麵屋一平安

营业中

休息中

事源用左優惠app book左美麗華分店，但發現原來幾日前有確診患者曾去過，所以改book 幸福中心總店...原本滿心期待....原來總店在地庫，好隱世feel, 一入去同店員講用app book左有優惠，坐低望下menus 有咩食，姐姐即刻話: 果份無平架! 好，我明白的，我都book過好多次優惠，淨點主餐牌食品...到點菜後，發現主餐牌燒烤品無，軟殼蟹拉麵又無，比你殺個昔手不及，心情一再打擊下點左:1. 辣沾麵: 麵質唔錯的，夠彈夠咬口，沾麵汁夠魚介味又不會太咸，但不夠熱...因為豬肉片太肥，每片有8至9成脂肪，的確有油香才好食，前提要夠熱2. 特製熊本豬骨湯拉麵: 一般比普通貨式更一般，麵質不錯，有特別簡選，但...就係無特別3. 炸雞軟骨: 普通，我諗好難整得唔好食總括而言，原價不會去食

人流：是日星期六中午一點，冇咩人，我諗坐左一半人左右，可能位置比較隱蔽，其實唔係入，不過你未必會兜過黎環境：有多人嘅枱，係兩位兩位座可以移動，我諗如果枱枱都二人可能有少少迫，但我地六個人就坐得好舒服服務：冇咩特別，不過姐姐見我地睇唔到有口罩袋提供見我地用紙巾包，好心提一提我地，加分食物：拉麵，因為一陣立即有下一餐，我同妹妹share一個麵，佢餐牌入面拉麵大概70-90蚊不等，份量唔多唔少，湯底一定唔夠龍頭大佬咁香濃架啦，但都不過不失，叉燒如果可以再煮耐多少少令肥肉溶化就好鰻魚飯，唔係我食，細嘅都唔少，冇必要叫大，成$168，我寧願叫多個小食啦。在座有兩位叫呢個，都說好，我見都夠鰻魚汁送飯（我口味係要仲見到有少少白飯存在，我食得淡口），試左一啖，鰻魚肥美嘅另外兩位個拉麵我唔介紹，老人家唔識食，冇評價，不過我老豆大食嘅，一個碟頭飯唔夠食果款，我見佢食完一碗唔太飽咁雞皮餃子，我冇食到，各自評價係好食，皮脆香口，有個人仲食左兩件囉，佢話有機會可以encore呢間因為雞皮餃子，我忘記左價錢，大概三四十掛小丸子，粉醬溝得幾好似日本，但好好好細粒，睇下我手指對比（我隻手偏細），所以都冇咩料，價錢都忘

This is my second time dining in this restaurant! Love their service and food.Very authentic Japanese flavour and the owner is the first person that operates a ramen place in Hong Kong.They are currently doing a buy1 get 1 free beer promotion and 1 HKD for 1 chicken karaage (fried chicken cube).Please stop by this restaurant for some good food if you are in Tsim Sha Tsui.

星期六中午，我与友人第一次光顧尖東總店; 由於吃了早餐不太餓關係，所以點了一碗细豬骨湯拉麵@$55, 另一碗细博多豚骨拉麵@$55, 還另叫了小吃葱花牛舌@$70.過了數分鐘後，侍應端上@$70，只得5、6片，厚度太薄、有筋、太靭, 平均每片@$10+, 沙律菜佔了半個碟。再過了一陣，兩碗细拉麵也來了！又再大失所望！每碗內只得一片肥豬膏日式义燒、肥膏佔了大半！(請參看下面照片) 豬骨湯是淡淡的，分别是一碗有芝麻、另一碗没有。全餐廳只得我哋一枱顧客，女侍應2位、厨師一位，未知是否因為我用半价訂位apps 訂位，才會落得如此下場？(餐廳將貨就价？)可一不可再，绝不推薦

朋友喺紅磡返工搵佢食飯梗係問佢附近有咩好食啦入左個細商場再搭到Basement 原來有間唔錯既日本野.滑蛋豬扒飯蛋好香熟既程度剛剛好又唔會太生豬扒好脆份量仲好多去到食最後一舊都仲係脆.蔥花牛舌雖然牛舌唔算係厚都幾彈牙幾入味加埋蔥花燒汁炒都幾香不過如果係喜歡食厚燒果種咁就未必鐘意呢款.燒魷魚🦑我覺得係必叫好推介首先佢好大隻！原隻上碟口感好彈牙但唔會韌燒汁味道剛好唔會太濃如果傾吓計慢慢食呢樣係好適合.平均每人都係百幾$朋友仲叫左個沾麵不過我無食到就寫唔到個麵除左食物質素唔錯呢間店要讚既係我地食完坐左一陣佢都無趕我地仲幫我地加水服務態度好好

係尖沙咀一個人行完街，左行右行都諗唔到食咩，間間鋪頭都大排長龍，係咁既情況下就諗住行去紅磡搭火車返屋企樓下幫襯老麥既算啦，就係行去既途中經過尖東咁岩見到，見到話係總店同已經係香港好多年，但其實我未聽過，可能我真係見識太少呢間鋪頭要落兩層，仲要轉黎轉去，仲會經過夜總會，去到門口發現好多位，無乜人好驚中伏，最大問題佢唔似一間拉麵店，似間居酒屋，我個心入面就諗通常都唔方好食得去邊,因為我一個拉麵控，一心係想食拉麵。係門口爭札左一陣，都係入去試下啦。入到去入低睇ＭＥＮＵ都見到幾多款拉麵，我就叫左 “特製豉油豬骨湯拉麵” ， 佢每個麵都會寫哂有咩材料，貨真價實。但佢唔同而家d拉麵鋪有得俾你簡麵質，配料。第一次食豉油豬骨，個湯唔係好多油個種，一飲個湯，我好興幸黎左食，好味！好夠熱！再試一啖麵，麵質都幾幼身下，軟硬適中，幾彈牙！再試下隻雞蛋，好似有d煙燻味，但唔係好流心，一般貨色，鵪鶉蛋反而好食d，但都係普普通通。之後試下個主角叉燒，一試！好淋好軟！好正！半肥瘦吸哂d湯，perfect！特製豉油豬骨湯拉麵仲有兩舊豬腩肉，一食落去又係好正好淋肥瘦岩岩好，成件事好完美，真係想食多幾舊。最爽既事有筍做配菜

周五晚上嘅尖沙咀特別多人，收工特地去左較少人嘅尖東搵野食。上網睇到附近有間老字號拉麵店，標榜是第一間在香港開設的拉麵店，當然要嚟試下啦。到埗發現呢間餐廳特別多日本人上班族收工之後過嚟飲酒食野，沒想到這裡位置隱蔽卻非常旺場。我地叫左晚市拉麵二人套餐($258)，自選餐牌上的兩碗拉麵同兩款小食，部分需額外加錢。📍明太子煎蛋煎蛋卷質感滑嫩，味道甜甜地，包住咸香的明太子同紫菜一齊食幾好味。📍蔥花牛舌牛舌燒得好香，調味嘅醬汁味道亦都唔錯，不過牛舌肉質非常韌，雖然已經切成薄片，但放入口依舊咬極都咬唔開，比較失望。📍熊本蒜油豬骨湯拉麵奶白色豬骨湯底都有幾濃厚嘅豬骨味，而且唔算油膩，不過湯底飲落偏咸，愈飲愈口渴。叉燒嘅油花幾靚，豬肉同脂肪層次分明，不過依舊是調味比較重手，咸味蓋過了油香。溏心蛋味道不過不失，旁邊有隻小小的蛋，是我好久也沒有吃過的鵪鶉蛋！拉麵是偏幼身的那種，麵條質地爽口但帶微微鹼水味，可以接受的。📍特製沾麵 (套餐+$10)粗身麵條口感不錯，煙韌有咬口，沾麵湯底帶有香濃嘅魚介味，可是湯底都是過咸，吃的時候也不敢沾太多湯汁。這裡的拉麵湯底比較重口味，感覺上都偏咸，但小食味道還是不錯的。下次

麵屋一平安的鐵板豆腐令人喜出望外！這次品嚐在餐牌內被列為「一品豆腐料理」的鐵板豆腐，味道令人一試難忘！一碟豆腐共有四件，大小相若，放在燒熱了的鐵板上上菜。豆腐面除了淋有自家製醬料及蔥花外，亦鋪有一層木魚花碎。當侍應端來豆腐時，已飄來陣陣惹味的醬料香氣，令人垂涎三尺。豆腐軟滑，即使經過鐵板烘烤，仍不失其質感。清甜的豆腐，配上咸香、惹味的醬料，非常美味——既能品嚐到豆腐獨有的豆甜味，又能吃到蔥花、醬料等帶來的味覺刺激！加上豆腐本就屬容易消化的食物，一個人吃上一碟也不算多。建議可單點一碗白飯，惹味的豆腐配上溫熱的白飯，實是午餐絕配！回頭指數100！

一平安有兩間，我就鍾情於幸福中心地庫呢間老店，何謂鬧市中的一點寧靜。通常都係去食晚餐，唔知原來有午市定食，拉麵+飯/小食只係$80左右，都幾抵食。叫左熊本蒜油拉麵同博多豬骨拉麵，兩種湯底，兩種味道，我地兩個都差不多飲哂碗湯，可見非常甜美。日式叉燒都好肥美，好足料，肥膏同肉既比例剛剛好。小食叫左炸日式年糕同炸八爪魚丸，年糕好飽肚，外脆內粘，八爪魚丸都好食！老店環境優美，不時會見日本人三五成群黎飲酒傾計，感覺上好似去左日本本地餐廳食野咁！

同事妹又嚷著要食拉麵 🤨 咁今次試第二間啦!.好抵食嘅午市套餐! $75 細熊本豬骨湯拉麵 + 迷你葱花牛舌飯 🐄 唔包飲品! 另一款套餐無細飯，不過有小食 及 飲品! 湯頭尚算濃厚，麵質少少硬，有咬口! 叉燒好肥，超勁極肥，所以超級油潤，有大量木耳絲 & 荀，有一大塊紫菜，仲有少少椰菜，唔太講究拉麵嘅人可以接受! 🐄牛舌飯反而有驚喜! 係薄牛舌，唔會鞋口! 有一小塊檸檬中和油膩感，再配大量葱花及醬汁，差唔多食晒成碗飯 😋😋

一家三口行完科學館，去附近搵野食，去到幸福中心見到有拉麵食便去一試，這商場地下以下樓層十分神秘，好像是迷宫一樣，幾經辛苦找到了門口，一家三口食拉麵了。進入店鋪，門面都十分整齊清潔，店員都十分有禮(應該係菲律賓籍員工) 坐低點選了2人套餐，2個主食，2個小食。先講主食，2碗拉麵，1碗叉燒豬骨湯拉麵，1碗蒜香濃湯拉麵，麵質不錯彈牙，豬骨湯底濃郁，蒜香湯底就蒜香太勁，香濃的湯底比蒜味蓋住了，所以扣了分，反之叉燒入口即溶，超正，其他配料如流心蛋亦十分出色，(不過這店冇得再加麵底) 比較浪費了湯底。至於小食方面，叫左個蒜鹽牛舌及海老餃子，先講牛舌，超級正，香口濃郁牛味，蒜香鹽香做得很好，直頭想再叫多碟。至於海老餃子，賣相十分正，食落口十分十分差，直頭可講難食，蝦冇味唔在講餃子餡更比超市d日式餃子還差很多，佢介乎餡料變味的感覺，扣了分數。順帶叫了日本生啤，冰凍唔澀口，感覺易入口，老婆都話好易入口，而且做緊買1送1,正。總括而言，叉燒豬骨拉麵及牛舌超正，再加返杯冰凍啤酒，心舒適暢樂透。華利骨(very good)

因要睇黃子華，又唔想次次食元氣同板長，路經幸福中心隱約見到有日本野，不妨一試。一入到去裝修似好多年前既屋酒屋，仲有個日本人招呼。叫左個二人餐，包2款飯或拉麵，仲有2款小食，幾抵食架：鰻魚飯同拉麵... 不錯，但有點咸牛舌..只可惜不是厚切海胆蟹壽司.. 賣相尚可，味道一般唯一可勝之處，好多日本人冇乜香港人，一向日本人去食得既日本野都唔會差得去邊。建議大家下次食居酒屋既燒物類既野食，配埋啤酒或都sake就perfect!!

去幸福中心搵食，見到水牌有呢間，又好耐冇食Ramen, 誤打誤撞下食番久違的。美麗華店多年前食過，感覺不太好。總店係地庫最底層，同一間Korean, Japanese club share, 有點難找。Typical 日式最簡單的裝潢唔駛諗，order 左二人餐，有兩碗自選 Ramen 及兩款自選小食特製熊本蒜油豬骨湯拉麵隻碗有熊本熊腳印同用上熊本熊匙，好得意呀！單點餐牌都有寫明每款拉麵內裡有什麼材料同數量！真係超讚！唔會好似港式咁成日都取巧湯底濃厚豬骨味，noodle 軟硬適中～水準超晒班！特製博多豬骨湯拉麵 相比熊本拉麵，有點失色，材料少好多，細碗，但味道都係好好味！酒煮蜆份量多，細隻冇沙，酒味也有別一般居酒屋。炸8爪魚球就一般還是覺得總店最好。

行開尖東，發現原來幸福中心都有麵屋一平安！先前係美麗華商場食過，拉麵好食，而且環境和服務都不錯！今次試下幸福中心呢間分店啦~入到去，裝修不太感覺到日本風… 比較像港式裝修…坐下不久，服務員好快拎左茶黎！上次係美麗華分店食過豬骨湯底，今次就試下豉油拉麵~~~食拉麵當然先試湯，豉油湯底不太咸，沒什麼特別~拉麵煙韌彈牙，麵質不錯！！叉燒肥瘦適中~但竟然有菜心？？第一次食日本拉麵有菜心… 可能日本拉麵真係有時會加菜心，但個人而言覺得加左菜心變得港式化了…整體來說，幸福中心分店似乎有點港式化，或者可能只是因為選錯拉麵，不太適合自己口味…

2018年，還再提以1999年世界末日為背景的《千年女王》，連自己也覺得過時。不過，這間在地庫B1層，要從地面落兩層才到的拉麵店，實在太有「三食拉麵堂」（三食ラーメン堂）的風味。即使卡通裏，雪野老夫婦的店子開在兩幢高樓大廈之間的狹䙜中，而不是地庫，但那種隱藏在大城市不顯眼一角的情懷，如出一轍。就連室內佈置，也如20世紀七八十年代那樣。下午一時半，店內並不擠擁，只有幾枱客，大都是單身的中年漢，情景就如日本上班族工餘時在居酒屋打躉那種感覺。招牌菜長崎拉麵（只限周一至四午市）大大碗，店員不忘叮囑可點辣醬。湯底味道比較淡，但不是淡而無味，而是平淡中見甘香。喜歡濃味湯底的老饕或許不合心意，但重口味不應是衡量拉麵湯底優劣的唯一標準吧。大大碗的麵有蝦有肉片還有大量的菜，但蝦和肉片都沒有什麼味道，是否正宗亦無從得知，幸好麵很爽口彈牙，扳回不少分數。如果只憑拉麵和八爪魚丸評價，本來只能給OK而矣；但這些老店的吸引力除了味道外，主要還是重溫那種情懷，就像到華富邨的冰室那樣。如果吃不慣老味道的，恐怕要去同系的新分店了。