養珍品牛肉麵 (已結業)

坦白講，我明白唔少食店都會參加一啲團購活動去谷客。但係，用較平時低少少嘅優惠吸引食客，唔代表食店可以大條道理咁去將食客階級化。呢間食店個位置比較壀，唔係團購我真係唔會知道佢嘅存在。Book咗7點鐘，準時到達。入到去，個侍應姐姐（定係老板娘？）示意我地去其中一張未執嘅枱（其實機乎每張冇人坐嘅枱都係未執）。落咗單之後，我地就開始咗漫長嘅等待。起初我都以為食店係慢功出細貨，點知等咗半個鐘之後就開始覺得唔對路，發現隔離左右比我地遲入座、去食正價嘅客人枱上都有食物。有啲客人仲已經食完準備埋單！而睇番我地張枱，就只係有一樽豆漿（豆漿係任飲，而我地嗰樽係我地喺隔離枱食完之後自己攞）。問個侍應姐姐，佢只係講話人手唔夠之類嘅藉口。當時已經好嬲，覺得我地呢枱食客就係因為係用團購優惠，就變成咗二等嘅食客。呢個時候，個侍應姐姐仲要走埋黎話，我地喺５０分鐘之前落單嘅兩個飯賣哂！而係呢整整５０分鐘內，已經見到好幾個以正價食嘅食客食完佢地個飯。一直以為，食店做團購係為咗做多啲宣傳。但如果因為咁而要做二等食客，要等啲正價客食完之後先有得食，我絕對唔會再幫襯。公平啲講句，食品唔算差，牛肉面同個湯食得出係用心製作嘅。不過

星期一，想不到吃什麼午餐，特別行遠少少，經過一間標榜一碗牛肉麵要200元的養珍品。200元牛肉麵...凡夫俗子，如何可試。正想離開，午餐$55，有一款品味牛腩麵可選。那就不知一試，看看如何得知要200元的應該是招牌牛肉麵，與餐牌的品味牛腩麵不一樣，但應該相差不遠吧可配2款前菜，即是餐前小食，有醒胃的作用，選了花生以及泡菜。泡菜應是中式，非韓式，少少似潮州咸酸菜，但暗藏點辣味，開胃。主角上場，剛放下碗，一股牛香撲鼻。未試已取得不錯分數。盛麵的碗都幾大隻，牛香味很好，先喝一口湯，果然清甜，湯的顏色較淺，與其他食評的賣相不一樣，可能這是品味與招牌、午市套餐與散叫的分別。只飲湯，一定很讚!再試蘿蔔，食落有渣，未算最好牛腩，有5大件，每件均有筋，但問題則在於較為難咀嚼。3,4件有如嚼香口膠，煮得不夠 "淋"，會否不是招牌而這樣嗎?有點像只為煲好一碗靚湯的肉，煲完後便完成任務，只是不希望浪費，便物盡其用。但願不是吧麵條普通，但煮得不俗，不會過淋整體而言，單論湯頭是無敵，難尋對手。但店的主打似乎不是湯，而是整碗麵牛腩外表是美的，但卻難以食用，有如嚼香口膠。以55元價錢，附近一帶，便宜而又較佳質素的餐

果日星期6，同女朋友去食飯，之後行行下見到有牛肉麵食， 就入左去啦。入到去 一個最出名既牛肉麵就$120 加大就$240，其實都幾貴下。不過嘅然入左去 就試左最出名既牛肉麵！同埋女友就食左肉燥飯就$60到。間野員工就好親民，但野食黎既速度有啲慢！牛肉麵啲湯就真係幾好味 同埋啲牛肉都好好味，但牛燥飯仲好味！ 啲飯有啲濕濕地 有哂戰肉汁味 又平！一句講哂 間鋪門面幾special 入到去 職員heat sell 野食好出色 肉燥飯平令正 牛肉麵就本人認為好味 但唔值咁貴！

兩個月前某星期六，盛午旺時，往養珍品午膳。入門口有位四眼中年男士迎來，有禮貌地問：有冇訂位？聽罷頗愕然！事因眼尾已𥄫過，食客凋零，費解！引領坐下，頗有包廳食飯感覺，實在皇帝享受。白日夢未盡，中年男士殷勤奉上menu,後道：可以試下我地d牛肉麵，獨家宮庭秘方，精選牛肉，湯頭為十二個鐘頭熬成⋯（後刪三百字）未為所動，皆因親切又親近嘅四眼男士，隨口附送萬寶路香煙香味，兜口兜面。一轉神，心諗隔離街間X記牛腩粉D湯底肯定熬過年啦！再睇menu上D price 牛肉麵半份承為$111蚊未加一。嘩！正想班師回朝，但又心生不忿，橫掂嚟到，姑且一試。叫上牛肉麵半份、肉夾饃一份、豆漿一杯。食堂與廚房為一透明玻璃相隔，遠望一老嫗廚師慢工出細貨，半小時終奉上香噴噴三分一大碗貴精不貴多牛肉麵！細嚼肉鮮湯頭甘，水準之上，但麵條不值一提，應為超級巿場販賣之乾麵條煮成。正一鮮花插在牛糞上。肉夾饃隨之奉上，一啖咬下，弊！廚師一定調轉咗，比咗「冇夾肉」我！谷氣！滿口乾噌噌嘅夾饃麵粉，好彩有豆漿，一沖解困！今餐唔錯，半飽嘅滋味太好了，距離減肥目標又更進一步啦！

第一次認識這店就是在團購, 見描述很吸引, 正合我喜歡養生藥材湯及台灣牛肉麵的口味, 但一碗招牌牛肉麵居然超過100蚊.....正好團購可以$98買$200現金券, 這就吸引我以半價試一試. 細則寫明原來要1天前預訂, 但我們當天下午才決定去一趟, 立即致電到店舖, 他們初時都有說要一天前預訂, 可能見我們食6點, 所以留位給我們, 還叮囑我們要準時去到. 我們好心急好趕地準時去到, 全店只得一枱客, 仲以為勁FULL所以叮囑我們要準時, 全程都只得4枱客, 聽到店員接電話都是話要預訂.....要準時.......但真有些不明白, 又不是FULL BOOKING但又講到好似好多BOOKING.....莫非這就是包裝??很喜歡這裏的裝修, 紅磚牆配暖色吊燈及木枱椅, 令我回想起當年到西藏的食店, 但現在這店是台式飯店. 半開放式廚房看到內裏的情況.  一早諗定要食招牌牛肉麵, 滷肉飯, 肉夾饃, 豬手, 豆漿, 減去團購既價錢, 我們2人都慳了$102 豆漿: 用上加拿大有機黃豆, 所以豆味濃郁而且又不太甜, 質地較杰身, 感覺真是手造的.  老閭無提是否即磨, $15一杯我感覺不是貴,

見門外介紹唔錯就入去試。碗牛肉麵好貴，但牆上典故講到咁勁，就諗住試下啦。仲叫咗夾饃、蔥餅、肉燥飯同豆漿。幾樣嘢，人客咁少都等好耐！坐坐下發覺其他兩三個客人全部都是用團購優惠券的…心諗，今次係咪中計呢？ 終於，肉燥飯出場，個碗好大喎！…但係只裝三分一！d肉碎好少，得汁，D汁好水，飯都唔多，唔知點解有食評話係珍珠米，我地果日食D米又瘦又乾，似印度米多d。味道很一般。牛肉麵牛肉唔多，肉質ok啦，d麵好少，麵太冧，d湯唔覺有乜咁特別，唔覺有好多料囉… 多番催促，蔥餅終於出現，好細隻，又整得唔夠熟透，外皮麵粉心仲係生生地！夾饃裏面d肉少到就嚟見唔到！夾饃皮完全唔係專業水準。總之，差到如果免費比我都唔想食！ 最後，豆漿始終失縱，我地都費鬼事再催！止蝕！ 整體而言，除咗牛肉麵，其他都唔合格，但牛肉麵咁貴，又唔係特別好食⋯漏咗，其實D麵條都唔得，係得牛肉合格！ 我地都試過星街同廣東道牛肉麵，人地真係物有所值，取價合理。呢度？ 如果想做笨八，就去試下啦。

一開頭卜晚上七點，結果要加班，改八點，老闆有啲猶豫，但原來八點坐唔夠一半人。原價真係好貴，團購先會食囉。我地原本打算叫兩個細牛，點知老闆推介我地叫一款牛筋，好出奇推介個平啲嘅。咁我地兩個人就可以自行相拼。個面一黎到已經勁香，湯底好好飲，唔覺有味精，飲左好多都唔口渴，個面彈牙，卦湯能力亦高，牛肉夠林，牛筋夠滑。不過可能只係牛肉面出名，個餃子相對平平無奇，唔太係我口味，因為入面有好多我唔太愛的菜為主。團購係抵食嘅，因為原價真係幾貴，需然係珍材實料。見咁少人，希望佢做得住啦，因為老闆好nice好有heart

當晚入到食店一打開個餐牌真係眼都突埋。一碗細牛肉面要$111, 大嘅竟然要$222。既然收得咁貴, 又講到個牛肉面係主打, 當然要試下佢有幾厲害。但係黎到真係不外如事到好厲害!!首先個牛肉麵一黎到, 大家都爭住要試佢到底有幾厲害。其實個湯底唔差嘅, 入口之後唔會得個鹹, 而且個鹹味唔會鎖住係個喉嚨到太耐。但係個牛肉麵收得咁貴, 竟然個麵唔係手造麵真係令人大失所望。我完全唔覺得抵食, 如果佢係同其他差唔多嘅話就重OK。另外我地重叫左個台式滷肉豬手飯。首先我個人偏向鍾意膠質非常重, 食落會痴嘴嘅豬手, 而呢到個豬手嘅膠質對我黎講唔夠重, 唔夠痴嘴。另外個滷肉飯我完全食唔到我食台灣食嘅滷肉味! 我只係覺得佢用左D肉碎撈油比我, 加上飯粒係完全粒粒分明。重點係我覺得唔好食都唔緊要喇, 食唔飽果下真係我想喊。呢間野就係唔洗有下一次。

雖然是團購, 但令人意外的是:1. 接電話的男士很有禮貌, 由於是即日訂枱, 他亦體貼地安排兩點鐘的枱給我...2. 環境絕不擠迫, 可以很舒服的用餐...3. 食物做得很用心, 現在真的很少食店會這樣做...點了四款食物:等約十多分鐘, 最先上場的是淨水餃, 值得等, 麥味十足的手搓皮, 配以大白菜豬肉餡, 鮮味得不得了, 沾醋與不沾醋各有特色, 後來留了兩隻跟牛肉麵放湯吃, 更好吃...招牌牛肉麵和牛筋麵, 牛肉和牛筋燘得很腍, 很入味...     麵條滑滑, 但煙靭有咬口...     湯頭雖說有很多藥材在內, 但味道很濃鮮...最後上的是香葱餅和豆沙餅, 餅皮不是一般的糯米粉, 比較乾身, 但咬下去, 香葱餅葱味濃郁帶甜味, 豆沙餅豆沙不甜不油膩, 可以更清楚品嘗到豆香...整體食物極佳, 牛肉麵價錢較貴, 但 套餐 或 下午茶餐(只供應星期一至五) 會較抵...心思思下次會再去光顧... 

下午茶时段最适合来一碗牛肉汤面，38元一份，没有牛肉挺好。入口汤香甜，面爽口，另外点了两个白菜猪肉饺，饺子的白菜很甜，有惊喜，下次可以来这吃饺子。养珍品的出品真的相当不错，可以吃到店家熬汤的用心。希望这样好的店家越来越多😄

好多時睇食店團購唔只係貪平，而係可以發掘到一啲自己少去嘅地方嘅食店，今次又發掘到一間喇！養珍牛肉麵，店裡有個哥哥有禮又好招呼，依度唔只好啲野好食服務態度都係值得一讚！先嚟前菜，有奄青瓜，味道偏甜爽口囡囡很喜歡，酸菜，酸酸甜甜又夠爽最啱用嚟開開胃鹵水小吃，鹵旦就冇咩特別，牛肚就非常好味因為佢地嘅鹵水汁係好有層次，你可以食到每種鹵水料嘅味道，骨膠原豬腳，夠淋入味又唔會有油淋淋嘅感覺招牌牛肉麵，聽聞係用多種藥材加上上等牛骨，肉煲上十小時製成，飲落去只覺少少藥材味，鮮甜嘅肉味佈滿整個口腔，麵係一般上海麵，牛肉炆得入口即溶 老公讚不絕口連湯都飲埋可能牛肉麵實在做得太好，相對清湯牛腩就失色左啲，可能喜愛清淡嘅人會鐘意，台式肉燥飯，肉燥野味，飯係用台灣珍珠米甜品係豆沙餅，個樣好似馬卡龍，味道唔係太甜，餅好脆口可以一試！加理任飲豆漿都只不過係$268四人套餐，所以好野係要發掘嘅！平時依度一碗小招牌牛肉麵都要$111不過都係物有所值！依度一定會再去！

打親book位都話full咗。外賣又話要等3,4個鍾。滿漢全席都唔駛啦！去到樓面得老板一個。水、碗仔叫極都唔嚟。最搞笑食物是由煑嘢嗰個拿出來。茶餐廳都唔會啦！食物不過不失。排骨飯是幾塊肉加飯加豉油，牛肉面的牛肉ok大塊不過"鞋"，前菜味道一般，飲品不過不失。整體來說，食物一般，團購個價也不值。個老板重要好煩氣!!真係無下次!

我係透過團購買呢間餐廳的現金卷的，我地6點半去到~入面得一台食到7788的客，之後搵位坐，黎得呢到當然係要食個招牌牛肉麵啦~仲叫左個蔥餅，之間就坐定定等食喇~!等左幾個字~蔥餅黎左，呢個是我男友叫的，佢話個皮太厚，唔夠脆，入面不算多蔥，麻麻地~之後主角出場~!!我地叫左2個小的牛肉麵D面真係小得可鄰，連D湯都係好小，我係好LIKE用匙跟飲湯再加麵食的，睇到咁小個心都沈了一下我飲左一啖湯，係真係飲倒入面有好多材料而且無味精的，期後食了一啖牛肉，真係好林，但唔算太入味D筋的咬感煙煙UNUN，幾好~之後D麵就真係麻麻地好林，無台灣一概0個種咬感，失望，呢碗牛肉麵原價賣成$111老實說如果無現金卷(半價)，我一定唔會入去食個湯真係幾好~但好少，牛肉同麵方面真係不是太高水準而且我都幾擔心佢地的客量~~我地食到7點幾都無其它人入黎幫襯，不知是那方面出了問題呢.......

因為朋友介紹就去咗北角呢間養珍品牛肉麵! 呢晚係假期, 附近都幾靜, 入到去養珍品牛肉麵, 冇乜人, 可能係新開冇幾耐, 未有咁多人認識卦。養珍品老闆介紹咗幾個菜我哋食。秘製泡菜招牌牛肉麵肉夾饃蔥餅豬手秘製泡菜 -- 其實係一個幾有驚喜嘅前菜, 係養珍品自家醃製, 唔似一般韓國泡菜, 係用椰菜醃製, 少少酸, 有點辣, 但都幾開胃架。招牌牛肉麵 -- 原來一碗大牛肉麵要二佰幾蚊, 細嘅 110 蚊; 未食前, 我真心覺得貴, 但食咗之後覺得, 又唔係太離譜, 事實上成舊水一碗嘅一蘭拉麵都大把人食, 其實我喺度叫個SET, 有兩碗細牛肉牛肉麵, 計返都唔係貴一蘭好多啫; 而且養珍品招牌牛肉麵, 店內有介紹個湯係冇落味精, 只係靠熬出嚟。而我哋今晚就連個湯都飲埋 ... 我哋仲叫咗肉夾饃、蔥餅必食。我個人幾鍾意食蔥餅, 裡面好多蔥, 食食下仲有少少湯汁流出嚟, 好味！肉夾饃係西安小食, 似中式漢堡包咁比起蔥餅, 我認人有少少遜色, 但可以一試。雖然店內人少, 但都見到有人叫蔥餅外賣, 因為係即整, 同人手製, 外賣要等15分鐘。講真, 我走時係有個衝動叫兩個蔥餅外賣做宵夜, 但老闆話即食係

 我訂了6:30的枱, 去到時, 只有一枱客, 心想, 時間尚早, 可能稍後會多人一點.餐具及裝修佈置看上去, 一定有落過心思的, 因為載麵的碗, 全都寫了"養真品", 亦即是店名.唯一有點煩厭的是, 老板的熱情, 令食客覺得過份熱情. 可能是我個人覺得而已^^吃的團購餐單, 十分豐富.頭盤:泡菜 - 老板說是中國泡菜, 唔辣的, 但本人一向都唔好, 所以冇試小黃瓜 - 平時本人對頭盤都冇乜興趣, 但試了這個小黃瓜, 又幾好食肉夾饃 - 乾乾硬硬的, 本人見識淺, 不知平時這個是什麼味道, 所以無乜評語, 只知又乾又硬, 但圓圓的, 賣相幾得意小食:豬肉餃 - 普普通通, 冇乜特別滷排骨 - 肉質鬆化, 好食主食:養珍品招牌牛肉麵 - 湯底的確十分美味, 但一開始食, 老板已經不厭其煩地同隔離枱講, "我地個湯係最貴既, 你話唔夠麵我可以加麵比你, 但你想加湯, 就做唔到了, (下刪五十字)". 我聽已經覺得有點煩了......為免比老板"鵝"我, 所以我就諗住食完個麵就清埋個湯. 但其實佢個湯既份量, 係唔夠一啖麵送一口湯的. 所以要飲哂個湯, 無難度. 牛肉口感也是十分鬆化, 沒有