黑瀧板蕎麥專門店 (已結業)

最近比幾個風搞到我超冇癮, 原本班朋友約好晒同我慶祝生日, 但一個八號風球將所有約會取消, 被困在家不能出外。5點幾落波後第一時間出街Shopping, 行完Sogo後, 再行去World Trade, 續層行到上四楼見到一間裝修頗有特式的餐廳”黑瀧板蕎麥專門店”, 見都好耐冇食過蕎麥麫, 决定入去醫肚。D裝修真係好Special, 好有日本feel。餐牌D選擇琳瑯满目, 正當唔知選邊樣之際, 職員説京都和牛做緊Promotion, 見到個特選一人前套餐都有好多嘢食, 包括牛油果炸蝦沙律, 雜錦刺身, 燒鰻魚配炸魷魚圈, 黄梅燴京都和牛鍋巴, 白飯麵豉湯, 我唯有放棄食蕎麥麫, Order咗個京都和牛雅特選一人前同自己慶祝啦!牛油果&沙律菜及雜錦刺身食材新鮮, 感覺好清新, 燒鰻魚也很鮮甜, 但炸蝦就略嫌唔夠脆及炸粉太厚主角是黄梅燴京都和牛鍋巴, 黃梅是杏脯, 又從來冇諗過黄梅配上和牛是咁討好, 和牛肉質鬆軟, 入口即溶, 餐廳提供埋個爐興住, 用鍋巴一口一口點着甜甜的黃梅汁食, 不覺的成個鍋擦晒, 碗飯就冇辦法完成。呢個一人前份量好足, 食完唯有畀藉口自己再去Shopping行吓消化

因為喜歡蕎麥麵，所以每隔一段時間就會到黑瀧吃午飯。其實我不是很明白，以世貿中心的人流，為何未曾見過黑瀧滿座。一百五十元的午餐在銅鑼灣區選擇很多，但其實也不算貴。最愛點這裡的刺身蕎麥麵套餐，每次的前菜都不同，今次有大大塊的牛肉薯餅，我是吃完刺身和蕎麥麵、最後才吃它的，卻仍然熱辣辣，和我一樣喜愛薯仔的你一定也會喜歡。刺身水準尚可，新鮮的，如果是赤海蝦代替甜蝦會更討好。蕎麥麵份量不少，麵汁夠冰凍，炎炎夏日，吃起來好不舒暢！

友人剛由上海回來，找地方聚會吃午飯，我們在銅記黑瀧吃，地方舒服，價錢合理，食物也精緻新鮮，我們點了黑松露三色刺身丼和雜錦壽司配烏冬。這裡食物新鮮從未失望，賣相已叫好，加上自加製牛肉薯餅，熱辣辣的。。簡直不能停口，山藥豆腐，這些配藥，絕不是旦，誠意製作，而且主菜黑松露三色丼，魚生新鮮放入口中，已經喚醒整個味蕾，十分精彩。另一雜錦壽司配烏冬，本來是蕎麥麵，友人喜愛這裡烏冬和蕎麥麵，今次看到他一件一件吃，吃的津津有味，很享受呢！加上烏冬，我們這天吃得享受，感覺超滿足。

又係因為朋友大力推薦，所以去左大食一餐...個日食到好飽好飽、因為低估左個餐既份量。生蠔必叫啦，好鮮美，仲要有我最中意食既魚子係上面，灑小小檸檬汁！ 令人回味無窮！比想像中份量多同精美，基本上件件都好好食！食材好新鮮，種類繁多，真係必叫三文魚子海膽蝦同吞拿魚蓉既絕妙三種奏😍😍😍😍真係正到痴線！呢個係極度推薦，除非你唔鐘意呢幾款食材，如果唔係真係一試無妨！呢個魷魚都勁好味，可惜黎到既時候已經太飽🙄🙄 食唔哂 個調味比較甜

日本菜在香港走向两極化。大集团連鎖店攏断底价市場，不言就是極貴的高檔食店。越来越少中价又好吃的日本菜。今天踫上一家中等檔次的日本菜。叫了一个晚市定食：雜錦刺身配更科蕎麥麵刺身五款共十件：夠新鮮牛肉薯餅：餡料美味，外脆內軟。山葵豆腐：似浸咗湯嘅豆腐卜，夠清新唐揚炸雞：雞肉鬆軟嫩滑另一个套餐：豚肉雜菌陶板燒伴冷田舍蕎麥麵。先来四片刺身：夠精緻豚肉是五花腩，肥瘦均衡，爽口吾肥腻。最后两款蕎麥麺各有千秋，更科較軟腍带芝麻香；田舍比較爽兼有咬口弹牙。款式多，份量夠，食材新鲜，冇得输！

朋友話這間蕎麥麵係香港地，算幾正宗，所以嘗試一下。四個人，一個二人火鍋，兩個定食。豚肉火鍋個湯底越煲越鹹，建議師傅下次輕手少少，但豚肉都幾嫩，雖然明係雪藏，沒有食紙表的感覺，菜也足夠，最好味係自己淥的蕎麥麵，煙韌口感足夠，淥耐左都無「發水腫」。另外兩個套餐是煎鯖魚及壽司，均配冷吃蕎麥麵，非常好吃的麵，值得推薦。

自小就是不喜歡吃飯, 卻非常極之喜愛吃拉麵!!!! 特別是日本的拉麵和蕎麥麵就最喜歡了!!! 朋友說在她返工的銅鑼灣世貿中心 有間日本 蕎麥麵很出名而且種類很多 味道又不錯 加上她上星期升了做manager, 所以我就着她請我來這裡試試 她當然是爽快地一口答應吧! 這間名叫黑瀧板蕎麥專門店, 好奇地上網search一下, 原來它大有來頭!黑瀧KUROTAKI，為全港首間日本正宗蕎麥麵專門店板蕎麥是蕎麥麵以傳統長板盛載，簡約中突顯高貴，乃該店的特色之一蕎麥麵營養豐富，被稱為長壽之麵，「黑瀧KUROTAKI」率先引入蕎麥麵專門店概念推出日本上等正宗蕎麥麵，包括「更科」、「江丹別」、「田舍」和「知床」蕎麥麵以正宗地道手法烹調，配以特色醬汁，將美味、健康、居酒屋美食配搭和fusion 潮流意念集於一身。 黑瀧這裡裝潢亦是很別緻, 一坐進去就覺得很舒服, 上了一整天班的悶氣全消失了!!!入座後, 細心又精靈的店員就快快送上熱茶和餐牌, 而且還特別介紹了店中幾款不同的主打項目給我, 感覺親切有禮, 服務態度認真呢! 餐牌也有幾款蕎麥麵的詳細介紹, 它們都各具特色

在天氣逐漸暖和的夏季，🌞 最適合就是吃一碗讓人透心涼的冷麵～ 在香港，冷烏冬就食得多， 但蕎麥麵卻不常見。🙈 經朋友介紹下， 得知銅鑼灣世貿中心有家由日本坐落至香港，主打蕎麥麵又不錯吃的專門店－「黑瀧板蕎麥專門店」（下稱「黑瀧」）， 就來一試！😏 「黑瀧」裝修貫切一貫🇯🇵日本料理店風，以木系裝修為主， 牆邊還掛上一個個燈籠盡顯日本情懷。 一進門便看見一排和師傅零距離的吧㘆， 可看到師傅如何為你烹調美食之餘，感覺也特別親近。☺️ 不過坐得最舒適的，應該莫過於一個個間隔成小廂的卡位座，為食客添加私人空間感呢～😏 餐牌選擇非常多， 別以為蕎麥麵只有平時的灰棕色！ 原來「黑瀧」所提供的蕎麥麵有4種， 分別是「田舍」、「更科」、「知床」和「江丹別」。 蕎麥麵的等級， 可以以製作蕎麥粉的蕎麥原種子部份界定， 由外到內分為種皮、三番粉、二番粉及一番粉，坐鎮於黑瀧的四款自家製蕎麥麵中， 最矜貴的便是「江丹別」， 使用了北海道的一番粉製作， 就連日式高檔食肆也未必嚐到！🙈 除此之外，還有多款小食供應呢～ 如果蕎麥麵太多選擇揀唔到， 建議可落單前問問店員的介紹， 他們可以為你詳細說明每款蕎麥

twist private sale, 放工後當然約好友血拼，在世貿分店行了一會，還是找到心頭好，正當離開商場時，忽然下起大雨來，唯有繼續在商場歇歇，順道看看有什麼好吃的醫肚。由於受天氣影響，沒有胃口的關係，所以我們不想吃得過膩，最後，鎖定日本菜！ 位於4樓有一間專吃蕎麥麵的日菜餐廳，感覺好像蠻不錯，門面擺放大量吸睛的刺身壽司及定食，而且還放不少獎項牌匾，最後決定試試。 店內以高身板間型式設計，私隱度及空間感極高，而且大部份都是沙發座，坐下時感覺舒適。餐廳主打自家手打蕎麥麵，是用蕎麥種子細磨成粉，加水成粉糰，而這裏分的蕎麥麵分了4種，分別為：田舍、更科、知床及江丹別，當中以江丹別的口感最幼滑，而蕎麥麵可以冷熱兩食。 香燒北海道鮮魷魚 - 這個小食真的超級好吃，於魷魚上塗上味道香甜的醬汁烹調，之後再燒香，所以香口程度急升，魷魚入口不但香甜，而且非常有咬口，尤其是魷魚鬚，帶點焦香味，絕對不會因燒香後而變得乾身，超級好吃。 特選刺身伴更科蕎麥麵 - 共有3款醬汁選擇，分別是柚子豉油、韓式辣汁及鰹魚汁，由於覺得鰹魚汁比較全統，所以最後就選了這一款。 這款蕎麥麵的賣相超讚，

友人考試完畢，想吃餐飯，好好善待自己，我們不其然想到這間，因為我十分愛吃這裡的晚餐，坐得舒服，吃的是水準之作，只是侍應十分忙碌，我們又十分喜歡飲茶，每每要他們加茶，等了又等。今晚我們又到這裡，銅鑼灣世貿的黑瀧，今晚我點了天婦羅海蝦魷魚配蕎麥麵，我轉了白飯。而友人點了什錦壽司配蕎麥麵。。。我晚餐有哂我想吃的，有三文魚魚生，又有天婦羅大，還有炸雞，仲有漬物，真的滿足哂我心多要求，吃得我好滿足。。。。而友人那晚餐，看到他一件一件搬入肚，加上冷烏冬，看到臉上很滿足啊！每次來這裡，我也會抱著滿心歡喜的回家。

一向都覺得銅鑼灣世貿一直都有好多有質素的食肆，好多間都試過，有專食炸豬扒、手工意粉等，依家有新的蕎麥麵專門店，我又點會唔去食下。門口已經見到有好多獎咁，好似好勁咁，睇下係米真係咁好食。裝修很有格調，用高卡座位為客人create privacy，天花板用玻璃反射去凝造空間感，掛上長形大燈籠顯日本風格。內廳用鮮紅色座椅點綴，為店增加了生氣。餐牌選擇廣，店員知識豐富，可以詳細說明soba的分別和日本人的習慣，我又長知識啦。和牛片陶板燒田舍蕎麥麵 ($218)冇諗過食soba都可以食得咁高級，一睇就知和牛質素十分高。事不疑遲，先等陶板熱下先，再放和牛在陶板上燒下，不用加油，和牛的油份高，用自己的油脂燒，牛味香氣四溢，食落仲好juicy，可以配燒肉汁和自家制蟹膏汁。呢個自家制蟹膏幾創新，蟹味適中，唔會太濃，加倍享受和牛的味道，十分滋味。蕎麥麵選擇有4種，想試下新野，可以揀更科，白色蕎麥麵帶點點黑芝麻，口感爽滑，麵汁不太濃，食到淡淡的芝麻香。食的時候，可以食大聲D，sh sh 聲係日本人黎講表示好吃。食完和牛到食蔬菜，有冬菇、南瓜、大葱、金菇。用田螺牛油煮蔬菜，十分有驚喜，牛油帶田螺味香，蔬菜新鮮

我覺得d人好容易忽略左依間蕎麥麵，因為佢係商場高d同入d嘅地方，但我覺得好好味。其實我已經食左無數次，佢有四類麵條為田舍, 江丹別, 更科及知床。四種入面我覺得更科係最好味，知床同田舍就一般。更科麵有d芝麻味，而且冷食嘅時候配左日本豉油，口感好彈牙，食到最後waiter會攞返最初煮麵用過嘅水放落你食麵時嘅豉油一同享用。吉列豬扒同天婦羅炸得剛剛好，件件都好大件，從未有番炸嘅感覺整體黎講依個價錢依個質素，無得輸

天氣轉熱，胃口一般，食冷麵的最佳之選👍🏻餐廳環境非常好，坐得舒服，胃口亦提升了很多！「特選刺身伴更科蕎麥面」賣相非常精緻，魚生新鮮，面層鋪上少許沙律菜，帶有些fusion感覺。另外，有三種醬汁給食客選擇配搭⋯可選柚子豉油、韓式辣汁、鰹魚汁。我揀咗柚子豉油，因為醬汁清淡唔會蓋過魚生嘅味道，而且同冷麵係絕配😋呢個牛油果軟殼蟹卷，全名唔太記得。軟殼蟹炸好的微溫加上人見人愛嘅牛油果，已經光速清碟😂喜愛吉列系列嘅朋友，亦不妨叫👇🏻吉列豬扒蕎麥定食，雖然外貌炸到好似一個石頭，塊豬扒🐷嘅肉質其實係好軟熟，千祈唔好俾佢嘅外表嚇怕你而唔敢食😍炸雞就真係超級普通，不值一提。大家都係重點食冷麵罷了😅

通常食日本菜都係食刺身、串燒、拉麵，香港好少有得食蕎麥麵，可能覺得寡口卦？見到原來香港都有一間蕎麥麵專門店，於是就去試下。雖然叫蕎麥麵專門店，不過都唔係只食麵甘齋，都有刺身、飯果d野食，隊長叫左個豚肉陶板燒+蕎麥麵set，貪2樣野香港都少有得食，另外仲有叫左個海鮮鍋同刺身蕎麥麵。豚肉唔多，得8舊，不過望落都幾新鮮，一邊燒肉，一邊試下個蕎麥麵，麵身都ok，爽爽地，但麥味唔算好重，撈麵既醬油都幾香堅魚味，但重口味既朋友會覺得淡左d。好勒，第一輪豚肉終於有得食，嗯，其實d肉就無乜味，都係靠點d七味粉先有d味，同埋油份唔夠之後煮菜用，仲要食金菇、南瓜呢d菜，乾到爆。至於個海鮮鍋，好大個喎，4個人食就岩岩好，海鮮都幾多，特別係d蜆，食極都仲有，而且海鮮都新鮮，d蜆無沙的，好乾淨，海鮮多，菜都一樣甘多，好抵食！不過埋單時，好彩朋友睇下張單，明明無叫啤酒，佢地將隔離檯叫既啤酒入左我地數，甘樣唔得囉！

銅鑼灣租金仍是高企，想在此尋找好食，價錢又合理的食店，少之又少，今次終於找到了。店舖不是很大，但環境舒適，坐位寬敞。点了兩款蕎麥麵及幾種小食，試試味道如何。鴨胸蕎麥麵油豆腐蕎麥麵兩款麵湯底鮮甜，麵質彈牙，咬感豐富，份量也多，感覺好满足！汁煮牛脷吉列露筍豚肉淮山雞卷三款小食都非常出色，尤其是汁煮牛脷，肉質鬆軟，很入味，同汁味很配合。總體評論： 滿意！可以再光顅。