開晒，仲係原隻咁上碟，排得靚靚👍🏻🌸滕椒木耳，滕椒好清爽，木耳爽脆，加上麻辣嘅香味，真係好開胃湯水方面:🌸保健老火湯，冬瓜清補涼荷葉，湯頭好濃郁，夠晒火喉！主菜:🌸鮮淮山炒和牛，淮山，冬菇，法邊豆，紅蔥頭等等炒嫩滑和牛，鑊氣十足，而且刀功好犀利每件食材都切到差唔多大細。更獻出和牛片嘅質素同美味😋yummy 🌸砂鍋大澳蝦醬唐山菜膽，大大個沙煲啫啫聲咁上菜，唐山菜膽入口爽脆，吸收晒蒜頭喎大澳蝦醬嘅香味，十分之嘢味！這太大隻蝦乾特別鮮甜又美味！

前排忙到甩轆，連出街食餐飯嘅時間都冇，趁最近有返少少時間，即刻約朋友出去聚一聚！自從之前去過一次顏府御膳之後就比餐廳嘅環境同食物吸引咗，所以決定再去食多次～餐廳環境寬敞舒適，中菜擺盤精緻，味道都不錯。🥒青瓜海蜇頭作為前菜第一道餸，食落十分開胃。呢道餸除咗有海蜇同埋青瓜，仲有雲耳，所有食材都好爽脆！🍆塩燒茄子呢個係前菜第二道餸，份量好多。廚師將茄子切成長方條狀，令呢碟茄子嘅擺盤望落更加精緻。茄子外脆內軟，出面仲有少少椒鹽調味，無論係口感同味道都好正，係我最鍾意嘅一道餸。🥣保健老火湯當日飲嘅係冬瓜清補涼湯。我平時都好鍾意飲屋企嘅老火湯，今次喺餐廳飲嘅同平時飲開嘅好似，味道鮮甜，啱曬我口味！🥩鳳梨咕嚕肉伴炸雲吞呢個咕嚕肉好特別，平時食嗰啲配菜淨係得菠蘿，估唔到今次呢個咕嚕肉加埋士多啤梨落去煮！加咗士多啤梨嘅咕嚕肉，食落較酸同有淡淡果香，依然有甜味。🐔荷香蟲草花雲耳蒸雞蒸雞好大份，食完之後超飽！蟲草、雲耳、香菇連埋荷葉一齊蒸真係好香，而且雞肉超滑嫩，火候啱啱好，食完十分滿足！

嚟到位於銅鑼灣嘅顏府御膳，呢度裝修精緻，坐位夠哂寬敞舒適。金沙脆豆腐：豆腐外脆內嫩，令人一食上癮。青瓜海蜇頭：青瓜夠哂清新清爽，海蜇頭爽口，調味得宜，帶有點點嘅辣味，非常之惹味。保健老火湯：是日嘅老火湯用咗紅蘿蔔，雞腳同螺頭煲製，夠哂清甜滋潤，好啱秋天乾燥嘅時候飲。蟹肉桂花炒瑤柱：入面除咗有份量頗多嘅蟹肉，仲有蛋白，瑤柱，銀芽等配料，火候控制得宜，食材唔會太老但食得出鑊氣好足，而味道就因為有瑤柱同蟹肉，鮮甜味十足。羊肚耳珍菌濃湯浸時蔬：濃湯夠哂鮮甜，令到時蔬索哂湯汁，變得更加清甜，而加埋各種嘅菌類，令口感味道都變得更豐富。