Chez Bistro (已結業)

呢間樓上西餐廳氣氛好好，靜靜地，晚餐食4-course set dinner，$390一set，有啲食物就要加錢。前菜加咗$50食海鮮拼盤仲加咗$48要杯white wine!個海鮮拼盤都好豐富每樣食材都好新鮮！最鍾意就係帶子加三文魚子，味道非常鮮甜另一個前菜係白鴿胸，肉質好鮮嫩！之後有個周打魚湯。湯嘅質地幾杰，飲完都有少少飽肚！配埋餐廳自家製嘅麵包都唔錯㗎。兩個主菜其中一個要咗黑豚，一個要左肉眼扒。黑豚有兩件，味道幾濃郁；配埋梅子蛋黃醬幾夾，感覺唔會好肥膩。黑豚入面都係粉紅色㗎，唔會鞋颯颯！肉眼扒分量十足，牛味重，食肉獸表示非常滿意甜品有兩款，我地揀咗panna cotta。Panna cotta奶味好重，好滑好creamy! 今晚嘅晚餐好滿意

朋友之前食過，今次跟住佢黎食好西。黎到7點幾，好快安排左我地座位入座。我地每人叫一個set dinner，有4道菜，樣樣都好似好好味，而且幾有特色。環境都幾清靜，附近暫冇食客影左2張環境圖。2道前菜都好靚，鵝肝好名貴呀，慢慢嘆唔捨得大大啖，哈！兩面都煎得好香，伴住焦糖蘋果食好夾。另一道蟶子超大隻，好爽勁新鮮，冇沙。餐湯都大碗，磨菇白湯係我至愛呀！餐廳既主菜以肉類為主，我地揀左一碟牛、一碟豬。炭燒安格斯肉眼扒超香，估計大約8安士左右，跟薯菜。網紋牛扒煎得好靚，5成熟剛好冇咩血水。另一主菜係黑豚蓋上肉，唔清楚係咩部位，不過肉質好爽口，蛋黃醬好夾呀同個肉，個人中意食哩道多d。食完主餐就叫店員上餐飲同甜品，餐飲我地飲熱檸水就冇特別拍照，兩道甜品都超美，要打個卡先！個拿破侖蛋糕好脆，中間夾住大大塊芒果，整體都好好食。另一個係牛奶布甸超濃又滑，女仔黎食一定會愛上這餐廳的甜品。

今日就同朋友慶祝生日, 所以選擇一間有情調嘅, 價錢又適中嘅, 銅鑼灣又就腳嘅西餐廳, 享受一個豐富晚餐 我點選左個SET就有四個course嘅, 首先就係食頭盤就係香煎法國自然放養鵝肝, 配焦糖蘋果配味砵酒汁, 鵝肝一向畀人感覺係非常之膩口, 但是這個鵝肝, 配咗一個出色嘅醬汁, 就係焦糖蘋果砵酒汁, 味道非常之多層次, 甜加酒香, 鵝肝鵝肝煎到外脆, 裏面就非常之綿密 , 一食落口 散發出脂香, aftertaste非常之強之後就白菌忌廉湯, 將白菌打成世蓉, 溶入咗忌廉湯裏面, 有口感, 味道就 散發到鼻腔裏面, 運行不散之後就食過 炭燒 美國頂級黑毛安格斯伴檸檬芥末茴香焦糖甘筍紅酒汁, 切開咗嘅安格斯牛肉, 八成熟, 裏面嘅顏色非常之靚, 切開咗令到我非常之容易進食, 入口非常的juicy而不失肉味, 佢嘅醬汁非常之出色, 加咗檸檬芥末再加紅酒汁, 混然一體, 多層次嘅味道之餘, 同牛肉非常之配合 最後就食過 紅酒煮康佛倫斯香梨, 雲呢拿籽3.6牛奶布甸配雪糕 , 香梨浸咗紅酒 汁, 非常之特別, 再配合埋雲尼那, 好香滑, 呢個甜品令人感到非常之滿足

第二次上黎食，上次食完覺得幾滿意，今次帶另一朋友黎食，慢慢食傾左好耐，愉快用餐。我地兩個都係點左4道course既晚市套餐，有排，有海鮮，好多野揀。叫左野食後好快就上左餐包，微熱軟包好香，食左開胃。傾左陣好快上菜了。前菜我地二款都叫share黎食。第一次喺西餐廳食到蟶子，勁大隻，微辣好野味，仲好新鮮。第二道係忌廉磨菇湯，份量都幾大碗，好creamy,落左松露油好香，調味岩岩好，好多時出面煮到偏咸飲唔晒。Main - 炭燒黑毛安格斯肉眼扒叫左5成熟，覺得炭燒味唔太突出，但勝在安格斯肉質軟林，肉汁鎖住唔乾，唔錯！Main - 炭燒黑豚肉相比之下個人更喜歡哩道主菜，豚肉爽口，中意個梅子蛋黃醬，好夾呀同個肉味。食完兩道主菜，就上甜品喇，兩款都好吸引呀，一熱一凍。熱既係芒果拿破崙，好大片既芒果，甜好好味。酥皮好脆，好好味整得。奶凍好香濃，好潮呀，中間酒煮啤梨好特別，濃味配淡淡的奶凍有新意。食晚都食得好開心，傾左好耐都唔會趕人走，服務態度仲有禮貌，欣賞！

為咗慶祝朋友生日而嚟沙律同湯唔錯 食完慢慢傾計好快就到主菜！塊牛幾juicy 比我想像中軟熟配菜略鹹之外都好好最神奇係上甜品，我book位個陣有講有朋友生日但冇講係邊個。上甜品個陣員工將有happy birthday 個份比生日個位朋友好驚喜，可能因為我地傾計個陣提過被員工聽到，但都十分窩心連叫飲品 員工都記到我地幾個邊個叫d咩，勁surprise員工真係好有心機呢個價錢有呢個服務同食物質素，真係好抵食！推介大家都嚟試下

對於打工仔黎講 一餐lunch 真係好重要！要應付全日嘅工作下晝一定要食好啲先有動力做埋啲嘢佢！😇今日約咗朋友食嘢間餐廳，環境好舒服！坐得好闊落！☺️我仲等緊朋友，店員就先拎左籃餐包比我揀！貪心既我揀左2個！🤪朋友到咗之後我哋就叫嘢食！正餐之前有湯或者沙律。我叫咗沙律！係有誠意嘅！沙律入邊有啤梨 菜等等！好fresh!! 擺得好靚朋友！叫咗忌廉雞湯飲都大讚！正餐我叫咗個叫咗個魚樣樣嘢買相都好靚做得好出色！🥳

呢幢大廈好多好味嘅餐廳，所以一到晚飯時間，電梯上去要等五至10分鐘！入到Chez Bistro，環境好舒服，餐廳開着輕音樂，頭上有吊風扇，帶來一點涼風同埋一點情調～餐牌係好簡單嘅一頁紙Wine list 都係簡簡單單嘅一張紙，一啲都唔花巧，平實樸素！我地點左兩個餐頭盤我揀咗海鮮，老公揀咗鴨胸。海鮮拼盤加一杯白酒真係好正拼盤都幾豐富㗎每樣食材都好新鮮，法國生蠔唔算超級肥美，但味道好鮮甜；牡丹蝦刺身最正，啖啖鮮味嘅蝦肉！個鴨胸擺得好精美，估唔到前菜嘅伴碟都咁花心思！鴨胸感覺上唔係煮到全熟，中間嘅肉好嫩滑！主菜我哋一人揀咗豬、一人揀咗牛。黑豚蓋上肉口感唔錯，配埋帶少少酸味嘅蛋黃醬感覺唔會好油膩我揀咗黑毛安格斯肉眼扒！我揀左Medium，入面嘅肉真係好粉紅肉眼扒嘅肉質幾淋，煎得幾香，唔錯唔錯！侍應話和牛肉眼扒會更多脂肪，會多啲入口即溶嘅感覺～甜品我揀咗芒果拿破崙！甜品都整得唔錯，酥皮夠酥脆，不過我就略嫌custard唔夠香甜之後仲有餐飲，成個餐真係好豐富！呢度情調幾好，真係好適合慶祝生日/anniversary

星期六嚟咗呢間西餐廳食晏，平時夜晚呢幢大廈好多人，晏晝黎感覺舒服好多！我哋每人叫咗一個set lunch，加錢會有埋前菜、餐湯同餐飲。沙律有鴨胸同芒果，配埋一粒粒類似石榴，感覺好清新。餐湯同平時唔同，有蜆肉，好鮮甜！餐包有唔同款式，可以refill！自己都refill咗~主菜就有羊肋扒配蜜糖燒烤醬，燒得好香，唔會話有好重羊so味！炭燒安格斯肉眼扒好Juicy, 入邊仍然有粉嫩色，讚！餐茶叫左檸茶同latte

約咗人傾野就揀間坐得舒服啲嘅西餐廳慢慢食慢慢傾，原來銅鑼灣伯樂中心有一間坐得都幾舒適嘅西餐廳，地方好闊落，仲有海鮮拼盤同埋好多特色嘅主菜。餐牌好豐富，豐儉由人，有啲加錢嘅項目令套餐更升級豐富。4Course Dinner Set $390/per head法國生蠔海鮮拼盤（法國生蠔，翡翠螺，北海道帶子刺身，玫瑰蝦刺身）加$40海鮮拼盤餐海鮮好豐富!生蠔好新鮮，其他都一樣,特別係玫瑰蝦！荷蘭白酒的忌廉湯味道好香濃，有清淡的白酒香氣。炭燒西班牙伊比利亞蓋上肉（ 100%全像果）伴大啡菇， BB菠菜及葫蘆瓜蓉想不到這個豚肉厚切依然能夠保持非常juicy的肉質，而且味道比平常食的比較香，配菜方面亦都毫不敷衍，油份充足令整體味道更加豐富。煎焗西班牙走地春雞卷大蝦配蒜片香草汁雞同大蝦嘅配搭比想像中更加出色，油香更帶起鮮味，蒜片令整體味道更加香口及濃香。意大利咖啡芝士杯法式窩夫配焦糖汁伴雪糕再來最後兩款不同的甜品，咖啡芝士杯甜味適中口感順滑。法式窩夫比想像中更加香脆，甜味亦適中，加上細滑的雲呢拿雪糕作總結。凍咖啡熱檸茶最後有兩款不同的飲品，原本已經吃得很飽飽，飲埋杯嘢飲簡直是圓滿的結束。

之前黎過一次覺得ok，今次再帶同事黎，點知真係好失望。點餐時叫左沙律汁另上，但黎到時無做到，同侍應講左就幫我拎走去換過一碟。再拎個沙律黎，已經感覺廚房好似發脾氣咁，勁hea地是但倒落隻碟到，同一開始個樣差勁多。望真啲見到無左本身有嘅牛油果，於是再同侍應講。點知補過黎果一小塊牛油果竟然係連皮比我.....?! 明明係餐廳自己搞錯，都可以咁唔尊重個客人？知道除左落錯單外，都唔關樓面事，但真心接受唔到呢件事。P.s 主菜黎時個汁另上左，估計係侍應落單時mark 錯左主菜汁另上。

Fine dining不只在食物和環境上, 服務也很重要, 對氣氛有很大影響, 偶爾也要和男朋友去情調好的餐廳吃吃燭光晚餐, 今晚去的這間銅鑼灣樓上餐廳, 這裡用餐餐具都很講究, 餐具都排列整齊, 由外至內使用, 店員都很主動的添水, 會留意你吃東西的進度, 吃完一道菜再上下一道, 也很有禮, 客人不用趕忙的吃, 可跟隨自己的節奏, 而且確保每道菜都是新鮮熱辣的。一切一切, 都符合Fine dining的標準, 每個set dinner$390再加一, 有前菜有湯有主菜有甜品, 每道菜都很精緻, 落足心機, 值回票價!蠻特別的是, 這裡有幾款麵包可以揀, 我揀了這個有提子乾的, 麵包帶點煙韌, 又有點提子果香, 不錯。香煎北海道帶子櫻花蝦乾 紅石榴 中東米 BB菠菜沙律配芥末蜜糖汁吃過不少餐廳set dinner, 前菜都比較行貨而且份量少, 但這個沙律卻很豐富, 兩個人分來吃都足夠, 菠菜BB是外國的品種, 和我們的菠菜苗長得不同樣子, 有它獨特的味道而又很怡人的, 調味像是橄欖油加黑醋, 半煎過的帶子帶少少生, 很嫩很鮮, 吃著又發現櫻花蝦和紅石榴, 頗少見的配搭, 這個openi

與老友很久不見, 他對食一向有要求, 不好吃的不敢推介, 吃過這間餐廳, 個人覺得水準很好, 於是提議在這裡晚餐, 在銅鑼灣區, 也很方便大家。上到來, 寧靜的環境, 有格調的裝修, 是一個聊天的好地方, 很適合我們可以聊聊近況。情調不錯的環境, 不限於男女約會, 即使是朋友相聚, 也可以較relax的聊天。先來一個邪惡的煎鵝肝作前菜, 來自法國的鵝肝, 是自然牧養的鵝, 煎過的鵝肝, 滲出鵝油香味, 細膩的質感, 令人抗拒不了的味道, 鵝肝配上蘋果不稀奇, 但還有的是砵酒汁, 令鵝肝吃下去更有層次, 一讚!再來的磨菇湯, 比很多西餐廳都要出色, 好喝, 而且份量不少, 令人喝得滿足!來到主菜, 西冷扒和肉眼扒之間, 選擇了較肥美的後者, 每次選熟度都很猶疑, 通常餐廳都會比order的熟度更加熟, medium會變成七成或全熟, 但對這間餐廳較有信心, 所以就選了七成熟, 也沒有令我們失望, 一切下去已感受到牛扒非常的嫩, 肉質很粉紅但剛好無血出, 控制得很好, 入口牛扒很嫩滑, 有牛香也有煎過的焦香, 吃過不少牛扒, 這算是給我較深刻印象的一家吧! 配菜有車厘茄、豆角、薯餅, 每一

星期六都有lunch set，兩道菜百餘元，都幾抵食。座位寬敞，餐桌之間很多空位，坐得舒適。店員拿著麵包籃，有兩款供選擇。法包配牛油似乎比橄欖油和黑醋更襯。自家煙燻三文魚、牛油果、櫻花蝦乾雜菜沙律配桔仔蜜糖汁醬名字真長，其實就是列出所有材料。煙三文魚幾香，少少煙燻味，不鹹，有油香而沒有油膩感。牛油果未夠熟，有點硬，卻幾香濃，如果夠熟應該很好吃。沙律新鮮，有羽衣甘藍，不過蜜糖醬偏多。香草、巴馬臣芝士、雞蛋焗雞扒配鮮茄醬雞肉嫩滑，上面有一層薄薄的、焗至乾身的芝士，再加蕃茄醬調味，配搭一流。鮮茄醬很好吃，濕潤，蕃茄的酸中帶甜，還是甜中帶酸？反正就是調得剛好，還有茄蓉，口感更佳。薯仔切成片，很腍，中間夾著忌廉，外層焗至香脆。口感有層次，夠味而不太重太膩，不俗。看似不十，但份量絕對夠飽。炭燒美國特級黑毛安格斯西冷扒配青胡椒汁Medium rare的牛扒煎得恰到好處，肉質軟嫩，肉汁豐盈，都算不錯。最後以杯熱檸水作結。是日甜品是cappuccino mousse cake，興趣不大。價錢相宜，食物不錯，物有所值。

位於銅鑼灣嘅餐廳，地點方便而且店員服務態度唔錯。裝修亦都幾靚，而且因為餐廳嘅格調好好，所以侍應嘅禮貌都好有禮。紅石榴，中東米，北海道帶子，櫻花蝦幹配以芥末蜜糖汁嘅沙律非常特別，開胃而且鮮味。另外我哋都叫咗生蠔同海鮮嘅拼盤。生蠔鹹味足夠而且有少少海水味。白菌忌廉湯，湯的濃度剛好，非常多嘅菇菌係入邊，用咗不少材料。西班牙羊膝，賣相吸引沒有羶味肉質非常嫩，肉眼排同樣沒有膩感，而且肉味足夠，兩樣主菜嘅份量都剛好，呢樣亦都係非常重要將每種食物做到平衡。拿破崙蛋糕伴碟有心思，意大利芝士杯軟滑而且味濃。

在銅鑼灣逛街，無意中進了一間很小但格調滿好的西餐廳吃牛排，一拿到餐牌就給嚇著了！因為接近月尾，唯有委屈點和女朋友叫了一份主餐和其他小食，當食物送了過來，我們一吃，又被嚇到了，原因是從來沒有吃過這麼好吃的牛排，忽然覺得物有所值。那牛排真的很好吃，環境和服務態度都很好，就是覺得貴了點，不過很適合情侶去吃！