鶴崎居酒屋 (已結業)

👧🏻😋👅🍽✨鶴崎居酒屋 (觀塘鴻圖道)-❤️離開觀塘市中心少少近碼頭既商廈都有食神! 環境仲十分好❤️超日本風既高級裝修, 真係好似去左日本咁❤️QR code落單岩晒選擇困難症慢慢揀🤣-🇯🇵🥩🍲 鹿兒島和牛雲糖壽喜鍋 $268✨第一次食棉花糖壽喜鍋, 本身壽喜燒就係用醬油, 味醂同糖煮個湯, 所以呢個雲糖concept應該係用黎取代糖✨棉花糖係即整, 好飽滿既放係個鍋見到佢慢慢熔都好得意✨但重點係個鹿兒島和牛! 有少少厚度, 雪花好平均, 真入口即溶, 熱辣辣時點個日本蛋漿好香呀!✨btw個蛋漿最後熄火用餘溫煮熟都好鬼正, 蛋白絲好滑, 個湯又甜甜地✨另外配料就有金菇, 豆腐(超滑同香豆味), 冬菇, 白玉菇, 幼身粉絲 (索左湯好正)-🐄👅 牛舌 $38/串✨小串唔夠喉🤣 不過OK啦環境咁靚, 都唔算話太貴既✨調味好香唔太濃, 肉質爽口-🥩🍙牛肉燒飯團 $88✨都幾特別通常人地係飯包牛肉, 但佢係4舊汁煮牛肉包住飯✨個牛挻身包得實, 如果入面既飯都有燒過焦焦地就更好了, 而家佢就普通飯, 好在珍珠米夠香-🧀🥖金馬倫芝士卷 $52✨出面少見! 出面係脆口麵包, 入面係好soft好crea

🦪🍲🍢係觀塘海濱散步睇日落之後就係時間搵野食，一邊行返去市中心一邊上網搵，就見到 鶴崎居酒屋近近地就係宏利金融中心入面👍餐廳佈置充滿日本風情，日本油紙傘、鼓、竹簾、燈籠🏮，都有好似返左鄉下嘅感覺（好想去旅行呀🤣）空運新鮮生蠔魚生$時價生蠔好正好肥美，一啖食落口，可以裝滿左個口，值得食 刺身鮮甜，空運到港質素唔錯由於係時價，食唔食得過就見仁見智啦雲糖壽喜鍋（安格斯牛小排）$188一送到上枱就吸引住我地嘅目光，大大舊綿花糖係鍋上面，職員係落單之後先用綿花糖機整出嚟，好得意呀😻未開始煲已經俾我地係咁打卡📸一開始煲就見到舊綿花糖慢慢溶落湯底到，當溶晒之後，見到有唔少食材：冬菇、粉絲、豆腐、紅蘿蔔等等，湯底有大大舊綿花糖溶左落去好甜好正👍而且牛肉靚，肉質柔軟，淥一淥七八成熟左右就夾起沾上蛋漿食，滑溜又好味👅加個烏冬$25 好貴飽😋雞翼$28大小適中，肉嫩，唔會燒到乾晒露荀豬肉卷$32露荀爽口，口感似食燒肉果時用菜包住肉嚟食果種口感，不過係調返轉咁樣，先食肉香再食到露荀嘅清爽白鱔$45彈牙冇骨，皮唔韌，魚味重鮮甜唔腥威士忌梳打$58微微威士忌味，適合想飲酒，但又怕飲醉嘅朋友餐廳佈置充滿日式，職員態

話說我喺觀塘返工，成日lunch都見到好多人食呢間餐廳，今晚一於同同事試下先🥰餐廳座位寬敞，而且裝飾得好有日本居酒屋feel♥️<串燒: 雞心、露筍豬肉卷>唔係好多地方有雞心食，我呢個內臟愛好者梗係要叫番串食下，雞心燒得好香口，亦唔會太dry，讚！露筍豬肉卷都好出色，豬肉充滿油香，咬落好爽口。<上壽司盛合>呢個壽司set好抵食，有齊赤身、油甘魚、牡丹蝦、海膽、赤貝😍全部都好新鮮，牡丹蝦超級多蝦膏♥️<雲糖壽喜鍋: 安格斯牛小排>心心眼呀😍好大個棉花糖喺個壽喜鍋上面！我地打咗好耐卡😂牛小排質素高，肥瘦剛剛好，牛味濃郁，而且有我最中意嘅生蛋👍🏻棉花糖慢慢溶落去個湯度，望住係好治癒♥️湯底好甜，正！<蒜燒廣島蠔>好肥美，好香蒜蓉味👍🏻

其實生意難做都盡量唔想寫衰啲食肆，但服務水準俾足機會黎講，都仲有問題，希望講出黎個老闆可以睇到改善下。先講野食。中價黎講，不過不失，就算個拖羅勁多筋，我都俾合格佢。就算個蟹粥唔夠鮮甜，但呢啲價位我都合埋眼算數啦。服務呢，就真係有待改善勒。我lunch hour 去食，冇叫set,四個人散叫左千幾廿千蚊野，茶都冇杯。因為佢話set lunch先可以送茶🤦🏻‍♀️咁夜晚黎食散叫又唔通冇茶送？答案係有架喎。咁交涉左幾次先肯送杯水。但食日本野冇茶又太奇怪，焗住俾錢$20一位叫茶飲。落曬單勒，結果黎曬的熟食先，刺身最後先黎。杯茶飲曬/凍曬先黎剌身真係唔該曬。不過睇在佢可能lunch做唔切都算勒。想叫佢加茶，但原黎廿蚊只係俾一杯價錢，想加就再俾錢。呢下真係有的嬲。叫到經理先話唔好意思free 番杯茶。唉，咁個心諗住佢可能lunch先serve 得差，所以隔日就夜晚再去俾多次機會佢。話曬觀塘唔多居酒屋。咁去到已經以為自己好醒，問定佢的拖羅係咪一定多筋，咁如果係我就唔叫呀嘛。佢的侍應問完師傅話上次咁啱啫。今晚唔會有筋。咁咪叫囉，結果？一樣咁大條筋，但師傅好醒地𠝹左幾刀，可能以為個客咁就食唔到有筋？其實佢

日式風格既餐廳，係裝修上都落左心機，仲有d日系包廂。坐位好寬敞，同朋友傾計食飯一流。而且服務態度好好，會不時黎睇下你需唔需要添茶。雲糖壽喜鍋🇯🇵鹿兒島和牛 $268一上枱係完整既棉花糖，隨住個鍋開始慢慢滾起，棉花糖就會逐漸融化，為壽喜燒鍋增加甜度，好特別。🇯🇵鹿兒島和牛絕對冇令我失望，入口即溶既感覺更令我掛念日本🥲烏冬 $25最後落埋烏冬，吸收哂壽喜燒湯既精華😋野菜天婦羅 $65有金菇、茄子🍆、冬菇、青椒、南瓜🎃、蕃薯🍠、蓮藕，炸粉唔厚，食落去好脆。南蠻炸雞籃 $68雞炸得好脆，但又不會流失肉汁，好juicy。鐘意食醬既岩哂，有一大Pat他他醬係面，酸酸地配埋炸雞，好食😋

星期五收工唔想煮飯，咁岩見到呢間路端燒評價唔錯，一個喊都冇，我就諗住過嚟食吓好嘢開心吓，慰勞自己呢一個星期嘅忙碌啦，但係食完之後，我真係好懷疑之前啲食評都係廣告！首先一嚟到餐廳，感覺已經有一個好大嘅落差，說好了的爐端燒呢？！根本係壹間茶記…OK冇問題，裝修嘅嘢見仁見智，啲嘢好食嘅話都冇乜所謂啦。但係點知到佢上第一道菜嘅時候即時嚇一跳！首先上嘅係味醂魚干， 一上枱就俾佢個size嚇親，從來未見過一客咁細份嘅魚干。OK有味嘅，但完全唔香完全冇烤過嘅感覺，只係純粹返熱，開袋叮翻熱就俾你嗰種，失望…跟住到串燒牛舌同三文魚腩，個牛舌味道OK嘅，但係又細塊又薄切，完全冇口感。個三文魚腩，嘩經典啊，仲衰過我自己喺屋企煎！有骨我都唔怪你啦鬼叫自己嗌魚食，但真係未試過三文魚腩個魚皮有燶嘅苦味但係完全唔脆係奀皮嘅，佢到底用一個咩嘅技術先可以整到咁嘅效果？到壽司拼盤，佢啲刺身完全唔新鮮，海膽有苦味嘅，個舊拖羅我都唔預你好肥美啦，我可以容許到你有少少根(始終係生物唔係合成魚生我明嘅)，但係都唔係多根到咁呀嘛… 我最後咬唔到要吐返出嚟果條根大到呢…真係唔知一個乜嘢質素嘅魚生加一個咩刀工先至可以切到一舊咁嘅魚生出

這兩星期在趕project, 分秒必爭的，攪到我耳水不平衡開始發作。 是時候要累歇一歇，充充電了。這餐廳是朋友介紹的， 因為位於商業大樓內，所以相信是識途之人先會來。環境佈置都很舒適， 是一個一人獨酎也很自在的居酒屋。入座後先點杯生啤放鬆一下。 因為是以QR code下單， 自由空間更大， 可以慢慢吃。我先點了份鰹魚刺身沙律， 和牛他他及海膽壽司三款冷盤。鰹魚其實味道較淡，不過我鍾意佢肉質厚實， 配上勁新鮮嘅沙律菜， 很開胃。 和牛他他沾了柚子豉油、蘿蔔蓉同蔥， 味道層次即時豐富起來， 配啤酒飲很不錯。 海膽很鮮甜份量也多， 吃完很想encore.換了杯威士忌梳打， 開始吃串燒。我點了牛舌、白鱔、雞心、青椒仔！都是店員推介必點的。白膳肉厚爽脆， 醬汁一上桌就聞到很香。 雞心不是很多地方有， 但我每次見到都必點。雞心有股獨有的香濃味道， 喜歡吃內臟的一定懂。最後加一隻焗廣島蠔。就這樣獨立地過了輕鬆淨化的晚上。

第一次來這食堂，人不算太多，點了我最喜愛燒銀雪魚，晚上原來無定食，只好加飯，再加一條雞軟骨，味道不錯，但太多椒鹽，再試主菜銀雪魚，第一啖食落去已經好鹹，但有有點肚餓還是食下去，但越食越唔對路，感覺好像食緊鹹魚，最後也難忍向經理反映意見，心想若新鮮嘅銀雪魚也不用加太多調味料，佢話我知條魚用麵豉醃料咗三日是一般做法，可能我不太欣賞吧！本想找啲少鹽少油嘅餐廳，竟然日式食物都中伏😓，回到家中，飲了大量水條痢還痹呢，不敢再試！

赤貝壽司（2件） $58因為朋友好鍾意食赤貝 所以叫左比佢食😆 赤貝切得幾厚 所以好有口感 好爽脆厚肉 好食😋帆立貝 $30牛舌 $38呢兩個都係串燒～ 但我覺得佢地既串燒調味偏咸 食唔到食材本身既味道🤔🤔牛舌係燒得ok 但可惜太咸🥲芝士龍蝦稻庭烏冬 $188叫呢個會令全場望住你個枱 因為會有廚師現場係你前面煮比你食 幾有睇頭架都🤣 整體都唔錯 龍蝦啲肉都新鮮既 少少龍蝦味 但都可以接受🥰三文魚腩刺身（4切）$68厚切 但唔係好食得出好肥美既味道 無咩三文魚油香🤔

鹿兒島和牛雲糖壽喜燒 $268😋😋😋和牛雪花分佈😍 涮十幾秒再沾蛋液，入口牛油香氣四溢，好滑溜☺️鍋入面仲有菇菇、蒟蒻麵、菜、豆腐🤩棉花糖雖然好打卡able，但令個湯底食到後期有少少太甜😕雪場蟹雜炊 $208😋😋😋好多蟹腳呀😍 粥底好濃味👍🏻串燒露筍豬肉卷 $32😋😋😋😋豬肉同露筍好朋友，口感豐富、味道又夾👍🏻芥末醬燒大蝦 $78😋😋😋😋芥末沙律醬真係無得輸🤟🏻串燒牛舌 $38😋😋😋😋爽口牛舌，簡單調味已經好正🤤串燒白鱔 $45😋😋😋😋新鮮彈牙 但比較多骨😞

觀塘碼頭附近呢間日本野都唔錯，價錢唔算貴，選擇又多。餐廳入面既裝修有濃濃既和風。呢度係用qr code 落單，好方便。我地唔算好肚餓，所以淨係點左3樣野食。今次點左北海刺身丼、上壽司盛合同埋網格安格斯牛扒。啲魚生都幾新鮮，丼飯入面有幾款刺身，包括帶子、油甘魚、吞拿魚蓉、魚子等，最鍾意就係帶子，好鮮甜。壽司盛合有6件壽司再加海膽，可以試到好多野啊！海膽都幾肥美，入口即溶，好正。仲有好惹味既網燒安格斯牛肉啊。

鼓🥁聲一起，廚師神氣推有輪檯過來，原來是即場給我地煮芝士龍蝦烏冬。可以舒服地坐係度👀煮野食，個人要比10like.煮完，當然即刻趁熱食，價錢雖只是$188，但食完覺得超值。烏冬滑，芝士味微香，重點係都多龍蝦🦞肉食，份量足！講翻開始時既野食先。牛油果豆腐沙律食得健康當然要叫沙律，而且要先食，增加飽肚感。牛肉果味唔算香濃，但份量多，豆腐滑，菜新鮮。大蝦天婦羅炸得剛好，表層脆薄，裡面蝦肉鮮嫩可口。露筍豬肉卷尼個配搭夠滋味，肉香加筍味，好清香。值得讚既係唔乾仍帶肉汁。整體而言，十分滿足，環境靚，食物性價比高！絕對值得舌尖再遊！

星期六天晴~ 餐廳位於觀塘碼頭對面商業大廈內，是日星期六不用上班...相信餐廳不用等位！見Openrice上讚好食評不少，帶著家人來...滿心期待~12：45到來，一如所料不爆滿，但有6、7枱客人。店鋪裝修帶點居酒屋feel燒鰻魚定食是媽媽愛好，鰻魚雖不是彈牙那種，但媽說口味不錯。然而米飯卻是微溫？？？又不是繁忙時間門口逼爆人群，要催促著食客盡快還檯致使食物不能太熱？！還有熱檸檬茶也只是微暖...救命呀 熱食熱飲的東西必須是熱的哩！店家真的要加強加強再加強改善！！！燒安格斯牛扒定食...牛扒份量足，少一份熟更佳。筋位有但不算多，味道也不錯！白飯不夠熱！！炸蝦芝士烏冬拼三文魚壽司定食，賣相可真強差人意！3只連殼炸蝦影響了整個午餐，也不是我很hea但我很好味的那種！想出這午餐的人...確看出求其精神服務方面...確也一般，沒什麼位可讚！吃著的時候有位女侍應曾向我們推介是日精選食物，我問: 為什麼白飯只是微暖？心想，這店連白飯的基本”熱”也做不到...你覺得我還想吃什麼？？ 女侍應回應“是嗎？我去看看”...便再沒走回來了~

約左朋友嚟觀塘食晚飯，呢區雖然食店林立，但係要搵一間既有氣氛，又注重食物質素嘅餐廳，真係一啲都唔容易。最近就有朋友推介左鴻圖道宏利金融中心 1 樓呢間「鶴崎居酒屋」畀我。 原來餐廳只係開左短短三個月，但聽講口碑相當唔錯，頗受附近上班族歡迎。店鋪面積頗大，以木色系為主調，場內設有類似廂房嘅卡位雅座，地方寬敞闊落，坐得舒服又有私隱度，配合天花的日式燈籠及傳統油傘，很有居酒屋的氣氛。餐廳落單採自助形式，客人只需用手機掃描檯上嘅二維碼，即可進入菜單介面，直接點選菜式。先嚟一客銀鱈魚西京燒 ($148)  銀鱈魚賣相非常吸引，表面呈麥芽焦糖色，既大塊又厚身，魚皮鬆脆甘香，魚肉雪白嫩滑，魚味十足，帶濃郁嘅麵豉醬香。另外呢客大蝦天婦羅 ($78)  味道亦唔錯，外層炸漿雖然唔算透薄，但蝦肉咬下彈牙鮮爽，吃起來完全沒有油膩感，只有滿嘴鮮味。壓尾再嚟兩客飽肚嘅牛肉燒飯團 ($88) 同 京蔥雞肉稻庭烏冬 ($88)。飯團小巧的骰，外層以肥牛包裹，經燒製過，肉質依然柔軟嫩滑，肉味濃郁；而內裡嘅壽司飯亦軟硬適中，飯粒圓潤香甜，配頂頭的沙律醬同蟹籽吃，更添滋味。另外碗京蔥雞肉稻庭烏冬亦風味十足，湯頭清香鮮甜，

餐廳位於商業大廈之中，都幾易搵裝修好有日本風，有種返左鄉下嘅感覺🤣餐廳採用電子落單方式，如有任何問題可向店員求助～上壽司盛合 • HKD$138叫盛合比單點抵好多🤣一共有六款壽司同海膽飯🍣壽司嘅組合會不停期轉換，視乎日本貨源～今期唔同嘅有魷魚、赤貝同帶子壽司，全部都新鮮👍🏽北海刺身丼 • HKD$118成個丼有海膽、赤身、油甘魚、呑拿魚茸、三文魚子同蟹鉗～刺身好多，個人最愛係海膽，鮮甜冇腥臭味🥺南蠻炸雞籃 • HKD$68都幾大兜，而且即炸好脆🤤面頭個醬酸酸甜甜好開胃～超適合做下酒菜🍶燒白鱔 • HKD$45燒得啱啱好，唔會乾身～但件鱔嘅肉質唔算好彈牙，味道中規中矩燒雞腎 • HKD$28用左椒鹽去調味後變得好惹味😋燒雞軟骨 • HKD$20同樣用左椒鹽調味～燒得剛好，側邊啲肉都唔會鞋晒👍🏽