麵館皇

营业中

休息中

I went here because all the noodles come in this strong Chinese  herbs broth which tastes a little bit like the Singaporean bak kut teh.There are lots of noodles to choose from and different toppings.I went for the spicy chicken, spicy beef and we had two different noodles.I love the black beans in the spicy sauce and be warned, this was very spicy.The noodles were ok but the star is definitely the soup.Noodles looking like parpadelle.Knife cut noodles.The joint is quite cramped so expect to be

燈籠街的食店愈開愈多，已由從前的平民食街轉化成現在眾所週知的拉麵街，但這𥚃好吃的，其實又豈止拉麵呢～其中這間中式麵館一直在這𥚃屹立不倒，它，看似其貌不揚，地方小小，卻高朋滿座，每次經過也人流眾多，絕不比隔鄰的拉麵店遜色！這𥚃主打的是蘭州拉麵和山西刀削麵，還有傳統手擀麵，招牌餸當然是藥膳罐湯拉麵，這裡的藥膳湯底用上杞子，當歸，玉竹，沙蔘，龍眼肉以十小時烹煮精制而成的，在冬季喝既暖身又養生；其中又以口水雞最多人吃。今次本應想點酸辣湯和手擀麵，可借太晚已經賣完了，唯有下回請早吧。麻辣口水雞罐湯拉麵$58 ( +$3 轉刀削麵)其實何謂罐湯拉麵，其實就是指這裡的瓦煲～ 由於湯麵都是即叫即制，大部分人也是衝着這個藥膳鍋而來的，所以如果在繁忙時段有可能需時約十五分鐘左右，不過今日等5-10分鐘左右已經有得食～用瓦煲上的拉麵是非常的熱騰騰，上桌時湯還在不斷沸騰，滾呀滾呀的，白煙和香濃的藥膳味在空氣中彌漫著。頭沒有藥材的苦澀味，反而香氣四溢。牆上也有温馨提示請勿觸摸，以免燙傷的字句。刀削麵麵質地烟韌帶有筋道，但不會過硬，每條麵條受熱也很均勻，口感一致，所以巧妙的刀功其實也是吃刀削麵的關鍵之處！口水雞份

今次同男友去到登龍街，換下口味，唔食拉麵食下其他野。見到幾乎整間店的人都是點口水雞，鐘意食辣既我又點會放過！口水雞刀削麵（$57）不下5分鐘，刀削麵已快快送到。刀削麵是用熱鍋上，送來時仍在沸騰，不斷冒煙。寒冷的日子，喝一口熱湯，十分暖胃。湯底是藥膳湯底，味道清甜，可以喝到淡淡的當歸香，中藥味不會過重，容易入口。口水雞頗大份，雞肉皮薄，嫩滑。辣度是大眾都可接受的程度，有辣椒、豆豉、及蒜蓉，極為惹味。底層有青瓜片，青瓜沾滿了醬汁，又辣又滋味！刀削麵口感厚實，個人特別喜歡其嚼勁。😙男友點了特製鎮江骨手擀麵（$60+3）。手擀麵教刀削麵幼身一點，口感更嫩滑軟熟，有驚喜。鎮江骨帶香甜的浙醋味，排骨肉夠稔，卻不至一夾就散，但一咬下就離骨，功力不少。熱豆漿是跟餐送的，微甜，有淡淡的豆香。本人不太好酸食，男友卻大愛酸辣湯，還是點了一碗試試（$38）。咦！又OK喎！酸辣湯酸度適中，材料跟平日吃的不同內有豬皮、大腸、豆干、木耳等，口感豐富。在銅鑼灣，餐廳算是抵食之算！難怪我地食完下午3點幾，餐廳仲係滿座呢。

我地沿住登龍街行到中間嘅位置，有間價錢為中中的麵館皇，真心想一試！麻辣口水雞＄52點了微辣，沒想象中那麼好吃，麻辣味道有點淡，肉質尚可，不算太嫩滑，是中中。 不過總算以平價淺嚐到口水雞的慾望～麵的部分，刀削麵較為特別；所有麵類升級至刀削麵或手擀麵要加$3比較特色的湯係以祖傳秘方的藥膳湯底。而我點了金牌咖喱豬軟骨罐湯刀削麵$63咖喱很快便送上來了，跟麵是分開的，咖哩呈黃色的，味道濃郁，比想像之中甜，辣度很微，口感一流豬軟骨鬆軟可口，炆得好軟身，脆卜卜。碗麵原來甘大碗，刀削麵形狀不一，好特別。很有質感，但麵條熟度均勻，吃起來唔會太硬，麵香重和濃郁且鬆軟。不過完全想不到這個價錢有竟然可以有咁多野食，食到飽一飽！檸檬可樂，好冰涼！！口水雞加金牌咖喱豬軟骨罐湯刀削麵，超豐富，這樣的質素 ，係超值估唔到

某日晚上自己一個行開銅鑼灣，肚餓想搵啲嘢食，唔覺唔覺行咗去登龍街。近年登龍街新大廈落成，新食肆頻繁開張，日本拉麵店都有5間。本來想去是旦一間食，但係間間都有人排隊，最近又洗大咗，咁啱見到有間中國麵，而且係藥膳窩，咁就行咗入去了。口水雞係我至愛，我仲加咗錢要刀削麵和豆漿。湯底很香，中藥味剛剛好不太重；麵質也很不錯，刀削麵的薄邊吸收了湯汁，中心部分彈牙有微微咬口；雞肉嫩滑，口水汁不會太油，辣度亦剛剛好。講真自己去親嗰條街都係食日本拉麵，今次如果唔係肚餓唔會特登入去呢度食，都算係有驚喜。呢間屹立喺幾間日本拉麵中間嘅中國麵，令我回想起潮流底下好多有意思嘅舊事物都會被忽視，最後被淘汰。大家去登龍街都可以試下唔好淨係排隊食拉麵，食呢間其實都唔錯。

登龍街開左好多新店, 但有一間屹立左好奈的小店, 人流多, 但我一次都無食過, 好奇心驅使我入左去, 食左之後發現係好正呀, 真心覺得好過譚仔好多!!我地倆都點左藥膳罐湯拉麵, 初期都擔心藥味好濃, 但飲落味道香甜，沒有很強的中藥苦味, 幾好飲, 麵質充滿彈性，口感煙韌, 加埋木耳一齊食, 百感交集, 滋味無窮, 熱騰騰燒滾滾的砂鍋, 可以流住溫度, 令到食到最後一啖都覺得熱獅子頭口感鬆軟入口即化的, 口感要軟嫩多汁有彈性糖醋魚, 外脆肉滑, 酸溜好滋味, 酸酸甜甜的口感, 好開胃, 正😋😋😋

自登龍街的商廈相繼翻新開幕，食肆越開越多，在云云新店群中，麵館皇是少有的中式麵食館。正值午膳時間，食客非常多，坐處頗迫，環境衛生一般。 環顧四週，藥膳罐湯系列是最多人挑選的麵食。麵食以燒熱的瓦鍋盛載，湯汁在鍋中沸騰，熱力四射， 十分適合在冬日享受。藥膳湯底洋溢清香的藥材味道，既養生又合筆者心意！ 水餃罐湯拉麵用上純肉製餃，餃肉密度高，口感實在。雖然餃皮略厚，味道不錯。 口水雞是招牌名物，大部份食客也有點選。這鍋麻辣口水雞罐湯刀削麵，口水雞辣度剛好夠惹味，以一客麵食來説份量十足。拉麵與刀削麵相比，後者明顯更有嚼勁，加 $3 享用絕對值得。 隨麵食送上飲品一杯，熱咖啡只是下價貨式，建議享用豆漿飲品。整體來説，餐廳的麵食味道不俗，但環境服務等配套尚有不少進步空間。

去親登龍街都係食拉麵好似冇咩新意，係選擇困難症當下，有間中式麵館既出現，就解決咗我哋既然疑難原來入面仲有傳統既藥膳湯底，即刻當堂補補佢麻辣口水雞灌湯拉麵 開始之前當然係食一件雞啦雞肉嫩滑而最正嘅當然係麻辣味道 佢嘅麻辣相當之香，而程度適中，唔會麻到搶去咗整碟菜嘅味道仲可以食到雞肉味，同時又有麻香，果然係招牌菜式東坡肉罐湯拉麵 轉手擀麵 東坡肉有三大舊，分量相當之多肉質已經汶到相當淋，而且肥瘦相間 肉質唔會死實，做到東坡肉應有既條件用小店黎講，質素、性價比真係相當然唔錯絕對會再幫襯

通常下就黎到銅鑼灣都會搵d小店試下。已經黎過麵館皇兩次。幾中意佢既藥材味湯底。希望沒落味精因爲次次到會飲下。登龍街一向都系我搵食既最愛。每次我都會點刀削麵既麻辣口水雞罐湯。中意口水雞既麻香，肉質滑嫩。麵館皇店裡地方不大 , 坐位有點陜窄。但無損雅興，可惜今次食既食物令我頗為失望。由於店員告知口水雞賣哂，所以試下新野「上海獅子頭罐湯拉麵 」點知就伏左。一如往常湯底夠晒濃味 , 中藥湯底配埋刀削麵一樣好味但配菜既獅子頭味道十分咸，而且好油，直情食吾落去，食左一粒就沒食。白白浪費左個配菜。下次都會選擇要反口水雞

又到返工前係銅鑼灣搵食啦！今次比我搵到一間小店！佢店鋪唔算大！入面坐既位都幾逼！2點鐘入面係坐滿哂人！選擇好多，銅鑼灣價錢算平！質素都好高下！第一次食既我當然望下其他人食咩先啦！10個有7個都食口水雞同藥膳湯粉！呢款應該係招牌，一於試呢個啦！雖然好多人，但佢上菜都好快，口水雞配藥膳刀削麵，份量都幾多下！食哂係超飽，第一當然要試下個湯先啦，藥味唔算重！好溫和，飲落好舒服，我差唔多飲曬個湯！刀削麵口感好煙un,唔會太薄一夾就斷，連埋個湯一齊食好夾，好好味！夠哂清，重點口水雞啦！佢份量都唔少，我食我辣，佢既辣度岩岩好！唔會比辣味搶過哂雞味！啲雞仲滑身！下面仲有青瓜係底，好好食！我最愛既青瓜呀！呢間小店好岩我心水！如果唔洗排好耐隊可以多啲黎食！連埋凍飲都係50-60蚊左右！我諗係銅鑼灣佢算好抵食！

今日黎開銅鑼灣聽講座，一條友無野做，見到有間食店係登龍街好鬼多人，食物價錢唔貴，就決定入去食野醫肚，雖然小店不大但侍應都幾多人，態度就。。。==“不過算吧，講返食物...藥膳湯刀削麵好好食，連埋大碟口水雞都只不過HKD58,真抵食，同埋味道都算有水準一大煲，湯用藥膳烹煮成，因些充滿藥膳味道，個人好欣賞，唔會太濃但味道討好仲有好多新鮮爽脆的椰菜，木耳絲刀削麵以刀削得均稍，厚薄一致，口感軟硬適中，單吃都唔單調口水雞份量十足大碟，味道整得幾出色，如果再更加辣應該仲正下層有青瓜，爽脆口感加上辣味，清中帶辣口水雞，皮肉圴匀，入味，雞算嫩口，不錯

大時大節又聖誕又新年，忙到團團轉，但點忙都要濕平買野俾自己作年終安慰獎，所以一放工就直殺落銅鑼灣，但先去醫肚先，仲之要快快快，就到位於Time Square附近的登龍街32號地下的麵館皇開餐，見到裏面坐無虛席,大家膊頭撞膊頭的坐在一起，舒適度就免問。先叫來麵館的招牌藥膳口水鷄罐湯刀削麵($58+$3)和家鄉糖醋魚($48)。刀削麵的製造過程其實頗考功夫，除了水與麵的比例要拿捏得準確，削麵時刀功亦要均勻的一刀一刀的把麵條削入湯鍋內翻煮，刀削麵吃起來才有鬆輭口感。但對於喜歡藥膳味濃郁的我，藥膳湯底就顯得比較清淡。反而喜歡口水鷄的辛辣味道，啖啖肉的口水鷄舖滿黑黑的椒粒，入口辛辣的味道颇刺激淚線呢。再吃家鄉糖醋魚，醃的麵粉頗厚，所以吃不出魚的味道，再加上糖醋汁略少兼汁味稍稀，所以並不是我杯茶。擠迫的環境快快趣食完即閃，立刻開始我的濕平之旅。在銅鑼灣timesquare附近還能有$60一個晚餐，還算是一個不錯的選擇。

當日初一 要食素 機緣巧合下搵到呢到有素麵食所以就黎試下啦呢到的湯底係用藥材煲既 好香本身係想試刀削麵 不過我見到手榦麵個相好吸引因為我本身個人係好鐘意食好粗既麵所以就叫左個素菜手榦麵試（$61）個湯好味個麵都好味不過因為好熱 個煲又有小小熱力所以唔可以食得太快令到最後的麵淋曬 美中不足同埋素呢個麵好呃錢 的餸勁小😂完全系得一小銖蘿蔔絲同幾片豆干相反朋友叫既 口水雞刀削麵就好大份價錢都係一樣（$61）下次唔係食素既日子會再黎試下🙂

平時好怕藥材味，所以對於藥膳食品方面完全無興趣，但今日老媽子話好想食藥膳湯底既野，於是search一search比我近近搵到呢間喺登龍街既「麵館皇」。8點時間已經十分滿座，好彩岩岩有座。一坐底即刻叫個《藥膳罐湯刀削麵 $58+$3》（+$3轉刀削麵）比老媽子，而我自己就點左《酸辣湯雲吞 $48》+$5配凍檸茶。藥膳罐湯刀削麵 好大碗用瓦煲上，熱辣辣都幾吸引，湯有淡淡藥膳味，唔濃所以我都接受到，但食落有點咸。刀削麵有韌度我覺得幾好食，但有d未切開型成一舊。呢個刀削麵會配埋口水雞，雞有辣醬汁調味所以幾惹味但骨位多。不過呢個價錢嚟講算係甘。酸辣湯雲吞堅抵食，$48有成6-7隻包住大大粒肉既雲吞，絕對唔少野！肉餡亦都唔錯有肉味同埋多汁。酸辣湯好多料，男仔成晒成碗真係幾飽肚。今既凍凍地食幾暖身。

間野開咗二個星期，從來未見過有乜客，但居然有幾十個讚好食評，好神奇！早餐，前後共2枱客。豆漿：10分鐘先到！隔離枱不斷催飲品！杯豆漿超級鬼鼠，小膠杯，大半杯先到鍋貼，冇味。上海嘢，問攞豆辨醬，冇！個底係黑色，燶到苦，肉冇味！小籠包，5隻有4隻穿，肉汁走晒。無味！