香江花月 (利舞臺廣場) (已結業)

女同事們要揀花巧野食，一齊試新餐廳，先來一小杯似竹庶水的飲品，之後係無白開水供應，要自己order飲品，大家share一jar酸梅湯，味道不錯。order左花膠雞湯底，係每人有一件花膠食到，侍應會幫忙將雞件裝起以免過熟。食材選了香江拼、蝦滑、墨魚滑、花花綠綠、手打墨魚丸、松露餃、水餃、炸魚皮、響鈴，但係個小食鬼馬炸蝦膠反而最出色，其他食品質素不錯除左餃類好普通，價錢因為做緊85折優惠，埋單每人400元，係貴既唔太值，叫做試過打卡靚靚火鍋，環境適合聚餐坐得舒適，侍應服務質素良好。

今日嚟到呢間新派點心試試佢有金魚造型嘅金粟金魚餃有天鵝造型嘅黑白天鵝紅豆酥有荔枝造型嘅紅袍荔枝 奶黃荔枝餡 口感軟糯作為新派點心 絕對係有驚喜食傳統點心太悶嘅話 偶爾食新派點心都會俾到驚喜你

同朋友打邊爐，朋友想試呢一間火鍋店，咁我地咪走去試下囉，其實入面個場幾靚，華麗係呢一間餐廳嘅賣點， 呢間嘢簡直就係打卡嘅聖地， 入面仲有架電單車畀你打卡，咁我哋叫咗以下:美顏花膠雞鍋：美顏花膠雞鍋是一道讓我驚艷的火鍋選擇。這道火鍋以鮮嫩的雞肉和豐富的花膠為主要材料，湯底清澈，帶有淡淡的雞肉香氣。花膠的滑嫩口感和豐富的膠原蛋白含量，可以提升湯底的口感和營養價值。這道火鍋不僅美味，還有美容功效，給我一種健康又美麗的感覺。花滿園：(羊肉和豬肉)花滿園是有嫩滑的羊肉及多汁的豬肉。肉片的厚度適中，易於烹飪和品嚐。搭配各種醬料，可以根據個人口味來調配獨特的火鍋風味。花滿園提供了一個享受美味肉類，而且肉質幾新鮮。酥炸廣島蠔：酥炸廣島蠔是一道獨特的小吃。蠔被酥炸至外酥內嫩，外層酥脆，內部鮮嫩多汁。酥炸提升了蠔的口感和風味，使其更加美味。自家製雲吞：自家製雲吞是一道口感細膩的火鍋料理。雲吞皮薄而有彈性，內部填滿了鮮嫩的肉餡。每一口都帶來豐富的肉汁和鮮美的口感。這道自家製雲吞不僅提供了多樣化的選擇，也是火鍋中一個美味的配料，讓我回味無窮。手工墨魚丸：手工墨魚丸是一道別具風味的火鍋料理。墨魚丸彈牙有嚼勁，帶

香港花月，位於銅鑼灣利舞台廣場，一間以特色火鍋為主的餐廳，餐廳佈置極具特色，相當優雅，打卡位處處可見，座位設計非常寬敞舒適。火鍋湯底選擇非常多，豐儉由人。海鮮冬瓜鍋，材料豐富，鮮蝦帶子薏米，湯底清甜好味。美國安格斯肥牛，確實出色，牛肉油花分明，色澤紅潤，入口軟嫩肉味香濃。花滿園，即是豬肉及羊肉雙拼，份量都相當多，豬肉肥瘦適中，擺盤相當精緻。七色丸，七款顏色不同，味道不同手打丸，粒粒彈牙好食，最特別的是咸蛋黃味道。蟹肉黑松露餃，成隻黑色餃，蟹肉結實彈牙，黑松露味道濃。

首先有足夠的服務員，超正👍🏻。12:30前點心仲有九折，正😄。我今次坐個座位我非常喜歡💕一邊欣賞電單車一邊食點心👏🏻。仲有間鏡房可以影吓相🫶🏻。我覺得這間店舖好有誠意。茶具精美，蝦餃好味😋茶好飲金魚餃，我係為咗呢個而嚟，都幾好。我都唔記得個甜點叫咩名啊，有荔枝呢兩個字，超好味😋。另外叫咗安格斯牛肉炒河，都好好味。炸兩就一般。黑松露燒賣，美味灌湯餃鮮甜味美，無可挑剔🫶🏻期望下次再去，仲想試埋夜晚打邊爐添😌

懷舊特色養生湯底火鍋店 — 香江花月香江花月以港式懷舊復古設計，環境奢華豔麗，佐敦、銅鑼灣、荃灣都有分店，今次就去咗銅鑼灣分店。店內裝潢好靚，環境舒服寬敞。一入座店員就會奉上每人一杯welcome drinks🍸杯底有一條精緻小金魚裝飾🐡店內設有火鍋醬料自助區，可以自行出去拎醬料🥢🐣養顏花膠雞窩($298)用料十足，落咗半隻雞、蟲草花，以及真花膠，滾起後店員會幫忙切開雞件，湯底金黃濃郁，越煲越入味！🐮香江拼($788)呢款係必試！擺盤十分精緻😍份量十足，有晒唔同嘅牛肉部位、花朵同蔬菜拼湊而成🥬包括手切肥牛、牛柳粒、安格斯牛、牛白肉、牛展、牛心椗、黑白牛柏葉及牛舌🐠七色丸($108)包括有：蟹子墨魚丸、紅咖喱魚丸、椰芋墨魚丸、南乳墨魚丸、黑松露墨魚丸、青咖喱墨魚丸、鹹蛋黃墨魚丸。全部丸都唔同色，都放晒喺好中國風嘅架上，真係好適合打卡，味道都唔錯👍

香江花月．懷舊．驚喜．華麗麗盛宴，吃的是食材也是感覺，將香江之美以裝修及美食的方式進行經典演變將美食與氛圍感推至一個點就是穿越了時空的限制感受昔日美好時光的方式銅鑼灣的香江花月做到了對年輕一代，很特別對長輩而言，很親切我覺得很適合帶長輩來感受這種氣氛火鍋醬料 very 多選擇仲要有花生粒、芝麻粒調出的混醬極度令人興奮華洋風尚，食與看的文化交織以鮮花入饌，配上新鮮食材既是養生，也是養眼2條小魚的茶杯，可愛雪梨茶清甜滋潤可口日本牛乳玫瑰鍋這個湯底又靚打卡able 又養顏是養生美顏湯底中最多人選的以北海道全脂牛奶製作的乳白色湯底亦加入了日本玫瑰，牛乳香氣十足最吸睛是有牛乳雪成的冰粒牛奶的味道非常豐富香江拼 超靚的圈圈每部份都是牛的精選部位包括：安格斯肥牛、手切肥牛、牛柳粒、牛𦟌、牛白肉、牛心頂、黑牛柏葉和牛舌精美的拼盤，好有FEEL牛舌香彈爽，牛白滑林正牛柳粒牛味濃，既有嫩嫩的肉又有爽爽的肉非常極之美味黃沙豬潤是厚切，勁有口感口感如細沙一般既粉又嫩桃花緣好可愛的幻彩詠波波有得睇，有得飲桃梳打的口感桃味香濃好少女！好夢幻！一場有花香一場有50年代FELL一場穿越時空的盛宴！香江花月 (利舞臺廣

香江花月係走懷舊老香港路線 整個裝修都花上好多心思去營造老香港既氛圍環境好寬敞 加上食物質素不錯 絕對值得一試🙌🏻🌟日本牛乳玫瑰鍋採用日本北海道全脂牛乳加上等日本玫瑰作湯底香濃既牛乳帶玫瑰香氣🥛🌹再配上鮮甜既木瓜💯🌟黃金炸魚皮新鮮炸起夠哂熱辣辣鹹蛋醬沾滿炸魚皮表面 並呈流沙鹹香味重兼口感夠脆🌟脆囗珊瑚蚌味道好鮮甜口感爽口彈牙 灼熟後鮮味十足🌟碧綠萵筍翠綠鮮嫩 食落好脆爽🌟美國安格斯肥牛油花分布平均 肉質嫩滑兼牛味濃🌟午餐肉粟米餃呢個組合又真係夾食落口感豐富🌟鹹蛋黃墨魚丸墨魚丸口感爽脆有彈性而且帶濃郁既鹹蛋黃味🌟潮州白魚蛋魚蛋爽滑彈牙且有魚味🌟自家製非菜餃皮薄餡料多 有韭菜香氣

這家店環境昇華而且座位寬闊，食物選擇多樣，雖然價格稍高，但絕對值得每一分錢。首先，湯底選了花膠雞煲，這湯底真是一絕！濃郁的雞湯中融入了花膠的鮮美，還有冬菇作配料。他們還加入了半隻雞，使湯底更加濃郁。這個湯底簡直是火鍋的靈魂，讓我一口接一口地享受😋接下來是食材的選擇，他們的菜單上擺滿了各種美味的食材。我點了桶蠔、中山無骨脆鯇片、鮮海帶苗、牛小排、噴汁貢丸和手打鮮蝦滑。這些食材都非常新鮮，品質一流。桶蠔鮮嫩多汁，中山無骨脆鯇片鮮美爽口👍🏻 鮮海帶苗帶著海洋的鮮味，牛小排肉質鮮嫩多汁牛味濃郁，噴汁貢丸彈牙有嚼勁，手打鮮蝦滑鮮甜滑嫩🥰🥰他們的服務速度也非常快，不需要等待太長時間就可以享受美味的火鍋👍🏻

週六晚上二人打邊爐，食了1個幾鐘，一名女侍應突然在我没有要求結賬時拿賬單叫我埋單，我當時O哂咀，我個鍋及碗內仍然有食物未食完，佢想迫我埋單，我拒絕了，但個女侍應仲要大大聲與同他侍應話我唔肯埋單，跟著又有一位男侍應來收我們的碗筷，我問個侍應乜你們有限時用餐咩，訂枱時冇講過喎，佢竟然話外面有好多客人等緊，所以想我們快D走。接著又有一個男侍應又收走我們的煱，仲要執走哂枱面D嘢，迫我埋單。埋單時個女侍應仲好意思話平日冇咁多人嘅，週末多人所以先會趕我們快D埋單啫。我回應佢，其實我以後都唔會再黎嫁啦。香港D食肆成日話冇人幫襯，又話好多香港人北上，又話疫情後個人都唔夜消費，其實佢哋應該反省下自己D服務態度先。咁樣趕客走，之後冇人幫襯都係理所當然啦。

有驚喜的打邊爐地方非常闊落，裝修都比較特色牛肉乾一定好食，兩公婆坐張大枱叫到成枱都係嘢都仲有大把位放。得閒冇事都再嘆多次先得係銅鑼灣呢類食肆都唔係特別多真心覺得佢哋做得好收貴小小都冇所謂值得

一直想去呢間火鍋店，朋友去過佐敦果間話好多打卡位，上網見到呢間分店vintage 風，走懷舊帶精緻嘅feel, 好想試下呢😌一去到就有杯細細的Welcome drink :茉莉花雪梨茶，值得讚嘅係佢唔係好甜，同埋又好香濃嘅雪梨味，飲咗就令到胃口大開，仲要啱晒呢啲秋冬嘅feel。我哋兩個人食，所以隨意叫咗幾款，不過我知道香江拼係必點，所以今次主力食呢個😌🐮秘製花雕豬肚鍋：鍋底入面有枝竹、酸菜同豬肚，但係好多材料比想像中多。枝竹索晒湯底精華，另外胡椒味都好濃厚，而豬肚軟腍好入味喔！🐮香江拼：一直想試呢個好耐，咩都齊晒，啱晒鍾意食牛嘅人士，一次過試齊手切肥牛、牛柳粒、安格斯肥牛、牛小腿、牛白肉、牛心頂、黑柏葉和牛脷，份量十足，水準亦不錯，重點係好新鮮，牛肉一入口即溶，每款材料絕不馬虎。牛柳粒開頭以為好靭，但原來又OK喎。🐮油麥菜：份量好多，特別推介醬料區嘅腐乳汁，好出色，點菜一流。🐮南乳墨魚丸：第一次食南乳放落墨魚丸度，好香嘅南乳味，入邊墨魚丸粒都食得到，好彈牙。🐮竹蔗茅根水：呢個好清甜，感覺冇落糖，竹蔗茅根味香濃，打邊爐必點👍🏼

之前睇過香江花月打過邊爐，留意到原來佢晏就有點心食，仲要好精緻，諗住搵日同朋友一齊嚟今日終於有時間了～-呢度21樓望住個景都好舒服，採光又好，啲裝修擺設都好有心思好靚❤️-下午茶茶位 $10@1基本嘅茶同埋菊花、人參烏龍我哋揀咗人蔘烏龍甘甘甜甜又解膩咁好好飲～-金粟金魚餃 $53呢個係我覺得必點嘅餃未嚟就已經覺得一定要叫超精緻既金魚餃😍上面仲有啲金箔🤩成條金魚咁好靚～入面都好足料大大隻蝦🦐下面有啲粟米羹🌽又靚又好食😋-金罔牛油果蝦卷 $50外層實淨得黎好脆香口感好好👍🏻入面有啲蝦米牛油果幾好食🤤配埋沙律醬仲正😋-金腿魚翅灌湯餃 $39.8由細到大都好鍾意食灌湯餃肉味香濃餃皮索哂啲湯飲得出湯底熬過一段時間好出味餃子有菇有蝦有豬肉😍-北菇滑雞飯 $28.8份量岩岩好尤其覺得佢啲飯好好食好香米飯味幼身既米索哂啲香味同甜豉油😚-蜜汁叉燒包 $32叉燒包就正常發揮個包幾軟熟～-仲有啲點心都好精緻下次都會再黎試😍

銅鑼灣利舞臺一向都有多間食肆，要突圍而出， 就必定要在裝修環境，食物質素以及gimmick 取勝。這一家位於【利舞臺廣場21樓】的 【香江花月】是一間主打高級精緻火鍋的餐廳， 裝修高貴而且帶有格調， 用了鮮明的橙啡色，感覺更加年輕。餐廳內的小舞台更擺放了一台大摩托，氣派非凡。食物無論賣相抑或質素都相當高， 所有的擺盤都非常之精美，嚴如進入了花花世界。先講一講火鍋湯底， 選擇相當多， 令人目不暇給。 今次選擇了一個既滋潤，亦老少咸宜的《木瓜鮮魚鍋》。鮮魚經過走油香煎，令湯頭煲起來奶白色。淆好魚湯之後，侍應生會將魚肉分拆，讓食客品嚐魚肉。 木瓜魚湯非常鮮甜，而且滋潤有營養，令新鮮簡單的火鍋食材帶出本身的鮮味。必食推介《太極兩儀》，分別是花雕手切肥牛， 和牛奶黑松露伊比利亞黑豚肉。 兩者都甚有驚喜。手切肥牛加入了陳年花雕酒，酒味香濃、香氣十足。 而且肥瘦均勻，佈滿雪花，人口即溶。伊比利亞黑豚肉加入了牛奶醃製， 令肉質食起來更嫩滑。而且加入了黑松露醬，寫來更加美味。《七彩餃子》賣相精美，藍色餃子皮用了蝶豆花， 裏面是木耳椰菜餃， 口感爽脆。黑色餃子皮相信加入了墨魚汁， 是黑松露豬肉餃。 另外還

今日嚟到銅鑼灣特色打卡打邊爐餐廳✨✨一定要嚟享受精緻高級火鍋👍🏻👍🏻店內環境好舒服寬敞，仲有特色打卡位，真係要俾個like😘花滿園首先梗係火鍋最緊要嘅肉類，呢個係伊比利亞黑毛豬，肉片卷成花形，擺盤好有心思，肉質嫩滑，脂肪比例岩岩好火鍋點心🎖️特色必試推薦，呢度嘅小點心都製作精緻，可以擺落火鍋烚熟佢，但竟然係奶黃包，燒賣，水晶餃！！超級好食！！意想不到七彩餃子有菠菜餃、芫茜豬肉餃、冬菇豬肉餃等。以食用顏料製成餃子皮，烟韌彈牙，餡料鮮甜嫩滑。七色丸手打丸擺盤都好用心，7隻味道有：手工芝士蝦丸、黑松露墨魚丸、青咖哩墨 魚丸、紅咖哩墨魚丸、鹹蛋黃墨魚丸、蟹子墨魚丸、椰芋墨魚丸。我最鍾意嘅就係鹹蛋黃墨魚丸，裏面嘅鹹香味好出色。