Divine 119

营业中

休息中

久違食好西 🍽隱世大廚主理 👨🏻‍🍳驚喜不斷嘅一餐 ☺️菜式會更改不重複 📜鍾意食嘅盡快食多次 🤡改咗餐牌有錢都食唔到 😂前菜豉椒炒蜆同枝竹羊腩 🐑可能你會問點解我見唔到嘅 🙄因為佢哋用咗另一個外貌呈現 🥴除咗滿足味覺同嗅覺仲顧及視覺 👁例如佢嘅椰菜花湯完全顛覆我理解 😧自問非常唔鍾意椰菜花但成個湯飲晒 🍲其中一個非常推薦必食嘅係卡邦尼雲吞 🥟洋蔥打成醬汁配切開係我至愛嘅流心蛋黃 🍳除咗有打開禮物嘅感覺亦能保持蛋黃嘅質感 🤤第二推介係我出咗名唔食絕對唔會試嘅牛油果 🥑上面係之前食尼泊爾菜見過嘅脆脆包三文魚他他 🐟證明大廚好有心思地用咗各國特色為食客製造驚喜 🎊三推煙燻乳鴿我覺得非常好食肉質鮮嫩而且唔會油膩 😋要知道出面食乳鴿好多時一係好乾一係好油半隻已經滯 🤢冇廣告冇收錢冇誇張今次絕對係我平生食過最好食嘅乳鴿 🍗如果大家只係想享受美食又或者想要驚喜感受一下視覺衝擊 💥不妨可以嚟太子呢間餐廳試吓順便飲番幾杯調劑一下忙碌生活 🥂話埋俾大家知如果晏晝嚟真係要早啲否則有排等因為晏晝食勁抵 🤫Divine 119 ：太子荔枝角道139號地下

好有情調嘅中法結合餐廳，口味創新獨特，喺香港呢類餐廳真係好少見～嗌咗個五道菜套餐（$318），包括：1. 精緻小食（兩款）唔好睇佢用咁大個盤裝🤣其實得兩粒嘢係食得架～香脆波波加豆豉海鮮，仲有啲咩就食唔出😂幾新奇，不過可能因為小編麻麻豆豉🙈所以覺得試下就夠～評分🌕🌕🌕🌕🌑2. 大雪卡（鴨肉、鵝肝）用煙灰缸裝住好得意🤣鴨肉碎同鵝肝嘅香味好出，春卷皮薄脆唔油膩評分🌕🌕🌕🌕🌗3. 海鮮蘑菇湯（是日海鮮、花菇）一開蓋菌香味撲鼻而來🙊再加埋蜆嘅鮮味，超級鮮甜～評分🌕🌕🌕🌕🌖4. 招牌卡邦尼雲吞（芝士、太陽卵） 第一次食覺得幾特別，中間嘅生蛋黃被芝士包圍住，再配埋忌廉汁，入口好香滑不過因為全部食材都比較重口味，所以食到最後有少少漏🤣評分🌕🌕🌕🌕🌑5. 牛扒兩式（焦糖洋蔥汁）兩式包括西冷同面頰肉🥩面頰肉燜到超級軟爛入味！完全唔洗咬已經吞到！相較之下，西冷就會韌少少，兩者口感係天差地別🙈睇你鐘意邊種啦～評分🌕🌕🌕🌕🌘6. 鹹蛋黃焦糖雪糕雪糕+米通+鹹蛋黃碎嘅組合第一次見🫣全部食材都係廚師自己整架！米通脆卜卜嘅口感再加即磨鹹蛋黃碎，令焦糖雪糕嘅味道變得好豐富，望落有啲奇怪嘅組合，食落又幾夾🤤評分🌕🌕🌕🌕🌖

中西式的fusion菜把中餐的元素融入於西式三文魚他他 蜜糖 牛油果將三文魚整成茸加入蜜糖弄成球狀去炸 配上低甜度牛油果醬切開後 兩者配合下 和生牛肉他他有相似的口感牛油果醬有種果香 整體較清新西班牙半熟紅蝦寛麵紅蝦質素如牡丹蝦 肉質嫩嬌帶有爽度覺得嫩口 有蝦鮮香寬麵很掛汁 新鮮的番茄汁 清新開胃酸酸甜甜的很舒服海鮮蘑菇湯用中式茶杯去盛裝像燉湯的餐湯中湯味道 用海鮮燉蘑菇湯味道不像西湯般濃稠 有中湯特色大雪卡 鴨肉 鵝肝鴨肉和鵝肝混合弄成肉絲 卷起來用春卷皮包住肉餡 再炸成酥脆習慣性切開沾醬吃 配上類似酸甜醬汁有減膩效果 多了份清新感招牌卡邦尼意粉 芝士 太陽卵將雞蛋和芝士包在雲吞意粉裏內餡已在烹調中熟成卡邦尼醬汁濃稠狀態 有奶香滑順的表面還呈現奶蓋的奶泡狀雲吞切開後 蛋液流出混合醬汁 配合超好牛扒兩式 焦糖洋蔥汁有兩種牛肉的部分 質地和味道也不同牛面頰的部份燉到軟嫩肉質 很容易咬開牛扒煮到內層有肉色 大約5至7成熟左右配上焦糖洋蔥汁 增加牛肉甜度鹹蛋黃焦糖雪糕香草冰淇淋配上鹹鹹的鹹蛋黃碎甜鹹甜鹹組合交融 吃下去不會太膩

偶然路過，一食再食。初飲passion fruit shake tea，好。再試甜品咸蛋黃焦糖雪糕，配搭很新穎。過幾日，又去試個lunch。南瓜湯+豬扒石斑魚再加帶子意大利飯ok喎。下次要試埋個晚餐。

Divine 119 午市精選套餐多款式亦好抵食😍煙肉腐乳卡邦尼意大利粉意粉醬汁好creamy, 腐乳同煙肉都好夾！意粉唔會淋曬烹調得剛剛好 ！法式香煎石斑魚 $85石斑魚煎得好鬆脆，魚好嫩滑淡啖啖肉，海鮮汁唔會太濃味,蜆好鮮甜！ 黑色嘅係黑蒜頭醬， 魚配蒜頭醬好好食！黑松露薯條 （用了黑松露醬）薯條份量非常多，就算唔舔茄汁用黑松露醬都好好食 ， 好香濃嘅黑松露味😊 薯條脆卜卜！大雪茄 鵝肝鴨肉 兩件大雪茄外貌同春卷一樣，內裏嘅鵝肝鴨肉絲非常多，夠入味， 好特別！Oreo cookies smoothieSmoothie濃度適中,唔太甜👍🏻Cold Hazelnut latte +$5 oat milk 好香嘅Hazelnut味， latte夠香滑，轉oat milk較健康🥰

今天受朋友邀約來嚐嚐他家附近新開的法式餐廳，看起來很舒適安靜的環境，和太子站擁擠的人潮明顯成了對比，到底好不好吃呢晚市套餐有ALEX四種，我們選了A和L兩個Set。前菜會先上，另外還有小食，小食特別推薦炸冬瓜和薯泥。海鮮蘑菇湯湯頭很清甜，裡面的料好多，很暖胃。招牌卡邦尼雲吞這道有點神秘，看去頗有層次，吃起來有起司和蛋的口感，很特別。慢煮檸檬雞卷雞肉很軟嫩多汁，外皮略酥，很清爽沒負擔。脆鱗甘鯛魚肉很W彈，特色是煎的又酥又脆的外皮，搭配特製醬汁好對味。鹹蛋黃焦糖雪糕飯後甜品也不馬虎，雪糕甜而不膩，非常完美。餐廳環境很棒，送餐速度恰到好處，食物品質不錯價位合理。最後我們還加點了熱朱古力為今天的法式晚餐畫下完美的句點

原本係想去附近個間人氣cafe 點知人地要向社交平台book 位亦無得waiting 呢日正值黃雨，當然先入店一避由於星期五晚，幸好食店仲有吉台餐牌有4個set 我地揀左四道菜但其實唔止四道，因為有湯，前菜，兩款主菜同埋甜品成餐飯湯同甜品最有驚喜餐牌上個湯叫海鮮蘑菇湯，以為係西式，點知係係中式仲要係一個「萬壽無疆」傳統杯裡面其實味道好好，好濃螺頭同菇味仲有好多蟲草花，冬菇，雞髀菇先講甜品，因為係第二驚喜咸蛋焦糖雪糕伴碟有一大堆咸脆米，上面係片到好碎嘅咸蛋黃加埋雪糕一齊好味 好夾 出乎意料地好食小食係屬於中式，似係份子料理咁一個係一堆炸枝竹上面嘅枝竹羊腩煲，一個係周打蜆湯味道唔錯，但真係「小」一個主菜係意大利雲吞原來係意大利皮包住蛋黃裡面仲有芝士好味！好精緻！同好考功夫呢個就好法國菜啦！另一個主菜係雕魚，雖然細細舊，但佢可以做到個魚皮上啲鱗都炸到好脆，但魚肉仲係好嫩一舊魚得魚皮魚鱗炸到好脆，但魚肉嫩真係好勁！另外仲有一啲side dish, d side 又去返中式分別有奶油津白，蟲草花扒雙菇（湯渣之一🙈），炸蘿蔔（其實唔肯定係咪蘿蔔，畀為無咩蘿蔔甜味）另外再散叫一個小食，叫大雪卡外表其

朋友介紹 所以專登走咗嚟食入到去 有少少覺得啲枱唔係太多 我哋一入去就被安排咗 睇巴士嘅風景位🤣叫咗兩個午市餐 因為個員工話晏晝冇得食三道菜或者五道菜嗰啲 果一啲Menu係夜晚先有不過都唔緊要啦～ 下次夜晚再嚟食～跟住飲咗可樂同凍檸茶頭盤 叫咗個餐湯 同埋個risotto飯個湯都好好味 ❗️南瓜薯仔湯 個risotto飯超正❗️❗️❗️佢用返傳統嘅Carnaroli米 去整嘅 對比常見嘅米飯來講口感 Carnaroli米 比較彈牙 or 硬身主食 叫咗個鵝肝牛扒 、同埋有個鴨髀兩樣嘢食都好好味 個鵝肝同牛扒兩樣嘢都比較林身 個鵝肝有種入口即化嘅感覺 而個牛扒係因為部位問題 所以口感同西冷或者其他牛扒唔一樣 比較更加林身 覺得個口感都比較特別 不過最底層就只係有啲菇類同埋D蕃茄 唔係太明白嗰個芹菜頭泥 喺邊度🤔配搭嘅嗰一個汁比較清淡 唔知係咩汁呢？鴨髀都好好食不過佢都係有配搭唔記得係乜嘢泥嘅嘢 好似係唔知咩黑松露泥 但係都係唔知去咗邊 下次夜晚再嚟 食下個五道菜先

相當高質法式料理, 食物質素超高, 性價比高,  五道法式料理+前菜先3XX, 好抵, 最鍾意黑松露椰菜花湯店員服務態度好,  見你無水自動幫你加水, 觀察你食完一道菜先上第二道菜, 型格裝修, 環境乾淨企理, 值得推介

🌃 餐廳位於太子荔枝角道 ， 與港鐵太子站有一段距離， 餐廳用上了簡約嘅門面設計， 內裏富有情調嘅裝潢， 天花板掛上奢華嘅水晶吊燈， 別具氣派， 而牆壁上都有一幅幅壁畫同埋霓虹燈。🌃 餐廳喺食材方面諗住搞搞新意思，實行中法crossover， 創造出嶄新既精緻菜式， 而食物價格豐儉由人， 可以選擇較豐盛嘅多道菜 套餐， 價錢由二百幾蚊起，亦可選擇單點菜式， 價錢幾十蚊就有交易，較為平民嘅選擇。.🍽 套餐A ( 三道菜 ) $ 208~🍤 精緻小食兩款👉第一款概念取自豉椒炒蜆， 小食係一個蜆肉撻， 撻嘅裏面裝住豉椒炒蜆， 蜆肉都幾惹味，旁邊以豆豉作為伴碟。👉第二款概念取至支竹羊腩煲， 以炸支竹為伴碟， 喺正中間擺放腐乳羊肉， 羊肉都幾嫩滑。.🥘 西班牙半熟紅蝦飯👉 由於同朋友傾談太投入嘅關係，唔記得咗影相。。。 西班牙半熟紅蝦飯配料有番茄同埋羅勒， 帶點酸酸的感覺幾開胃， 蝦肉幾大隻， 咬落爽口彈牙， 飯粒粒分明， 索曬啲蕃茄汁幾入味。.🌯 慢煮檸檬雞卷 (薑蔥汁)👉 個概念取自中菜嘅薑蔥雞， 廚師將雞件捲成一卷， 加上檸檬配以薑蔥汁再慢煮， 能夠保持雞肉細嫩，鎖住肉汁， 咬落肉汁慢慢湧

講真好少食法國菜，呢間再mix中式，係幾有新鮮感！🤓餐廳入面都幾整潔，坐得都舒適！😌一開始點咗兩款啤酒，我揀嘅茉莉花手工啤好香花味，好適合大眾口味。我哋點咗兩個套餐🤓想試多d唔同嘢。🫴🏻海鮮蘑菇湯似中湯，有松草菇同其他菇、小帶子、蝦等等，好香好足料，唔會好濃，不錯！🤪🫴🏻小食：炸支竹配伊比利亞生羊肉好鍾意，好彈牙好滑，再加上淡淡腐乳醬，口感、味道都非常豐富！😍🫴🏻半熟紅蝦飯飯有淡淡嘅紅蝦膏同上湯味，配上味道濃郁嘅紅蝦肉，味道幾平衝！😍🫴🏻慢煮檸檬雞配炸冬瓜雞肉肉質札實、嫩滑、好香雞油味。檸檬味同冬瓜都做到解膩效果。😻🫴🏻脆鱗甘鯛配奶油津白魚皮超脆、鬆化，魚肉肉質結實、有魚味，唔會鞋，處理得唔錯！😜津白非常好味，奶油味好濃，菜煮得好腍，吸收曬奶油味道！🤤🫴🏻鹹蛋黃焦糖雪糕一鹹一甜，但味道幾夾，加上一d米通，令口感豐富咗。非常好味！👍🏻

呢間餐廳啲野都幾好食😋特別係佢個意粉好creamy餐廳環境好好，好舒服，👍🏼有個大吊燈好靚呀。❤️我同屋企人都食得好開心，☺️如果來開太子呢邊都會再幫襯。😊

一家位於太子新開既中法fusion菜，門面不起眼但食物質素超高，非常有驚喜，性價比亦好高。店家每上一道菜前會用心講解做法和食法，每道菜式精緻，視覺同味覺上非常享受。我同朋友叫左5道菜，加散叫卡邦尼雲吞、大雪卡(兩件）。5道菜menu- 兩款精緻小食- 三文魚他他- 黑松露椰菜花湯- 西班牙半熟紅蝦飯- 蔗香煙燻乳鴿- 鹹蛋黃焦糖雪糕大雪卡(兩件）賣相一流，外型真係好似雪卡，用咗即炸春卷配上少酸既黑蒜醬，炸春卷拎上手熱辣辣，入面係鴨肉，鵝肝，少酸既黑蒜醬中和返炸春卷既油膩感。卡邦尼雲吞中間雲吞比creamy卡邦尼汁圍住，雲吞一切開蛋黃爆汁，好似卡邦尼意粉上面嗰隻蛋，將雲吞連汁食非常夾，旁邊陪兩塊香脆嘅麵包，呢度菜好有創意。精緻小食其中一款係生羊腿配鮮炸腐皮，生羊腿肉非常滑，完全冇羶味，鮮炸腐皮好脆，夾埋一齊食幾特別；另一個小食係蜆肉配黑松露醬，黑松露醬帶少許酸味，都係配埋鮮炸腐皮食，底部用咗豆豉作裝飾，除咗好食，賣相一流。三文魚他他用球體裝住，好有gimmick，蜜糖牛油果醬喺底部，切開香脆球體就見到三文魚他他，將三樣嘢夾埋一齊食好有層次感。伴碟嘅提子同埋荔枝好清新。黑松露椰菜花湯椰菜花

中秋節翌日假期，我地去咗太子嗰邊閒逛。喺荔枝角道發現一間裝修得幾骨子嘅餐廳，吸引咗我地嘅眼球。臨近飯點，於是便入去幫襯一下。原來呢間餐廳新開冇幾耐，走中法混合新派菜路線。甫坐低，服務員殷勤地遞上兩杯水和餐牌俾我地。我地睇咗一陣，發現套餐可以試多啲唔同味道同款式，所以就選咗Ａ餐同Ｘ餐。首先就係有兩款精緻小食，係豆豉味嘅蜆肉杯同埋炸支竹配羊肉杯。呢兩款明顯係中式嘢，不過就用咗法式嘅擺盤，的的式式，一啖就食落肚。味道方面較為特別，至少我地未喺第二度食過，實屬餐廳自創的料理。之後就擔返口「大雪卡」同埋用上一個中國式燉盅上嘅「海鮮蘑菇湯」，有別於一般西湯做法，呢個係中式湯，內裡有蟲草花同菇菌，少許海鮮。味道我覺得較似龍蝦湯，湯夠熱同好飲！再嚟嘅就係兩份主食，「西班牙半熟紅蝦飯」，一個字！「招牌卡邦尼雲吞」係雲吞皮內包含了一顆太陽蛋，雲吞皮仲係廚師自家製，蛋味非常濃郁。跟住就嚟兩份肉食，「慢煮檸檬雞卷」用薑葱汁蘸來吃，雞肉由於係慢煮關係，非常之嫰滑，又有清新嘅檸檬香味，令人胃口大開。另一份就係「牛扒兩式」，分別係用牛面豬登同埋西冷牛扒。牛面豬登較腍滑，而西冷牛扒的牛肉味較濃，非常好食！飲飽食醉之際

早排等男朋友收工諗住係太子果頭搵間餐廳食Dinner，今次就去左間由米芝蓮大廚負責的法國餐廳🍴餐廳主打中法Fusion菜，設計出一系列全新的菜色，每一碟菜式都係由廚師用心製作，估唔倒價錢都好抵食CP值幾高，佢地仲係一間Music Bar，不定期仲有live music，可以好Chill咁嘆野食 今次就叫左個5道菜既X餐，味道有驚喜 2款fusion小食取自支竹羊腩煲, 支竹炸成脆片配上生羊肉一齊食口感幾特別豉椒炒蜆外皮脆餅包住蜆肉味道幾鮮味 大雪卡外觀真係幾似，其實係加入左鵝肝同鴨肉既元素，食落外脆入面熱辣辣值得一試 海鮮蘑菇湯用左個舊式杯裝好有中式風味，入面有花菇、蝦仁粒，飲落去都好鮮甜 招牌卡邦尼餛飩餛飩皮唔會話好厚，入面仲有流心蛋好滿足 最後套餐既主食係牛扒二食，要讚下牛肉肉質軟諗不會太鞋，幾好食 鹹蛋黃焦糖雪糕唔會太甜！食既時候會食倒鹹蛋黃既咸香同焦糖香，幾特別 西班牙半熟紅蝦潤麵 $105另外怕唔夠食所以叫多左個主菜，蝦肉大大隻，爽口彈牙，潤麵都煮得剛剛好有咬口，另外小編幾鐘意佢個蕃茄醬汁，酸酸甜甜好開胃