麵館皇

营业中

休息中

晚飯時間~岩岩見七客好考既我同老公經過呢間餐廳....我地食過佢沙田分店..心諗應該OK既~點知.....叫左一客醉雞刀削麵...個藥膳又真係幾藥材味...上枱時仲係滾緊既~賣相吸引...食落就...藥材味其實係聞上去重~食係無咩味...麵唔會太厚,整體還可以至於個醉雞...唔好以為好多,其實下面有D青瓜係度...而且仲有雞PAT PAT.....我唔明點解醉雞會比雞PAT PAT..然後食落去係無酒味...青瓜有青瓜味,雞有雞味,酒有酒味...3樣野係分開既...跟餐加$8蚊既炸物...一般囉...好硬囉....另外散叫左一個雞絲粉皮....哈~!呢個經典囉....一黎到我夾左一舊雞絲..一咬....有冰既頂~!!!!洗唔洗雪到有冰先??咁就同個姐姐講,諗住如果碟碟都係咁就不如唔要啦...個姐姐就話幫我地"處理"...."處理"既意思係咩呢???我估佢係拎去叮囉~!!!!叮到D雞硬過鬼...D粉皮都暖埋....廢時同佢嘈就咁由佢算...最後就係小籠包...正常野..無特別...湯汁唔多一定唔會再去....呢D咁特別既食物都係留比有緣人啦....

星期六晚運動完係登龍街諗緊食咩好，友人話不如食上海嘢喇。以前lunch time 既時候我都去過一次，但排咗好耐，今次晚市去就唔需要排隊喇。因為剛剛運動完，唔想食太油膩既嘢，所以我就嗌咗個滑雞罐湯拉面，加3蚊轉刀削面，加多3蚊叫豆漿，以這個地段嚟講算幾掋食。一嚟到，哇～成個鍋啲湯滾到就嚟瀉 視覺效果一流 入面好多雞，但啲雞無咩味，最後因為真係份量太多食唔晒要請男朋友幫手。湯底清清地幾好，食完無好口湯既感覺。刀削麵底我次次都會嗌，因為好好咬口

自由嘅空氣！自己嚟咗呢度食晏知呢間刀削麵出名，所以就嗌咗超想食嘅醉雞另外再加＄3轉刀削面 。總共$59包埋一杯飲品。我點左豆漿。豆漿好快嚟到 。其實我係點熱豆漿嘅，但我諗個侍應可能聽唔到或者我講得太細聲佢，亦都費事同佢拗啦就就咁飲咗佢。味道就普通啦同普通豆漿舖點嘅豆漿味係一樣嘅 甜度適中 豆味亦都唔係超濃之後就嚟咗個刀削麵同埋個醉雞喇。一嚟到就聞到湯底好重藥材味，所以未必全部人都會鍾意。刀削麵之外，重有啲菜同木耳。講下啲刀削麵先啦。佢嘅韌度係响烏冬同埋年糕之間嘅 同埋都幾厚 不過我食嘅時候覺得有一兩條好似變咗味咁——酸咗 可能因為嗰排天氣熱所以大家食嘅時候要小心啲 下一個就係醉雞啦 完全唔知佢有咩特別醉雞嘅份量其實係多嘅 下面亦有啲青瓜托高左啲雞 但我食嘅雞有一半都係冇咩肉 酒味呢亦都完全聞唔到。當我飲一羹嘅汁嘅時候都只係响青瓜同豉油味當中食到輕微酒味。 啲青瓜味太濃蓋過晒啲酒味。 非常失望。早知學其他人咁叫口水雞啦好似好啲咁未必會再嚟食㗎喇就算再嚟都應該係試下口水雞

近期GU開幕 人好多 但係我都想去迫下 睇下有咩衫啱去之前當然要食野補充戰鬥力先1點幾 鋪頭入面有好多食客叫左醉雞刀削麵 凍豆漿 $59醉雞份量幾多其中有雞脾肉質嫩滑 唔鞋完全無雪味 名乎其實 雞有雞味雞下面鋪左唔少青瓜 夠爽脆如果我叫既係滑雞10分滿分 咁呢碟雞絕對值9分 扣1分係因為隻雞較肥 脂肪過多但係說好既「醉雞」呢？ 點解無酒味既？開初我以為係送錯等到d雞係醬汁度浸耐d我先食到非常淡酒既苦澀味更加唔好話食唔食得出係花雕呢度有滑雞、醉雞、口水雞睇黎係等到落單先至淋嗰隻汁落去至於麵既部分刀削麵配上藥材湯底蔥花木耳 增加口感湯底同阿媽煲既當歸鴨湯有幾分相似當然屋企煲既味道濃厚 藥材味更強烈呢度湯底有淡淡藥材味 睇唔到有油脂浮面一般人都容易接受湯底好 可惜刀削麵只係一般般係人都知刀削麵厚薄不一 有咬口我專登等耐少少先開始食 點知唔少麵條厚既部分都仲係未夠熟所以湯飲哂 但麵就食淨左樓面得兩個人 一黎好忙 二黎服務態度麻麻Overall 呢餐係好味既 但仍有要進步既地方銅鑼灣廣場附近有另一間分店 嗰間裝修靚d 坐得闊落d 行過見到客人比登龍街呢邊少 可能服務會好d下次去嗰邊食都得

一個人11點半左右入坐, 不用等位, 餐牌有很多選擇, 有飯有麵, 外賣自取8折. 包一杯飲品, 沒有加一. 我點了口水雞刀削麵 $59 (原價錢56, 加了不$3轉刀削麵, 可以同樣價錢轉上海年糕), 這是廚師推介的其中一款. 口水雞先來了, SIZE有概一隻雞脾大, 切好一件件, 下面墊有青瓜, 青瓜是爽口的,口水雞肉是淺粉色的, 沒有很多肉感, 骨與皮也多, 很辣的, 吃了流眼水. 店內也有不少人ORDER口水雞整鍋刀削麵來了, 很大鍋, 湯裡拌有菜及木耳絲, 上有蔥花, 湯底是養生煲, 湯很清, 感覺沒有味精, 一啖湯一啖麵很享受, 刀削麵有長有短, 有厚有薄, 是真正的手打麵, 即叫即做, 每位客人也要等. 我喝了超過一半的湯, 吃完很飽啊, 下次再試其他菜式. 刀削麵一定要再食.

響銅鑼灣行街行到九點幾唔知食乜嘢好諗起登龍街附近有好多拉麵店咁就去碰下運氣睇吓有乜好食行咗幾間拉麵店都睇得唔係好啱見到有間刀削麵店好似幾有特色就入咗去試吓麵館皇舖頭大細一眼睇晒上海獅子頭灌湯刀削麵原本係拉麵底轉刀削麵要加＄3上菜嘅時候個碢十分辣手湯底藥材味十足炸過嘅獅子頭味道偏濃味攞嚟送麵一流不過唯一缺點係個碢溫度太高令到啲刀削麵有啲癡底家鄉雞絲冷麵冷麵配上甜味嘅花生醬幾好食不過一個人食有就啲膩宮廷雲吞唔知佢下面個煎蛋有乜用啲雲吞同煎蛋都有啲黐底餡料味道比較淡配醋食會較好食

是日晚上有種回冷的感覺，在想想看有沒有拉麵以外的選擇可能。來到銅鑼灣食街之一的登龍街，盡見人氣拉麵店鋪。當中，有一家不太顯眼，但經常客滿的刀削麵館。店家服務親切，細心安排坐位（多為搭枱）。雖然是有點迫狹，但小店的風貌特濃。餐廳的食物種類豐富，有麵食亦有飯食，搭配各款小菜（辣/不辣）和飲品。本人是次點了店家招牌的藥膳罐湯刀削麵配鎮江排骨（$68），加配凍檸檬茶（+$7）。由落單到上桌，僅花了十分鐘時間，便有食物了。罐湯拉麵和小菜是分開上的。換言之，既可獨立嚐到藥膳湯和小菜味道，也可混起來吃。筆者建議：自行向店家取小碗，夾起一點麵才吃，因為湯頭熱，保溫程度亦高。一條保削出來的麵清楚見到手工紋理，長短不一。煙韌的麵條和淡中帶藥材香味的湯頭非常配帽，大致嚐到一點甘甘苦苦的味道。推薦指數：5/5  至於鎮江排骨有3大件，稍欠酸味，不過咸味足夠，而且油脂多，是挺香的。肉火喉足，輕易脫骨。不過，空間有限，個人較想吃細件的鎮江骨，吃得會輕鬆一點吧。不嗜排骨的朋友，也可以選擇獅子頭和口水雞。推薦指數：3.5/5凍檸檬茶糖度已調，偏甜，但茶味淡澀，建議挑其他飲品。推薦指數：1/5綜觀各項表現，這家店的食物

步入三月，天氣依然時凍時暖。冷風起，就會想念熱食。漫步拉麵街，居然有中式藥膳湯麵，暖胃一流！見每臺都點藥膳罐湯拉麵，熱辣辣原窩瓦煲上，當然照跟。配豆漿，才加$3呢～麻辣口水雞刀削麵 ($63)份量足，食極都咁多。加$3轉的麵底，厚切感覺較raw。咬感煙韌彈牙，絕對值得！叫藥膳，以為重口味？湯底走清新路線，藥味不重，有驚喜。有杞子、當歸、玉竹、沙蔘等，據說是祖傳配方、熬超過10小時。口水雞大大碟，外皮、肉質細滑，辣醬香口。底下墊有不少青瓜，可惜沒手拍過。至於金牌咖喱牛腩拉麵 ($60)，配料另上，抵讚。拉麵用力均勻，粗幼一致。不過先入為主，還是刀削麵出色多了。牛腩夠軟腍，件數不少。咖喱偏向葡汁，甜甜的，濃而不辣。吃慣拉麵、車仔麵，藥膳湯麵新意十足。而且消費合理，難怪非繁忙時段，仍能坐滿了人。

今日出左去銅鑼灣陪朋友lunch, 去左登龍街搵食 , 見到這間是以藥膳做湯底的麵館 , 本人一向鍾情藥膳的味道 , 所以就要一試喇 , 一入到去人客都幾多 , 差不多坐滿 , 坐位都比較擠迫 , 另外我覺得一間食肆要做得出色 , 不是單靠食物就可以 , 員工質素都是其中的因素 , 他們的員工個個黑囗黑面 , 非常不耐煩 , 問多句都嫌你煩 , 員工質素真係有待改善, 做得服務行業 , 就要有應有的服務態度鎮江骨拉麵 - 有三塊大大舊的鎮江骨 , 味道甜酸酸 , 炆得很入味, 肉多骨細湯底有很濃郁的藥材味 , 非常甘甜 , 刀削麵吸了湯汁, 好味 , 刀削麵削得厚度適中口水雞辣度適中 , 但我覺得只有辣沒有麻 , 雞的份量都算多 , 但不夠滑有少許鞋這個"溫馨提示" , 我看完之後絕對感覺唔到溫馨

今晚放工去銅鑼灣搵食，勁餓，天氣又凍，好想食碗暖胃野～～行入登龍街，眼見食麵嘅麵店都有好多間，好難選擇，夜晚7點幾，見到有間小店唔太起眼，但好多人排隊等位，一於試下～～等咗10分鐘，一入到去已經聞到有濃濃嘅藥膳味道，忍唔住要即刻落單。牛腩罐湯刀削麵藥膳湯底好正，藥材味好夠，牛腩炆得入味又夠淋，即叫即做，砂鍋上枱時仲係滾住咁。麻辣口水雞罐湯刀削麵口水雞肉質滑嫩，肥瘦剛好，味道夠曬惹味，正合本人口味，配上藥膳湯底好夾，難怪Lunch同晚飯時間都咁多人排隊！酥炸雲吞卜卜脆，皮薄餡料夠多，浸一下湯食幾唔錯！

藥膳口水雞拉麵🐔🍜$52銅鑼灣都有平野食🙆🏻🙆🏻仲要健康啲💪🏻起碼係藥膳湯底而唔係味精湯我一向都唔食藥膳湯底 怕苦🙈但哩個口水雞拉麵一啲都唔苦🙆🏻個口水雞好滑好好食😋下面放左啲青瓜加埋啲辣汁好正👍🏻👍🏻不過銅鑼灣店比較細 所以一到lunch time真係好多人👯‍♂️👯‍♂️

朋友係銅鑼灣返工，話有好嘢介紹。其實就係叫我陪佢食lunch遮😚我明既😌一坐底睇到個價錢都算合理，見到有鎮江骨就忍唔住想試。鎮江骨一上碟，原來鎮江骨得3舊，不過都大大舊。鎮江骨酸酸甜甜，甜味較濃，每條骨都大件，肉多。肉味索咗啲醬汁，味濃。不過，肉質質素隨緣，有條骨就瘦肉多，有條就多肥肉。藥膳湯底加手漧面講起藥膳，以為係苦苦地，但呢個湯底係甘甘甜甜，要飲多兩口。手漧面滑身，質感薄身，要食就要快食，食耐咗就好變得好淋。奶茶呢杯奶茶茶味唔係好濃，飲落香滑，但略甜。愈飲愈想飲多茶。總結整體唔錯，可以趁呢個冬天補下身。麵就建議揀刀削麵，食咗朋友個碗，覺得硬身啲。

約左朋友夜晚行年宵，見未夠鐘就去左銅鑼灣揾食啦！間餐廳最特別既就係佢個藥膳湯底啦，所以就叫左一個藥膳既麻辣口水雞手擀麵。因為係即叫即整，所以要等一陣。因為鋪頭啲麵係用瓦罐裝，所以周圍都貼左啲標示，叫食客小心，好貼心！湯底藥膳味適中，好易入口，唔會係有好重既中藥味，熱辣辣，冬天飲就最啱；手擀麵既質地比較煙靭，好有口感；麻辣口水雞份量充足，肉質尚算鮮嫩，下面仲有埋啲青瓜做伴菜，青瓜吸哂啲辣醬味，好惹味。朋友既特製鎮江骨藥膳就同我既麻辣口水雞好唔同口味喇，酸酸甜甜，夠哂開胃，下面既椰菜又吸哂鎮江骨既肉汁，唔會好淡味。凍奶茶夠滑身，係唔錯既選擇。

今日同朋友行過登龍街, 發現原來有好多食肆店舗, 有樓上舖亦有地舗。我們想快點食完快些去買東西, 見麺館皇不用等候, 於是便進店, 進內其實已有好多食客, 店員安排好坐位後我們便開始看餐牌點食物。豆沙窩餅 $36豆沙窩餅上碟時已切成八塊, 咬一口熱辣辣, 皮薄煎至金黄香脆，豆沙蓉略為少亦不甜。麻辣口水雞罐頭刀削麵湯頭其實係用上藥膳製成的, 所以店員遞上時已嗅到好香的藥材味道。呷一啖乳白色的湯，藥材味非常濃郁，平時不喜觀藥材味道的我, 也對它另眼相看。刀削麵條切得均勻, 軟硬度剛好, 有少少煙韌, 麵條吸收了湯頭的味道, 很入味。麻辣口水雞另外上碟，賣相不錯, 色澤均勻，看上去非常惹味。還有青瓜墊底,  雞肉嫩滑, 雞皮脂肪不會太厚, 整碟口水雞不會骨頭多個雞肉, 唯麻辣味不夠突出。酸辣湯雲吞手擀麵酸辣湯非常濃稠，有很多材料如爽口木耳, 嫩滑豆腐和肉絲蓋過整個碗, 酸味適中不會搶了辛辣的味道, 比起外面的酸辣湯很足料。手擀麵比起刀削麵稍為厚切少少, 很煙韌有彈性, 亦有囗感有嚼口。雲吞皮薄餡料多, 醃製夠晒入味。 最後點了兩杯凍檸茶少甜, 茶味夠, 果然係少甜。用心聆聽食客的需要, 才能

朋友之前食過，話要我補下身，拖咗我去食。餐廳細小，用咗木地板舖地，環境ok。不過，傾計會俾人聽到哦，都係唔好講得咁激動。今次叫咗麻辣口水雞加刀削麵藥膳湯底。麻辣口水雞，味道辣，食到有小麻既感覺。雞身油滑，可惜皮太厚，肉少。欣賞呢碟口水雞入面有五條小青瓜，青瓜表層有麻辣味，但冇索晒麻辣汁，外面辣入面保持青瓜既青新味。藥膳湯底，一拎出黎就聞到藥材嘅味道，但見唔到有藥材，湯底甘甜。補唔補到身，就真係唔知啦，哈哈。刀削面厚身，形狀不一，似人手製作，有咬口，麵粉香。