鳴虎 (北帝街) (已結業)

喜歡食拉麵的我，知道屋企附近開了一間鳴虎拉麵🍜約埋媽咪一齊試下玻璃門上以黑白為主，甚有特色👍餐牌上雖然款式不多，但款款都是這店舖的招牌麵😋黑鳴虎（黑蒜油+墨魚汁豬骨湯）黑蒜油加墨魚汁味道香濃，薄薄的豚肉好入味又容易入口，湯底採用豬骨熬制，鮮味十足，拉麵比較幼細又爽口👍和配料筍一齊食，非常美味😋糖心蛋生熟都做得剛剛好, 滑溜的蛋白，令人十分回味。鳴海老（香味油+蝦味噌+豬骨湯）這個湯底都是第一次食的，蝦味濃郁又不會太鹹，保持水準，豚肉肥瘦適中，糖心蛋亦好好食，一咬開糖心即是流出😋餃子🥟賣相吸引，煎得恰到好處，餃子皮薄，餡料豐富，沾上香醋來吃，味道即時提升😋

因為疫情都好耐冇黎食好西，黎到九龍城其實都係個隱世美食之地，搵到間食日本拉麵新開既小店。環境感覺乾淨舒服，店員服務都唔錯。黑鳴虎 $88第一次食加入左墨魚汁既湯底，帶點鮮香之餘黑蒜味濃郁。雖然麵身比較幼，但麵質口感剛剛好，有嚼勁而且十分掛湯。叉燒都相當有驚喜，呈粉紅色澤食落口感嫩滑。鳴海老 $88雖然都係豚骨湯底，但風味截然不同。蝦味噌味道突出，頗有鮮味，配上溏心蛋同荀非常夾。鳴虎炸蝦仔 $46拉麵唔夠喉黎個小食，脆脆地味道唔錯。

早前從朋友口中得知在土瓜灣有拉麵店新開業，一向作為拉麵控的我，自然是不可錯過，趁著今天空閒的時間，便一個人到此品嚐一番。不遠處可見招牌和餐廳門口均佈滿各種類型大小文字的設計，十分搶眼，入內可見餐廳裝潢以木系為主調，感覺休閒舒適，富有日式風味。鳴虎炸蝦仔蝦殼炸至色澤金黃，外層入口香酥脆口，內裏蝦肉爽口彈牙，蝦味濃郁，擠上檸檬汁進食，味道增添一份清香。爆蛋爆蛋是選用日本蛋製作的，其外型金黃圓潤，外層炸得香脆可口，內裡呈現流心狀態，口感稠密緻滑，蛋味濃郁。鳴海老鳴海老拉麵的湯底色澤呈現深橙，是使用五十斤豬骨、蝦殼、自家製醬油熬製而成的，入口蝦味濃郁，黏度較高，放置一會便有層薄膜出現，可見湯底骨膠原豐富，真材實料。叉燒是使用慢煮豬肉，其口感薄身嫩滑，肉味香濃。麵條是蛋白直面，入口煙韌彈牙，軟硬適中，掛湯能力高。整體而言，環境簡約樸素，整潔衛生，餐廳裝潢富有日本風味，食材新鮮可口，用心製作，是與家人或朋友吃拉麵的好地方。

今日黎到土瓜灣，經過北帝街見到呢間鳴虎，係新開張既拉麵店，店舖裝潢甚具特別，卡位寬敞坐得舒適，店員親切有禮，一於試下~店面走簡約風，免費提供冰涼檸檬水。拉麵共4款湯底供選擇，設有多款小食，亦可追加配菜。黑鳴虎即豬骨湯加入黑蒜油及墨魚汁，新開張期間更贈送紫菜及流心半熟蛋。湯頭濃郁芳香，鮮甜不死鹹，恰度好處，麵條爽口彈牙有嚼勁，掛湯力佳。綠虎為豬骨湯加入芫荽及香味油，淡淡芫荽香不會過濃，香味清新， 湯頭溫順清爽，飲落喉嚨舒服。麵條彈韌有勁道，口感順爽Q滑。鰹魚汁浸菠菜涼拌菠菜夠哂鮮甜爽脆，充滿鰹魚汁香，好味又有營養。

土瓜灣新開拉麵舖小店經營，鋪面和風裝修，乾淨企理衞生！12點左右到岩岩開鋪，係第一枱客，喺繁囂街道上，可以靜靜地食個午餐，太好了！同朋友叫咗兩款唔同湯底嘅拉麵交換試吓，兩款都唔錯！配菜亦出色，荀鮮甜，糖心蛋醃製得好好味，少少甜唔太鹹鳴海老-香味油+蝦味噌+豬骨湯 $88湯底有淡淡既蝦味黑鳴虎-黑蒜油+墨魚汁+豬骨湯 $88呢款湯底黑蒜同墨魚味比較濃郁鳴虎炸蝦仔 $46 另外叫左個小食，炸蝦唔會太油，加上檸檬汁好開胃

最近太少出外吃飯了，今日難得出外約朋友簡簡單單吃一碗拉麵。土瓜灣新開了一間拉麵店，新裝修以簡約為主淺木色坐位不算太多但都坐得很寬躺。拉麵師傅原來都是在日本拉麵店學習廚藝，不怪得吃下來的味道很有日本風味感覺。新店開業還有午市限定及外賣限定！黑鳴虎這款拉麵是招牌之一以黑蒜油＋墨魚＋豬骨為湯底，混合新鮮大蒜與煎焙過的大蒜後以高溫精煉而成，配上墨魚汁味道鮮甜加上濃厚豬骨湯底，濃郁蒜香撲鼻。幼身麵底煙煙韌適中，還有慢煮叉燒，以低溫慢煮幾小時食落口感新鮮嫩滑。鳴海老以香味油＋蝦味噌＋豬骨為湯底，湯底同樣香濃蝦鮮味，而每碗都會配有慢煮叉燒，半熟蛋，筍及紫菜。胡麻菠菜涼拌胡麻菠菜，菠菜清脆搭配濃稠胡麻醬入口，吃起來清爽、開胃。

星期日約了家姐去逛街，逛街前要先填飽個肚發現欣榮花園對面開了新的拉麵店12點剛剛開門，我們便衝了入去餐廳新開，選用了木枱木櫈，好乾淨舒服侍應更主動提供酒精搓手液給我們清潔雙手，服務幾好我們一人一個麵，再加了一個小食請侍應拿了兩隻碗仔，開心分享拉麵🍜. 鳴海老 | $88拉麵豬骨湯底好濃，有蝦的味道，飲一啖湯覺得好似張住個嘴唇👄，感覺充滿膠質叉燒厚薄剛好，充分地掛滿了湯底的味道 黑鳴虎 | $88 湯底由豬骨湯、黑蒜油及墨魚汁🦑熬製而成，整個拉麵湯好香，墨蒜油的味道比較突出，但仔細品嚐當中帶有墨魚汁的味道，味道互相配合溏心蛋半流心，浸過醬油的溏心蛋更加美味，麵的軟硬程度適中 鳴虎炸蝦仔| $46 炸蝦仔🍤炸得夠脆，蝦頭都脆脆的，炸得乾身，可以整隻食好香口，蝦身有肉，而且份量都幾多，加了檸檬汁不會感覺熱氣。新張期間有紫菜及蛋送侍應提醒麵要趁熱食，所以相機要食得快點有機會要再來試下綠虎的芫荽湯底

今天到牛棚瀏覽，可是十幾個展覽室都關了門，入到大門却入不到展覽室的門，只好在土附近的瓜灣區隨便逛逛，來到很熱鬧，食肆又多的北帝街，看見一間新張的拉麵店，就順路嘗試拉麵吧！店員很有耐性講解店鋪有四款拉麵供選舉，亮點在麵湯底，還有多款小食。我們楝了：黑鳴虎，麵湯底是黑蒜油、墨魚汁、豬骨湯，湯味濃郁，湯質較稠密。鳴海老，麵湯底是香味油、蝦味增、豬骨湯，蝦味特郁，湯質同樣較稠密。每款拉麵都有慢煮叉燒與荀片，葱或芫西配搭。新張開張期間拉麵贈送紫菜和半熟蛋半隻。爽身的拉麵掛濃湯吃，很美味！半流心蛋黃，又綿滑又甘香。慢煮叉燒與荀片夠入味！鳴海老&黑鳴虎黑鳴虎鳴海老挺有趣的爆蛋 ，白滑的蛋白披上脆脆外衣！鳴虎炸雞，皮脆肉滑又多汁，很美味！波子汽水，還我童趣！

好耐無食過呢種質素嘅拉麵了。我是一個日式拉麵愛好者，每次去日本旅行都係為左食好味嘅拉麵。但其實日本很多地方嘅拉麵都晤係好得，有啲普至可用難食黎形容，但反而香港就有啲臥虎藏龍，之前葵芳有間好好味嘅拉麵，係街市付近的，係我嘅至愛。可惜近期再光顧，發現湯底明顯淡左好多，唉真可惜。言歸正傳，今次喺土瓜灣食呢一間新開嘅拉麵，真係俾我好大嘅驚喜，尤其是嗰蝦湯味嘅拉麵，真係好好味，還有湯頭濃淡適中，食起黎好舒服。唯一做得不夠好嘅，就係半熟蛋，雖然真係溏心，但味晤夠濃。麵質就跟其他拉麵店差不多。anyway, 希望呢間長遠可keep到水準，真心好味嘅拉麵店。

今晚放工在土瓜灣發現這家新開業的鳴虎，疫情當前不能到日本，剛好又有好一陣子沒有吃拉麵，就來試試水準。餐廳門面十分有風格，店舖空間比一般拉麵店大寬敞，亦十分正宗的只提供冰水，另外亦有日式拉麵常見的調味料，入座時亦貼心奉上消毒搓手液。拉麵主打豬骨湯底，有不同特色的湯底，好像黑蒜油、海老、芫荽等，另外小食有餃子及炸雞等選擇。黑鳴虎招牌的黑鳴虎是以經典的豚骨湯底作基礎，加入黑蒜油和墨魚汁的豬骨湯，有濃郁的豚骨香氣，一呷香濃順喉，但卻濃而不膩，加上淡淡的蒜香以及鮮味，為豚骨湯底帶來新的滋味。麵條本身的味道及口感，口感筋道醇厚，頗有嚼勁，富小麥香味溏。鳴海老另一碗點了鳴海老，同樣是豬骨湯，但加入了香味油和蝦味增，湯底顏色呈鮮蝦橙色，鮮蝦精華味道突出，而湯底鮮味與豬骨香濃互相陪襯，豚肉叉燒肥瘦均稱，入口甘腴味美，味玉的水準不錯，蛋黃半熟流心，顔色澄黃鮮艷，味道甘香。鳴虎炸雞炸雞即叫即炸，外層焦香酥脆而內裡嫩滑，雞肉肉質軟嫩不乾澀，加入檸檬味道酸爽，十分惹味。

小弟友人一直是拉麵的忠誠粉絲，可是在香港，出色的拉麵店鋪不多。最近，我們在土瓜灣意外地發現了這一家鳴虎，據悉是最近才開張不久。在這個艱難時刻開張，實在應該值得我一試究竟，是有自信還是怎麼回事。我們一行二人分別點了一個鳴虎，鳴海老及一份日式肉餃子。鳴虎就是原味的豬骨湯拉麵。鳴海老則是加進了精油及蝦乾的豬骨湯拉麵。湯底是十分濃厚的，證明店家絕對沒有偷工減料，而每碗麵均有半熟蛋半隻，是正宗拉麵必備。而肉餃子絕對是出色，比最近流行的大阪王將更美味。值得一提，店家提供了無限任飲的凍檸檬水，即使不點任何飲料，也不會口渴。整體而言，我個人覺得小店挺不錯，價錢也不貴，如果我住在附近，定必會經常惠顧！

一碗入魂！我唸無人可以抗拒到拉麵呢樣日本國民美食吧😆！.黑鳴虎：店鋪招牌！湯底特別之處係加左墨魚汁落豬骨湯同黑蒜油熬製而成。飲落有驚喜，會比普通湯底多左一層海鮮嘅鮮味😆而拉麵質地係細麵，掛湯效果更佳！.鰹魚汁浸菠菜：清爽小菜！ 菠菜質感嫩口，搭配拉麵同吃同油膩口感！.豚肉餃子：即叫即煎！食落有香脆口感，肉質半肥瘦，不會一食口全部都係肥膩膩嘅感覺。.鳴虎 (土瓜灣)土瓜灣北帝街61號東裕大廈地下G號舖

土瓜灣比較少日本餐廳，今日無意中經過見到有間新開張嘅拉麵店試業中，餐廳簡約風又好乾淨，我一家三口就決定入去食我哋食咗黑鳴虎，綠虎同埋鳴海老。主要係湯底嘅分別，每碗入邊都會有紫菜，半熟蛋同埋筍。半熟蛋真係有流心唔會過熟，筍亦都好爽口，重點麵質彈牙，唔會熟過龍林哂，小小硬有d咬口既拉麵。一碗拉麵湯底都好緊要，3個湯底都各有特色黑鳴虎係黑蒜味所以係最濃郁最香既。綠虎芫荽睇落唔係好多，但係每啖都食得出淡淡的芫荽香味。而鳴海老係蝦味噌，香濃嘅蝦味，好似飲緊龍蝦湯咁3碗個湯表面唔會有好多油，食完之後亦無好口渴真係好開心土瓜灣又多一個好食既選擇