Chalet (已結業)

疫情開始緩和, 所以便約朋友出外食晚餐成日搭車經過都會見到CHALET 因為就在IKEA對面,地理位置很方便 今次點了一個SET DINNER SHARE 食再散叫了一些食物SET DINNER 的頭盤是煙三文魚牛油果芝士卷和羅宋湯配麵包煙三文魚配芝士味道很配合, 也不易膩而羅宋湯味很濃,飲得出落了很多蔬菜最有驚喜是個麵包麵包外皮好香脆,入面好軟單食都好好食主菜點了豬肋肉豬肋肉的份量都多的,配埋個BBQ醬都唔錯而甜品每日都不同今次是椰汁奶凍椰汁味好濃,喜愛這味道的朋友應該會OK但小編不太愛椰汁味,所以評價普通另外,散叫的食物有蟹餅,甜薯條和青口配麵包之前在網上都睇過好多好評評價是關於蟹餅所以要試一試果然正如網上評論蟹餅味道好香濃,啖啖蟹肉食入口好正而且外皮煎到好金黃,食入口仲有脆脆的口感而甜薯條味道OK,但比較咸鹽的份量多了一點最後,青口配麵包又是配餐湯的那種包真的好好食 一定要食喔青口份量都算合格而且大大隻配上辣辣地的蕃茄醬都已經好食整體而言,CHALET 的食物質素和侍應的態度都好好,有80分以上大家可以前來一試

今日與朋友二人相約荃灣食一間有情調的西餐廳， 餐廳內分了上下兩層， 我和友人比安排了坐在上層， 雙層位置寬敞，設有梳化。 餐廳內有多款食物，今次我便選擇了兩款主食 ，第一款是西班牙傳統烤乳豬和 第二款是炭燒澳洲羊架， 餐廳內侍應亦都很細心，會主動推介各款物，其次每款主食亦都可供四至五款小食作為額外選擇，而我們選擇一款花苗和薯條， 由於餐廳採取即叫即做，所以烤乳豬等大約要十分鐘， 但等待是值得的， 乳豬肉質肥肉均勻 ，外皮燒得香脆，加上亦都有醬汁給兩款吃法， 其次還有薯蓉作為伴碟；炭燒羊架 侍應主動提議我們選取幾多成熟，十分細心，今次我們選擇了七成熟 ，食落去肉質鮮嫩， 賣相精緻， 咬落去不會太粗嚡， 很多人會害怕廚師的處理後會有羊騷味，但這次烹調不但沒有， 反而炭燒味道恰到好處，其次兩款小菜菜苗和薯條 保持良好水平， 蔬菜賣相亮麗而且保持翠綠 ，薯條亦都香脆， 不會放太多醬汁， 恰到好處。 飲品方面， 我和朋友分別叫了一杯酒和一支有氣梳打水，今次晚餐十分滿意，希望各位朋友可以一試。

朋友之前試左話覺得吾錯推介呢間餐廳俾我的！上網見到環境幾靚，所以亦選擇左呢間西餐廳同男朋友慶祝，果然冇介紹錯啊😍!食物（特別是係海鮮類）新鮮有水準，環境幾舒服，而且侍應服務態度一流，係飲酒傾偈同談心嘅好地方啊！餐廳以木屋為主題，好有格調！牆身有啲植物襯托，影相一流啊！在日照時間黎打卡一定好靚，而晚上配上燈光亦幾有feel🥰美式燒烤醬豬肋骨配炸芝士沙津$298 套餐豬肋骨烤得恰到好處，一絲絲嘅豬肉吾會乾，而且啲肉唔會黐實骨嘅部分！好輕易就食到，配埋甜甜的燒烤醬好惹味，推介。側邊仲有即炸嘅拉絲芝士條😋😋😋跟餐有一個西蘭花白湯配麵包西蘭花味道好濃郁，而且好特別！坊間好少有呢種餐湯，味道好驚喜！搭配軟熟嘅麵包作為餐湯好出色！真係連餐包都覺得好味😋煙三文魚牛油果芝士卷煙三文魚卷入邊有吞拿魚，牛油果，並以三文魚籽作點綴，三文魚籽新鮮無腥味，前菜做得好，令我更期待之後的主菜煙燻帶子海膽意粉配木魚花泡沫呢款泡沫好似份子料理甘靚，拍卡必點🥰。而且唔係得個樣，味道亦出色！首先全部海鮮都好新鮮！帶子大大粒好香煙燻味，另外仲有一塊海膽係面，好鮮甜！意粉彈牙唔會太淋，海膽汁配意粉味道濃郁，呢個主菜值得encor

因為疫情關係，很久也沒外出用餐。今次揀了一間在荃灣的餐廳，很有意思，它的名字「Chalet」，有指是小木屋的意思。一進去之後，裝修不算豪華，不過佈置裝潢真的很有木屋感覺，像置身於外國餐廳一樣。未用餐已經很期待美食！我們沒有點set dinner，只散叫一些食物。我們點了龍蝦湯，味道十分濃厚，龍蝦香味好突出，蝦肉都幾多。特別一提，個包非常好食！差啲想問下有無得散叫個包香茅辣椒煮大蜆非常惹味，有種泰式風咪，份量幾多，鮮甜得嚟又爽口，個汁都忍唔住飲曬傳統西班牙烤乳豬，乳豬皮香脆不油， 脂肪溶口而不肥，肉質非常嫰滑cocktail 我們點了gin and pear 非常清香，酒味不濃，岩我呢d想飲少少嘅女仔餐廳氣氛好好，個晚黎親都係一對對，而且服務甚佳，價錢雖屬於中上，不過亦會再次光顧

小木屋一間餐廳裏面裝修真係好似一個木造以一個傳統優雅嘅裝飾氣氛非常之好坐低同朋友一齊chill下.❥ ❥ ❥美國頂級西冷牛扒12安士 我哋諗好咗叫左set dinner  牛扒7成熟，一嚟到枱見到好厚肉肉質好嫩重牛肉味，7成熟啱啱好，旁邊會入車厘茄味道帶一點酸好開胃，高水準牛肉煙三文魚牛油果芝士卷煙燻過三文魚捲入牛油果仲要加咗埋芝士，我個人少食三文魚同牛油果，出奇地牛油果唔會太流，淡淡芝士味有少少鹹味口感好豐富帶出到三文魚嘅鮮味麵包布丁最後加咗個甜品🍮麵包好重牛油味銀上面嘅芝士口感好豐富呀黑松露薄片意大利飯配美國大蘑菇牛肝菌泡沫我真係好鍾意黑松露，必食呢碗意大利飯大大件蘑菇頂層做咗一層好有效果增加視覺感，我忍唔住真係要試吓加咗大蘑菇之餘同牛肝菌非常香濃，但又唔會搶咗黑松露香味，意大利飯軟硬適中，包着忌廉簡直係我意想不到，一淡食落口好多層次呢個簡直Perfect芝士蛋糕今次gathering係朋友生日，我就叫咗件蛋糕朋友慶祝，蛋糕旁邊可以寫上名字畫得好靚，真係俾咗一個surprise講吓個蛋糕先口感厚重、軟綿柔滑、份量札實嘅芝士蛋糕🍰真係幾

疫情終於稍為平穩真的令人很開心🤭很耐沒有外出食飯😭所以今次一定要好好慰勞自己🤩在愉景新城附近看到一間很有情調的西餐廳🍴被它優美環境吸引了!入座前店員先幫你探測體溫令你食得安心👍服務質素得好店員十分有禮令我留下美好印象！環境很有情調很舒適感覺很放鬆🌹南瓜湯🎃南瓜味很濃郁入口順滑很不錯😋Passion⭐️賣相很可愛😍拍照打卡一流!味道酸酸甜甜好開胃而且冇酒精很適合女生。煙三文魚牛油果芝士卷⭐️肉質嫩滑帶點煙燻的香味,不會過鹹口感豐富！香煎鵝肝配蘋果蓉⭐️煎得香口油脂豐富多汁,加上蘋果蓉可中和油膩感配搭很好👍而且性價比很高只需$88推介！帝王蟹餅配蛋黃芥末醬⭐️擺盤很美很吸引😍一切開全部一絲絲蟹肉😋外皮炸金黃香脆令人一口接一口很滿足👍美式燒烤醬豬肋骨配炸芝士沙律⭐️豬肋骨烤到焦香,肉質柔軟多汁分量很大很飽肚😋味道有層次!是日甜品⭐️

香港最近政治問題，又因為肺炎令到人人心情沉重，加上去唔到旅行，令大家係香港豪洗既意欲大左😂今個weekend同男朋友去左荃灣睇戲shopping累累地想搵間有情調既餐廳同男朋友浪漫🌹咁食個晚餐，傾下計☺️見到Chalet食評唔錯，而且幾有情調，就決定試下😍一去到已經即刻心心眼，餐廳🍴好別緻，睇得出有心思去報置👍🏻裝潢係森林、復古風格🌲🌳🌿🍃木門、石牆、吊燈營造優雅既用餐環境我地去到既時候都已經幾爆場，我地坐左係兩人高枱，尚算舒服😌員工非常有禮友善，很細心，會貼心留意客人需要👍🏻餐牌既設計都別出心裁，drink menu係木桶設計，非常可愛食物飲品選擇種類頗豐富，無論湯、前菜、主食、甜品都有好幾款俾人客揀👍🏻我地睇左陣，叫左一個set dinner、一個main同一杯mocktail🥰🥰🥰Day of the soup係椰菜花忌廉湯入口就知道非常真材實料，啖啖都係滿滿椰菜花香伴隨淡淡忌廉奶香，口感濃厚綿密☺️☺️☺️將湯上既香草拌勻再飲別有一番風味，加左淡淡香草味令層次更上一層樓👍🏻配既餐包口感非常好，軟糯之餘亦有啲咬口個人偏愛呢種軟糯既軟包😍配湯食一流前菜係煙三文魚牛油果芝士卷😍一睇啲材料就知

👧🏻😋👅🍽✨.✨Service接近最高規格西餐標準✨反應快又有禮貌✨員工勁熟啲野食.🦀🍲🧀法國麵包蟹燴意大利飯 $248✨個意大利飯勁多蟹肉✨配左脆芝士片食豐富口味✨汁濃食落creamy但唔漏.Set Dinner $308.🧅🍲 是日餐湯洋蔥湯✨甜甜甜！✨個包好新鮮好脆.🧈🌷🦐鮮海膽櫻花蝦慕絲 餐另+$58✨冇得輸！一定要叫！✨Mousse好幼滑✨海膽殼裝Mousse，加上櫻花蝦，好海鮮！.🇫🇷🦆🍣🥗 法式油封鴨腿配半熟吞拿魚嫩菠菜沙律 ✨黑醋同菠菜都係暖身，帶出清甜味✨半熟吞拿魚有煙燻味，質感鮮嫩✨油鴨脆皮、多肉，肥既該肥瘦既該瘦，鹹度適中.🍞🍮是日甜品麵包布甸✨比常見既麵包布甸滑身同濕身啲✨對比每樣120分既item個布甸的確少少失色，但包落個餐度都係抵既.🍸🍓🥚 Sour Girl $108✨重莓味有莓肉✨面果層蛋白泡好重，連cocktail飲好有順口✨面有玉桂粉好夾好夾100分.#荃灣美食 #荃灣好西 #hkfoodie #tgead西式 #chalet

疫情好番啲，晚市都放寬左，可以去食餐好既。一入到黎，侍應會幫手度體溫，再安排位置。呢間餐廳燈光比較暗，如果想坐啲光啲既位，book位既時候都可以講定。.我地嗌左一份set dinner，另外再嗌左份羊架。Set dinner黎講都算抵食，有是日餐湯、頭盤、主菜同甜品，都係大約$300。.Set dinner既湯係南瓜忌廉湯，配一塊麵包，麵包暖笠笠，沾湯食好正😋.頭盤係煙三文魚果油果芝士卷，芝士岩岩好中和到煙三文魚既鹹，牛油果令口感好creamy。主菜方面就揀左ribs，加左份甜薯條。份ribs都幾大份，share食就岩岩好。肉質嫩滑，唔會煮到口感好柴，個bbq醬都岩岩好！份ribs仲配左兩條炸芝士，鐘意食芝士既你一定唔可以錯過！拉絲拉到過對面檯都仲得🤣份甜薯條都好出色，好香蕃薯味，灑左少少鹽好惹味。另外散嗌左份羊架，有四件，7成熟。羊架煮得岩岩好，個邊脆脆地咁，好重羊味。鐘意食羊架既朋友要試下！仲擺得好精緻！到左甜品啦，今日既甜品係焦糖布丁蛋糕，唔會太甜，焦糖燒到脆脆地，個布丁蛋糕就軟林林，食落好有層次。有個甜品埋尾就perfect🤤.總括黎講，呢個餐廳氣氛好好，岩哂黎慶祝生日或者聚會

我哋今日發現咗依間環境幾靚幾幽靜既餐廳 試咗個set dinner 餐湯-南瓜湯好creamy 飲落除咗南瓜味之外 仲有甘荀既甜味Set dinner （Main）-油封鴨腿配配吞拿魚菠菜沙律油封鴨髀既皮用焗既方法達至金黃色 鴨腿肉好嫩滑 肉質嫩滑得嚟又唔會感覺太鬆散 🤩🤩食落完全無油膩既感覺 配埋黑醋沙律好夾👍🏻👍🏻👍🏻另外仲試咗傳統西班牙烤乳豬乳豬皮烤得好香脆 乳豬既脂肪層好厚 油脂溶係口既感覺好正🥳🥳最驚喜既係乳豬仔下面鋪左層薯蓉 薯蓉好creamy 當食完乳豬仔脆卜卜 再食埋薯蓉 滿足哂兩種口感😋😋😋另外擺盤有啲南瓜蓉做裝飾 顏色好靚好吸引食慾甜品-麵包布甸好香蛋味 唔會太甜 最啱想食甜品但又驚會滯會漏既人👏🏻👏🏻焦糖咖啡布甸 食落有啲橙香味 又有啲薑味

荃灣呢間西餐開左咁耐，除咗嚟過飲幾杯Cocktail之外都冇黎食過佢嘅main menu，放寬咗限聚令之後既第一個假期就奉獻俾佢😌-黑毛豬鞍配蜜糖白酒燴蘋果·法式檸檬醬（4/5）擺盆非常靚，黑毛豬鞍應該有成2.5-3cm厚，配合佢外層甜甜地嘅白酒醃料，食到最尾都唔覺得膩。另外有啲蘋果粒粒好似食緊apple crumble 咁😝佢上面有塊黑色嘅脆脆，初頭唔知係咩嚟食落先知原來係印尼蝦片😎-炭燒澳洲羊架（4/5）總共有4塊羊架，朋友揀咗七成熟，可能我哋掛住影相啦到，真係食嘅時候好似有啲太熟😂不過味道一流，唔會話太蘇。配合埋上面嘅爽脆清新既西蘭花苗就岩岩好-Gin and pear/ sour girl （4.5/5）黎親呢度都會飲佢哋嘅Cocktail，因為樣靚得來又特別，出面一定冇。味道好似果汁咁，岩曬女仔呀！-心太軟（4.5/5）心太軟即叫即整，所以落完單都等咗大約15分鐘先至上。一切開個心太軟, 裡面嘅溶醬就即刻流出來，配合埋好凍嘅雲呢拿雪糕，正！-服務方面，今次坐咗窗口位，但侍應都冇因為咁而忽略左我哋，成日都會過嚟睇睇會唔會有人要點餐或者有其他需要。服務態度非常好呀

本來以為間「荃灣西餐廳」喺荃灣西個頭，但原來呢個係荃灣嘅西餐廳🤣經圖書館個邊天橋穿過去，抱住好似唔錯既心態入去Set Menu有六款，是日餐湯係南瓜湯。前菜擺得幾有心機👍 啲碗幾好睇，一隻大碟已經裝齊湯、包同埋沙律。食既話，個包最好食！又咬得，又浸得👍👍不求奇煙三文魚菠菜忌廉意粉$98，作為最平嘅一個餐，又幾有質感，份量適中，味道似日本cafe，有埋菠菜，creamy 口感濃郁而不肥膩。可惜既係啲煙三文魚有啲碎，似爭x三蚊一舊，一夠再分開幾舊黎煮。寶雲酥焗羊架 $128，羊架面頭舖上金黃色既麵包糠好靚呀，賣晒都已經睇到有厚度。👍七成熟剛剛好，有水準。Girl Generation 幾搶鏡，酸酸味味～

是夜終於有機會一嚐BOOKMARK已久既Chalet，環境寬敞舒適，播放著悠閒音樂，特別適合情侶撐枱腳。火腿碟拼盤有4款火腿Bayonne Ham (France) 肉質柔軟甘甜Air dried duck breast (France) 油花均勻口感細膩Serrano (Spain) 充滿油香味道較濃郁Chorizo(Spain)帶點微辣油脂豐富齒頰留香帝王蟹餅配蛋黃芥末醬炸至金黃鬆脆，賣相吸引，切開有絲絲蟹肉，味道鮮甜多汁，配以蛋黃芥末醬，提升味道層次。黑松露薄片意大利飯配美國大啡菇牛肝菌泡沫意大利飯粒粒分明夠濕潤好有咬口，加入黑松露薄片香濃又惹味，美國大啡菇上有牛肝菌泡沫，好創新，大啡菇鮮味十足，菇菌濃厚。傳統西班牙烤乳豬乳豬皮烤至極香脆而煙韌，內裡肉質柔嫩多汁味道鹹香，伴碟為幼滑薯蓉，軟綿又香滑。薯條即叫即炸熱辣辣，炸至金黃色外酥內脆。朱古力心太軟配雲呢拿雪糕切開即流出朱古力漿，熱騰騰又香濃既朱古力蛋糕，伴以冰凍雪糕，口感一流。

餐廳環境優美服務優良，會因應客人飲食速度上菜，適合慶祝節日。.Set dinner $308餐湯.煙三文魚牛油果芝士卷面頭有啲三文魚籽，四重食材充滿層次感，的骰精緻。.法式油封鴨腿配半熟吞拿魚嫰波菜沙律呢道菜做得非常出色，鴨腿皮炸得非常香脆，加上鴨皮上的油脂，相當香口，而鴨肉由於係油封鴨腿，肉色澤紅潤，肉質口感強烈，但不痴牙，配埋波菜沙律一齊食更清新。半熟吞拿魚先用酒處確過，入口酒香散發充滿整個味蕾，不禁吃完一口又一口。.奶凍.薯條 $38直身粗薯，類似mos burger😍 大家都明架啦，新鮮炸起嘅薯條係幾咁魅力世射✨✨.煙燻帶子海膽意粉配木魚花泡沫 $258煙燻帶子有芳香的煙燻味，加上帶子煮至半熟狀態，質感非常軟嫰Q彈；泡沫都有咸咸地嘅味道；一舊舊放起意粉上面嘅海膽份量唔多，但海膽醬的海膽味非常之濃郁，超推薦大家吃吃看。.Double chocolate $58.總結來說，兩個字：高質😋

前日同男朋友來呢間餐廳浪漫下餐廳可分2個area, 靠門口果邊光猛d, 如果想浪漫昏暗少少就坐入面。我同男友叫左一個set dinner同埋一份main course, 都夠飽！頭盤係煙三文魚牛油果芝士卷煙三文魚入面包住啲芝士，估唔到味道幾夾！ 三文魚有煙熏味得嚟又唔咸餐湯係野菌忌廉湯，質地好濃稠同滑身好有菇味！ 餐包樣子平平無奇但有驚喜， 外皮好脆口，同餐湯幾夾美國頂級西冷牛扒 12安士 5成熟牛扒熟度剛好，肉質好稔同埋好有牛味！ 調味簡單，配上的醬汁亦唔算重口味，但更加突出左牛的味道！ 我 鐘意加埋烤香左嘅蒜一齊食，層次提高左Side dish加左甜薯條勁推介！ 炸得好脆口，再撒上少少鹽，帶出左番薯本身嘅甜味份量都幾夠跟餐甜品係椰汁奶凍， 好滑，椰汁味好重，奶凍嚟講有水準。另一主菜係：西班牙黑毛豬鞍配蜜糖白酒燴蘋果超厚的豬鞍食左一半都飽飽地，肉質juicy，邊邊位置有油脂香味好食！ 佢嘅擺盤都幾有心思，造型靚之餘，醬汁係岩岩好夠燴蘋果幾甜，少少酒味叫左杯hoegaarden, 夠凍。