鳴虎 (北帝街) (已結業)

好耐無食拉麵🍜諗起就好想食。土瓜灣呢間鳴虎，想試好耐喇，心動不如行動，今晚收工特登搭車過嚟食呢間小店都頗有人氣，見都有唔少街坊幫襯。店舖小小，但都坐得舒服，而且佈置得幾靚。一坐低，店員送上麥茶，我都幾鍾意呢種麥嘅香味。點咗個拉麵同兩款小食龍蝦沙律真係有一塊塊龍蝦肉喺𥚃面，看似份量小小，但用料十足。用紫菜包或就咁食都好正！肉餃子🥟實而不華，無半點花巧嘅豬肉餃子，菜同肉嘅比例啱啱好，熱呼呼，好好味。食拉麵，最緊要係個湯底。我好怕湯底唔夠味，或者太油。而呢度嘅湯底做到濃而不膩，真係十分抵讚黑鳴虎呢個係店主推介，味道濃郁，黑蒜油好香。鳴海老粉粉地色幾靚，同樣香濃，口味偏甜少少。果然無令我失望

去土瓜灣搵朋友吃飯，他介紹我吃有水準嘅拉麵，這裡地方不是很大，但食客滿滿剛走一枱轉頭又有人客來。拉麵名稱很特別有綠虎、鳴虎、黑鳴虎同鳴海老，即係香蔥油湯底、魚乾豬骨湯底、黑蒜油同蝦加櫻花蝦粉豬骨湯底。我們點了鳴海老同鳴虎鳴海老 —— 用蝦+櫻花蝦粉 + 豬骨湯煮製的，湯底非常濃郁，喝一口首先是蝦的鮮味再而是櫻花蝦慢慢滲出，到拉麵就是最顯師傅功架，軟硬適中的拉麵掛滿湯汁，真的不用多講行動張成碗麵吃光。鳴虎 —— 日本魚乾 + 豬骨湯，這款豬骨味濃而厚實，吃得出是真材實料，加上京蔥刺激味蕾令口感豐富，豚肉肥瘦均勻在表面輕輕燒過加埋糖心蛋真滿足。肉餃子 —— 皮薄餡料足，煎得香脆又鎖到肉汁。

兩個人叫咗兩碗面，一份餃子。先要讚綠虎拉麵，即係四國香蔥油拉麵。佢色香味俱全，蔥夠多，湯底熱辣辣，味道濃郁，黑蒜油味好香。拉麵係幼麵，湯汁可以掛喺麵上面，叉燒有兩塊，油脂香之餘仲有小小燒嘅香味。伴喺旁邊有半隻糖心蛋。我一向都好鍾意食糖心蛋，呢度嘅糖心蛋熟度適中，冇過熟或者過生，糖心效果一流，醃嘅程度時間都控制得好好，唔會太咸，所以我都追加左一份。食拉麵嘅時候夾住啲蔥浸一浸湯加埋啲木耳味道一流。食拉麵最緊要配餃子（我通常都會咁做），呢個餃子皮薄餡靚，咬落多汁外脆內軟。

帶狗狗到土瓜灣剪毛毛，剪完毛毛後便在附近食晚飯，土瓜灣附近有好多小店，唔係千篇一律嘅連鎖食店，上次試完炸雞米線後今次就食日本拉麵。門口非常搶眼，用咗塗鴉藝術日本字印喺玻璃窗上，牆上掛上本月精選：火焰蕃茄拉麵和東京魚介湯沾面。Menu 內有四款拉麵可供選擇，另外有一些簡單嘅日式小食。黑鳴虎$88呢個係博多黑蒜油拉麵，拉麵內有木耳，紫菜，糖心蛋，燒豚肉和白蔥。小店秘製豬骨湯質地非常濃稠，豬骨味濃，黑蒜油味道恰到好處，唔會太搶，豚肉叉燒有兩大塊，火炙得有少少焦香。另外加咗碟青蔥$8，青蔥和白蔥一齊食令到整碗麵味道更加有層次。糖心蛋雖然側邊有少少熟，不過中間亦夠流心，有好香嘅味醂味，由於原本嘅麵只有半隻糖心蛋，我哋額外叫多咗一隻蛋$8 share，好滿足。鳴海老$88豬骨湯底加上蝦和櫻花蝦粉嘅拉麵，湯底味道帶有豐富嘅櫻花蝦味，非常鮮味和濃郁，其他配料和黑鳴虎嘅一樣，個人喜歡麵質偏軟，湯底掛麵一流。芝士魚餅並魚條$38魚餅有兩款，一款係扁形，一款係條型，兩款味道其實係一樣，扁形略為多少少芝士，口感略有不同，兩款芝士味道亦夠濃郁，而且亦好彈牙，有日式嘅味道。

Happy Friday, 當然要出去食飯！不過我們沒有到鬧市尋找餐廳，只是到了距離家居不足20分鐘的土瓜環覓食。因為很想念香港人的「家鄉」，所以我們就選擇了日本菜 - 拉麵🍜我們分別點了鳴海老及黑鳴虎。鳴海老湯頭濃郁，湯底以蝦，櫻花蝦粉混合豬骨湯而成，非常惹味！幼身的拉麵掛上湯，配以爽脆的木耳絲及清新的葱白 ，口感很是不錯。而炙燒叉燒肥瘦適中，不會過膩；而流心蛋🥚的熟稔程度亦處理得恰到好處。黑鳴虎的湯頭則以黑蒜油配合豬骨湯熬製而成，蒜香撲鼻。其實我最喜歡是拉麵中的配菜：荀！特別追加一小碟，想不到份量十足。而荀的口感亦非常爽口。除了拉麵之外，我們還點了日式芝士魚糕。這裏的魚糕口感煙韌，而中間的芝士半融化，美味可口。總括來說，這小店絕對比得起一些享負盛名的過江龍。

送完個女去我家姐度 sleepover，跟手行過一條街, 試呢一間開咗半年左右嘅拉麵店。 最初係想外賣，但諗諗下，都係食埋先，因為都係20分鐘內可完成的， 就無謂咁唔環保買走。兩個人叫了兩碗拉麵再加一個炸雞。炸雞42蚊五大塊， 薄粉，保留到肉汁，味道ok。老公叫咗個九州地獄拉麵，揀大辣。拉麵上場時並沒有血紅色，食落有點辛辣，但辣度並不會掩蓋湯底的濃香。 我點了個鳴海佬拉麵，因為最愛櫻花蝦的鮮味配濃郁的豬骨湯，果然沒令人失望。 另外值得一讚嘅係除咗湯底之外，店舖嘅味付玉子夠溏心， 叉燒軟諗，是我喜歡的口感。下次可以帶埋囡囡一齊來，因為她都很喜歡拉麵。

今日揸車出來九龍城、土瓜灣呢頭搵食，都係土瓜灣多選擇~天氣又熱到著火🔥🔥有35.8度。。經過見有拉麵店，不過都有飯食，上來睇下評價唔錯喎！就入去試下啦！一坐埋位侍應立即遞上兩杯冰茶，好清涼~降一降溫就開始睇餐牌喇，我點了一個鳴海老拉麵——櫻花蝦湯底，有2大片叉燒、木耳絲、葱、溏心蛋、2片紫菜，湯底好濃郁，滿滿蝦的香味😋叉燒好腍又入味、溏心蛋都好好味😋另一碗要了黑鳴虎——黑蒜油拉麵，湯底同樣濃郁，而且很香蒜味😋 同樣有2片叉燒、木耳絲、葱和溏心蛋由於我地鐘意大葱，另外點多一份+8元見芝麻雞翼大鑊好評，緊要試試~~一碟有3隻外皮有少許辣，很惹味，外皮很香脆，但肉質又好滑同唔干最後來多一份肉餃子🥟皮薄餡靚，是椰菜和豬肉餡，沾些餃子汁，非常開胃👍🏽😋埋單2百多元，大件抵食👍🏽👍🏽

我見近日本地感染個案不多，所以约了朋友去士瓜灣鳴虎拉麵試試。位置是在欣榮花園附近，在即將開通的宋皇臺站隔離，交通算是方便。 在拉麵館內，雖然座位不多，但坐得舒適。我六點半左右到，菜館內坐得差不多滿了。一進去，服務員就叫我們要掃瞄安心出行及測體温，做足防疫措施，食得安心。 鳴虎拉麵（$86）有半熟蛋，紫菜同义燒外，還有日本魚乾同豬骨湯。豬骨湯十分濃郁，可見厨師用料十足，值得一讚👍。 鳴海老拉麵（$88）除了剛好半熟蛋，紫菜，肥厚適中的义燒，還有蝦，樱花蝦粉和香濃蝦湯。除了色相好看外，食得滋味，仲忍唔住飲晒所有湯😋 炸芝士魚餅芝士條（$38）芝土魚餅同芝士條都炸得好金黄，食落軟軟的，十分滋味💯。 可樂及無糖可樂拉麵配起可樂也是不可少的，吃得濃郁的豬骨湯一定要可樂解喝。 整體而言,這裏佈置很有日本風格感覺，環境舒適，交通方便,食物味道也不錯，我們約不久的將來再次光臨。

早幾日係土瓜灣附近收工, 好想食拉麵, 就search下附近有咩選擇,搵到隔2條街有間“鳴虎” 好似幾有feel既拉麵店咁,就去試下啦.始終舊區, 比起旁邊的老字號店,未去到門口早幾個鋪位已經見到比較搶眼既門面, 大大隻紅燈字”鳴虎”,一碗拉麵無論由配料、叉燒、拉麵、湯底、紫菜，每一樣都好重要!!叫左兩款拉麵，一望餐牌，最吸引我就係鳴海老，蝦+櫻花蝦粉+豬骨湯，食拉麵第一個動作緊係飲啖湯先啦~湯底有點蒜粒，又香又濃，店家秘製醬汁加每日新鮮熬製豬骨濃湯，做曬隔油嘅程序，飲落個湯完全唔油膩，就係啖啖香濃既豬骨濃湯味加櫻花蝦既香，呢個配搭，完美！呢間拉麵店店家係用上博多拉麵，相當適合掛湯。另外就叫咗個黑鳴虎，其實就係博多黑蒜油，一樣都香濃既豬骨湯底加埋夠晒惹味嘅黑蒜，一樣係濃湯之選，每啖拉麵都可以掛住濃濃嘅湯底。叉燒 ，肥瘦厚薄適中均勻，每塊叉燒都一定用火槍燒過表面，逼出甘香既油脂，係我鐘意既拉麵叉燒！芝麻雞翼賣相靚，炸得夠脆，胡椒味好香，肉嫩，做得出色！下次一定再叫!肉餃子都係基本白菜豬肉餡，煎香得來餡料有肉汁。

係附近整車，等既時間就來這邊食碗拉麵。這店環境都算舒適，不會太擠迫，店員有提供冰的茶，貫徹一般日式拉麵店的作風。龍蝦沙律新鮮脆脆的紫菜，包薯龍蝦沙律，一次過滿足多種口感。沙律入面有唔少小龍蝦肉，配上卜卜脆的蟹籽，作為餐前小吃好滿足。鳴海老 加麵底湯底有濃濃的蝦味，香味十足，豬骨湯底飲落好濃厚。佢既拉麵係幼身，索湯之後也唔會太淋身。食到老公要求加底。札幌香蔥豚肉丼佢嘅豚肉係口厚切嘅叉燒粒，帶有豐富嘅油香，配上香蔥以及軟綿綿的日本米。肉餃子餃子煎得香脆，一咬入邊肉汁就流出黎，而且餡料十足。蜂蜜紅棗茶女士養生嘅紅棗茶，配上蜂蜜唔會太甜。

土瓜灣被A姐評為全香港最難去嘅地方，其實所謂難去，只係未有地鐵，但正正因為未有地鐵，所以呢區保留咗好多特色小店。所以就趁地鐵開通之前，睇吓呢個好有香港特色嘅社區啦！我哋今日就嚟到土瓜灣嘅鳴虎嘆番碗日本地道拉麵。芝麻雞翼雞翼基本上係香港人最常叫嘅小食，呢個芝麻雞翼炸到好香脆，雞皮仲有好多芝麻，夠晒香口。雞翼大大隻，夠入味，必點推介。黑鳴虎拉麵黑鳴虎拉麵即係博多黑蒜油味，食麵之前就梗係要試啖湯先啦，黑蒜味非常濃厚，蒜油味道好有層次。至於麵條幼細，非常掛湯。配料有紫菜、黑木耳絲、流心蛋、葱同叉燒，叉燒有2塊，屬於五花腩部位，肥瘦適中，入口甘香！鳴海老拉麵湯底由香味油、蝦味噌同豬骨湯組成，同樣地食麵之前就梗係要試啖湯先啦，呢個湯嘅蝦味超香濃，相信係用咗唔少蝦熬製而成，好好味。配料同樣有紫菜、黑木耳絲、流心蛋、葱同叉燒。至於拉麵方面，如果對拉麵有特別要求，可以提前同店員講聲，食一個你最鍾意嘅拉麵口感。

估唔到係屋企附近會搵到有間拉麵店, 放左工又唔想煮野食, 同男朋友一齊黎試過究竟~叫左鳴虎, 黑鳴虎 & 芝麻雞翼我係個芝麻雞翼控, 平時自己都會買定包芝麻雞翼係屋企, 呢度既芝麻雞翼係高水準既味道, 同平時我屋企食開果款3一樣! 食落好香脆而且控制火喉好好, 入面仲keep到juicy, 真心唔錯黑鳴虎係我既, 個湯底就係用上黑麻油, 比原味既豬骨湯多左份芝麻香, 呢個味比原來湯底重, 但又唔會覺得搶奪左個湯底味, 2款湯底我自己就比較推呢款, 拉麵口感帶點彈牙, 唔會煮得太林身, 個人覺得做得唔錯啊!最中意既一定係佢個半流心蛋, 個流心蛋有用醬汁浸過,食落去帶點咸香味鳴虎就係原味湯底, 比起我果款個人覺得味道香但略微有點單調, 其他野大致都係一樣, 所以就唔多講啦2碗拉麵就食飽左我地了, 味道都唔錯下次可以試下佢個沾麵

疫情影響下，很久已沒有踏足日本了，真有點兒掛著日本的拉麵🍜呢！今天到土瓜灣，途經一間日本拉麵小店。二話不說，我們便決定進店享用一個午餐才繼續行程。～鳴海老喝下第一口鳴海老的湯底已感到非常滿足。用鮮蝦、櫻花蝦粉和豬骨熬製出來的湯底果然滋味無窮。蝦的鮮味和濃香豬骨湯配合得宜，完全不會膩，味道亦變得更多元化。掛上湯的幼拉麵仍然彈牙，麵質軟硬適中。炙燒叉燒肥瘦分明，入口香滑。～黑鳴虎黑鳴虎的湯底有著黑蒜油的香和久熬湯的鮮，但又不會油膩，非常難得。幼拉麵掛上味美的湯，再配了惹味叉燒，令人又怎能抗拒呢？湯拉麵的配料亦盡發揮其魅力。半流心蛋黃微鹹，蛋白仍嫩滑。爽口木耳絲、清香青蔥白和香濃紫菜亦不能放過。～肉餃子🥟吃拉麵又怎能不吃餃子呢？餃子皮薄而餡料味道和份量也適中，沾上餃子醋來吃味更佳。～鳴虎炸雞炸雞的炸粉漿很薄，吃起來脆口。內裏的雞肉嫩滑多汁，口感充實，再灑上一些檸檬汁來吃，更增添清新香味。

今次試呢間拉麵係朋友推介😍😍帶媽媽食下先近紅van旺角線。易搵門口都有好多特式拉麵可以選擇入到店內。拉麵有數款店員好有禮貌。有介紹每種拉麵，再比2杯凍茶解一解渴點了配緣虎拉麵。湯底係豬骨湯，加入木耳、叉燒，多蔥花。拉麵係幼身。彈牙。麵質不錯。紫菜要即吃。好翠身。如再多少少蔥花更香口點了胡麻波菜，比較清新，份量都多。餐前小吃是不錯👍🏻👍🏻👍🏻最欣賞拉麵嗚海老拉麵。飲了啖湯底已經愛不釋手，原因有好香濃蝦湯底。問了店員用大量蝦頭，豬骨加入。有攖花蝦粉。將整碗湯令到我十分難忘。叉燒好味。湯是可以令我飲清😍😍再飲有凍茶。好味的一餐

呢間既拉麵🍜好有日本味道個湯底用左足料豬骨湯熬製而成，而且仲會花時間隔走多餘油脂，令湯底食落無咁油膩除左拉麵吸引之外，啲個外賣丼飯都好吸引$58就有一個丼飯「鳴海老」本身既豬骨湯底加入了北海道鮮蝦、櫻花蝦，令湯底更香甜鮮味叉燒用左慢煮既方法，肉質好軟，再係表面經過火炙，油脂香更突出！而麵質係幼身拉麵，食落富有彈性掛湯亦一流！「綠虎」呢個湯底主要係豬骨湯配上四國香蔥油，可能多左層蔥油，所以湯底有啲杰身，同時亦有啲油膩感！相對之下，鳴海老個湯底會更好！「芝麻雞翼」呢個芝麻雞翼真係必食雞翼炸得好脆好乾身，味道醃得好入味，除左有芝麻香之外，仲多左份胡椒香咬落仲好juicy多肉汁鰹魚汁菠菜