Gastrobox The Cameron (已結業)

每到放假，無論自己定同家人，諗唔到去邊食，都會黎Gastrobox 食個lunch先！呢度地方同環境令我可以每次放假都去，食物質素都好好，Lunch價錢都唔貴，最喜歡無論Lunch定Dinner，佢地都係course by course 上野食，亦唔會因為你地係share而出曬成枱野食比你，感覺好似平價既Fine Dining 呢！今次西冷扒特別推介，有次都唔係話好Surprise ，今次係好食又香牛味Risotto 同pasta 都keep到水準，好味份量都好足，唔會話因為係Lunch會份量小d😆而每次黎到我都會叫杯熱咖啡，就係覺得一餐好食既西餐係要配上杯唔錯既咖啡先完滿！而佢呢度雖然唔係話超好味超香，但就岩岩好，令我有滿足既感覺，而且環境舒適，令我每次gathering既first choice都諗起呢度！

男朋友今日帶左我去食好野，去左尖沙咀食西餐。首先個門面已經好靚。入到去個環境都十分之好。係到食野感覺好舒服好悠閒，有少少似去左旅行享受嘅感覺。我都每人叫左一個set dinner，佢叫左深海星斑鵝肝魚柳卷，我就叫左大蝦黑松露野菌意大利飯。先上前菜，呢個係煙三文魚凱撒沙律。平時唔太喜歡食沙律嘅我都好鐘意食呢個。點解呢？因為佢啲菜全部都好新鮮，而且佢落汁嘅份量好適中，唔會太多太膩，又唔會太少無味。煙三文魚都頗新鮮同都幾厚，好味。唯一挑剔嘅係鹹左少少。🙈然後有我最喜歡的黑松露野菌忌廉湯，對於我呢個鐘意忌廉嘅人黎講就覺得稀左少少，不過男朋友就好鐘意。佢有好香濃嘅菇菌味，亦都有好多野菌粒，我都好喜歡。❤️連呢個麵包都要講，因為個包真係好好食。個包整得好煙韌，同埋佢落左啲香草，令成個包更加香更加好味。終於到主菜了，呢個大蝦黑松露野菌意大利飯好香。佢啲飯煮得唔算好硬又唔算太腍，加埋個汁食落真係不得了。隻大蝦都好新鮮好甜，我覺得呢個意大利飯好正。至於另一份主菜就麻麻，因為魚有少少腥，鵝肝都不錯的。份量比想像中多，所以都好夠飽。最後仲有甜品，雖然唔知咩黎，不過食落似硬左嘅牛乳布丁。唔會話好好食，不過幾特別

great food with reasonable price!!We were for friends birthday. The food was great and friendly staff. The drinks were cool as well. I must say, we ll dine in again for trying out there tea set,and dinner again!

每逢慶祝紀念日，諗食咩念到頭都大埋。呢間食過，果間唔夠浪漫，這個"勾筆"，相信男士們年中一定會幾天唔方便，而在這些特別日子更需要"腦力"。搵餐廳的時候，都會留意一下餐廳的環境氣氛，終於在這個特別日子我找了這家餐廳。位於尖沙咀的餐廳，由門面，到內裡裝修和燈光都好有情調，難怪餐廳內坐滿一對對情侶，同時又會提供二人套餐。Dinner for two $688 per couple香芒蟹肉田園沙律香芒和蟹肉為沙律帶來驚喜，沙律味道清新又帶有香甜芒果肉，及鮮味蟹肉。黑松露野菌忌廉湯香濃的野菌忌廉湯濃而不帶死咸，黑松露味道不會搶過野菌忌廉湯的味道，卻又能為湯作出點綴。跟湯的餐包新鮮熱辣，有驚喜。烤特級新西蘭肉眼配紅酒燒汁選了五成熟的新西蘭肉眼還帶少許血水，但切開肉眼沒太大困難。牛肉都算幾大塊，口感腍，沒韌的感覺。香草大蝦忌廉汁扁意粉意粉細滑，配上忌廉汁夠豐富，亦夠creamy。香煎大蝦肉質結實，味道香。除了大蝦，還有大量雜菌配料。這次餐廳氣氛的確好，在這個環境下用餐也特別好食，所以得到讚賞是理所當然。不過，歡樂過後，又係時候準備下一次的餐廳 ......

是日晚餐與友人約定去食好西，經過多番挑選，選擇了這間餐廳，因為裝潢設計很美和甜點可以畫圖寫字蠻特別。前天就用電話預約了，所以一來到就被安排入座，侍應還會貼心的詢問客人之空調大小。餐廳樓底很高，有一盞大大的水晶吊燈，環境偏黑，頗有情調。因為友人與我都不是太肚餓，所以只點了一個dinner set，再另外點配法國燒春雞。Dinner set包含了沙律，餐湯，飲料，主食則選了露荀蟹鉗卡邦尼意粉，甜點則另外加選brownie。水杯的水奉上的都是熱的，有別於一般西餐廳的冷水，我挺喜歡。餐包拿上手是硬的，可是吃下去是脆軟，而且都是滿滿的香草味。餐包讓我覺得有點驚喜。煙三文魚凱撒沙律跟餐湯先上桌，沙律第一口覺得不錯，醬汁咸咸的配合爽脆生菜，蠻開胃的，但是第三四口就會覺得太咸，醬汁太重味道。反而餐湯則對比下較清淡，蘑菇味道挺重，忌廉湯卻不是太膩。(這兩個忘記拍照)燒春雞聲稱製作時間需30分鐘，但是只是僅次餐湯之後就製作完成及上桌，春雞肉質蠻嫩而且有汁，只是雞胸部位較乾身，伴著春雞的醬汁有點怪，我是覺得不伴著吃會比較好，只吃雞肉，味道也不會不夠。露荀蟹鉗卡邦尼意粉則後來上桌，只是吃春雞比較費時，到著手去

響尖沙咀星期五食飯一定要book定位，今次朋友帶我來呢一間西餐，外表平凡，但入邊嘅裝修原來好似城堡咁！晚餐入面真係太多人所以影唔到內在環境，但其實入邊全部都係呢一類嘅沙發，坐得好舒服！呢度有齊一人晚餐，二人晚餐或者散叫都可以，價錢實際。黑松露野菌忌廉湯，外表雖然平凡，但第一口已經感受到熱辣辣，而且質地非常之creamy!! 黑松露野菌味十分之香，飲完之後個口嘅野菌味依然響齒唇之間。好驚喜！香芒蟹肉田園沙律，沙律菜十分之多汁新鮮！上面嘅蟹肉用沙律汁混過，好開胃但亦都保留蟹嘅鮮味！加上芒果，令整體沙律感覺更新鮮！香草大蝦忌廉汁意粉，扁意粉夠麥味，而且al denti!! 香草味夠突出！大蝦十分之新鮮，肉質頗彈牙！仲有少少蝦膏。另外我哋仲要做一個烤豬柳，十分之大，肉味好香，用過小小胡椒奄香，但豬肉味仍能保留。旁邊有個燒汁，令豬柳味道錦上添花。最後個甜品係朱古力brownie! 不會太甜，頗結實足料，而旁邊嘅提子酸酸甜甜，中和brownie嘅heavy感，分量少少地剛好，為呢一餐畫上圓滿嘅句號。

同Best Friend 慶生當然要搵個特別啲嘅餐廳，一黎到，個格局加裝修真係無敵重點係，仲要一啲都5多人5嘈，夠晒private。餐廳唔大，不過坐得好舒服餐前更有送蒜蓉餐包，包皮烘得好脆，包身亦好鬆軟。Cocktail 仲要買1送1哩杯有strawberry, cranberries 嘅飲品Mix 得5錯甜甜酸酸的，好香口。Main 我地嗌左Carbonara, 則邊嘅香草汁，帶子煎得好香，一碟裏面有成3粒咁多白汁意粉個味調得好好味，有白汁嘅奶香之餘，仲有極香嘅蛋汁作配搭，實在太特別，會食上癮的意粉軟硬度煮得剛剛好，煙煙韌韌真係好好味第2個main 嗌左燒春雞啲雞真係好嫩，好淋身，醃得好入味。仲有薯蓉，翠肉瓜，西蘭花做配菜份量好足！最得不得一提就係個甜品！餐廳貼心嘅自訂慶生選擇，預早通知佢地可以選擇想要嘅圖案，寫生日字眼。味道黎講，真係我哩個甜品控食過最好味嘅心太軟！佢個面脆，有少許海鹽，咸咸的，內心就流心，甜甜的，哩個配搭真係一流，而且連$70都5洗整體黎講，好抵食，環境高質，食物好味，慶生一流(p.s. Happy Birthday Again to my Best Friend

上個月 book 左食飯, 星期六, 夜晚7,8點左右, 去到發覺book 係多餘既, 加埋我得兩枱, 之後另一枱走埋, 非常好, 包場。叫左個set, 頭盤沙律普通野, 個包唔錯, 夠鬆脆, 湯無味。食物叫左松露飯, 味道正常, 膩左少少。牛扒有塊面咁大, 煎得都夠香, 要7成熟, 出到黎應該都差不多, 無變左 medium 或者 welldone.兩個人埋單800蚊左右, 上個月食, 唔太記得。總括黎講, 野食中上水平, 價錢亦係中上, 環境幾靚, 有心機裝置過。適合慶祝或生日黎服務因為係得一枱包場, 基本上係兩個侍應serve 我地兩個人, vip 咁😂雖然我鐘意佢靜, 不過都祝佢多返啲人黎啦😂

尖沙咀食店林立, 仲會發現到一些未食過, 早前便相約友人係尖沙咀覓食, 最後去了Gastrobox食飯. 樓底較高的關係, 加上店內較華麗的怖置, 令人感覺舒服. 這裡除了單點菜式外, 仲有套餐. 不想選擇的我地, 就選了一個二人晚餐. 店員先奉上餐包. 頭盤是香芒蟹肉田園沙律. 顏色又黃又綠, 幾色彩繽紛. 蔬菜幾爽脆, 混入帶點甜酸的芒果粒蟹肉, 多重口感, 作為前菜不錯. 湯是黑松露野菌忌廉湯. 湯稀杰適中, 當中混入了野菌碎, 多了一份口感. 由於有黑松露, 入口有淡淡的香味. 主菜是烤特級新西蘭肉眼配紅酒燒汁和香草大蝦忌廉扁意粉. 烤特級新西蘭肉眼配紅酒燒汁. 份量都幾大. 因為我唔食生嘢, 特別要求肉眼全熟. 牛扒全熟, 通常也會硬和乾, 但估不到這塊肉眼還算能保持肉汁, 尚算稔身, 味道也不 錯, 完全啱晒我的口味. 香草大蝦忌廉扁意粉. 大蝦肉質幾彈牙和爽口, 若有兩隻會好一點. 醬汁掛在扁意粉上, 這樣更好味. 最後是精選甜品. 賣相精緻. 朱古力味道調教適中, 不會太甜. 餐飲點了熱咖啡. 咖啡對於我來講, 基本要

呢間餐廳雖然唔係當眼位置，不過都幾多人，幾乎fully booked.三個女仔叫左一個二人set再加一人set, 十分之飽。個人認為二人set d食物較為好味。食物分別有:沙律和餐湯，無咩特別扒: 幾un, 但勝在都夠厚，for三個女人好夠食大蝦意粉:岀奇地好食，夠惹味，意粉煮得剛好，唔太硬或太淋。Truffle risotto: 好濃嘅黑松露味，好好食。又夠creamy, 而且飯唔太硬，我個人唔like咬到飯心嘅意大利飯，推介👍🏻。最後仲有個甜品，類似brownies, 如果我地唔係太飽，否則應該會覺得幾好食，唔太甜，朱古力味又夠。價錢就係中上，間唔中girl talk一下，去呢d無限時，又唔太嘈嘅餐廳都係個不錯嘅選擇。

Found this restaurant from Openrice and it did not disappoint. They have a pretty reasonable dinner set option but we opted for a la carte; a ribeye steak, pasta and lamb. Highly recommend the steak and pasta, both were delicious. Note they mostly have English beers, which I don't normally like. The Honey Dew one was actually quite nice. Overall very happy with the dinner.

今日補祝返朋友生日，知對方鍾意意大利菜，於是一早上網搵料。見到呢間意大利菜高級餐廳，雖然價錢較一般為高，但生日慶祝一年一度，覺得無謂慳得個少少錢，當然食餐好既！點咗個二人套餐。頭盤各一份香芒蟹肉田園沙律，初時一望，唔覺得有蟹肉出現，食左啖，先知沙律混合咗蟹肉，口感酸酸甜品配埋蟹肉既口感，幾開胃！之後係黑松露野菌忌廉湯各一，侍應仲好貼心咁問，要唔要加胡椒粉！飲落口感十足，啖啖都食到豐富既野菌，但略嫌個湯有啲稀，如果稠啲會更好！至於主菜之一既烤特級新西蘭肉眼配紅酒燒汁，要求medium well。上到台，真係五成熟左右，一啖咬落去，牛肉鎖住咗啲肉汁，再試埋芥末同埋黑椒汁，唔錯既！唔點直接食都唔錯！另一份香草大蝦忌廉扁意粉，過左陣食都仲熱辣辣。扁意粉配忌廉汁幾夾，同埋扁意粉口感非常唔錯，大蝦亦都煎得好香，食落彈牙，good! 精選甜品係Brownie，睇得出有啲心思咁畫左啲花紋，仲要兩碟都唔同。甜品份量唔會過多，岩岩好，食埋就飽哂！對於呢間既氣氛，服務同埋食物質素都正面！

差不多又到我們的紀念日了，想找個特別一點的地方吃飯慶祝，於是來到這裡。室內環境幽暗憩靜，裝潢古典優雅，側邊還有落地玻璃窗可以望到金馬倫道景色。我們點了一個二人餐，happy hour還未完，cocktail有買一送一優惠，所以我們點了兩杯。Around the World Special酒精成份較高，由gin, vodka, rum, tequila調製而成，酒味較強，但有甜甜的菠蘿汁中和一下。Mai Tai果汁成份較高，味道偏甜，紅石榴糖漿味道較強，酒味很淡。香芒蟹肉田園沙律蟹肉被打成蓉，蟹味很濃郁，芒果應該不是熟透的，所以不太甜而且有少許咬感。整體感覺清新開胃。餐包這是香草包，上菜時是熱的，邊緣烤得香脆，有很香的香草和檻欖油味。黑松露野菌忌廉湯十分creamy, 湯的質地濃厚，湯裡很多黑松露所以很香，野菌切碎了，但也有點嚼頭。整體入口很濃滑。烤特級新西蘭肉眼配紅酒燒汁份量很大！肉眼扒上除了少許鹽就沒有加其他調味，令人能真正品嚐到牛肉的美味。我們點了五成熟，煎得剛剛好，裡面還是紅色的，切開的時候，有肉汁流出來。無論不沾醬汁或沾黃芥末或者紅酒燒汁吃，都有不同的美味。黃芥末較為開胃，紅酒

兩姐妹想食餐飯，最後揀左gastrobox, 叫了2人餐。頭盤有個沙律啦～ 前菜來說份量都算多，個汁見到好杰，初時會担心會膩，原來是酸酸的很開胃，忍唔住連汁都食哂。餐湯就差小點，作為一個cream soup就太稀了。主菜選了牛扒及蝦意粉。兩者都煮得不錯，虎蝦真的很大隻，口感亦很有彈性。牛扒質素不過不失，都不錯。甜品加錢選了法式燉蛋，本來沒有抱什麼特別希望，因為各食品都是不過不失，沒有什麼特別好或特別差。燉蛋上場，第一口絕對就是驚喜，燉蛋是軟的暖的，雖然表面是法式，但內類就是中式，又軟又滑又不膩。這個甜品為這頓晚飯做了一個完整的句號。

好姐妹慶生飯局，先不說慶生與否，女士們的飯局除了吃食物外，環境也很重要，因為環境也能打卡。今次是第一次來到Gastrobox，門面不錯，但間隔有些奇怪，可能廚房在正中間，座位都只能圍著放，枱與枱之間有足夠距離，雖然空間感望落不夠，但一直入內坐下來感覺其實還可以，裝修及擺設很fancy，女生們打卡必到。我們3個中等食量的女人，先點了一個二人餐，然後加了個豬手，對於我們來說，份量很足夠，還吃不完。上菜時間快，我們還沒完成牛排，意粉已到，所以東西放著便涼了，上菜時間其實可以稍為慢一點。食物味道不過不失，沙拉不錯蔬菜新鮮，牛排因爲是跟餐點的，還可以，但意粉因爲放久了，吃下感覺很乾。另外點的豬仔炸的稍為過了一點，有點乾及硬。飲品方面，分別點了紅酒及cocktail, 店員推介的可以，只是最後出錯了甜品總結很重要，最後吃了心太軟，賣相不錯只是味道沒能跟上，心沒有軟，只是這裡有點讓人失望。整體不錯，幾個女人能暢談聊天沒趕下一輪已經很好了