鮨見 (已結業)

今日黎食lunch喇，諗住出糧慶祝下，洗幾百蚊，點知換黎一肚氣一入到去，就係咁sell sell sell，好似中國d強買強賣既感覺，咁好喇，見佢咁落力就點左個好似888既餐。咁阿姐就遞餐具，但一黎就係咁咳，仲要無戴口罩，心諗，咁貴既餐廳都做到咁，有無搞錯。師傅手指甲有黑邊，條布又污糟，抹完枱又抹野食，真係cls，見到都想作嘔呀大佬，仲有擺曬師傅架子，命令我點樣食，真係傻嫁條友比咁貴，焗住食曬，臨走個肚仲有d痛，真係有無搞錯！永不錄用！

一直以來也想試九龍區的廚師發板，今次到了亞士厘道的樓上店鮨見一試，由日本師傅主理。店舖不算太，bar枱就只有8個位，另加一枱4人枱。午市有3個選擇，包括$488櫻、$688春及$888見，包前菜、茶碗蒸、壽司、湯、甜品。我點了$688另有海膽杯。整頓午餐我也十分欣賞，用料新鮮，很喜歡點了醬汁的壽司，非常鮮味。師傅也會告訴我們每一件是什麼，塗了什麼汁料。海膽杯非常震撼，甘香奶滑，回味無窮！魚湯也相當好味。

朋友book 左呢間餐廳慶祝生日廚司係日本人。餐廳有兩間房仔，吧枱就坐到8個人左右細細地，都幾骨子。開始係由呢個八爪魚沙律開始之後係魚肝個人不太喜觀呢個味道同口感之後再有個白子，都叫做高級食材但配海膽，味道唔係好夾。後期亦都有太多重複既食材刺生有金木鯛，之後又有金木鯛壽司海膽都不停出現，最唔夾係海膽放係海膽餅上塊餅淋嫁😩😩同海膽唔算新鮮。蝦都係，都係唔太新鮮。所以整體來說，呢次既omakase水準唔係太好，價錢偏貴。係食咁多次最差既一次。不過廚司都幾善談幾好人既

朋友升職請食好西，帶左我去尖沙咀食廚師發板既日本餐餐廳走傳統日本風，座位唔多，職員只有1位日藉廚師同1位侍應心急的我，先迎來前菜八爪魚、螺肉安康魚肝質感有啲似魚肉腸，但口感更滑秋刀魚刺身都係第一次食，師傅話係今日新鮮運到秋刀魚肉質幾爽口，帶甘甜，好易入口吞拿魚好厚身，油脂分佈同比例令呢一口帶帶油香同甜味呢個以櫻花鯛包裹住帶子同蝦，整體透明清澈，好似藝術品一樣，而隱藏既帶子亦好大粒同鮮美廣島蠔係師傅係我地面前即開即整，輕輕灸燒過得帶香氣，但重點都係蠔既飽滿同咬開後爆開既蠔汁另外師傅仲即開左隻大大隻赤貝，一樣新鮮彈牙迷你海膽三文魚籽飯眼見師傅放左三分一板既海膽落去，心中不知幾興奮海膽同三文魚籽都好鮮甜，海膽再多一份甘美，見到同享用呢個海膽山真係好滿足慢慢食食下，到已經夠哂飽，最後就以日本蜜瓜作結

首先師傅會俾你喺759買到嘅濕紙巾，佢話壽司係要用手食！其實日本好多都係用手食，但係舊壽司唔會一攞上手就散咗！啲醬汁滴到成手都係！但係佢就冇比到第二張濕紙巾我哋！可能係因為呢輪好難買到濕紙巾！個前菜好似預備得唔係好夠，佢刮咗個盒好耐先攞到兩個前菜出嚟！感覺好似食埋啲冷飯菜汁咁！講明係廚師拍板，當然係佢整乜你食乜啦！不過通常師傅都會問你有咩唔食嘅！可惜佢冇！仲講到每一樣野都係精心為我地整嘅！一次過就切晒所有嘅魚生出嚟！乜唔係一路食佢一路切嘅咩？最神奇嘅係喺我哋側邊嘅情侶一路食一路影相，好enjoy咁！我同我老公都有啲覺得有問題嘅係我哋！明明啲魚生好梅！個Wasabi又好牙膏！仲不停見到個師傅將啲嘢定來掟去！好多個黑人問號？？? 點解藍鯨吞拿魚要落黃芥辣？師傅話係佢獨創㗎！我同我老公都大開眼界！大部份野都係焰燒左一半，師傅話要燒番啲油落去個飯度！講到個飯底又係撈左好多醬汁，完全食唔到日本飯嘅甜味！食完個半熟生蠔我條👅仲好苦！本身好期待嘅海膽飯，見到師傅喺度不停咁刮啲海膽汁，我又真係唔係好想食！個魚湯唔錯，可惜只有兩湯匙！我打開個碗嗰陣時仲以為人哋已經飲左一半！我問我老公，佢話係呀！係得咁少

Having visited this place on Valentine’s day, we think it might not be the best idea after all. We were supposed to be there at 7:30 and they called and blamed the first batch of customers for being late so they told us to arrive at 8:00 Strange incident 1.When we arrived there a bit earlier, they told us tl wait outside as the first batch of customers was still inside. We saw a number of customers rushing in and being told to wait outside with us. No checking of booking numbers, no orders takin

放完新年假，心情低落，響亞士厘道附近食晏，食開嗰兩間都未開門，見到呢間其實想試好耐嘅上樓日本野有開，望吓個Menu就膽粗粗入去試一試。佢中午只有三個餐可以揀$488, $688, $888. 點餐後，個壽司師傅誠意拳拳咁話配上清酒對佢嘅食物會好味好多，我考慮緊嘅時候再講多一次，再加上心情低落嘅關係，就話好啦。點左一支300ml久保田，點知雪櫃冇晒佢自己就攞咗佢枱頭嗰支，話即刻冰鎮好快可以飲到，其實我知冇可能不過見佢咁有誠意就算啦。到佢倒左第一杯之後即刻一杯而盡，即刻想吐出來，again, 嗰日真係好傷心，所以淨係想正整地咁食餐飯就算，好細聲同個女侍應講，話比佢知佢知就有問題，幫我取消咗佢。佢就走入吧枱同個壽司師傅講，個師傅竟然大聲咁話：「我支酒有問題冇可能」另外啲客人即刻望住我地，我就叫個師傅，「不如你試吓先啦」佢原本都唔肯試直到我對隊個杯俾佢，飲完佢自己大聲同個侍應講：「到咗佢快啲到咗佢，水嚟㗎」其實我諗住細細聲同師傅講係唔想你驚動你啲客人，但係咁樣係咪搞笑左先🤷🏾‍♂️隔咗2分鐘佢叫個侍應攞支720出嚟，到咗一杯仔俾我，係咁叫我試，我同好好聲氣佢講唔緊要，但係我真係唔想再飲酒啦。佢就

呢間Omakase日本餐廳位於尖沙咀亞士厘道一幢商業大廈，趁住年尾仲有entertainment budget，約左個客黎食個business lunch揀左個HKD599既『春』套餐，包含前菜、茶碗蒸、壽司九貫、海膽/拖羅杯、手卷、吸物， 以及甜品。鮟鱇魚肝作前菜，高級食店而言算係幾common既選擇，口感綿密，味道都幾濃郁，加左酸汁後味道更豐富。茶碗蒸口感滑嫩，蛋味適中，有雞肉，香菇等料，味道唔會太單調。壽司採用北海道米飯作漬飯，喜知次壽司，喜知次又名日本紅衫魚，但就相對昂貴，魚味清甜。鰤魚壽司，鰤魚腩壽司，鰤魚腩好比鰤魚，脂肪含量較高，魚油香較豐富。火灸深海池魚壽司：火灸深海池魚並不是常見既處理手法，但燒後將魚油逼出，油香較重，另有一番風味。另想講講藍鰭吞拿魚壽司，可算是魚中寶石，吞拿魚味濃郁，令人沉醉於當中。赤貝壽司：赤貝爽甜，十分Q彈。帆立貝壽司幼嫩細緻。火灸廣島蠔壽司，經火灸既廣島蠔變得超級奶滑可口，蠔味適中。海膽杯蓋上一層又一層既海膽，非常邪惡，奶滑可口，甚麼膽固醇我也拋諸腦後。吸物即係湯 (Soup) ，一般都係以白骨魚煮湯，煮出來奶白且鮮甜。而是日甜品係豆腐雪糕，香滑

如題！好唔好食唔知！🤷🏻‍♀️晏晝打個電話嚟confirm已經覺得有景轟，由9:00變咗九點幾Booking！剛剛上到去，佢話等10幾分鐘，之後打電話嚟講句唔好意思就話冇位，平時都算啦，難得戴住口罩出嚟食飯，超級差超級差！🤬🤬🤬🤬🤬🤬🤬

今次黎到尖沙咀食呢間omakase，舖頭只有一位來自關東既日本師傅，同幾個阿姐跟班，一睇就知師傅要幾有料下先可以有能力咁樣開舖喇。雖然價錢都偏貴，但食落都唔錯，師傅話食材都係由日本新鮮空運過黎，所以絕對就無花假既。環境方面，吧枱一張，亦有唔少4人枱，坐吧枱既話，師傅話睇住你食，同會同你傾下計既咁多款色入面，本人就最鐘意佢個鱈魚魚春，食落好肥味好味，入口即溶既感覺，食落仲好味過A4和牛呀～不過一舊起兩舊止好喇壽司方面，佢d魚生都算幾新鮮，佢話佢每落都會換專用紙，去吸收魚生既血，咁魚生先唔會發黑，睇得出佢對食材既嚴謹。食之前都睇到有d負評話佢唔乾淨，原因係用塊布去抹d魚生，咁我食果陣佢都有咁做，但食完都無肚痛肚痾，可能佢塊布有消毒乾淨掛。

2020.01.19 鮨見自從畢業出嚟工作，每年生日都會同一位識左10幾年嘅朋友慶祝，而大家都好鍾意食日本嘢，今次揀左位於尖東嘅鮨見。鮨見林立於尖東比較靜嘅商業大廈之內，附近人流較少。餐廳門口以日式設計趟門，加上日本餐廳帆布簾點綴。餐廳內部一眼可見，吧枱以L型設計，可以坐大約7-8人。(之後先知有一個私人包廂係門口左手邊，私隱度高，師傅都會去嗰邊介紹食物嘅)餐廳晚市只有廚師發板omakase選擇，有2個set，價錢只差300。每次諗食omakase都係想食好嘢姐，所以每次都會秒速決定食貴啲嗰個哈哈，而且set b有我最想食嘅海膽杯。鮨見嘅只有一位師傅，係日本人，識講啲廣東話，所有食物都係由佢一位準備，每上一道菜都會盡力介紹到令我地明白為止，好有心！跟住就開始食嘢，中途會不斷添熱茶。先嚟前菜：師傅親自醃製嘅芝麻八爪魚同豆腐，口感彈牙同必須有嘅滑滑茶碗蒸。前菜比較似家庭式料理，設計上係無咩特別，不過呢2樣我本身都鍾意食。跟住就到刺身assorted sashimi。鮟康魚肝配上黑松露：魚肝脂質豐富，口感綿密（我覺得好食過鵝肝）；黑松露香味四溢，配上魚肝更能帶出鮮味，兩者相得益彰。鱈魚白子：

Omakase其實食完一次會上癮，呢日book 左黎到尖沙咀呢間Omakase鮨見～一一上到黎已經覺得好整潔，同埋坐吧枱既位置睇到廚師整D咩～一黎到點左個1799$既餐～比起另一個多D野食，諗住既然都係不如豪一次！ 結果都真係幾值！落完Order日本廚師就問知唔知咩係Omakase, 跟住一輪交談佢都解釋埋Omakase即係廚師發板～呢位日本廚師成餐飯都好好咁介紹每一樣既食物務求你知自己食緊咩～同埋佢英文、廣東話同日本都交接咁講～唔怕溝通唔到！好似下面餐牌所寫，我個餐有前菜、茶碗蒸、7款刺身、6件壽司、海膽杯、吸物膽埋甜品！前菜係加左芝麻醬既關係好開胃！八爪魚夠彈牙，同豆腐都好夾！之後係蒸蛋，唔記得左影撩開入面既相～但入面都有海鮮，成個蛋都唔會老，夠嫩同好鮮味！跟住就到刺身，有7款～每款都好好食，包括有鰻魚仔、燒過充滿魚油既魚春、藍鰭黃鰭、魷魚、toro 包海膽、鮑魚..... 全部都真係好鮮味.... 有D用火槍燒完D油脂勁香.... 每樣都好想再Encore...之後就到6件壽司，包括有吞拿魚、赤貝、蝦等等.... 我只可以話真係好新鮮同好好食... 望住廚師準備同埋同佢不斷既互動

呢排有好多壽司鋪開張，我都打返編食壽司嘅食評啦。今次去咗尖沙咀一間叫「鮨見」，食Omakase 嘅高級日式料理嘅餐廳。去之前記得要預約，因為佢鋪仔細細同埋係食Omakase嘅關係，預約先去會好啲。我就約咗七點半食夜晚，夜晚有兩個set，春同見。兩個最大嘅分別應該係見會有大拖羅食到同海膽杯。前菜有幾樣，首係漬物，墨魚仔麵根同青瓜配上少少胡麻醬同酸汁，甜甜酸酸幾開胃。跟住係鮟鱇魚肝都係配酸汁，初嚐試，唔油唔腥，鵝肝嘅質感咁。唔知點解通常有得食鮟鱇魚肝，都會有白子。無錯，之後係白子，但佢就配埋海膽一齊。白子本身冇咩味，但好滑好creamy，兩樣加埋個質感好濃厚，冇咁寡。海膽都好新甜。跟住食茶碗蒸，就好似蒸滑蛋咁，但配料有雞肉同茶樹菇，好滑好味。之後到刺身，有鰆魚，姐係馬鮫、鯛魚、池魚、鮑魚，鮑魚刺身佢係擺係一隻烏龜仔嘅碟度，配上隻裝着鮑魚醬嘅烏龜仔碟，好得意。食完刺身仲有啲醬，師傅會初一舊飯俾我哋食埋啲醬佢，好滿足。之後重有兩樣係特製嘅，其中一樣係由北海道帆立貝做底然後擺啲吞拿魚碎加飛魚子起中間然後面頭鋪上一條甜蝦，相當豐富。之後大拖羅都唔係咁單一嘅食法，佢個底都係有一舊吞拿魚好似粒骰仔咁樣

今日經朋友介紹找到這間隱世的吃omakase 的餐廳。當日同一時間只有兩桌客人，因為只有一位廚師，據知廚師從日本來，本來我都擔心大家很難溝通，但他的英文和普通話都不錯，故跟客人溝通沒大問題。先來前茶和茶蒸碗。然後是7款刺身，我本身只認識比較熱門的三文魚、吞拿魚，這次真是大開眼界。有鰻魚bb、魚肝、鮑魚。鮑魚配搭的是liver sauce的精華，一點都不苦，更提升了鮑魚的鮮甜。大家猜猜這款叫白子的刺身是甚麼幸好另一桌客人建議我品嚐後才google，但味道是不錯的。還有藍鰭金槍魚和深海池魚，兩款都超級美味，一點根都沒有，口感是相當軟滑，尤其是藍鰭金槍魚，真是很鮮味，令人一直念念不忘。然後是壽司，有左口魚、深海池魚腩、牡丹蝦、金槍魚、拖羅帶子等，每一口都是高級享受，特別是最後的深海池魚腩，真是一口即溶。還有滿瀉的海膽杯，鮮甜幼滑。最後還有自家制的魚湯作結。沒有誇張，真是吃過最高質的日本菜，價錢確實不便宜，但物有所值。

等待已久的『鮨見』之夜終於來臨，約咗朋友差唔多成個月嘅時間吖。今次來到呢間以Omakase為主的『鮨見』，佢嘅裝修簡約得來又不失貴氣，地方係尖沙咀區來講都算寬敞。我同朋友要嘅厨師發辦内有前菜，茶碗蒸，刺身七點，壽司六貫，海膽杯，吸物(湯)和甜品。由7點半起吃到10點，慢慢嘆嘅同時同厨師又有交流。前菜有八爪魚和螺片，調味啱啱好，等條脷慢慢咁靜待之後由厨師拍板的美食，唔知之後有咩吃，但好有期待……首先有海中珍品之稱的鮟康魚肝， 低脂，低熱量係佢特性，含豐高維他命A、E、D。跟住係另一佳餚白子刺身南北海道海膽，白子白雪雪好肥美，吃落覺好soft同好嫩滑。而裝係杯内面的鰻魚BB稱為刺身或漬物好呢？好滑好特别。跟住又試咗深海池魚同藍鰭吞拿，鮑魚，而綠色的鮑魚肝sauce亦係第一次品嚐，全都係新鮮美味的佳餚吖。精彩依然進行緊，頭先只係上半場，下半場就有金目鲷、鰤魚、左口魚、深海池魚腩、剥皮魚及魚肝、拖羅帶子壽司，以上種種都係喺廚師教導用手吃嘅，而用匙羹裝住的火灸吞拿海膽就用筷子推一推啖落肚，爽！仲有我最喜歡嘅滿滿一大個海膽杯，下面係壽司飯，唔好以多成杯都係，但真係已經超級滿足。魚湯而不是平時的麵豉