鼎·會館 (已結業)

請外地朋友吃飯,見openrice review 不錯，想開得分店，質素應該不錯。誰知！中伏！的起心肝寫第一篇review！總括而言，食品質素平平無奇、服務差勁、環境裝璜老土。 餐廳裝潢、食物質素：電話留座，留推介的‘馬友肚中尋’，每位訂金$300。到埗，餐廳裝潢似廣州荔灣一帶“懷舊風味”酒樓，灰磚白墻加荷花wall painting，白光燈浪費了窗外的中環夜景。 馬友肚中尋的桂花魚蒸老了，裏面的馬友鹹魚肉碎凋零在肚子裏，桂花魚只有淡淡的蒸魚豉油，完全無鹹魚甘香。 肉鬆菜心是大排檔賣相，但味道連大排檔都不如。油膩、菜心不夠新鮮，雖然煲仔上，但吃起來只有微溫，令人懷疑是否用鑊炒完、攤凍再求其放進煲仔扮野。 拆魚羹味道不錯，但放在小碗裏，分量少到每人兩啖飲完，竟然收每位$138。 服務：一行六人喝完侍應推薦的涼茶（$38）後，要求滾水，侍應好久才上一杯，朋友要求也要滾水，又等了良久，才願意上第二杯。只能再次要求，説明每人一杯滾水，15分鐘後來，終于上齊。 爲了避免朋友互相槍單，去了前臺賣單。Reception desk 的部長拿著我的信用卡，連同另外3個侍應，眼甘甘望住等電梯某名人老婆，不

相約了幾位好友，一同聊天聚一聚，這次朋友安排了一嘗鼎爺的味道，本打算私房菜，但早已訂定滿了，得知最近新開了散叫的，故果斷一試。餐廳位於中環站及香港站中間，由地鐵站過嚟大約需時5至10分鐘，十分方便。餐廳位於大廈高層，因此俯視四周，便能看見港島區風景。燒味雙拼， 重點的不是燒味，而是旁邊的那個醬店家配製嘅醬，味道更加出色，味道酸酸甜甜，極為開胃，配合燒味， 更是相得益彰。花膠竹絲雞燉雪梨， 燉湯更是出色一環， 最重要真材實料。 湯碗細細，但味道卻令人大滿足。南非湯鮑扣鵝掌， 一般在飲宴經常吃到，但這次的味道卻大不同，味道絲絲入扣。京蔥麻香燜牛腩， 麻而不辣牛腩，炆得恰到好處，每一口也充滿師傅用心嘅味道。欖仁西芹炒蝦球， 西芹爽脆，蝦球彈牙，兩者配合起來口感極佳，加上適量嘅欖仁，令味道變得更加清新。上湯芙蓉遼參白玉， 最驚喜的就是撩参下的蝦膠， 本來還擔心，味道太清淡，沒想到味道清而不濁。魚湯鮮腐竹稻庭麵， 鮮腐竹豆味十足，魚湯入口，原味十足，最重要配合新穎嘅做法，令稻庭烏冬昇華。懷舊蕃薯糖水，薑味十足，番薯煮得啱啱好，入口香棉。下次一定再食過，鼎爺果然名不虛傳。

鼎會館同之前開果間鼎爺私房菜唔同, 後者係招待圍餐, 而呢間就少數人都可以食到既高級餐廳~今日一行4人黎到呢度, 為既就係一家人食餐好的! 雖然價錢唔算平, 但屋企人都食得好開心難得黎到當然食d好少少既野我地簡左午市套餐每位$698, 主要包左幾款高貴既野食先上呢個用燉盅煲既花膠螺頭竹絲雞湯, 厚疊疊既花膠令人又愛又恨, 真係好唔捨得食佢落肚, 花膠確實地有厚度, 唔係比D平野大家食, 個湯真係好多料~~~~ 至於個燉湯就好似係超濃縮既湯品咁, 咸香十足, 飲得出係好夠火喉而唔係加添加成份, 超好味!! 涼菜孖寶做得好精緻, 雞絲粉皮加上麻辣口味, 不過我地個個都好欣賞果隻醉蝦, 酒香唔會嗆左蝦既味之餘仲食到蝦好甜~ 呢個真係好欣賞上湯焗龍蝦, 真係好少可以係下午食到龍蝦, 今次屋企人相信都係第一次, 龍蝦肉口感厚實, 係用上新鮮既龍蝦, 因為用上湯關係所以味道就較清係鮑魚花菇呀媽!! 鮑魚唔係罐頭野黎, 食落去好有咬口, 不過我自己本身對花菇就麻麻地, 比左媽媽食佢話好厚肉, 配埋個汁好夾小菜簡左2個比較簡單既菜, 欖角四季豆味道好夠, 感覺好有火喉! 入咪得黎但豆唔會炒得過火, 濃

久仰鼎爺之大名，今次能約到朋友一齊到鼎爺中環分店- 鼎會館吃午飯，真的非常難得。燒味雙併燒肉脆口，豉油雞雞肉嫩滑。鮮蟹肉金湯煲仔翅蟹肉鮮甜，南瓜味濃，與煲仔翅味得很匹配。蝦籽海蔘扣柚皮海蔘很鬆化，入口即溶，柚皮很入味。黃金琵琶蝦蝦非常鮮甜，爽滑有咬口。梅菜扣肉扣肉肥肉不多，適合一眾怕肥之人，而且醃得入味，甜甜地很開胃。薑葱頭抽煎星斑球斑球魚味突出，有陣陣的薑葱味。鮑汁章魚雞粒飯飯炒得香口，每一啖都有鮑汁的味道。蕃薯糖水糖水帶清新的蕃薯味，甜度適中。

阿爺廚房就睇得多，呢晚一於同屋企人嚟呢間位於 H Queen's 23/F嘅《鼎·會館》試下鼎爺嘅菜式。餐廳裝修雅緻中帶有中國風味，餐具、裝飾都一絲不苟，感覺高級。餐牌上面開宗明義講明所有菜式講究用料新鮮、時令，而且「全無味精」，令人十分期待。麻香口水竹絲雞 - 已拆骨嘅竹絲鷄十分嫩滑有鷄味，麻醬味醬汁中加有麻辣味，麻香味明顯而辣度温和，兩個味道都鮮明又好夾，配上爽口青瓜條及大葱段，既香口又清新好食！順德拆魚羹 - 味道鮮甜嘅魚羹裏邊加有東星斑肉粒，木耳絲、粉絲，切得比粉絲還要幼嘅紅蘿蔔絲及白蘿蔔絲，再加上香口嘅薄脆，既好食又盡見大廚嘅刀功！竹笙釀花竹蝦扒蟹肉 - 以爽脆嘅竹笙包住花竹蝦，花竹蝦大隻彈牙爽口得嚟帶少少黏口，蝦味濃。配上鮮甜嘅蟹肉羹。鮮味無比！紅燒妙齡乳鴿 - 鴿皮香口帶點煙韌，鴿肉嫩滑帶有鴿香味, 全隻鴿連骨都入味香口，出色！豉香欖角骨 - 豆豉及欖角味之中帶點甜，一字排肉質爽口鬆化，保存到豬肉嘅肉味同肉汁之餘又夠入味，可見大廚嘅功力！花旗蔘湯浸汕頭白 - 以花旗蔘湯中淡淡嘅甘苦味提升汕頭白嘅鮮甜，食落爽甜舒服！順德姑娘炒米粉 - 用料豐富，包括爽口蝦肉、肉絲、三色椒

「阿爺廚房」播出後，很多人都驚訝鼎爺原來煮得一手好菜。今晚終於與好友們一嘗「鼎」級滋味。薄切醬蘿蔔爽脆度十足，酸香開胃。花膠北菇燉菜膽以原盅燉製，湯頭清甜，北菇肉厚花膠梨香炸釀玉帶炸粉薄，以香梨拓著原粒帶子有創意，帶子亦見鮮味。鮮枝竹雲耳豆卜齋醬汁香濃，猶以豆卜最上味，美中不足的是枝竹偏硬。以挖空的火龍果外皮盛著生炒骨、三色椒和紅肉火龍果生炒骨酥香不膩，排骨亦沒帶太多脂肪。侍應替我們每人分好的乾炒牛河肉片腍滑，有很多芽菜，鑊氣甚佳。芋蓉燉鮮奶不會偏甜，燉奶香滑，各人評價不俗。

鼎爺真是聞名不如見面，有幸被朋友相約到23/F屬中環區高樓層的鼎會館，落地玻璃窗，環境光猛，裝潢帶點中國風午市前來有行政午市套餐$498或鼎級午市套餐$698花膠螺頭燉竹絲雞，燉湯夠熱味道夠濃，每啖湯沒有多餘油份，湯內的螺頭及竹絲雞依然有味，而花膠又淋又大塊，剛好秋天是最適合養生的季節，非常合宜涼菜孖寶(酒香活梅蝦/ 麻香口水雞)活梅蝦已經去殼，相信原隻海蝦浸在梅酒內一段時間，入口蝦夠香帶點甜，保留原有肉質口感麻香口水雞，上面是加上芝麻醬的去骨雞肉，下面是粉皮，兩者一齊吃就好像雞絲粉皮mix口水雞，食到最後還有一點麻辣的感覺留在口腔內，欣賞上海焗開邊龍蝦，用上本地龍蝦，只要輕輕從末端拉起，原條蝦肉除之而拔起，肉質肥美爽彈，龍蝦肉原有的味道依然很濃四十五頭吉品伴花菇，套餐內的吉品乾鮑賣相美觀，能輕輕地切下去便知道鮑魚煮得非常腍，入口有嚼頭前菜吃完，我們早已從12款小菜中選了兩款金菇粉絲蒜蓉蒸貴妃蚌，貴妃蚌清洗得很乾淨，上檯時陣陣蒜香，原顆貴妃蚌已脫殼，熟度剛好，底層的金菇粉絲好香口薑蔥頭抽煎星班球，很考功夫的一道小菜，班球還有一點點脆口，魚肉無骨嫩滑，夾雜著薑蔥一起吃，很惹味套餐中還可以

環境舒適，精心佈置，地點方便食物味道適中（我個人喜歡不太喊嘅）每款份量都適合，食完都好飽看以普通，但又別有一番風味！心思千其唔好將「鼎會館」同其他酒家比較，1-服務生 有禮貌，細心（不時入嚟加茶）2- 食品味道好個人口味（我覺得好味）

今日好開心呀!!! 因為BOSS帶左我去我想試左好耐既鼎會館喲!!! 開心好開心呀! 其實鼎爺一共開左二間食店, 銅鑼灣果間就係私房菜, 而中環呢間就係食自選中菜, 真係好期待! 鼎會館係中環H Queen's 23樓, 一上到去就見到鼎爺既紙牌人, 我同同事一齊去左揾佢影相打咭, 好開心~~ 由於事前知會係度食飯, 所以我呢幾個星期都特別留意TVB鼎爺既節目 諗住係電視度見到有咩好食同埋想食, 就係度Order了, hahahhah~~~ 鼎會館環境真係好靚, 每個細節位都盡見心思, 除左天花有大大盞靚靚水晶燈外, 每張枱和登設計都好有時代感, 而且相當有氣派 當然最吸引梗係無敵大夜景啦~ 係度食飯真係盡顯氣勢呢~ 仲有, 呢度既服務員服務態度超認真, 而且相當友善, 個人覺得係度食飯係一個好好既dinnig experience! 坐好後, 我們點了菊花, 茶葉清香撲鼻, 淡淡的飄來菊花香, 好舒懷! 看了會餐牌, BOSS 果然考我這裡有什麼必食和好食, 好啦, 就由我發板! 我點了: 秘製火焰叉燒、懷舊蝦多士、花膠杏汁燉白肺、蔥香梅菜皇燜和牛肋骨、 北京片皮鴨、生菜

平日在電視看鼎爺煮小菜就多，今天終於有機會來到鼎.會館吃飯。 位於中環的鼎.會館，地方就腳，沿香港站或中環站步行不到5分鐘就可以到達。 而餐廳的佔地挺大，裝修雅致，巨型蓮花水晶燈，沙布屏風的四合院設計，氣氛古典優雅。 花膠杏汁燉白肺曾經在電視看過鼎爺教煮白肺湯，知道是「功夫」及程序多，白肺湯湯底濃厚，帶有杏汁香味，而豬肺軟淋，花膠黏稠富膠質，喝後非常滋潤。 懷舊蝦多士多士俾想像中有點軟身，不過，蝦肉大大隻非常彈牙，配上酸酸甜甜的醬汁，吃後非常開胃。 秘製火焰叉燒待應即場在我們面前，將叉燒燒熱，再淋上玫瑰露點火，紅紅火焰將叉燒燒香，連帶叉燒上的糖面亦一拼燒得香脆。 叉燒即燒即吃，送上來時還是熱辣辣，叉燒還帶有點點燒烤香味及焦香，叉燒外脆內嫩，蜜汁亮澤，味道香甜，半肥瘦令味道更香濃，充滿豬油的脂香味。 蔥香梅菜王燜和牛肋骨 這個牛肋骨的味道非常好，有點像平日媽媽煮的牛腩，牛腩嫩口，肉味濃郁帶脂香，吃時與蔥香梅菜一同放進咀裏，令鮮美味道提升。 北京扁皮鴨 店員戴上白手套，將原隻赤紅的烤鴨，從上而下的切下，不用一分鐘，就將全隻脹卜卜的烤鴨切成鴨片。鴨肉充滿油香，外皮鬆化，內層嫰滑不

終於約到朋友來到大名鼎鼎的鼎爺餐廳吃飯，這次我們選擇的是新店會館而不是私房菜，沒有高貴的昂貴菜式，吃的都是平民的中菜，但從用料配搭、煮法和調味，都能嚐到與別不同的味道，給味蕾一個新的體驗，好廚師就是平凡中要帶出不平凡。順德巧手桑拿雞見到有不少枱都有點這個菜，我們也叫了一個桑葉溫泉雞，用桑葉做底蒸著薄薄的去骨雞肉，桑葉的味道滲入雞片中，味道清香，配合著雞的鮮味，別有一番風味。原來特別之處是用濃濃的雞湯去蒸雞，沒有想過這做法，而每人亦分到一小碗超濃郁的粟米紅蘿蔔雞湯，比家中的老火湯更夠火候更美味，無味精。鬼馬牛肉之後來了個炒牛肉，牛肉要炒得好，火候是首要條件，再來才是牛的質素。牛的熟度剛好，不會太老，輕輕見到一點紅。牛的質量也十分好，嫩滑又鮮味，似乎並非普通街巿買來的手，牛味不錯，而且份量不少。配菜同樣美味，馬蹄、西芹我都很喜歡，還有脆如薯片的油炸鬼片，很特別。豉椒味菜蝦球炒稻庭烏冬今晚我們選擇不吃飯，而吃一個炒烏冬，看上去是普通的豉椒炒烏冬，但看真它用上上級烏冬，幼細而彈牙，不會有麵粉味，而且滑身得來有咬口。用上鹹酸菜又大片又爽，酸中帶甜，不是平時買到的貨色，加上份量不少去殼爽口的蝦球，

今天晚上是慕名而來，一直很想品嚐一下鼎爺煮野食有多厲害。餐廳比我想像中小，但坐位之間不擠逼。牆壁上是手繪蓮花，中間掛了水間蓮花燈，很有氣派。鼎爺的人像紙牌眼神充滿殺氣又帶點柔情鮮蝦火鴨腐皮卷的外皮香脆不油膩，蝦肉彈牙爽口。賣相精緻。花膠鮑參海鮮酸辣湯刺激了我的味蕾，第一口覺得辣，愈飲愈好味，辣味和酸味的分配剛剛好，辣味不會搶去酸味，材料名貴，味道一流。堂灼牛頸是和牛，脂肪分佈平均。輕輕灼一下即可，配上加了京蔥的醬油，味道出奇地配合，和牛質地非常軟滑，但不是滑口油的感覺，不會油膩。橙皮麵醬燜黑豚肉的橙皮味道甘香，豚肉的肥膏口感QQ，麵醬味道較濃，配白飯最好。鬆化吊燒片皮雞有青瓜，鵝肝醬，雞肉，多士，一口咬下去有多重口感。中式食材變成西式食法非常有趣。兩味芥蘭煲超級香噴噴，比較濃味，要配白飯。鮑魚雞粒有味飯有很多鮑魚，軟林林的。有味飯的口感很煙un。很大煲。最後是南瓜露，新鮮的南瓜蓉很軟綿綿，南瓜味不太甜，加上琉璃珠豐富了口感。

同朋友去左鼎爺開既飯店，一到步大大個”鼎”字做玄關位置，而且仲有鼎爺紙牌可以合照。揀選左行政午市套餐$498一位。燒味雙拼，燒腩仔皮超正。鮮蟹肉金湯煲仔翅，好足料，一啖蟹肉一啖翅口感層次好豐富。蟹籽婆參扣柚皮，海參好重骨膠原，柚子好腍應該要用長時間煲。上湯芙蓉遼參白玉，遼參比海參口感更彈更爽口，包住左入面仲有蝦滑，超彈牙。千島汁脆蝦球，酸酸甜甜，又脆口又彈牙，口感一流。瑤柱浸時蔬，成碗湯都係瑤柱，又大粒又厚，好爽口。腐竹河粉，清甜幼滑。蕃薯糖水，大大舊蕃薯，好腍，糠水好甜而且濃郁既薑汁味，吞落去喉嚨仍然有餘韻。

媽咪生日，屋企成員當然要請媽咪食餐好既，見媽之前經常睇阿爺廚房就帶佢去食下先，揀左行政午市套餐($498/位)。蟹肉金湯煲仔翅，翅同蟹肉一齊食口感好正，湯都好濃味，好好飲。燒味雙併，燒肉皮超脆口，點介辣永遠都係絕配。蝦籽婆參扣柚皮，柚皮煲得好腍，口入即溶，海參口感彈彈下好骨膠原。上湯瑤柱浸時蔬，瑤柱共有8粒，粒粒都好大粒好厚肉。上湯芙蓉遼參白玉，每位加$180，比海參更矜貴，可能有軟刺既關係，食落口感更豐富。紫晶千島汁脆蝦球，好香脆，包括伴碟既葉食落都有d似紫菜口感，千島汁味道調較好惹味。腐竹用上上等材料，食落好滑，湯底帶清淡，可中和返味蕾，作為整餐飯既結尾就最好不過。

今日同男友託到母親大人既面子，有機會食到鼎鼎大名既鼎爺廚房：鼎.會館一出電梯，就見到成層都係鼎爺間餐廳，裝修非常高級，有曬中國所有既古典美包括屏風、蓮花畫、流蘇等元素因為係跟住屋企人黎，所以食乜都唔洗我同男友諗😂媽媽最後嗌jor個午市套餐第一道上菜既係鮮蟹肉金湯煲仔翅，食到好濃香既南瓜蓉，同埋食到啖啖蟹肉，好味啊😳夠新鮮‼️而且仲有勁大搭魚翅係頂，絕對係拉開了高級鼎爺佳餚既序幕‼️第二道則係燒味雙拼，分別有燒腩仔同燒雞；每道菜上黎佢都會幫我地分好曬，服務非常好。幾乎係每台都有個專人服侍，由上菜、分菜、倒茶全部都唔需要自己動手👍🏻👍🏻第三道我覺得最特別！叫蟹籽婆參扣柚皮無錯，真係柚子皮既皮。成道菜炆到婆參同柚子皮都非常軟糯，而且柚皮一啲都唔奇怪，反而配以海參汁好夾，而且好清新，我覺得哩到送最正同最特別之後則有兩味🦐以及梅菜扣肉作為自選菜式系列。🦐分別係紫晶千島汁脆蝦球同埋阿爺黃金琵琶蝦（哩味係我向老媽子申請落order既菜式）因為佢既英文有egg yolk～即係鹹蛋黃蝦球，我好想試下‼️果然正啊，佢既鹹蛋黃味非常濃啊！一人一隻蝦球，絕對唔會太熱氣🥰最後更有一碗濃湯烏冬同蕃薯糖水作結尾，整頓份量