Chez Bistro (已結業)

想係銅鑼灣食西餐都唔一定貴既, 其實食lunch 都係個好選擇黎到, 因為我地無BOOK 位, 見到以為無哂位, 跟住侍應帶左我地去間房, 好彩仲有位lunch set, 2 courses 有沙律或餐湯 + 主菜+ 飲品侍應好快遞上麵包俾我地揀, 麵包暖暖地圓形餐包好鬆軟, 長形的提子包帶點脆沙律係炭燒西班牙像果肩頸肉, 配不同新鮮沙律菜, 連羽衣甘藍都有是日餐湯, 好creamy 濃郁, 有粒粒磨菇有口感其中一個主菜係炭燒加拿大骨豚, 肉味香濃, 質感嫩滑, 係非一般豬扒配以獨特醬汁, 雖然唔知龍萵草本身係咩味, 但蘸上龍萵草朝胡椒忌廉汁令肉味更有層次另一個主菜係炭燒美國特級黑毛安格斯肉眼扒燒得表面有焦香, 炭燒味好濃肉眼扒要左7成, 生熟度掌握得唔錯肉質肉味濃, 肉質嫩滑, 油份較重, 被鎖住的肉汁在每啖口裡慢慢滲出最後餐茶, 一杯凍啡, 一杯檸茶食物很不錯, 用lunch set 相宜價錢都食到高品質食物

香煎法國自然放養鵝肝伴焦糖蘋果配砵酒汁鵝肝口感柔軟綿密，入口即溶。焦糖蘋果可中和鵝肝的油膩感。法國生蠔海鮮拼盤 (法國生蠔、翡翠螺、北海道帶子刺身伴三文魚子、玫瑰蝦刺身)生蠔海水味重，餘韻豐厚鮮甜。帶子刺身顏色均是天然乳白，圓大飽滿，肉質柔軟，鮮味濃郁。玫瑰蝦刺身品質可以與牡丹蝦媲美。炭燒澳洲 M7 和牛肉眼扒配牛肉濃汁優質高質素牛扒，無需要任何醬汁，亦無需要任何調味，只需要配上一點點岩鹽就足夠。Medium 做到剛剛好。肉味、油香皆充足。香煎大頭蝦蟹肉白菌配意大利飯鮮茄忌廉汁大頭蝦肉質非常 Q 彈。意大利飯生熟度剛剛好，沒有像坊間餐廳一樣煮得過淋。法國Philibon蜜瓜伴荔枝雪葩蜜瓜香甜度足以媲美北海道夕張蜜瓜…  (點解得一件咁少㗎…??) 台灣愛文芒果配雲呢拿籽3.6牛奶布甸果肉香滑無渣，香甜可口，果肉柔軟。  

今晚黎到呢間位於銅鑼灣嘅樓上西餐廳｡餐廳室內環境非常舒適, 座位夠寬敞, 唔會有壓逼感｡4-Course Dinner Set 嘅食物都幾豐富｡法國生蠔海鮮拼盤拼盤有 4 款海鮮: 法國生蠔 (味道較清淡, 但略帶鮮甜, 口感 Creamy)、翡翠螺 (螺肉肥大鮮甜)、北海道帶子刺身伴三文魚子 (非常大粒, 肉厚味甜,  口感帶有彈性)、玫瑰蝦刺身 (鮮甜甘香, 入口爽嫩)｡荷蘭白菌忌廉湯菇味非常濃郁, 囗感豐富, 啖啖都可以食到菇碎, 超好飲 !!香煎大頭蝦蟹肉白菌配意大利飯鮮茄忌廉汁意大利飯好有咬口, 茄味香濃, 酸酸甜甜, 非常開胃, 加埋大頭蝦肉爽口彈牙, 真係 Fantastic !!法國 Philibon 蜜瓜伴荔枝雪葩蜜瓜肉質軟滑細膩, 而且又鮮甜又多汁, 配上陣陣荔枝味嘅雪葩, 絕對係 Perfect Match !!

今日過海決定食餐好既慰勞一下自己。 就搵到呢間係銅鑼灣既樓上餐廳，食一餐西餐。呢到晚餐係一個4 course dinner set. 頭盤有3個選擇，主菜都有6道菜，多款組合都幾易選擇。今次我地頭盤分別叫左法國生蠔拼盤同香煎法國自然放養鵝肝伴焦糖蘋果配砵酒汁。海鮮拼盤材料新鮮，帶子好大隻，口感軟滑得黎帶點小廷身。生蠔肥美，蝦味鮮甜，而個翡翠螺味帶甘甜，口感清爽，唔會太橡膠又唔係太淡或重海水味。個人認為加50蚊有一個高質的海鮮拼盤是不錯的選擇。另一個頭盤是鵝肝，鵝肝厚切，表面煎至金黃，吹落去外脆內軟，鵝肝味十足。油膩既感覺被燒好既蘋果沖淡，加上砵酒汁，三者之間好夾，伴碟沙律同黑醋醬都十分開胃。接著落黎係澳洲葫蘆瓜忌廉湯，口感比較厚身，忌廉味唔會好重，味道好平衡，同時員工會在旁為你現磨胡椒，體驗不錯。主菜方面我地分別選擇炭燒澳洲和牛肉眼扒配(M7)牛肉濃汁同炭燒西班牙極黑豚豬架配龍蒿草胡椒汁。首先上枱既係牛扒，肉質淋滑，澳洲和牛感覺唔會太油膩但相對更重肉味。表面鋪滿胡椒，食落除左更加風味更加多個脆卜卜既口感，現場提供三款不同芥末，對於有要求既朋友，可以跟據自己喜好選擇。伴碟的薯仔外表鬆脆，

今晚出遠少少黎到銅鑼灣進駐多間餐廳既百樂中心，朋友推薦的chez bistro 黎個 4 course dinner.4 course 有頭盤，湯，主菜同甜品，價位$390包晒所有野連飲品真係好抵，所以本身以為質素一般，但估唔到全部野食同服務都咁高質。首先講左服務先，每轉一個 course 一定換餐具，碟，醬料會問左先加落碟，而且 waitress 好有禮貌。其次環境顏色很舒服，枱也不會排得太密，同朋友聚會有基本私隱空間，而且值得一提兩間女廁很干淨衛生。到重點講番野食，頭盤我哋兩個人分別揀左：法國生蠔海鮮拼盤，本人平時少少腥都接受唔到，但樣樣都好新鮮冇腥味好驚喜，蠔似係法國，好重海水同蠔味，就咁加檸檬汁已提鮮到。玫瑰蝦刺身同北海道帶子極大隻又甜美。翡翠螺好似已起左條尾，食得好干淨。香煎法國放養鵝肝配焦糖蘋果，砵酒汁完美融合到蘋果既香甜同外脆內軟既鵝肝甘香，黑松露味黑醋醬配生菜很合胃口。澳洲葫蘆瓜忌廉湯，waitress 會問加唔加黑椒，我呢啲重口味既實要啦，湯身thick & rich ，忌廉極重，平時中意飲南瓜湯既人會好鍾意😋主菜出場： 炭燒澳洲和牛扒，我哋揀隨 medium rar

好友放假由外國返黎，梗係要同佢食飯聚舊，之前黎過呢間餐廳，覺得環境舒服，價錢亦唔太貴，所以今日就選擇咗黎呢度。Dinner Set 大約四百蚊左右，有前菜、餐湯、主菜、甜品及餐飲，都算唔錯。點菜後店員就捧上一籃麵包俾我地揀，分別有提子果仁包、法包及牛油餐包，新鮮焗起嘅麵包散發出陣陣香味，每一款都好吸引。 香煎法國自然放養鵝肝伴焦糖蘋果配砵酒汁 :前菜揀咗珍貴嘅鵝肝，微煎過嘅鵝肝呈金黃色，入口油脂感濃而不膩，伴碟嘅焦糖蘋果味道唔太甜，有助清除口腔油脂味，迎接下一道菜。 澳洲葫蘆瓜忌廉湯 :葫蘆瓜湯都係第一次試，入口口感細滑，味道微甜，有d似南瓜湯，配埋軟硬適中嘅法包，感覺唔錯。炭燒西班牙極黑豚豬架配龍篙草胡椒汁 :黑豚豬架經炭燒後色澤好靚，外皮微脆之外，內裡仍保持豐富肉汁，唔會燒得太乾，雖然無配薯條，但份量已經好足夠，伴碟有微燒過嘅粟米及香菇，食完豬架後食返少少蔬菜，感覺無咁油膩。法國philibon蜜瓜伴荔枝雪葩 :甜品可以選擇蜜瓜或牛奶布丁，食到咁飽都想食返d水果，蜜瓜鮮甜多汁，餐廳非常細心已經切開成一舊舊，食得非常方便；荔枝雪葩入口清新，炎炎夏日食真係透心涼。食完甜品後再嘆返杯咖啡

早係兩年幾前曾經嚟過呢間餐廳，覺得呢度無論食物同環境都非常吸引，今日趁住朋友生日，就同佢喺呢度慶祝。Set dinner 每位$390，有頭盆，餐湯，主菜，甜品同埋餐飲一杯。落左單之後，店員就攞住一籃麵包俾我哋揀，用嚟配餐湯。麵包有提子果仁包、法包、同埋牛油餐包。頭盤有三個選擇，唔食鵝肝嘅我，又唔想加錢要海鮮拼盤，所以揀咗沙律。炭燒虎蝦凱撒沙律：沙律上到檯時我地嘅反應就係：「哇，份量真係好多」，如果一個人食晒嘅話真係分分鐘食唔落其他嘢。 炭燒虎蝦配上凱撒沙律感覺好清新，加埋沙律醬食落微酸，口感清新，真係好開胃。食完頭盤，餐湯好快就送到啦。澳洲葫蘆瓜忌廉湯：賣相同口感都有啲似粟米忌廉湯，入口creamy, 配埋提子包，非常夾。主菜大部份都係肉類，只有意大利飯係比較少肉嘅。香煎大頭蝦，蝦肉，白菌配意大利飯鮮茄忌廉汁：意大利飯份量唔多，適合女生們多D，賣相非常吸引，隻蝦真係幾大隻，食落爽口彈牙。用鮮茄忌廉汁整成嘅意大利飯，顏色呈橙紅色，好濃蕃茄味。口感方面，意大利飯煮得比正宗意式既冧，不過咁樣會更加適合香港人口味。期待已久嘅甜品終於到啦。台灣愛文芒果配雲呢拿籽3.6牛奶布甸：牛奶布甸配芒果食

set lunch 價位百來元左右, 見MENU都幾豐富,  由appetizer, main course 到drinkEvent 前食好d@Chez Bistro 網址: 地址: 銅鑼灣耀華街3號百樂中心21樓 電話: 31010321 Have to attend a beauty event press in the afternoon . So decided to have my lunch in causeway bay district. My best friend accompanied todayFound a decent western cuisine restaurant. 2 courses lunch set. Pick soup or salad and main course. Can upgrade to dessert and special drink set by paying $. Salad 有 mixed green with squid in passion fruit dressing ,魷魚幾爽口彈牙Pork 同魚做主菜啦, 炭燒

想食大餐，我唔想去連鎖餐廳食，朋友找了這間高級西餐廳，性價比高，一於今晚去食。餐廳內外今日冇影到餐牌，但我地揀左個每位$390 Set Dinner，價錢合適，有餐包沙律主菜甜品飲品，單單主菜已經抵晒。—餐包沙律—法國生蠔海鮮拼盤 +$50雖然要加$50 ，但係海鮮拼盤，有法國生蠔，翡翠螺，北海道帶子刺身伴三文魚子，玫瑰蝦刺身。生蠔乾淨好鮮甜，有淡淡海水味，最正係刺身！勁厚肉質感又滑！—胡蘆瓜忌廉湯感覺好似南瓜湯，加上忌廉很細滑，飲完好暖身。—炭燒西班牙極黑豚豬架配龍篤草胡椒汁呢個推介！豬架煎到剛熟，一切就離肉，咬落去幾有口感，好似豬頸肉甘爽口。—新鮮水果配焗藍苺芝士蛋糕細細件，可以一口食野，加d藍苺醬係出面好惹味。—桃味核打 +$38加$38有soda飲，不用額外再要其他飲品，我們揀咗peach梳打。整體感覺氣氛很好，坐得舒服，慶生情侶都好適合。

去食法國菜，慶生活動又來。銅鑼灣樓上舖高質餐廳，朋友講我黎食。見到牆上有幅壁畫，應該係到小朋友畫？個set每位$390先黎個餐包先，好軟。炭燒虎蝦凱撒沙律，有2隻蝦，仲要有調味過好入味。沙律菜好多，料好足。胡蘆瓜忌廉湯忌廉湯好濃郁安格斯肉眼扒配牛肉濃汁炭燒美國極佳級純種）要左5成熟，肉眼扒厚身，皮煎到好香，但入面剛好5成，又冇血水。加上醬汁帶出牛肉肉味！台灣愛文芒果配雲呢拿籽3.6牛奶布甸推介！布甸好滑身好重牛奶味！加$38有soda飲，我揀左杯利賓納梳打。overall 上菜都快，又會介紹有咩食，服務好好。坐得好寬闊，不會好迫好嘈。

4-course menu $390（+$130） 點餐後店員送上一籃⚡️#餐包 有白法包 堅果果乾法棍最推薦 外脆內軟    沾黑醋橄欖油食  前菜⚡️#法國生蠔海鮮拼盤 (+$50) 海拼盤有法國生蠔 翡翠螺 北海道帶子刺身伴三文魚籽 牡丹蝦刺身 每一款都新鮮鮮甜 北海道帶子厚肉 好大粒  三文魚籽帶出帶子嘅鮮甜味  餐湯⚡️#南瓜忌廉湯 濃濃嘅南瓜同broth味 好creamy  主菜⚡️#炭燒澳洲和牛肉眼扒 (M7) 配牛肉濃汁 (+$80) 店員送上三款芥辣 外層好香炭燒味道 和牛牛肉味超濃郁 肉眼肉質淋 配菜烤蕃茄同法國邊豆清甜  #香煎美國頂級黑毛安格斯腹心肉伴檸檬芥末燴茴香 相對上油脂感重 肉質嫩滑 ⚡️#朱古力芝士蛋糕 crust脆口重牛油香 #雜莓奶凍 奶凍有粒粒vanila seeds 質感幼滑

星期六鬆一鬆有陣時 我都幾鍾意黎銅鑼灣食下晏 chill一chill 位於time square 後面 百樂21樓 高居臨下被安排係小房仔 較安靜裝修好有格調 好舒服Lunch set 都有唔少選擇 價錢非常合理我地食香煎帶子 bb菠菜 白菌長通粉配蕃茄忌廉汁炭燒美國特級黑毛安格斯西冷扒配賓尼士汁叫完主食 好快有餐包揀有法包同normal餐包熱辣辣好好食煙肉片雜菜沙律好fresh 好開胃是日餐湯雜菜湯 好足料香煎帶子 白菌長通粉好有咬口 好creamy 質素好高黑毛豬西冷扒燒到有網紋 好高質 性價比好高 好有牛味 熟成度岩岩好Cappuccino 一個字 正 又香又滑

想食個舒舒服服既西餐但又唔想洗咁多錢，所以就黎左Chez Bistro，環境有少少法式風情，感覺幾浪漫一入到黎就見到呢度有得借電話叉電機，有需要既朋友就可以借用一下晚餐主要食SET DINNER，有多款主菜選擇，某D高級食材需要加多少少錢，一分錢一分貨嘛，仲可以加錢食生蠔，$280有半打先用黑醋橄欖油食下麵包先，有法包亦有軟包法國生蠔海鮮拼盤 (+$50)呢個海鮮拼盤好豐富，有法國生蠔、翡翠螺、北海道帶子刺身伴三文魚子、牡丹蝦刺身，其實加$50食都抵，因為全部都係高級食材而且夠新鮮茴香蕃茄鮮魚湯飲落有少少似龍蝦湯，仲加左少少炒香左既煙肉，有驚喜的一道湯炭燒西班牙黑豚蓋上肉 ($390)西班牙黑豚係食全橡果大，所以會特別香，肉質又夠嫩，配上梅子蛋黃醬十分特別，仲有青蘆筍同醬油粟米，好喜歡呢個配搭焦糖果仁芒果拿破崙蛋糕做得好好既拿破崙蛋糕，可以用刀切到落底，夠曬鬆脆，吉士醬唔甜，食完成舊都仲想繼續食HOT PASSION FRUIT RED TEA (+$10)加少少錢就有特別D既飲品，呢款茶果味好突出，一解飽感

每逢遇到特別節日，我都總會適心安排一間坐得舒服而又有氣氛既餐廳既，而今次我就揀佐呢間位於銅鑼灣百樂中心既fine dining house。步進餐廳，已可見餐廳的裝潢走歐洲路線，帶少少古典既味道，人流唔算多，不竟餐廳身處商業中心既高層，而且今日係平日，所以我地就可以擁有更多既privacy 去享受我地既紀念日晚宴。餐廳設有租借叉電器服務，作為現代人，手機真的比任何事更加重要，而這個服務真的很貼心。餐牌很簡單，黎得食fine dining ，基本會有 4個 course ，而套餐既價錢就係 $390，很是經濟實惠。當然，亦都可以再加多D其他既小食，例如薯條，春卷，或者生蠔，等等。點好菜後，首先來到既係餐前麵包，有2款口味，分別係法式脆麵包和紅莓包，2款都係新鮮烤過既所以食落都仲係熱熱地既，好好味。前菜 – 香煎法國自然放養鵝肝伴焦糖蘋果配砵酒汁前菜我揀佐鵝肝，個擺碟好靚，一邊就放佐鵝肝+蘋果，而另一邊就係沙律菜，個鵝肝好肥美，面頭煎一煎去帶出那份焦香同埋香脆感，而食落裡面就好有juicy感，好好味。食完會有少少膩因為太肥美同埋油份都會比較高，呢個時候食一口甜甜既焦糖蘋果就真係恰到好處啦。

好多朋友都推介過銅鑼灣有間唔錯的西灣廳，而且提供4道菜式套餐，之前就試左尖沙咀區一間九道菜套餐感覺良好，所以同男朋友諗住放端午三日無計劃離港，因此想揾間好少少嘅餐廳同佢享受下。經朋友們介紹左兩三間，最後我篩選後揀左銅鑼灣耀華街的 Chez Bistro .當然做好準備 book定位啦。環境都讓人舒服，店員招乎周到，食物水準高，除好味外感覺睇緊一幅圖咁。4道菜 Menu由頭盤(可三選一) 巴馬火腿牛油果凱撒沙律，又或者香煎法國鵝肝伴焦糖萍果配砵酒汁，又還是法國生蠔海鮮拼盤(補多$50) 就可以當然我揀最愛的鵝肝外層微微焦入口軟滑達到係口內溶化還留餘韻。餐湯 是日為磨菇湯磨菇味香濃，入口帶微粒磨菇碎，超 yummy.藝術品般的主菜，香煎澳洲羊仔扒配左隻，羊肉一點son，幾特別的醬汁龍篙草胡椒汁，配有薯蓉西蘭花裝飾何其漂亮。切比大家睇下幾 Juicy 6成熟就比六成熟。青萍果 soda 青萍果味甜爽中帶微微氣泡，幫助消化去滯。甜品兩款我較喜愛芝士 cake, 所以就緊呢款焗冧酒櫻桃芝士餅，賣相已覺好味，食完還想 encore囉！ Yummy Yummy