麻辣Doi (已結業)

麻辣癮又起，晏晝同男友入錦田探我親愛既姨甥女😘 近近地就搵下元朗附近既川菜餐廳，見到呢間新開張又抵食，一於同男友做白老鼠試下😂週末午市$42起已經有交易😮我哋叫咗酸菜魚(少辣)跟白飯，冒菜揀咗萵筍，蓮藕，魚腐，雞肉，牛柏葉跟米線(少辣)，另外加左個小食涼拌雲耳(少辣)同一罐可樂😊原來酸菜魚本身已經有好多配料😮 生菜，雲耳，豆卜，大豆芽同兩款菇，超豐富👏魚應該用左生魚，無骨唔腥肉質勁滑😋湯底既顏色似係生滾出黎，味道偏酸唔太麻，辣度適中👍三樣嘢都叫咗小辣，相比起黎冒菜嘅辣度係最高～萵筍，蓮藕同牛柏葉爽口，魚腐彈牙，雞肉嫰滑😋不過米線略嫌淋左丁丁～涼拌雲耳口味相對最light，個汁似係偏家庭式既蒜香芝麻味然後帶少少酸，夏天食岩晒😀(不過如果知道兩款主食都有雲耳做配料嘅話我哋應該會試蒜泥白肉或者土豆絲😂)呢度裝修偏日系，坐得舒服，店員服務超級好又抵食！係絕對可以encore之選😚

一向都鍾情麻辣酸辣菜式！🌶🌶🌶🤤一見到新開特色川菜餐廳，即刻試吓！🏃🏻‍♀️先來一份川味特色小食： 口水雞 $24話就話小食，份量一啲都唔小，目測有酒樓既例牌份量！雞滑多肉，沾滿麻辣口水汁，非常入味😋😋我比滿分！午市套餐都幾多選擇，我一定試最愛嘅水煮魚🐟配薯粉！ （有白飯、薯粉、米線任配。）湯底用料豐富，有豆卜、木耳、芽菜、生菜，麻辣夠香～主角魚片軟滑彈牙 而且無骨😍果然係我首選！$68另外冒菜套餐就可以選一款主食+五款冒菜！揀咗 生菜、蟹肉棒、黑豚肉、雞肉、魚腐，配薯粉。份量十足，價格實惠，$58有交易！👍🏻食完美味辣野，最後飲返罐可樂gur 下，爽！😆「麻辣Doi」我會再來的！

呢排食辣野食上癮，心思思又想食，一開OpenRice就見到呢間新餐廳，見價錢都平喎🤭所以就決定試吓，我哋兩個人叫咗一個乾鍋，佢個鍋底$108跟住可以自選最少六款配菜，我揀咗萵筍片，蓮藕片，豬紅，雞肉，肥牛同埋牛柏葉，揀咗小辣，另外我哋冇配飯，我哋揀咗薯粉，薯粉一個清湯，一個麻辣，仲叫咗一個口水雞，一罐可樂。先講個乾鍋，望落去都有三款唔同嘅辣椒🌶️所以辣度係非常夠😋而且keep住都有個火喺底，所以越食越辣😮‍💨如果唔食得辣嘅朋友我建議叫微辣或者Bb辣（不過我唔肯定有冇🤣）可能到時要問吓佢哋，味道有好香嘅辛麻味，每一樣配菜都入晒味，超正😋不過我建議食快少少🤏🏻因為都係有火嘅關係，個汁收得好快，食到最尾會好濃味。口水雞佢哋呢隻唔係皮脆彈牙嗰種，肉質係比較柔嫩嗰種，無乾鍋咁辣，價錢$48黎講好算抵。整體嘅味道同價錢都👍🏻下次會再encore，試吓佢嘅烤魚🌶️🌶️

見到元朗新開咗間「麻辣DOI」，見到呢間小店主力就做酸菜魚和麻辣火鍋，由於朋友喜歡吃酸菜魚，和店主查詢後，店主表示可以選只有小小辣的酸菜魚，於是便決定試一下。我們點了一份酸菜魚片，及加配了肥牛肉及黑豚肉，另點了兩罐飲料。魚片新鮮爽滑無骨，而加配的牛肉和黑豚肉也很新鮮，而且分量充足。湯底有一種醒胃的獨特香料味，食完之後，口部也有點麻的感覺，十分特別。即使如我這種不嗜辣的人其實也食到津津有味 ，雖然這店食物種類較少，就祇有這兩三款。可能正正由於這個原因，所以可以做到比較專門和保持有一定水準，喜歡吃麻辣火鍋或者酸菜魚的人值得來一試。

見到元朗開咗一間新嘅麻辣嘢，無辣不歡既我梗係要試吓！—————————————————————晚市套餐有麻辣烤魚，一條鱸魚$288，有得揀老壇酸菜口味、成都麻辣或者泡椒豆腐，見到招牌寫住成都麻辣好似最受歡迎，一於試吓佢。成都麻辣揀咗小辣，都好過癮，有花椒八角等等香料，還原左成都麻辣嘅味道，個人都幾鍾意。烤魚方面，雖然真係唔算大條，但係勝在炸得好香，外皮脆、內裏嫩滑，條魚都算係OK新鮮，清香魚肉吸左啲麻辣湯底，好夾！另外仲加咗兩種配菜，牛肉同埋豬肉，整體質素都幾好。

麻辣Doi 新開張不足兩星期，便很有人氣，見到咁熱鬧，我當然也不錯過，原來新張期內有七折優惠，怪不得吸引了一眾街坊。這裏有烤魚、水煮魚或乾鍋，都是川辣口味，當然，不能吃辣的話，也可以選擇辣度的。酸菜烤魚$288, 價錢中等，但有七折就抵食啦！烤魚採用鱸魚，香烤後的鱸魚，肉質變得結實，在酸菜湯中煮久了也沒有散開，反而變得更煙韌，入口又香又有酸和微辣味， 鹹辣適中。一定要喝一口烤魚湯底，本身配料份量很多，有雜菌、芽菜、豆卜、雲耳、蓮藕片、花椒、酸菜，我們另外加了娃娃菜和肥牛，令湯底十分鮮甜，味道的確易入口，酸辣得來是有鮮甜味的！特別推介娃娃菜，平時打邊爐吃都特別甜的，而且娃娃菜吸味，湯底味道好，吃娃娃菜就特別好吃。肥牛份量也不少，記得要上桌後先吃肥牛，以免煮得太老。主菜跟烤魚同樣用酸菜湯底，配米線。湯米線少了烤魚的配料，只有芽菜、豆卜、雜菌等，就是原味的酸菜清湯，但湯底味道 很能突出酸菜湯的鹹香，米線和著湯一起吃，滑嘟嘟，鹹鹹酸酸，十分開胃！辣度只是小辣，非常易入口，一大窩碗湯米線都吃光光。我和朋友都覺得這家新開張的酸菜烤魚做得不錯，味道很切合香港人大眾口味，不能吃辣的也覺得好吃！

在香港，各式各樣的辣食物都有，但有層次感的辣才是好吃，而這，除了辣椒之外，就要靠花椒了，那種麻香難以抗拒！環境：小店一樣，不過地下尚算乾淨服務：新店的殷勤，希望可以保持食物：點了麻辣香鍋＄１０８（大辣）即是乾的辣鍋，把花椒，辣椒跟食材同炒，不用辣湯，反而令辣味更濃郁，一啖入魂肥牛，黑豚肉，雞肉，豬皮 ＄２２＠萵筍，油墨菜 ＄１２＠這幾款肉中，以肥瘦均衡的肥牛最好吃，入口鬆軟黑豚肉不太肥，反而帶點肉香雞肉比較厚一些，軟嫰易嚼豬皮則是最吸味的一款，夠辣！萵筍，油墨菜：菜，永遠都是最吸味最辣的款式，因為菜跟油溶合度最高，一拌勻馬上互相吸收，非常厲害！最欣賞是他們有加薯粉在下面，同樣是吸油良品，尤其辣油更甚！兩者根本是絕配！而且他們下花椒下得很夠，麻香夠重，不俗唷辣中帶麻的精粹，在這家路邊小店體現了！下面放著一個小火爐，不怕麵會變冷，同樣是簡單而貼心的舉動口水雞＄４８入口很是嫰滑，辣味不重，很合家歡的口水雞！＄１８＠吃辣的話，也可能需要他們來解解辣吧～

＜懷念那日子·酸菜魚>_元朗麻辣DOI - 酸菜魚片（配黑豚肉&蒿荀片）$258 _記得未有疫情嘅時候，周不時假日都會北上覓食，其中對酸菜魚特別有情意結，一啖魚湯一啖飯更是絕配😋最估唔到竟然喺屋企附近開咗有酸菜魚食嘅小店🤣，所以今晚決定唔食住家飯，放工休息下，回味一下酸菜魚嘅味道🥰_ 麻辣DOI 嘅酸菜魚一上枱勁大碗，用料十足咁，先試啖湯😌💁🏻‍♀️，一放入口酸菜味濃，而且帶有少少椒嘅麻香，唔會太油同搶喉嚨，作為澱粉質小孩，配埋白飯撈埋一齊好正😆，再食個魚片，魚片合格，可以做到冇泥味，肉質十分嫩滑冇骨，至於蒿荀片亦都煮得岩岩好依然爽口🤓，唯獨少少可惜黑豚肉切得有啲太厚，食落唔夠嫩，如果用豬腩嘅位置更為出色。值得一提喺依份酸菜魚仲有大份粉絲、菇菌、豆卜，依個份量兩個人岩岩好再多啲人可以試埋其他野食👍🏻_估唔到唔駛通關，屋企留下就可以食落令人懷念嘅味道😏希望佢可以捱得住，因為元朗食店成日都勁快轉手，麻辣DOI 撐住加油💪🏻

#麻辣Doi 今次講嘅係位於元朗新開嘅麻辣店舖🤤🤤店舖方面雖然唔係好大🙈得八九張枱 但係每張枱都好大‼️所以就算三四個朋友嚟食都唔會覺得好迫✨而且可能係因為啱啱開舖嘅關係 成間舖都好乾淨❤️❤️相比起一啲食酸菜魚或者麻辣店舖會有唔少嘅污跡🙈男小編對依間店舖嘅乾淨程度10分滿意✨💗💗成都麻辣烤魚鱸魚 $288💰（8/10）依一日男小編係過嚟食晚餐 成個餐牌一眼望晒 🧏🏻‍♀️其實都係得三四種種類 ✨分別就係烤魚或者水煮魚同埋干鍋 ✨但唔好睇小依度得三種選擇呀 因為佢每一種都可以揀唔同嘅煮法加上唔同配菜😋😋所以男小編一開始都好迷惘 好彩店員見到我迷惘個樣之後好親切咁同我介紹每一個嘅特色 十分nice🧚🏻‍♀️🧚🏻‍♀️咁嗰一日男小編揀嘅就係烤魚 🐟不得不讚嘅就係條魚佢已經幫你開半 😻所以就算食到最尾都唔會要好麻煩咁反轉條魚🙈而且店員介紹翻話佢哋所揀嘅鱸魚係比較少骨 的確男小編食完成餐飯都冇乜點feel到好多骨😋😋 另外比較特別嘅係佢依度條魚會幫你煎咗先💓所以條魚兩邊會比較脆口令你有唔同嘅口感✨ 配上去依度嘅麻辣汁真係好過癮‼️‼️依度可以加上唔同嘅配菜 ✨咁嗰一日男小編就揀咗牛肉同雞肉 🐮🐔但係大家如果過

同同事放工出咗去雞地搵嘢食, 咁啱大家又想食麻辣嘢, 咁就入咗嚟食啦. 趁佢人少少又唔多人, 坐得幾舒服, 而且都係一班後生仔打理, 比較新潮少少嘅餐廳. 但唔知係咪因為比較新嘅關係, 餐廳裏面堂食嘅款式唔算多, 主打烤魚, 水煮系列同埋麻辣熱鍋. 今次同朋友兩個人就食咗個水煮魚片, 加咗娃娃菜同埋栢葉. 一般分量夠兩個男人食, 但係我哋再嗌多咗個米線飽肚啲. 值得一讚嘅係竟然米線係煙韌又爽口, 反而本身嘅薯粉就比較淋淋地似米粉嘅感覺. 今次食咗中辣湯底, 辣到唔算好辣, 我諗係大約譚仔嗰啲兩小辣辣度. 除咗有魚片之外亦都有少少嘅雲耳同埋豆卜加咗喺裏面, 湯底味道惹味, 魚片又去曬骨(應該係鯇魚片), 牛柏葉有夠爽口, 不過娃娃菜就索曬啲油, 夠曬邪惡. 總體嚟講價錢同埋食物質素都屬於中上, 係款式餐廳可以再考慮加一啲食物. 下次想試下佢嘅酸菜湯底, 見到隔離嗰枱食好香好正.

雞地不嬲都多野食 最近經過 發覺多左間食辣野既小店所以專登搵個鐘意食辣野 重口味既朋友 同我一試✌🏻Lunch hour去 都有lunch menu 50 60蚊一個set 都抵食唯一美中不足既係 無水吧 得罐裝飲品酸菜魚米線朋友叫既 我都試左啖湯酸同辣味適中 酸得過癮同埋份量都幾多佢一個女仔都食唔晒冒菜可以揀5款餸叫左 西蘭花 娃娃菜 貢丸 魚腐 黑豚肉貢丸好好食 係高級貢丸👍🏻👍🏻辣度揀左小辣 所以啲菜類 魚腐吸埋啲味啱啱好 唔會太辣黑豚肉份量都多 唔會得幾塊咁少口水雞$24 小食黎講 份量算多唔會太辣檸檬茶以餐廳黎計 罐裝飲品$6 好抵飲

今日屋企附近又開咗間新嘅舖頭叫做麻辣DOI 身為辣妹子嘅我就梗係即刻約埋朋友去試下啦 晚餐時間嚟到人唔太多 餐廳主要係食烤魚 香鍋等等 餐廳有好多卡位 坐得夠曬舒服而且衛生情況唔錯叫咗一份成都麻辣烤魚 另外加錢可以有配菜 我哋就揀咗肥牛同埋萵筍 烤魚用咗海鱸魚去做 本身已經炸到外脆內軟 魚肉十分嫩滑 索埋麻辣汁一齊食 真係令人又愛又恨 香味十足 又夠曬惹味 肥牛肥瘦適中 牛味濃郁 分量都幾多 萵筍 煮得夠爽脆 又可以解辣 係烤魚煲嘅清泉呀同時入面已經有蓮藕 芽菜等等嘅配料 蓮藕十分爽脆 另外仲加多咗個薯粉 本身已經煮熟咗 非常煙韌同時索曬湯汁 超正

有啲嘢食好耐冇食就會好掛住，例如酸菜烤魚🤤一坐低就叫咗個老壇酸菜烤魚，再加啲肥牛、黑豚肉、薯粉，好期待呀。烤魚份量好大條，餐牌佢話係鱸魚，應該係好少骨嗰隻。其實一上枱就已經食得，不過煮下佢啲酸菜會更加出味。我哋要咗小辣，辣度啱啱好，同埋好難得唔會過咸，調味好好。鱸魚係炸過嘅，如果唔煮即刻食係好香脆，煮完就索晒湯。肥牛同豚肉正常，豚肉有小小鞋，份量唔少。食到最後我地加晒啲薯粉落去個爐煲，連湯都食埋。見到好多枱都食無骨酸菜魚，下次要試下。

喜歡食麻辣的朋友有福了，元朗開咗呢間專吃麻辣菜式的 - 麻辣Doi🌶，請問位置相當方便，由地鐵站🚉，經Yoho mall行去都係幾分鐘～🤍鱸魚🐟$288📌如果同我一樣喜歡辣，但又唔係好食得辣，咁就可以叫老壇酸菜魚，酸菜的酸味為主調，放上一條煎香的鱸魚🐟，皮好脆好香，肉厚肉嫩😋👍🏻，再加咗兩個配菜，油麥菜+$12 ，豆腐+$12，吸入湯汁，相當好吃🌶😋🌶😋📌雀巢檸檬茶$12📌椰汁$18

元朗新開🎊既辣辣辣餐廳🌶🍽香鍋／乾鍋🥘同火鍋🍲湯鍋相比，湯少d，醬汁濃左，食落更惹味😋~•~•~•~•~•~•~•~•~•~•~•~•~•~•~•~•~•~•~• ▪ 海蝦香鍋 ($238) 🦐🥘上枱後會點火🔥係底烘住，KᎬᎬᏢ住個溫度🌡乾 ／ 香鍋本身已經有麻辣味🌶如果你係食得好辣既，可以要求加辣😏超香口，麻同香都好正，而且成個鍋份量超多🤗.除左主角海蝦🦐之外，包左6️⃣款自選配料如果唔夠，可再加 (每款$12 - $22)📝海蝦🦐有好多隻 (掛住食，唔記得左數，我諗1️⃣0️⃣隻走唔甩)配料方面我揀左💁🏻‍♀️▫️肥腸🐷 ：洗得乾淨👍🏻中間冇白色個舊野☁️▫️牛柏葉🐃 ：每"葉"都沾滿晒汁♥️▫️豬皮🐽 ：好索汁，夠Q彈🧏🏻‍♀️▫️魚腐🐟 ：都幾彈牙，仲剪開左✂️細細舊，可以沾到多D汁🙆🏻‍♀️▫️冰豆腐🤍 ：面頭沾滿汁，入面幾滑😙▫️蓮藕片：好爽脆🤓.另外 💁🏻‍♀️仲有兩個主食 (飯🍚 / 米線🍜 / 薯粉🍠)▫️ 米線 (清湯) : 有彈性，唔會過淋😛▫️ 薯粉 (辣湯) ： 幼身🤏🏻，煙韌有咬口🤓.溫馨提示❣️香鍋🥘會煲住🔥👉🏻 會愈黎愈辣，味會愈黎愈濃🥵所以唔好第1️⃣啖覺得唔夠辣就嗌加辣📝👉🏻 耐唔耐要炒一炒🥣Ꭰ