El Cerdo (大壩街) (已結業)

今日喺荃灣西附近搵嘢食，行到喺荃灣廣場隔離嘅一條街，見到有一間西班牙西餐廳裝修唔錯，而且happy hour買一送一，於是入去試下。 入面裝修幾有格調，放滿唔同種類嘅酒，而且坐得幾舒服。 坐低之後我叫咗個炸黑毛豬火腿球，鮮蕃茄蓉焗法包，脆皮豬腩肉配蜂蜜蛋黃醬，同慢煮西班牙八爪魚配薯仔酸豆。 過咗一陣先番茄蓉焗法包送上，上面有五塊法包，分量剛剛好可以一口吃掉，味道酸酸地幾開胃。 之後係炸黑毛豬火腿球，有四粒，每粒都炸到金黃色，切開入面有好多黑毛豬火腿肉粒。 跟住係脆皮豬腩肉配蜂蜜蛋黃醬，總共有兩嚿，豬腩肉燒得啱啱好，啲皮好爽脆，啲肉都好入味。 最後係慢煮西班牙八爪魚配薯仔酸豆，總共返咗又五嚿，每嚿都係薯仔喺底中間係八爪魚上面係酸豆，八爪魚幾新鮮，陪上酸豆味道好特別。

平時好少食西餐,朋友生日,佢鍾意食鬼佬嘢,就順下佢意食西餐啦.因為我英文麻麻地,本來都擔心睇唔menu,好瘀㗎嘛,好彩menu係中英對照嘅.嗰晚入到去咁啱剩返門口嘅兩個位,雖然客人行出行入有少少唔方便,都算好彩. 我同朋友都唔係好識叫乜好,見到附近幾張枱都叫咗個雜錦風乾伊比利亞肉拼盤,咁就跟風啦.喺上菜之前,我心目中依味菜應該係炒埋幾種肉就上碟,果然我太年輕了.原來係伊比利亞豬既不同部位同埋唔同長度嘅風乾時間制成既臘肉.係我食既時候我已經完全忘記晒侍應上菜時講解邊一片係幾多個月既肉.雖然切到好薄,但唔會因此食唔出味,因為肉味實在非常濃郁.每一片嘅濃郁程度同埋口感亦都有差別,非常值得一試.鐵板燒蒜蓉炒辣椒大蝦,個名雖然好長,其實同中式炒辣蝦差唔多,好食嘅嘢煮法都非常相似,世界通行.同佢嘅名一樣,係用辣椒蒜蓉炒蝦,用鐵板上,冇乜花巧,夠香夠辣夠惹味,就係咁簡單.最後叫既就係招牌西班牙炒飯,主要食材係蝦同埋青口.因為今次唔係用辣椒炒蝦,所以更加食到蝦既鮮味.尤其係青口,已經有一段時間未試過出街食到仲係咁嫩滑既青口喇,今次終於食到青口應有既味道同質感!另外仲叫咗4杯酒,但係掛著吹水都無細細品賞

西班牙菜真係少食，原來有好多tapas，多到眼花撩亂，樣樣都好吸引千楝萬選，終於order 左脆皮豬腩肉配蜂蜜蛋黃醬豬腩肉烤得外皮香脆，係，堅香脆，腩肉入囗好甘香，肉質又林又軟，眼也看到五層肉和脂肪，分佈好平均，唔怪得會入口咁好味。不忘那個蛋黃醬，有甜甜的蜂蜜香味，點醬令豬腩肉的味道更升華西班牙海鮮炒飯，我估係西班牙菜最出名的，成個鉄鍋上，飯煮得乾身，帶著海鮮既鮮味，蝦好大隻，入口爽而彈牙，魷魚鮮而爽，火喉剛剛好，不會煮得太熟而刃，青口鮮甜juicy , 加埋檸檬汁，酸酸地，味道反而更突出，一大碟兩個人吃也不錯剛巧時段happy Sangria 買一送一，正，叫左Red sangria ，好好味，甜而帶微微既酒香，水果新鮮，味道也滲透酒內，食一餐西班牙菜配杯酒幾relaxing

又放工約姊妹喺荃灣食飯，咁耐冇見一定要搵間好情調既好好傾下計。哩間西班牙餐廳第一次食，環境非常適合談心，舖面雖然唔大，但都有好足夠既空間感，唔會話想擺多幾枱而夾硬迫埋d枱。我地今日公司都忙到暈呀，比較晏先食lunch所以只點左個沙律同豬扒share煙三文魚沙律真係要讚雖然入面有我好唔鍾意既紅蘿蔔(定甘筍？)，但我竟然食晒！因為佢係有稍微煮過既，冇左d草青味，而且係少少淋身，好易入口。再加上有香草香既蛋黃醬，醬汁份量適中，醬如果太多會好膩，太少又會覺得乾，哩個啱啱好，每一啖都好滿足。三文魚富油香，入口軟滑。唯一美中不足既係上面既溏心蛋只係流左好少心，如果煮既時間稍為再短返少少就完美喇。而更估唔到既係豬扒都好驚喜喎，我本人就係牛魔黎既，朋友就係豬魔(咁講會唔會唔係咁好，哈)所以我係比較少食豬，哩個我食第一啖就停唔到口喇。豬扒應係用半煎半炸既，個面非常香，有一點微微既焦脆，面頭有dd海鹽，再配埋香濃既香草醬(當然同沙律果種香草唔同，但我只識食唔識分，哈)層次非常豐富。中段再食埋豬扒配搭的焗蘋果清新一下食物份量唔算話特別多，但因每樣調味都好豐富，所以哩一餐非常滿足

呢間餐廳好有格調一入到餐廳，雖然感覺唔太闊落，但是高格調既設計已經蓋過了同埋都幾滿座喎Tapas款式都幾多不過我今日喉嚨痛，食唔到啲煎炸食物，所以就揀左蘆筍食當然西班牙海鮮飯都唔少得啦鮮蘆筍配極上黑毛豬火腿+64度蛋成個感覺好精緻呀蘆筍整得岩岩好，配上少少咸香既黑毛豬火腿最正而溫泉蛋個形狀好靚好滑成個配搭都好matchThe El Cerdo Paella有我好鍾意食既baby blue成個飯整得好可口，有微微既辣味，令整個飯都變得更惹味而且材料除左見到既蝦、青口，仲有魷魚、豬腩肉&西班牙臘肉，材料好豐富呀

朋友生日，食Lunch，想食d輕食，揀左西班牙Tapas餐廳位於荃灣廣場隔離，都幾易搵，不過餐廳門口比較低調，好容易行過左都唔知...一行六女生，每人一個Lunch set，由$78-$108，每個set揀2款Tapas另外仲有行政套餐，有招牌的西班牙炒飯，朋友驚食唔晒浪費，所以無揀餐湯，南瓜湯魷魚迷你漢堡沙律磨菇西班牙奄列，我以為係普通雞奄列，諗住唔想食得咁heavy，點係裡面有薯仔粒... 飽到...青口牛脊肉Lunch set可以揀咖啡 茶 or 甜品，揀左甜品 churros，香脆玉桂條配榛子朱古力醬之前喺西班牙食過，所以想尋回記憶中的味道~好味~ 好鬆化~

估唔到係荃灣一條小街會搵到一間西班牙Tapas餐館! 一見到個招牌寫住西班牙文 El Cerdo (豬),即使與朋友入去睇有冇位! 結果咁岩有張4人枱, 於是我地3個就入左去食晚飯!El Cerdo雖然唔算大間,但裝潢絕對比足心思! 望落有高級餐廳的感覺對嗎? (1) 前菜方面,我剛剛解釋過餐廳名字的意思, 是"豬", 所以好明顯要叫碟"jamon" (西班牙火腿)啦! 風乾火腿係用一個好可愛,豬型既碟端上,十分搞鬼! Jamon亦味道很好,不會過咸,果然是"豬"的專門店!(2) 講起"豬", 我地又點了"炸黑毛豬肉波", ,配以沙拉醬,味道很有趣。(3)洋蔥薯仔西班牙奄列 - 上菜既時侯,朋友搞笑話望落好似日本既大板燒,HAHA講返正題, 依道奄列好香口,口感亦好特別,同樣,配以沙拉醬,味道十分佳!(4) 西班牙炒飯(paella) - 一睇就知佢個飯落重料! 見到隻隻大蝦同青口, 好多料! 食落味道尚好(5) 依道係一味tapas菜,賣相十分有心絲! (6)最後甜品方面,點可以唔嗌"西班牙油炸鬼"(Churro)呢?  Churro炸得香脆,恰到好處,配堆朱古力醬,全餐非常之飽肚!

最近，我和幾個朋友一起來這裏試一試西班牙菜，這裏環境很幽靜，地方也很舒服。我們叫了一些特別的小食，主菜及甜品。首先來了個頭盤，是檸檬汁醃白隄魚柳，樣貌與我們想像有些出入，味道是偏酸的，魚肉帶點鹹，感覺也挺有趣的。這是西班牙豬配蘋果，肉質很結實，味道也有豬味，醬汁味道帶點酸甜，令人更加開胃。這是墨魚汁大蝦炒幼麵，整得很香，這個幼面真的很幼，還帶點碎呢！味道很重墨魚汁味，而且面頭還有蔥很香呢！我們還叫了西班牙油條作甜品，炸得很香脆，配上朱古力醬及糖，令人垂涎欲滴

沒多久前，乜誰推介荃灣有間食西班牙菜，很想試！捉埋佢一齊去試先！那天晚上到達餐廳，剛好不用等就有位，地方也很骨子，看看menu, 今天心水想多吃些Tapas。先來Ham Croquetas 什麼東西呀，西班牙班䐁肉碎磋成肉丸來炸，很咸香，好味啊！第2款Tapas 是青口， 有蕃茄粒配合，清新而可口，青口厚肉和鮮味！隨後有焗沙甸魚， 很鍾意這個賣相， 有香草提鮮魚味， 加上我很鐘情沙甸魚， 覺得特別好食！啲餸一齊來， 來張大合照先！吃西班牙菜点少得吃西班牙炒飯， 這款招牌西班牙炒飯，內有海鮮，還有些甘香的西班牙焼豬肉，一口一口的吃，很滋味呀！多謝他，帶我來，最緊要好吃和食得開心！

今晚黎到荃灣食西班牙野..呢間係灣仔都有分店..我地訂左位..都全場都坐滿晒..一個menu過..我地揀左鮮蕃茄蓉焗法包..個法包超級迷你..一啖就食完..燒帶子配脆皮豬腩肉及粟米蓉..帶子好大粒好鮮..豬腩肉好脆..好似脆皮燒肉甘...鮮蘆筍配極上黑毛豬火腿及64度蛋..好少食蘆筍..都好爽甜..食黑毛豬都唔會好漏..煙三文魚配俄羅斯雜菜沙律及溏心蛋..沙律醬同平時食既唔同..味覺酸酸甜甜..都幾特別..主菜叫左西班牙海鮮炒飯同墨魚汁大蝦炒幼麵..幼麵幼到好似一條條切左絲既雲耳..望落黑媽媽..但食落好驚喜..第一次食到既味道..最好笑係大家都食到個嘴黑晒..因為有Happy Hour既關係..酒類買一送一好抵..點都要飲返杯..

今次黎到呢間係荃灣既西班牙餐廳 Pan con tomate 炸過既法包配濃味蕃茄Asparagus, egg and jamon 店員建議整爆個蛋黎食，的確唔錯，配埋燒過既蘆筍 但保留到好多汁燒帶子配豬腩肉配粟米蓉帶子好肥美，多汁...粟米蓉幾特別..甜甜地！ 好味！ 西班牙海鮮炒飯 必點，熱辣辣上台，好多海鮮，飯身唔乾墨魚汁大蝦炒幼麵呢個幾特別，濕炒既..幼麵係剪醉左既..happy hour buy 1 get 1 free tim ar! 西班牙菜值得一試

特别的日子，吃特别的餐！前幾天孖8是本人和太太的特别紀念日子.所以去咗荃湾吃西班牙菜！点解，有個friend 吃過推介這間餐廳給我們，不是什麽羅曼蒂克的，但佈置雅緻，食物好！我們8点前到達餐廳，還未過餐廳的Happy Hour的時段！叫了杯mocktail - De La passion應該有Mango juice, kiwi fruit juice, lime and soda應該係咁上下啦，因我鐘意芒果，所以叫了這杯，HH 時段， Buy one get onr free 喎!叫了些Tapas :Grilled Sardine Fish 很喜歡吃沙甸魚獨有的魚味！ 黑毛豬火腿球 - 火腿肉碎伴上香料芝士磋成球狀上浆和麵包糠炸得很香口，外脆內滋味！青口-肉質很爽，夾些茄粒去煮很清新！這個青口売似蝴碟嗎？或似個心形？這個招牌西班牙飯- 除了很多海鮮外，還有些辣肉腸碎和西班牙燒豬肉碎，配搭很豐富，很好味！飯粒亦炒得很煙靱！最后來Rice Pudding 做結尾！這個用米飯做餡，外上浆炸好撈上糖碎!猜唔到咁好食的一款甜點！

之前黎食過晚餐，今次試食午餐。午餐和晚餐既份量差不多，都係細細份，所以比食晚餐抵好多。今次點左一個$118 set 和$158 set.$118 set 選了牛里脊肉串和煮青口，跟沙律和湯，兩樣野都好細份，絕對唔夠飽，不過加埋另一個set就ok.牛里脊肉串雖然得三串，但肉質超淋，燒得好好食，如果多一兩串就perfect!煮青口其實都惹味，不過份量較細，大食之人一定唔夠飽，起碼要叫兩個set 先得。建議呢個set 加個餐包會好d.另一個行政套餐份量就剛剛好，有湯、蕃茄蒜蓉包、西班牙海鮮飯、甜品和飲品。雖然西班牙海鮮飯份量細，但好多海鮮，而且蝦和青口都幾彈牙新鮮。總括來說，呢間餐廳雖然食物份量細，但價錢唔貴、質素都好，而且可以一次過試幾款食物，是不錯既選擇

成日經過呢間西班牙餐廳，聽朋友講好似唔錯，一直未有機會試，今日終於約左朋友黎食晚餐，發現CP值極高，好食得黎價錢相宜！西班牙些利酒炒鮮魷魚 $78陣陣酒香，魷魚肥美爽口鮮甜，配蒜片同辣椒一齊炒，微辣，一道好開胃嘅小食。招牌西班牙炒飯 $198海鮮超級豐富，有蝦、魷魚同青口，其中青口好特別，平時青口咬落韌韌地，但呢隻唔會，仲鮮甜多汁！成日飯海鮮味香濃，但又唔會太咸，唔錯！Churros with Nutella $48Churro香脆熱騰騰，好香肉桂味，配nutella甜而不膩！

每次去荃灣廣場行街，都唔會係入面食，因為知道出面街太多美食，今次就黎試下呢間西班牙菜，唔試都唔知原來咁高水準，環境雅麗舒適，價錢比起尖沙咀/銅鑼灣嘅西班牙餐廳平一大截，性價比超高！皮夠香脆，豬腩肉肥瘦參半，肉質香嫩，脂香四溢，配蜂蜜蛋黃醬更清香，完全冇肥膩嘅感覺。主菜係墨魚汁大蝦炒幼麵，海鮮好豐富，除相中見到嘅魷魚，麵裡面仲有好多，魷魚爽口彈牙好新鮮，大蝦都好鮮甜。主角係個墨魚汁麵，好好味！墨魚汁好濃郁，汁嘅濃度平衡得好好，唔會太乾/太濕，麵係用西班牙幼麵條，細細條麵嘅表面可以沾上多啲墨魚汁，口感幼滑好特別！呢個甜品rice pudding好特別，熱辣辣外面炸至金黃色，好香肉桂味，裡面嘅甜飯軟綿綿，仲有橙香好清新嘅感覺！