Burgerman (埃華街) (已結業)

鐘意食漢堡既我來到大角嘴呢頭，咁啱見到間burgerman,就唸住同朋友入去食個包，吹下水。呢度雖然細細地，但鋪頭裝潢及style好有外國風味，餐廳也是屬於香港人的味道，相信大部分港人會喜歡。所有漢堡都是即叫即製，我們order左一個丹麥藍芝士漢堡及一個鵝肝和牛漢堡，配埋combo set,有埋汽水及薯格都係➕$20，好抵。兩個漢堡都係安格斯牛肉，肉質鮮嫩夠肉味，而丹麥藍芝士的芝士味特別香濃，鍾意芝士的朋友真係要試下。鵝肝和牛漢堡就更加唔洗講，真係正到爆，厚厚的香煎鵝肝，真係又香又滑，細細舊放入口慢慢嘴爵，鵝肝的香味留在口腔，再加上一口和牛，真係絕配。大家鍾意食漢堡的就一定要來這個漢堡專門店食漢堡啦。

朋友平時最鍾意食肉，今日就黎到大角咀既Burgerman滿足佢呢隻食肉獸既願望👀呢到有好多款式既漢堡包可以選擇，午餐時段仲有四款包可以跟餐，配埋薯條/田園沙律同飲品。我哋分別揀咗鵝肝和牛漢堡同水牛城雞肉漢堡開心 share食，漢堡包嘅份量對於我地呢兩個女仔黎講真係唔可以睇少，食到勁飽呀。我個人極力推薦鵝肝和牛漢堡，雖然價錢比較高，但勝在食材優質。麵包口感微脆，鵝肝香濃惹味，和牛經烹煮過後仍然保持到大量肉汁，加埋番茄同蔬菜減膩，成個組合都幾出色。水牛城雞肉漢堡口味好特別，入面有大量酸酸辣辣既醬汁，食落好醒胃，雞肉份量都幾足。不過辣度對我黎講都幾高👅漢堡包係即叫即製，到手時仲係熱辣辣，唔錯。

天氣不太好的一天，餓底決定要吃好西來cheer up一下自己，就吃 comfort food 漢堡包啦！豪氣地點了個至尊漢堡，再搭配薯條，邪惡到那世界邊端！至尊漢堡有兩層肉及多款夾料，高約十幾厘米，令人垂涎！咁大個，要分開兩半食！(利用小店提供的手套，乾淨又衛生）漢堡扒夠juicy鬆化，伴隨磨菇芝士煙肉＆蛋，美味！還有那堆偏粗身連薯皮的薯條，炸得酥脆，有一級棒的水準，即使再飽也能全部KO！餓底勸閣下，來到吃漢堡包別配沙律，一定要配薯條，精髓所在！

成日都知道旺角多好嘢食但係今次嚟到大角咀附近 呢度住宅同商業大廈都多但係平時就唔覺有咩特別嘢好食 今次經過見到呢間漢堡包店就入去試吓啦😋鵝肝和牛漢堡$133🍔平時超級市場就咁買返鵝肝大大塊都要百幾蚊今次呢個漢堡包又有牛又有鵝肝呢個價錢我都覺得算合理 咬落去鵝肝好Juicy 煎到啱啱好 食落口就係個口到化開 加埋有啲質感嘅牛肉 同埋溶溶地嘅芝士 口感都幾豐富 另外食得出佢嘅漢堡包係有用牛油煎過嘅所以比較脆丹麥藍芝士漢堡$68🍔🧀+20薯格可樂藍芝士食落去有啲似羊奶芝士 🧀芝士嘅味道比較濃烈 如果係芝士愛好者可能會好鍾意呢隻味 但係有啲會有抗拒濃味嘅人士可能就選擇另一款比較好啦 自己就比較鍾意食芝士 所以就覺得呢浸濃烈嘅芝士味好正加埋溶咗嘅芝士同埋和牛 真係唔可以同平價快餐店比另外我哋兩個人只係加咗一份暑假但係都已經夠食啦 份量幾大 最值得讚嘅就係佢嘅外皮炸得脆卜卜 係我最鍾意暑格嘅口感 大家如果嚟到一定要試吓佢嘅薯格🍟總括嚟講大角咀呢間漢堡包店 雖然座位少咗啲但係嘢食係即叫即整嘅幾新鮮同埋質量都幾好 同佢嘅價錢成正比性價比都高 另外都有好多款特別嘅漢堡 鍾意食漢堡包嘅朋友唔可以錯過

已經唔係第1次食 貪佢選擇多 淨係日本牛都有宮崎神戶同飛驒牛等等 當然唔少得有豬魚雞for唔食牛嘅人。店面好細 經常要等位 呢晚好好彩 唔洗等直入😆叫咗兩款：日本宮崎牛漢堡日本飛驒牛漢堡個人比較喜歡宮崎牛嗰個 比較juicy而且肉味濃啲坦白講呢度嘅burger真係好大份 女仔未必食得晒一個呢。另外有散叫亦有combo 去到記得睇清楚menu😊

Burgerman #大角咀❗️抵食漢堡包❗️仲好記得中學嘅時候曾經特登出去深水埗食呢一間漢堡包，當時已經非常出名，冇諗過相隔咁多年水準依然👍🏻佢哋仲覺得個OpenRice 開飯熱店🏆！今次嚟到大角咀呢間分店，雖然都唔算大，但比深水埗舒適，多少少位亦鬆動啲。餐廳主要售賣漢堡包🍔除咗經典牛肉漢堡扒之外，仲有雞肉、軟殼蟹等等，就連牛肉漢堡扒都有分唔同等級嘅牛肉，最頂級嘅仲有鵝肝和牛添🤩！不過始終覺得將牛肉整成漢堡扒之後唔會食得出太大分別🙈所以都係揀返最普通嘅牛肉漢堡包，雖然話係最普通，但其實都幾好食😋。至尊漢堡 $88 + $20 set 呢個至尊漢堡超足料🤩有兩大塊漢堡扒，配上番茄🍅生菜🥬芝士🧀煙肉🥓，非常豐富。漢堡包烘得好香脆。漢堡扒亦都幾重牛味，有少少汁。$88來講有咁大個漢堡包配埋薯格同埋飲品都幾抵食👍🏻不過如果個漢堡包可以再juicy少少/加多少少汁就更加perfect！另外我哋仲加咗$20要set，有得揀薯條、薯格或者沙律，同一杯汽水。今次揀咗薯格，薯味重又香脆，食埋都真係幾飽！味道:4/5性價比: 4/5整體來講鍾意食漢堡包嘅人可以一試啊，絕對唔會令你失望。

今天去了一家漢堡包店Burgerman 吃下午茶地點不近地鐵站但不算偏僻附近好多巴士小巴站地點十分方便店鋪比較小十幾個便坐滿但座位尚算坐得舒服顧客之間亦有足夠位置因為第一次光顧看到每款漢堡都十分吸引我進去便問店員哪款是受歡迎的漢堡店員向我簡單介紹後我直接點了這個和牛漢堡餐餐有甜薯條跟一杯飲料漢堡份量適中偏小不會太飽濟價錢大約130元味道有濃濃的牛肉味口感一流牛肉嫩滑沒有柴柴的口感甜薯剛出爐十分脆口而且不會因為放久而變軟值得一試值得讚的是每張餐枱附有手套盒子方便客人免弄髒雙手店員服務態度不錯臨走時會向客人表示歡迎下次再光臨地址：大角咀埃華街95-97號地下

之前同朋友一齊去左食野marathon😂第一站就去左食依個大大個足料得獎🍔========================至尊漢堡 $88作為burgerman招牌依個Burger份量認真大大個，要兩隻手擘大大先拿得起🖐🏻burger入面點少得完全唔吝嗇嘅雙層牛肉漢堡扒、壓蛋、煙肉🥓、蕃茄🍅、同芝士🧀麵包經烘脆過，食到外脆內軟嘅口感，食得出厚度適中嘅牛肉漢堡扒多汁又juicy，見到入面粉粉地色唔會overcooked太老🥩跟餐要左薯格，脆脆地又唔太鹹========================📍 Burgerman (大角咀)大角咀埃華街95-97號地下========================

今日在大角咀附近「搵食」，經過一間貌似酒吧的店，想不到原來是一間十分有驚喜的burger小店！店內座位不算多，但漢堡款式就十分多，而且可以自由疊加額外配料。除了漢堡，還有多款小食和意粉，很容易有選擇困難症😂我們最終點了兩款招牌漢堡，分別是至尊漢堡和特級黑松露和牛漢堡，其中一個升級了套餐，有超級香脆的連皮粗薯條和漢堡的最住伴侶──汽水！特級黑松露和牛漢堡，一咬下去已經嚐到濃濃的黑松露味，廚師一點也不吝嗇地落料😆和牛非常juicy，一咬就是滿滿的肉汁和油脂香味，而且重點是包覆著牛肉的芝士，濃郁兼且有拉絲效果！底層的蔬菜不是生菜那種「行貨」，而是翡翠豆苗配上日式芝麻醬，令漢堡添上一層清新的感覺～至於份量十足的至尊漢堡，有加倍的牛肉漢堡，肉汁、香氣都是雙重享受！牛味十分香濃，加上煎得香脆的煙肉片、炒香的簿片磨菇、番茄、煎蛋、芝士片，組合起來由外至內就是超級經典的一個漢堡，完全滿足到我的漢堡魂！餐廳還提供了手套，不論從衛生抑或方便食客的角度，都是十分體貼的安排，加分加分！我們已經決定下一次再來時，要點什麼款式的漢堡啦😌

“HK 10 best burgers” by lifestyle Asia! 見到呢個介紹都知道呢個漢堡包餐廳唔野少，喜歡食漢堡包嘅我當然唔會放過，店舖細細只有十幾個位，裝修佈置都好像美國的漢堡包店。以我經驗通常呢啲細小店舖的食物質素都會有所驚喜，因為店主會用心創作和製作佢哋認為完美嘅漢堡包！唔會好似連鎖式漢堡包店般行常作業！餐牌上有十幾種漢堡包選擇，我當然參考有店主推介的漢堡包呢！其實款款都非常吸引，很難選擇，最後我揀選了其中一個邪惡選擇「特級黑松露和牛漢堡🍔」（$103），聽個名都知好食，另外加$20就可以做套餐，可以有一罐罐裝汽水以及一個伴碟，我比較怕肥所以就揀了田園沙律。等了幾分鐘漢堡包送上，賣相果然不錯，麵包感覺鬆軟，而且上面有黑白芝麻點綴着，脹卜卜的很是吸引，一食落去⋯嘩！果然非同凡響！首先麵包軟熟鬆軟，而且有烘過！餡料方面和牛係店舖用日本穀飼和牛自己製作的，鮮嫩有牛味，而且充滿肉汁，咬落去肉汁會滴出來，夾上意大利provolone芝士的香口，真係十分惹味！而那塊煎蛋中間是半生熟的，更加加強左佢嘅邪惡感！加上沙律菜苗點綴一下，可以減去油膩感！而最後重點就係加上芝麻醬汁，令

放lunch緊係要搵食，太耐冇食過burger我就唸都冇唸過直接入去了，餐廳細細間但環境design同decoration幾有西部feel，我點左個漁夫之堡，加20蚊變套餐，薯角，薯格同田園沙律三揀一再包罐汽水，全部漢堡即叫即整所以大家黎到要稍等一下，漢堡size幾大，麵包烘得恰好而且較厚身，個人喜歡食厚麵包，魚柳好厚頗大塊，炸得香脆，但同時保持到魚柳既濕潤，唔會乾爭爭，他他醬酸酸地減低油膩感又好味，蕃茄同生菜都好新鮮，爽爽聲，薯格好惹味，唔洗沾醬都夠曬味，但係客人如果想沾醬，枱面既微辣千島醬就好好味！

呢日約咗舊同事食個快飯，交換一下最近嘅情況，我地約咗喺埃華街，呢頭真係好多食肆選擇。經過呢間漢堡店外，聞到大量香氣傳出，忍唔住停低望下menu，漢堡選擇都唔少，加$20升級漢堡套餐，仲可以揀有皮薯條/薯格/田園沙律及罐裝汽水。價錢合理，值得試試。✨和牛漢堡 $78+薯格和牛煎得好香，外層略帶焦香，內裡肉汁爆瀉，牛味香濃；漢堡包熱辣辣，外脆內軟😋薯格炸得好香口，脆卜卜得嚟，外表朝身，唔會油淋淋，好正！✨至尊漢堡 $88+有皮薯條至尊漢堡啱哂我呢啲食肉獸！🤤🤤兩大件厚漢堡，加上香脆煙肉同煎蛋，配埋芝士，蕃茄，生菜，蘑菇，十分滋味！咁足料都係88蚊，性價比好高！我地仲每人加20蚊轉咗飲品做snapple😍除咗茄汁，左邊呢枝辣醬都好正！

連番几日早班身心疲累，下班後決定自己去Burgerman食個大漢堡慰勞下自己🐌Burgerman既漢堡出名大隻多料🤤所以我食一個burger已經飽曬🐷最後食肉獸梗係叫番個食肉獸必選-至尊漢堡🍔為食餐單: 至尊漢堡🍔 $88(加煎蛋🍳+$8)有雙層芝士漢堡、炒洋蔥絲、磨菇絲、煎蛋、煙肉、蕃茄、生菜🤤我仲加多個煎蛋黎個雙蛋漢堡，夠曬滿足😍兩塊厚肉好juicy好多肉汁，再加滿滿半溶芝士，好好味🤤煎蛋一切就流出蛋槳，最仲意食半熟既流心煎蛋😍煙肉大大片，咬落好香煙肉，好襯依個漢堡👍

一直都掛住呢度啲Burger🍔都幾耐冇嚟嘞，終於機會嚟啦飛雲！今日出開嚟大角咀做嘢，梗係要再食啦🤤🤤漁夫之堡：呢個名真係改得好！魚柳炸到金黃色外脆內軟，車打芝士香噴噴，加埋「特式」他他醬酸酸甜甜的確好味😋呢個醬我係其他地方食過都唔及呢度正👍🏽鵝肝和牛漢堡：鵝肝和牛聽個名就夠晒邪惡啦！鵝肝煎到好香離好遠都已經聞到🤤🤤店員話佢地用特別方法煎㗎！醬汁方面用上無花果黑醋味道香甜...酸度醇厚溫和，香滑嘅醋汁响舌頭上綻放香味同時中和返鵝肝嘅油膩感💯和牛juicy無得輸！一咬就爆汁...好彩我有用餐廳提供嘅手套🧤😆😆

奧海城附近有一間好出名既burger餐廳叫burgerman，聽講有鵝肝食，所以試下。環境好有美國風，外國格調。另外要讚一讚餐廳既防疫措施做得非常好，有準備即棄手套同埋消毒酒精。背景播住呢排新出既英文歌，令人彷彿置身美國大街食burger一樣。全部職員都有戴口罩，而家好有禮貌。我叫左個鵝肝和牛漢堡餐153$配即炸薯格同埋zero，真心非常推薦。人生第一次食鵝肝和牛漢堡既配合，估唔到咁夾。鵝肝既香加上和牛既肉汁同油香，真係超值，鵝肝仲要大大舊，而家諗起都流口水。