麺処一家 (已結業)

拉麵控見到厚福街有新拉麵店進場緊係要去試下😛星期五晚去食都唔算太多人，等左一陣就有位💁🏻‍♀️佢地主打濃厚豚骨魚介醬油拉麵，不過佢地menu嘅選擇唔多，得3款拉麵可以揀，而且個分別只係舊叉燒唔同🧐我地叫左店長推介(有火炙豬腩肉加慢煮豬肩肉+糖心蛋)$118同埋妹妹推介(只有慢煮豬肩肉+糖心蛋)$102🍜湯底濃度同麵嘅硬度都正常岩岩好😋而前者比較多肉量岩男仔食，後者岩女仔，因為慢煮豬肩肉較瘦無咁肥☺️不過整體來講好普通無特別～

之前有特登黎過一次但非洲豬瘟停業。睇在店展對要用新鮮豬咁有堅持既份上，就再特登黎一次，亦有抱有幾高期望。同朋友並共三人等左約15分鐘入座。座位ok，但一黎個水杯邊有漬都扣扣地分，不過ok啦黎食麵又唔係黎飲水，唔影響麵既評價。落單後等左10分鐘左右上麵了終了!先飲一啖湯...orz..我去左食台灣牛肉麵咩? 咁重中藥味+鐵鏽味仲要苦既喂?(後來諗番估計可能係火炙豬腩肉d味撈埋個湯底搞到有苦味...)湯底就真係唔多鮮味，豬骨味都唔出，整體就好似平時茶記d例湯咁orz麵質正常無咩特別，粗幼略嫌幼左小小。到兩種肉:火炙豬腩唔錯幾入味，係唯一比正數分數既成份；慢煮肩肉無味，純食肉質，唔好唔差。蛋，正正常常。紫菜，中等偏低。整體黎講，10分滿分會比-2，無錯係負2分!當然，見到咁多人排，都少不免要講一句，各有各口味姐..lol

經過厚福街機知道呢度開咗間拉麵舖都想嚟 🍜試跟住之前有報紙報導過呢間拉麵老闆點樣學整拉麵，又要去日本，又教請師父等等等。。。令到好有興趣一行到入去就同我講，拉麵只得豬肩肉，連流心蛋都賣曬啦其實佢個餐牌都係得三款，不過唔緊要啦！最重要係個湯底 🍲所以都坐低咗🥺 傳說中勁鍾意食拉麵嘅師傅，今日見佢喺廚房都忙碌到不得了！睇得出好有心 ❤️8點19分落單，等咗十六分鐘碗拉麵先至上長場！🧐 我仲追加咗個竹筍,不明白點解竹筍咁難咬得開萬眾期待的拉麵出場！飲咗一啖湯,豚骨魚味面真係幼嘅，不過唔夠滑😶個豬肉幾好食！有黑椒嘅煙燻味 不過食完之後大約一個鐘頭就開始覺得口渴

我有一個習慣, 如果我遇到一道我喜歡的料理, 如果情況許可, 我是會親自答謝店主或廚師的但在香港, 我很少有這種動作食完這家拉麵店, 我真心感謝這位店主兼主廚為我準備嘅這碗拉麵👍🏻近年有大量日本拉麵店進軍香港, 標榜着日本直送食材/湯底 .. 好老實 ... 大多味道不是差, 但係有一種好”行貨”的感覺 .... 呢一間拉麵店的特別之處並非由日本進駐, 而係一家”本地薑” 聽聞店主本身是香港人, 特登走去日本學藝, 回到香港再自主開店店內只有一種拉麵就是豚骨魚介醬油拉麵 ...這種拉麵市面隨處可見, 老實講味道並非有什麼破格的驚喜 ... 好食嘅原因不是破格的新口味 (近年好多什麼原隻龍蝦拉麵, 什麼A5和牛拉麵, 什麼地獄芝士海膽沾麵.... sorry ... 我唔識欣賞) 而係店主用心地將”豚骨魚介醬油拉麵”發揮得淋漓盡致 先講湯底, 一入到鋪頭已經聞到很香的味道 ...湯頭豬骨味非常濃郁鮮甜, 但不會有死實實的鹹味感覺 .... 魚介味沒有過分地搶去豬骨和醬油的味道, 三者取得一個很好的平衡 ... 湯中有點洋蔥粒降低油膩的感覺 ... 湯底我成個飲晒👍🏻麵條方面, 佢唔似主流

💯吃得出的用心賣東京風濃厚豚骨醬油魚介拉麵的小店湯底清一色只提供豬骨魚介配搭 共三款分別只是配料: 豬腩肉/慢煮豬肩肉叉燒/兩款叉燒很有日劇中那種開業多年的拉麵專門店風格.店長推薦🇯🇵兩款叉燒呷一口湯底 清潤中帶點魚香鮮甜並非是傳統的濃郁漿口的風格 偏向輕巧腸胃也不會有負擔濃重的感覺.兩款叉燒中🐷較欣賞慢煮豬肩肉 軟滑帶肉香幼身拉麵是本地日本人經營的拉麵廠出品爽滑又有掛湯能力 海苔更是經油炸香過.味玉🥚不會死咸 濃濃的酒香 流心的蛋漿替玉🍜很有驚喜 淋上肉汁和油 可以當拌麵吃綠茶可樂🍵好特別啊 微微茶香 沒有一般可樂的甜

喺厚福街呢度眾多餐廳入邊突圍而出絕對唔係一件容易嘅事，因為係入邊實在太多餐廳而且又有幾多出名嘅餐廳。所以要搞啲噱頭先至可以吸引到人地注意，呢一間新開嘅日式新餐廳就做到啦首先要讚下佢嘅裝潢好有心思，整咗一塊大落地玻璃面對住條街，係街道行過見到啲廚師煮嘢食就覺得好吸引。所以我同朋友決定入黎試吓。仲有另一個特色嘅地方就係佢Menu上面只係得三種拉麵可以選擇包括店長推介妹妹推介同弟弟推介。叫咗一個弟弟推介，發現佢湯底非常之濃郁，同個拉麵好夾，配料雖然唔算特別多，不過最緊要個湯底取勝，令佢成功榮升我心目中頭10位拉麵好食嘅餐廳！不過如果佢可以多啲選擇就好喇😚

點左最貴嘅店長推介，有齊慢煮豬肩肉、火炙豬腩肉同味玉湯底溫度唔算燙口，但好均勻，食到一半都仲有煙；味道鮮甜，唔覺太咸；麵條係入新鮮貨，質地軟滑，索到湯，可考慮增加彈口度同麥香。慢煮豬肩肉味道溫和，咬落冇渣不過充滿口感，質素好高；火炙豬腩肉味道比慢煮豬肩肉濃，都係冇渣而有咬口，肥瘦分怖均勻，兩種肉都好用心製作味玉有流心效果，但味道唔太夠；筍絲冇怪味；最令我驚喜係紫菜，平常拉麵上嘅紫菜都會浸住一半介乎林同脆之間，我好怕亦好少食，呢度係用紫菜絲，上菜時本身已經浸喺湯裡面，食落好有口感，有陣香烤味，浸左湯都非常好食！拉麵整體做得好用心，見到廚房入面師傅一直好專注咁煮麵，除左味覺享受，亦有視覺享受

經過呢頭，見到新開左一間餐廳，門口仲寫住試業中，但係都已經好多人係入邊，覺得呢間餐廳應該有返咁上下質素，先可以啱啱開張都咁多客人。咁岩呢排得閒，專程同朋友過嚟。可能因為新開張，所以嘢食嘅選擇唔多。見到佢餐單上邊有三款拉麵:弟弟推介，妹妹推介，同店長推介，只有圖片係隔離，唔係好知佢哋分別喺邊度。問一問店員先發現原來弟弟同妹妹推介係一模一樣嘅除咗個配料，一個係豬一個係牛，而店長推介就係豬牛都有。所以我哋決定一個嗌弟弟一個嗌妹妹，然後自製店長推介。我發現呢度嘅拉麵湯底好濃，無論弟弟推介定妹妹推介或者店長推介都可以食到呢一個好味嘅湯底🤗🤗湯底濃味但係唔鹹，係好難做到嘅，我覺得今次呢個就做到啦。不過我就覺得呢度價錢偏貴，雖然個面幾好食，但係呢個價錢我應該會嚟試一次就夠啦😶😶😶

呢間拉麵店係蘋果動果籽見到得知😍🍜一個好有heart對拉麵好有要求既老闆👨🏻‍🍳遠赴日本東京拜師✈️🇯🇵由叉燒、湯底都花了不少心思時間去完成一碗拉麵，麵底亦由居港日本人製作，每日新鮮運送。好欣賞佢對拉麵既执著，更因為想保持每碗拉麵質素水準，所以老闆擔任埋廚師一位。🍜料理長之選擇配味玉一隻 $118 飲第一啖湯 已經知有幾正了😭👏🏻湯底濃厚 將小魚乾同豬骨熬製成濃湯🍲再加入秘制醬油製成♥️質感濃稠 每啖都充滿骨膠原🤤飲落好香魚介味 唔會油膩唔會太鹹 真心正！👍🏻叉燒有三塊火炙豬腩肉 兩塊慢煮豬肩肉🐖我比較鍾意火炙豬腩肉 燒得焦香 入口軟稔🤤而慢煮豬肩肉較有咬口 帶點煙燻香拉麵係屬於偏硬的幼麵😍掛湯能力強 口感爽滑彈牙糖心蛋咬落暖暖的 大大隻 亦做到流心效果💛🥚紫菜經烤製過 勁香 亦令整體味道更豐富洋蔥粒增添風味 筍絲夠入味完全無得挑剔 成碗KO！💯🏆🍜綠茶可樂唔會太甜 配埋拉麵正到爆本身唔係拉麵控既要試，食完你會愛上拉麵！🍜拉麵控更加要去試！食完好滿足好感動😭❤️一碗用心、花了很多心思和誠意炮製出來的美味拉麵🍜很值得支持👍🏻依家打完我都好想去食返碗啦😆🍜（有分落場時間同星期日好似唔開！想食要睇

香港拉麵店很多，或許總有些人覺得分別不大，肥妹仔也是抱著試的心態，喜歡每間試一試。餐牌簡單，貴精不貴多。今次選擇了店長推介，可以一次過試兩款肉。濃厚豚骨魚介醬油拉麵(連溏心蛋)$118拉麵湯底濃，但有點咸過了頭，喝幾口就夠了。叉燒倒是不錯，不嚡口，一款是炙燒過的，另一款慢煮，肉質軟諗，吃著也沒有油膩感，個人比較喜歡這款。麵條硬度正常有咬口，可惜配料較少，紫菜碎也不多。溏心蛋味道清淡，流心效果一般，不過食到蛋味。總結拉麵價錢不算便宜，可以一試，但回頭的意欲坦白說就沒有了。配料選擇少，也沒有小食可點，基本上只試他們的拉麵就好。各位喜歡食蛋的朋友可以照點，其實做得不錯，只是味道較清淡。

落堂同朋友去食飯行行下又去左尖沙咀呢條咁多野食既街呢間見佢岩岩開無耐又仲試業緊就膽粗粗入去食其實價錢都還可以接受同平常食既拉麵都差唔多我地兩個都食左店長推介一碗有三塊火炙豬腩肉，兩件慢煮豬肩肉料係好足既我自己比較推薦慢煮比較特別又有少少調味食落甜甜地又保留番豬本身既味道湯底都好濃好香係會食上癮既味道佢個烤日本紫菜好特別呢個位絕對係畫龍點睛唯一少少扣分既位係溏心蛋冇乜調味比較清淡不過蛋味就好出呢個都唔錯既係可能有少少唔慣推薦慢煮豬肩肉喔～

一向都好鍾意食拉麵，見到厚福街開咗間拉麵就即刻拉埋朋友去試下😎等咗一陣就有位喇😙呢度只係賣一款湯底，就係豚骨魚介醬油🍜我就叫咗店長推介 ($118)拉麵入面有慢煮豬肩肉同火炙豬腩肉🐷慢煮豬肩肉比想像中冇咁淋，反而2種嘅肉都係比較有咬口😚火炙豬腩肉燒得幾香🔥湯底飲落去都幾濃厚，加辣就加$5，不過我就建議唔好加辣喇，因為會遮咗本身嘅味道😫同埋都幾辣下咖😱麵質做得唔錯，不過溏心蛋唔夠流心🥚

專注一味豚骨魚介醬油拉麵拉麵店獨沽一味賣豚骨魚介醬油拉麵，沒有其他小吃或其他湯底選擇。第一次來，當然點店長推介，一次過試晒豬肩肉及豬腩肉。拉麵湯底用豚骨魚介熬製，入口溫馴，不會只有醬油味般死咸。糖心蛋做得出色，咬入口是䁔的，溫度控制得宜。要知道有些店的蛋凍冰冰, 直接雪櫃攞出黎。豬肩肉較瘦，今次偏好肥豬腩。湯底可以加秘製辣醬，辣度大約指天椒的七成。拉麵碗會蒸熱再盛拉麵奉客，在細節中感受到老闆的用心。香港人喜新鮮，希望呢家拉麵店長做長有。一定會再來。

朋友推介厚福街開左間超好食拉麵，今日終於去尖沙咀行街，有機會一試！7 點多去到，不用等位，坐得好舒服！這店沒有太多花巧裝修，亦沒有很多食物選擇，反而令多心的我不用頭痛，叫了碗最基本的拉麵，果然有驚喜！用心做出來的拉麵就是不一様！不論麵質和豚肉都很有咬口，那流心蛋做得亦剛剛好，平時食麵從來不會喝湯，但這豬骨湯不喝的話，實在浪費！另外，加了支綠茶可樂，味道很特別，綠色的可樂，不會太甜，配拉麵不錯👍🏻

尖沙咀拉麵店多亦競争激烈，拉麵店開到門口對門口在尖沙咀區最常見，厚福街麺処一家和元祖沾麵專門店就是其中的例子。香港拉麵/沾麵界的其中一個近況趨勢是店舖將貴價的食材放入麵款中，例如龍蝦、海膽、黑松露、帶子或三文魚等等，務求可以將售價提高以便提昇利潤。元祖沾麵專門店就是跟隨這股趨勢之餘亦加強宣傳，在Fb或Ig都經常看到廣告。我每次經過厚福街，元祖總是人頭湧湧，座無虛席，就在這個時候，對面開了麺処一家。麺処一家在門口張貼了店鋪還在試業期，限量發售，試業期間星期天休息，我試過兩次平日專程走去厚福街欲想試試麺処一家，但這兩次都是因為豚骨湯用盡而閉門休息。終於我在3月27日星期三嚐到滋味。單看麺処一家的餐牌真的很搞笑，料理長推介不意外，有兩款叉燒之後有料理長弟弟或妹妹推介，其實是選用單一款叉燒，我清楚叉燒如何分男女，弟弟推介是用了火炙豬腩肉叉燒，妹妹推介是選用慢煮豬肩肉叉燒，兩個推介都是沒有包括溏心蛋，而料理長推介包含了以上兩款叉燒，也有溏心蛋，所以我選擇了料理長推介。我在餐牌上看到特製加麵底及秘製辣醬，滿心好奇下加上肥佬胃口有大食大，亦點選了，店員禮貌地表示特製加麵底可以獨立進食，而辣醬是放入