魂 (已結業)

接近一年沒有去吃拉麵了，今晚去了幫趁太子小店。驟眼看上去地方雖小，入面卻是五藏俱全，坐位不少，時間尚早，我們不用等位，就可成功入座囉！八爪魚波波18小食便宜經濟，即叫即炸熱辣辣，香口得來，仲嚼到彈牙八爪魚粒粒在喔，加上酸甜醬更美味。May姐選的太極拉麵99墨魚汁配豚骨湯的組合，面要了中的硬度，叉燒薄，玉子甜，蟹膏香，木耳絲，另有少少金箔感覺瑰麗，面量剛夠女生呢。我的青龍拉面99是菠菜汁配豚骨湯呀，湯頭不俗，喝了不少🤗叉燒半肥瘦，加入蟹柳和魚子醬，蘆筍青豆同溏心蛋，增味許多，係好討好我既青色哎！拉麵🍜我要了軟的，其實也沒有好淋啦。綠茶味波子汽水18抹茶味好香，有驚喜喎😱真有綠茶味嫁。日本梅子雪碧18店員教路先督梅子，再倒汽水，解喝，飲後喉嚨甚暢快。食後感：以後食拉麵仲有得揀去太子食啦，地鐵A口一岀好快到tim！P.S.有電子餐牌，也有傳統的劃紙，不用擔心不會用ipad下單呀😉

聽朋友成日黎食，今日下午響附近終於過黎試一試～入到去店家招呼幾親切，又主動擔凳比我擺野、又問我要凍定熱水；落餐係用平板電腦感覺唔錯；因為約左人，等了十幾分鐘先落單，可能因為人唔多，所以店職員冇話我～拉麵來到，感覺可以再熱d會更好。味道夠，蛋有d細隻，但好食，大隻d就好啦因為我最喜歡食溏心蛋～叉燒較薄身，入口溶，唔錯～紫菜都幾大塊，可以分成兩塊更佳。餃子等左陣先黎，唔算大隻，但又脆又熱，味道唔錯算好食。

魂拉麵可以話係我係hk食過算數一數二好食既拉麵店~~~早排食完無耐又好掛住,所以冬至又決定拉埋朋友一齊去食!!!每次都覺得用 iPad 來點餐好方便!!!可以避免出錯,, 點完即叫即整~~環境靜靜的, 日式風味裝潢, 無論自己一人定同三五知己, 都可以黎食~~~今次同朋友都係點魂拉麵,麵入面有齊叉燒、玉子, 湯底味道恰當好處, 不會過淡, 味道濃郁,岩晒我~~麵條既質感彈牙, 每次都可以飲晒成個湯底~!!!今次因為太餓，所以追加左叉燒同半隻玉子！小食方便就點左日式炸雞塊, 口味一樣很讚, 不會像外面賣的, 那麼油膩, 而且肉質鬆軟,好正!!!

年前去日本旅遊時，每日都會吃拉麵，太太說我是拉麵控，回港後，經常到不同的拉麵店，尋找日本的味道，在網路上知道這間拉麵搬到太子，便來尋味。入口處已經掛上很多不同公司的奬狀，証明係真材實料的。這裡地方唔算太大，座位有方枱，亦有吧枱，空間寬敞。這裡很先進，用平板電腦點餐，點完餐之後，很快侍應就送上拉麵。太太要了太極拉麵($99)及可樂($13)，係墨魚汁配豚骨湯，有叉燒、玉子、蟹膏、金箔。墨魚汁令到個湯變成黑色，不過都飲得出豚骨和墨魚汁味，蟹膏味道香濃，可惜少了些，而麵質都算唔錯。我點了魂拉麵($89)及梅子雪碧($18)，另追加玉子($13)、叉燒($15)，魂拉麵其實係濃豚骨湯🥣，至於味道都很好，只是個湯唔算太濃，因為我揀了中間濃度，下次要高濃度會啱我多些。玉子的流心做得很好，而叉燒肥瘦均勻，放在豚骨湯就更加美味。梅子雪碧，梅子唔會太鹹太酸，加上雪碧的甜味，都幾夾。

難得有空，來到旺角一帶為我的書架補一下漫畫存貨，可是好景不常，男朋友的肚子又在呼喚了，想說在這美食集中地旺角可是有很多的誘惑，只是我們都想發掘一下新的美食，所以往太子方向走去～我們都被由這家魂所發出的香氣吸引了進去，而「魂」的餐牌也非常簡單，對我這種選擇困難的人，是一個絕大的福音！店內採用智能點餐的模式，為客人帶來方便，免卻店員人手入單或會出錯等繁複程序。見還有一點時間才到晚餐，所以我們都只點了一款拉麵，我點了這款「青龍」，材料看飲簡單，也是叉燒玉子等等，可是由湯汁散發出的香氣卻是一回事，鹹香的豚肉湯被滿滿青綠色的波菜汁包裹著，菜汁一點麵不寡，還令整個湯的層次豐富了起來，更有點把魚子醬的風頭麵蓋過了。另一個是「太極」墨魚汁拉麵，跟「青龍」的分別之處是它混合了墨魚汁，使整個湯散發出濃郁墨魚鮮香味，豚肉亦大大塊，肥瘦算適中，肉味不錯。蟹膏是這拉麵的重點，味道十分濃厚，小小的份量已經惹味十足，細心的男朋友知道我喜歡吃蟹膏還把它整個都給了我，嚵嘴的他最後還吃到滿嘴黑黑的走呢。想不到美食集中地附近也有這麼多的隱世小店，真是隨便走進一間都吃得眉飛色舞。

平時過黎呢邊都係詔隔離飲酒玩飛標，今日兜過黎見到新開既一間拉麵店!反正lunch要搵野食，拉麵都唔錯，坐底再算~估唔到餐廳有間開一d單丁位，第一次見!廚房都算係開放式，但好多碗遮住左餐台上邊冇太花巧，都係簡簡單單有紙巾同幾種調味料，但神奇地有一部ipad係台!估唔到普通一間拉麵店都咁有心思買套system返黎落單的確，用機落單少d出錯，同埋唔洗成日俾人催落單，我覺得唔錯的!當然!如果你想搵人落都可以，都有餐紙俾你寫用ipad點都非常方便，揀左咩麵之後，入到去仲可以揀麵既軟硬度，湯既濃淡同配料既多少!仲可以追加配料! 第一次食就唔加住，好食既話，下次有機會黎先再加餸小食有四款，支豆炸雞同餃子都係大路野，所以我揀左一份八爪魚波波!而呢度既凍飲竟然可以加冰杯! 可以keep住夠凍，夏天既話真係一定要點! 冬天就唔加冰都夠凍了揀好哂，自己落埋單就可以撓埋手等野食!10分鐘左右碗麵就送到!第一次黎原來想試原味既豬骨湯，但見佢太極拉麵有蟹膏，所以唔試原味了!我揀左普通湯底，睇落唔係特別濃，但飲落好似食緊一堆煮爛左既豬骨咁，膠質好重，味道超濃，口感超滑!原來湯底都係用豬骨湯做底，再加墨魚汁落去，味道

無意發現這間位於太子的拉麵店，門口的「不收加一」很吸引眼球，拉麵也好像較特别，就進去試試吧。餐廳更是用 iPad 來點餐，夠環保新潮。我就愛吃辣所以點了火魂拉麵 ($99)，是蕃茄辣汁配豚骨湯，還可選小、中、大的辣度。蕃茄味就不太特岀，但辣味卻很過癮，辣得來又帶著香濃的豚骨味，而湯質也得稠身，不經不覺也吃湯喝光了。配料上有叉燒、粟米、紫菜、玉子和三文魚肉，非常豐富。叉燒肥瘦均匀，腍而入味，可惜只有一片，份量太小了，到喉不到肺。玉子有半隻，但卻煮得恰到好處。溏心蛋能做到顔色光澤，蛋白凝固，而蛋黃則能做到半液狀半膏狀，非常誘人。寶寶的太極拉麵 ($99) 更有趣，是墨魚汁配豚骨湯。不但有例牌的叉燒和玉子，竟有蟹膏和金箔，很名貴唷！蟹膏令湯底更香滑，寶寶最後也把湯喝光了。拉麵的份量偏小，男生真的不會夠飽肚，所以追加替玉 ($18) 就剛剛好了。八爪魚波波 ($18) 表面香脆，裡面非常彈牙，還吃到墨魚粒在內，確實真材實料，配上酸甜醬更開胃。可樂 ($13)不收加一真難得噢！

隔三幾個月就會食番次拉麵，對上一次喺三個月前晌灣仔嘅「幸屋」，拉麵算得上香港人頗鍾意嘅日食之一，不時都仲聽到新拉麵店開業，真喺開極都有，而每家拉麵店都有其獨有殺手鐧。今晚，同友人嚟到太子嘅「魂」，又會以咩應戰呢？依一截西洋菜街以酒吧居多，所以，深紅色布幡，再加上兩大個「拉麵」紅燈籠，遠處就認出店家。晌門口，見有個大大個易拉架作介紹，始知原來店家晌灣仔鵝頸橋屹立多年，真喺有點失閣晒。之前上網都大概了解過晒餐廳主打4款口味嘅拉麵，包括「魂」、「火魂」、「太極」及「青龍」，均以豚骨湯為基礎，除原味，另3款就加入唔同嘅味道作變化，分別喺蕃茄辣汁、墨魚汁和菠菜汁，猶如風雲變色。鋪外嘅螢光招牌更作簡單嘅介紹以吸引途人，晌黝黑嘅門面其實變得幾搶眼。入到鋪內，格局其實好簡單，左邊喺廚房，對出就喺一列面壁單丁位，一格格間開晒；而右方就喺4人為主嘅散格，有需要就拉番開啲為兩張2人枱。修簡比較簡單，小木枱、小木櫈、昏黃小燈，唔算話好大賣日本風。 反而，廚房上嘅海報倒吸引我，「日本產雞蛋使用店」自然令人對其用料增添信心。而枱下嘅小掛勾亦喺便民嘅設計！店家用上平板作餐牌加落單工具，一舉兩得，又環保。晌門口無留意

聖誕節悠長假期的最後一天，特意來到太子剛搬遷的 魂 拉麵店，品嚐它的鰹魚豚骨湯拉麵。鰹魚豚骨清湯拉麵 $83拉麵湯底呈淺啡色的，鰹魚及豚骨味兩者味道恰當好處，鰹魚的鮮味舒緩豚骨湯的油膩感。味道濃郁中帶點鮮甜，濃厚黏度恰宜。麵底用上蛋黃曲麵，彈牙富嚼勁之餘，容易掛湯，而且黃蛋味豐溢。然而麵底只是30元正，添加不少的食材，當中包括紅燒鮑魚、叉燒、玉子及餃子。麒麟一番搾啤酒 $24罐裝飲品就不多描述了。太子旺角區的拉麵專門店，實在是寥寥可數，這小店實在推介的。

19/12 18:30 左右 趕時間見到有日本拉麵就二話不說入去食，本來考慮過食同一條街的上海店，但我比較喜歡拉麵！無錯店員很有禮貌，一坐底比個價錢斯嚇呆 $89 最平！不過算啦 如果好食都ok 既！ 帶住期待心情等那碗魂拉麵！過了10分鐘左右終於來，第一眼，咁細碗，都算，試下個湯底，好‘結撻撻’ 好似糊仔，飲落口，好難飲，無可能係豬骨湯（可能不是我口味，但我自問食過唔少日式拉麵）但我真心覺難食，而個拉麵更加唔使講難食。塊义燒算係最見得人，呢碗麵最多值$40！我無影相，回家上來open rice 睇下有無人寫食評，但估唔到係好評多囉！所以好唔明白！

好耐好耐之前排隊食過銅鑼灣既魂，今日係太子又見到間魂，唔知係咪一樣架呢？電子餐牌唔再係連鎖壽司餐廳既專利，不過個系統好似未完善魂拉麵肉好大舊不過唔夠稔拉麵質地適合我彈牙唔太稔溏心蛋紫菜100分湯底101分濃厚唔太咸木耳略嫌細碟少少，不過9蚊算係咁啦菠菜湯底感覺好健康，飲多兩啖都唔覺膩唔太鐘意啲粟米粒係拉麵度好似怪怪地不過sell健康嘛（好似係）店員服務好好，介紹詳盡原來真係銅鑼灣果間搬左黎太子

之前系舊舖食過!實在太好食, 不過因為遠所以冇再去今次OPENRICE 睇到原來搬左太子行過去好近,新舖都大D 裝修靚D麵就一如以往 正正正流心蛋就系超好食拉麵黎講, 我個人覺得魂比一蘭仲好食又吾洗等咁耐, 又好食D

心血來潮突然想食日本拉麵，想起魂，才發現原來銅鑼灣的店鋪搬了，現在新店在太子，反而更加方便，不用過海。新店的拉麵款式與舊店無異，地方比之前寬敞舒適。今次要試的，是我最愛的黑魂，看看味道是否能夠保持一貫水準。一盤熱呼呼的拉麵，用了墨魚汁配上豬骨製成的湯底，兩都互相配合，既有墨汁香，又有豬骨鮮甜，十分美味，配上軟硬適中的拉麵，忍不住每口都蘸著湯底一起吃。配料方面，叉燒分量不多，只有一塊，但肉的肥瘦適中，脂肪輕輕圍了一圈，不會太油膩; 流心蛋製作時間掌握相當好，入口蛋黃溶化，蛋黃味濃; 而蟹膏味香且濃，能令湯底提鮮。舊店的味道在新店仍然依舊，沒有令我失望。

呢日要去太子買點東西，揾之前就揾到地方醫吓肚。老公知道我都有一排冇食拉麵，咁啱見到呢間店的紅噹噹的大門，眼睛經已被吸引了，所以就入去食吓~一入到去，空間感算足。左邊是 BAR 枱，而右邊是方枱，色調跟大門很搭配，也是紅和啡的結合。看看餐牌，估唔到是電子餐牌，响拉麵店都係第一次。雖然日間只有 3 款，另有一款係夜間限定，不過餐單簡單易用，很容易的就點到心儀的麵款和配料，仲有不同的飲品可供選擇。响我沒為意之下，他又點了一罐可樂。魂拉麵我通常第一次去一間拉麵店食嘢，唔係有目的地食某款麵食的話，就一定會點原本的味道。麵身是軟軟的很容易入口，而叉燒夠哂大塊和厚度適中，仲有半隻流心蛋煮得很適中，夠哂流心唔會太熟。太極拉麵呢碗拉麵有兩個特別的地方，就是黑湯底同埋中間的金箔。雖然湯底黑黑的，反而味道較為清甜，加埋金箔令到整碗麵感覺較高貴。

太子的確係一個愈黎愈多食店林立嘅新地方，好似之前係銅鑼灣有店嘅魂都加入了太子啦！之前一直都想去幫親，但一路都多人排隊家啦，所以，冇機會之後仲執左！好彩今次係太子開返，要襯住而家冇乜人就去品嚐下啦！今次選擇左火魂，係蕃茄辣湯望落好似冇乜料到，點知真係辣味十足家，食到鼻水都流埋，仲要飲水添。不過，個面以男仔黎講就真係有少少不足啦，而且叉燒得一塊，如果係好肚餓去食，我會建議加啲配料，或者直接加底好啲啦！