影片
更多
2013-07-18
3450 浏览
朋友生日食飯，早聞鹿鳴春飯店好FULL，打電話去BOOK枱，原來真係好FULL！佢話BOOK咗枱都要等，唔BOOK就連隊都冇得排，好囂張喎！「恃老賣老」又一完美演繹。鋪面似舊式茶樓，見到有不少遊客，日本客､西人客､大陸客都有。話明係老飯店，侍應係上了年紀的叔叔及嬸嬸，佢地set枱派碟派碗手腳好快､好熟手。一入到去都即刻有位，不過安排有點混亂，明明reception叫我入去坐10人枱，點知上面寫咗李小姐，好明顯唔係我BOOK，我就問身邊侍應邊度坐啦，點知佢有點怪責的口吻叫我要跟reception的指示去坐，向左走向右走之下最後成棚人有位坐。我地一行九人，點咗以下菜式：（1）粗炒：麻麻地，沒有什麼特別，只滿足到生理層最底層的生理須求 - 飽肚。 (2)小籠包：冇諗過咁普通，皮厚已經扣哂分，而且內裡冇乜湯，有點似超市賣的小籠包。要比較嘅話，鼎泰豐嘅小籠包高幾個grade。（3）北京填鴨非常失望，填鴨冇味，皮夠唔薄，總之唔好味啦。(4)酒糟魚全晚唯一亮點，食落魚塊好香米酒味。(5)糖醋里脊 味道比個外皮搶哂，而個皮好厚，不是好吃！反而鍾意食伴碟的炸合桃，甜甜脆脆，純粹個人喜好。(6)津白熟菜一
打電話去BOOK枱，原來真係好FULL！
佢話BOOK咗枱都要等，唔BOOK就連隊都冇得排，好囂張喎！
「恃老賣老」又一完美演繹。
鋪面似舊式茶樓，見到有不少遊客，日本客､西人客､大陸客都有。
話明係老飯店，侍應係上了年紀的叔叔及嬸嬸，
佢地set枱派碟派碗手腳好快､好熟手。
一入到去都即刻有位，不過安排有點混亂，
明明reception叫我入去坐10人枱，點知上面寫咗李小姐，
好明顯唔係我BOOK，我就問身邊侍應邊度坐啦，
點知佢有點怪責的口吻叫我要跟reception的指示去坐，
向左走向右走之下最後成棚人有位坐。
我地一行九人，點咗以下菜式：
（1）粗炒：
麻麻地，沒有什麼特別，只滿足到生理層最底層的生理須求 - 飽肚。(2)小籠包：
冇諗過咁普通，皮厚已經扣哂分，而且內裡冇乜湯，有點似超市賣的小籠包。要比較嘅話，鼎泰豐嘅小籠包高幾個grade。
（3）北京填鴨
非常失望，填鴨冇味，皮夠唔薄，總之唔好味啦。(4)酒糟魚
全晚唯一亮點，食落魚塊好香米酒味。(5)糖醋里脊
味道比個外皮搶哂，而個皮好厚，不是好吃！反而鍾意食伴碟的炸合桃，甜甜脆脆，純粹個人喜好。
(6)津白
熟菜一碟，我冇意見。(7)甜品 - 拔絲香蕉
上甜品前，侍應阿叔好快手快腳收好哂碗碗碟碟換過set食甜品的餐具。上拔絲香蕉時，阿叔會喺我地面前，放炸蕉喺冰水度過一過冷河。
蕉沒有入口即溶，根本沒有這回事，亦食唔出糖絲效果...
皮還皮，蕉還蕉，好似冇關係地放埋一齊。
---
anyway，一分錢一分貨，請咗兩個朋友食飯都係圍番百幾蚊一位。
而且茶葉沖出嚟嘅茶幾香，飲得出唔係平嘢。
张贴
