Coffee Art

营业中

休息中

之前係觀塘分店已經食過了好記得啲意粉🍝整得好好食原來將軍澳都有分店！呢間大啲，好有格調坐得好舒服Lunch Menu 好抵食不過我想食有蕃茄既意粉，所以就無叫lunch menu既餐煙三文魚蕃茄忌廉汁意大利粉顏色好吸睛一開始味道很不錯，但唔知係唔係有忌廉既關係，越食越覺得有啲膩！秋葵、珍珠粟米、翠肉瓜羅勒汁意大利粉一見到就會覺得好健康，咁哂素食者味道幾好，唔會好濃味秋葵、珍珠粟米、翠肉瓜全部我都好鐘意食呢度既意大利粉真係好得軟硬好適中，岩哂我既要求sea salt chocolate叫左兩杯海鹽朱古力，無諗過會有兩個唔同既拉花圖案好creative味道方面...超級好飲，自問對熱朱古力既要求都高呢杯完全係我favourite飲到可可既香濃味，加左海鹽，有多重味道超鐘意呢杯海鹽朱古力

好少去將軍澳嗰邊，今日去探朋友一齊食飯，梗係要食黃店啦💛拎過唔少同咖啡有關嘅獎！不過怕今晚瞓唔著，所以無飲，下次試試。南瓜湯係我其中一款最鍾意嘅西湯，味道好濃，忌廉味唔會蓋過南瓜。黑松露雜菌忌廉汁意大利粉 $78份量適中，啱晒我呢啲眼闊肚窄嘅人😂味道方面就忌廉味相對重啲，可以鹹少少～ 雜菌都幾多👍🏻焦糖雞翼 $38@5隻其實係蜜糖味，甜甜地好好食😋雞翼唔會整到好燶，但外皮又微脆，好食☺️(套餐加配$28) 蘭姆酒葡萄芝士蛋糕今次特登嗌少啲野食就係想留肚食蛋糕，果然無令我失望！芝士好軟滑，rum味清清地唔會太濃。(套餐加配$28) Sea Salt Chocolate個拉花好有心機😍飲落去第一下已經有好重嘅海鹽味，而且用嘅朱古力好香濃，好抵飲～(套餐加配 $10) 橙汁選擇多，都坐得幾舒服，可以同朋友傾下計👍🏻

呢日放假同男朋友將軍澳買嘢shopping 行街街之前去咗醫肚先呢間coffee shop我之前幫襯過佢觀塘個間分店，又抵食又好食知道將軍澳都開咗分店就二話不說決定嚟呢度開餐將軍澳店比觀塘店多啲座位，坐得更加舒服裝修有啲日式coffee shop嘅feel加埋出面嘅落地玻璃透入嘅自然光，環境好唔錯呢度中午有set menu ,選擇唔少價錢都合理跟餐+$25轉咗杯latte,拉花好靚同有心提醒我哋有啲嘢唔可以遺忘咗味道方面都好香，咖啡帶少少果香味奶又夠香同滑好飲主菜叫咗一個牛肉漢堡，超級大份漢堡扒好厚身多汁肉嫩，唔算好重牛肉味但食到肉嘅甜味麭包唔係死實實乾巴巴個種外脆內軟糯幾好食另外一份主菜係溫泉蛋肉醬意粉🍝我好鍾意呢個，個肉醬煮得唔會過酸或者過甜，質地亦唔會過稀或者過杰廚房應該有細心研究過肉碎份量都好多，仲有啲新鮮番茄肉係入面意粉都煮得啱啱好熟，有少少咬口另外加點咗一份小食洋蔥圈一個洋蔥圈有成隻手掌咁大飽到我同男朋友上心口熱辣辣又夠香脆，唔錯最後仲叫咗件芝士蛋糕，味道都唔錯呢餐食到好飽

放咗工去揾女朋友食飯，喺寶琳新都城到周圍行下，見到依間幽雅嘅餐廳，所以就入去舒舒服服咁坐下食餐飯，傾下計。叫咗兩個餐，第一個蕃茄海鮮意大利飯，材料好豐富，有青口、帶子同埋蝦。蕃茄味好濃，海鮮都唔錯，有三款，幾好味仲要有沙律或者湯可以揀，我地揀咗沙律第二個餐係三重蟹肉意大利粉，有蟹籽，蟹肉同蟹棒，個汁好juicy，好香，意大利粉質感好好，蟹棒都好好食仲要有好多蟹籽👍最後，仲有兩杯免費飲品我好鍾意飲嘅伯爵紅茶☕️，好香綠茶🍵

前幾日同朋友去左將軍澳買嘢，見到呢間coffee art竟然開了分店，之前幫襯過觀塘店，果度位置細細但出色嘅食物同咖啡☕️卻讓我留下深刻印象。 位於將軍澳的這間分店更是注重環境和裝修上，一到門口已經有股濃厚嘅文青feel，寬闊的位置、夢幻的燈光，想必就算不是專登來打卡，在裡面吃東西心情也是很好的。🥰🥰晚餐的價位在將軍澳來說可以接受，選擇也很多。我們分別點了一個「溫泉蛋日本黑豚肉醬義大利粉」以及「All day breakfast 」☺️肉醬的份量十分慷慨，瘦肉為主，輕盈不油膩。番茄的酸甜度適中，輕輕刺穿流心蛋，金黃的單液融入肉醬中，讓整個口感更加creamy，溫和，餘味帶有淡淡的蛋香。😝配餐的是一杯70%比利時朱古力，一半的cafe很少有無糖的朱古力，😚在coffee art有提供真的很貼心，為顧客健康提供多一個選擇。而且店員拉了一隻可愛到讓人融化的猴子🐒，太得意啦！呢杯朱古力口感濃厚，上面的奶泡更錦上添花，每一口都很順滑且不膩，讚👍🏻另外一份係all day breakfast 🥰份量超大呀，有沙律、炒雜菌、煙三文魚他他、香草豬肉腸、炒蛋、蒜蓉法包 🤩豬肉腸比我的感覺是很輕盈，沒有一般超

Coffee ART-將軍澳~蜆肉好多呀✨✌有一段時間冇嚟食啦！有啲掛住佢添，鍾意佢嘅環境夠光猛和開揚，坐落又好舒服，特別佢嘅蒜香蜆肉意粉和甜品👍👍食過返尋味，今日去開新都城買禮物，當然要再食啦。好中意佢嘅餐牌時間係11:30開始就有套餐喇，好底食，最緊要係好食👍 套餐送香草牛油法包/柚子沙律，各叫一款。蒜香蜆肉(微辣)意大利粉$65好多蜆肉呀，隻隻都好肥美好新鮮，食落口仲有少少微辣，蒜香味濃我鍾意蒜味，意粉不硬不淋，恰到好處，食完成碟蜆殼，真係好多呀。👍👍溫泉蛋煙肉白菌意大利粉$58忌廉汁好濃郁，每條意粉都沾滿著，入口香滑，溫泉蛋煮到恰到好處，一啖入口爽呀。當然唔小得精選蛋糕啦~桂花豆腐芝士蛋糕$28一小件cake豆腐味濃，入口還有小小淡淡桂花味，混合一體，再配埋 cappuccino真是好配搭。😋😋

雖然係Cafe，但食夜晚所以就冇嗌Coffee嗌😣呢到裝修好好～簡約風～原木帶點灰🌫晚餐可以喺Dinner Menu同All Day Menu揀～Dinner Menu就有埋頭盤，同埋優惠價加小食～我地喺All Day Menu揀咗兩個Set~煙三文魚蕃茄忌廉汁意大利粉 $78好多煙三文魚鋪喺面頭～齋食意粉都有三文魚味🤣跟餐有熱茉莉綠茶溫泉蛋.日本黑豚肉醬意大利粉 $88肉醬份量好多～—兩碟意粉都有口感，每條都食得出佢嘅調味～兩碟同樣係蕃茄作主要味道，所以好開胃～跟餐-樽裝青蘋果汁 (+$10)焦糖雞翼 $20/3pcs呢個好好食～雞翼皮焗到脆脆地～每啖都有焦糖味但又唔會死甜🤩今餐top1🧡🧡👍🏻

星期六行個bb級既山，由井欄樹行小夏威夷徑去到寶琳，全程都係向下，仲要一個鐘行完，小小攰又小小肚餓，去間cafe食個tea hea下就最Perfect。一入coffee art門口就見到coffee counter上大大小小既咖啡拉花獎項，咖啡師係入面好小心，真係好小心咁樣拉緊咖啡嘅花，付出嘅時間同心機同其他Cafe完全唔係同一個層次。唔係特別肚餓，所以決定叫個tea set，小食雞翼同個cake同朋友share。但飲品當然要一人一杯啦。煙三文魚mini all day $50個蒜蓉多士好香，用既包底係法包，外脆內軟，蒜蓉加左香草同牛油再焗，香氣撲鼻。焦糖雞翼 加$20雞翼燒完之後再加焦糖去焗，雞皮燒到脆卜卜啱我呢d唔食軟雞皮既人，焦糖面焗完之後有d似冰糖葫蘆岩岩溶果感覺。雞肉仲好juicy。錫蘭紅茶芝士蛋糕 加$28淡淡既茶香味配唔太甜既芝士凍餅，忌廉芝士打得夠幼滑，配埋杯飲品最perfect。Sea salt chocolate 加$28唔飲咖啡既我仲有其他選擇可以品嘗到呢度既拉花，朱古力係70%既比利時黑朱古力，好小甜，朱古力味好濃，小小甘配問海鹽鹹鹹地，襯蛋糕可以突出蛋糕既甜味

難得今日公司早放，於是就約了朋友食飯。朋友在他的專屬搵食app找到一間位於寶琳的餐廳，說要在這經濟寒冬時期支持一下。這間餐廳位於寶琳新都城一期地下，從地鐵站走過去都是數分鐘，非常快捷。我們去到後，發覺原來都有不少人正在用膳。餐廳叫做「Coffee Art」，門面有着不同的擺設，亦是眾多人過來支持的原因之一。我們坐低後，馬上研究食些什麼。⤍ 1. 西班牙杜洛克豬架配白酒杏桃汁由於今日早放的關係，午餐沒食太多，所以有點肚餓。我就點了一份肉肉的西班牙豬架，填飽一下肚子。原條豬架的肉量頗為足夠，咬下去能嚐到浸浸白酒和桃汁與肉味的交匯。Coffee Art 雖然配上薯菜作伴菜，但略為其份量不太足夠，如果可以一口豬，一口薯菜的話，就會更加滿足。⤍ 2. 煙三文魚蕃茄忌廉汁意大利粉之後我們就點了一個意粉share，朋友沒什麼喜好，都是點了一些基本的，煙三文魚意粉。蕃茄味恰到好處，意粉並不會過多酸味。而且餐廳好像還加了少許芝士上去，令到其味道更加香巧。⤍ 3. 熱伯爵紅茶餐飲配上熱的Earl Grey，並不用額外加錢，值得一讚。是晚的Coffee Art 依然是全場坐滿，可以的話真的是要支持多一點本土

姐再來就是為了吃他們的三重蟹肉意粉$98，果然依舊美味😋另外亦嚐了deluxe all day breakfast $98和美國安格斯Prime級牛小排香草忌廉汁意大利飯$158。前者還好，後者的牛小排雖然較生，但仍不夠軟嫩🤔跟餐+$28點算了精選蛋糕🍰錫蘭紅茶櫻桃🍒芝士蛋糕，紅茶味欠奉，但有原粒甜美的櫻桃在內，味道還好。反而桂花豆腐芝士蛋糕就深得我心了😍最上層的是桂花杞子凍，而芝士蛋糕部份則帶着淡淡的豆腐味道和質地，感覺輕盈😉

之前喺觀塘東廣場都有幫襯過呢間咖啡店，咁啱今日嚟到寶琳又見到呢度開咗間分店，簡約嘅裝修配埋落地玻璃嘅光線，好似好舒服咁，一於入嚟食返個brunch先🤟🏻🤟🏻MENU多數都係以我哋ALL DAY為主😍已下午茶就有迷你版all day😋😋我同朋友一人揀咗一份迷你版all day 配一杯咖啡😋😋首先兩杯咖啡到咗，我杯flat white係有啲失望嘅，啡底唔夠濃，成杯咖啡冇乜驚喜，因為重點唔夠熱😫😫至於杯latte就不過不失，拉菜有點Hea底😂😂😂兩款迷你版all day💓材料有炒蛋配煙三文魚多士沙律，另一款就係炒蛋配豬肉腸，多士沙律😌首先炒蛋份量係幾多嘅，不過完全唔好食，冇蛋味，偏油，炒得好老，煙三文魚嘅色水同平時嗰啲有啲唔同，我諗左陣係咪因為唔新鮮？不過最後食完都冇事😝最後仲加咗錢嗌小食，三隻蜜糖雞翼，質素都OK嘅，好食過all day😆😆令一款唔同就係多咗豬肉腸，呢條腸仔都有啲失望，又係凍冰冰嘅😞😞😞

一直想到黃色小店「Coffee Art」很久了，今晚終於約到將軍澳朋友去新都城分店聚聚。「Coffee Art」8月5日已三罷，期間亦曾捐水捐物資予遊行人士、以及義賣捐款給手足。看到門前的連登米豬連認證，就是良心保證。小店環境幽雅，很啱兩口子喁喁細語。武漢肺炎肆虐期間，店員很注重衛生，用酒精抹抬之餘，也會抹乾淨餐椅才給食客坐用。我倆亦因為衛生關係，各自點了自己的晚餐，沒有happy sharing。三重蟹肉意大利粉（$98），有齊蟹籽、蟹肉和珍寶蟹棒，選料十足，啖啖蟹味，正！黑松露帶子藍芝士忌廉汁手造薯仔粉（$118）帶子大大粒，薯仔粉煙煙靱靱，口感特別而且很易飽肚！點了正餐，再可以優惠價嘆小食！炸粗薯條配黑松露醬（$30）雖然外表非金黃，但都很脆口！香草忌廉汁智利藍青口（$48）一碟12隻，平均四元一隻；size一般，火箭菜堆滿碟！

同朋友黎食午餐我地一個揀a la carte menu一個揀午餐，加個薯條share薯條唔知點解唔係鬆脆帶點硬咁黑松露醬亦唔夠味唔同個fd講，以為只係普通沙律醬午餐揀左溫泉蛋煙肉白菌忌廉汁意大利粉味道正常朋友揀嘅腐乳汁雞肉意大利粉反而有啲驚喜腐乳汁其實似芝士汁，帶點酒味所以同雞肉出奇地夾咖啡因嘅化學方程式

今晚在寶琳吃飯，順便去零食店買零食。這家店面積不大，但善用每一個角落，中間是水吧，負責製造甜品和飲品。一邊設有靠玻璃窗的高桌椅，另一邊是雙人座位，外面還有幾張桌椅。翻開餐牌，有all day breakfast 、意粉、意大利飯、漢堡包等。晚餐奉送茶包茶，也可以加錢點咖啡、果汁、蛋糕等。餐湯是南瓜湯，很濃稠，味道清甜濃郁。⭐️黑松露雜菌忌廉汁意大利粉$78新鮮的雜菌蘑菇忌廉醬上有黑松露醬，入口麵條口感偏硬一點，頗彈牙，配上雜菌口感更豐富！⭐️溫泉蛋日本豚肉麵醬意大利粉$88戳破溫泉蛋，蛋液緩緩流出，配上麵條，更有鮮味，肉醬意粉味道頗惹味，不過略嫌肉醬口感不夠軟腍，最欣賞還是麵條偏硬，合我胃口。⭐️橙汁$10瓶裝果汁更衛生。▫️份量適中，但晚餐質素只是中規中矩，不過我沒有試過咖啡和甜品，不能一概而論。

同朋友去寶琳站食晚餐，選擇了Coffee Art, 餐廳裝修以open 形式，當沖咖啡時，香氣四溢。叫了兩個set，同樣選了餐湯，南瓜忌廉湯，南瓜湯好creamy又夠滑，味道帶點甜味，到主菜，我選擇了辣肉腸墨西哥意大利粉$68，辣肉腸同個汁好夾，個汁有啲辛辣味，帶辣香，加上用了新鮮車厘茄，夠鮮味，辣肉腸外皮脆口，好彈牙，都有好多片。朋友叫了黑松露雜菌忌廉汁意大利粉$78，陣陣黑松露香味，忌廉汁唔會太多，剛剛沾了蘑菇同意粉，意粉彈牙。飲品加了$28叫了杯熱mocha，見店員送上時步步為營，原來係咖啡師拉出美輪美奐的Latte Art，這個作品太靚了，圖案係海馬，簡直係幅畫，好靚，我從未見過這個圖案，太有創意了，味道方面，朱古力味香濃，餐牌上介紹了朱古力是來自比利時70%純朱古力，無糖，同咖啡味好夾，完全唔洗落糖，好香醇。另一杯餐飲係伯爵紅茶，一解辣肉腸的辣味及膩口感。價錢合理，抵食。