House of Joy Oyster Bar and Restaurant

营业中

休息中

今日難得男友唔使OT，就諗住去美孚行街，順便搵埋晚餐。行行下見到一間有啲復古嘅餐廳，間 嘢啲外牆全部系木色，好特別，就決定入去睇睇個餐牌。原來呢間餐廳主打賣生蚝，而且系$10/只 ，真系好抵食呀!咁我同男友就決定系度食埋晚餐。我哋叫咗法國生蚝，俾錢嗰陣真系$10/只，仲要好大隻，我哋叫咗8隻都唔夠食，因為真系好鮮甜 ，好好味呀!仲有男友叫嘅牛肝菌黑松露忌廉汁意大利飯，價錢系$178。成個飯都有晒黑松露忌廉汁嘅獨特味 道，配埋野生牛肝菌，成個飯甜甜地，好入味，特別啱我口味!我哋仲叫咗廚師推介嘅甘筍湯，78蚊，個湯底有曬濃郁嘅甘筍味，份量都好多，真系好抵食!仲 有苤藍椰子湯配紅蝦多士，$88，系最令我哋驚艷嘅!問咗侍應先知，原來系配咗椰子，因為個味 真系好特別呀!下次嚟仲會再叫。我哋兩個人真系食得好開心呀，下次仲有嚟試唔同嘅美食!

週末難得得閒，就帶阿爸阿媽去美孚饒宗頤文化館嗰邊食晚餐，朋友話呢度有間高質素嘅餐廳，就想帶阿爸阿媽嚟試一試。呢度嘅食物非常多選擇，有法國菜，西班牙菜，美國菜都有，種類繁多，一時之間真係難以抉擇。最後我哋叫咗烤焗西班牙伊比利亞羊扒配自家製羊肉腸，紅菜頭蓉，羅勒莎莎，慢煮美國牛小排配蕃茄汁意大利麵，韃靼牛肉配和牛牛骨髓，多士同埋烤阿根庭紅蝦牛油果沙律配熱情果油醋汁，四款食物一齊食。 紅蝦牛油果沙律當作開胃菜都幾唔錯。牛油果嘅果香味同熱情果油醋汁提升咗紅蝦嘅味道，紅蝦食起嚟軟滑細嫩，完美打開我哋嘅食慾。 羊扒嘅賣相非常精緻，擺盤太靚喇，都唔捨得食。唔止賣相好睇，肉質特別細嫩，肥瘦均勻，食落非常好食。 意大利麵嘅份量都唔少，蕃茄汁濃郁嘅酸甜味同意大利麵完美結合，麵條好滑順。重點係意大利麵上面嗰個美國牛小排，肉質柔軟甘甜，有啲外焦內嫩嘅口感，正。 韃靼牛肉口感滑嫩濕潤，整體風味清爽微酸。和牛牛骨髓一口咬落去非常綿軟，而且冇任何異味，同多士一齊食係真係好好味。

試完美孚嘅「House of Joy Oyster Bar and Restaurant」之後，我真心推薦呢間餐廳。呢間西餐廳提供新鮮嘅食材加上巧妙嘅烹調方式，一流！🍖烤西班牙伊比利亞黑毛豬鞍架配南瓜燴薏米蘋果牛仔汁 $298🍖首先要推薦嘅就係佢哋嘅招牌菜 - 烤西班牙伊比利亞黑毛豬鞍架。豬鞍架烤得恰到好處，外脆內嫩，配上香甜嘅南瓜燴薏米同蘋果牛仔汁，味道層次豐富，入口即溶，好滋味😋。🥭熱情果拼盤 $98🥭甜品方面，熱情果拼盤絕對唔可以錯過。新鮮嘅熱情果，香辣酸甜，配合噴香嘅甜品一齊食，令人一試難忘😍。🍷白酒🍷/🍷紅酒🍷飲品方面，你可以配白酒或者紅酒。白酒清爽，紅酒濃郁，無論揀邊款都可以完美襯托出食物嘅味道。🥩美國頂級牛腹肉12安士 $378🥩最後不得不提嘅係美國頂級牛腹肉12安士。牛肉嫩滑且多汁，烤得香口，肉味濃郁，真係食一口就著迷，令人食指大動🤤。House of Joy Oyster Bar and Restaurant就喺美孚，如果你想搵一個充滿情調嘅晚餐地點，呢度一定可以滿足你！🍽️😃

老婆生日，想帶佢食餐好嘅，就喺社交媒體上見到呢間House of Joy Oyster Bar and Restaurant，見到食評推薦佢哋嘅法國生蠔，就踴躍嚟試一試。餐廳嘅環境真係好舒適，優雅嘅裝飾，食物擺盤精緻，果然冇揀錯餐廳。烤焗西班牙伊比利亞羊扒配自家製羊肉腸，紅菜頭蓉，羅勒莎莎-西班牙伊比利亞羊扒擁有好濃郁嘅羊肉味，食落去羊肉味更加鮮嫩，適合我哋呢啲羊肉控。自家製羊肉腸都做得好唔錯，好有嚼勁，成道菜好適合細細品嚐。烤焗法國脆皮黃油雞配炒栗子椰菜仔，西班牙紅椒忌廉汁-法國黃油雞肉質極致鮮嫩，唔油膩，食起嚟好香好好味，淋上西班牙紅椒忌廉汁更加惹味，鮮甜嘅味道多咗一啲辣味，非常好食。法國生蠔- 當然唔可以錯過法國生蠔喇，只需＄10一隻。法國生蠔可以話係味道最豐富嘅生蠔品種，每一隻都好大隻，海水味同鹹味並重，更加可以嚐到甜味甚至礦物味

今次終於抽空嚟到美孚嘅House of Joy Oyster Bar and Restaurant呢間餐廳品嚐晚餐啦！🔔🤝🤝🤝慢煮美國牛小排配蕃茄汁意大利麵🤝🤝🤝慢煮美國牛小排配蕃茄汁意大利麵絕對係人間美味‼️‼️牛小排嫩滑多汁，配上濃郁嘅蕃茄汁意大利麵，真心好食到爆🔅而且味道十足，每一口都充滿咗西餐嘅風味，呢道主打菜真係一試難忘！😻😻😽😽😽烤焗西班牙伊比利亞羊扒😽😽😽烤焗西班牙伊比利亞羊扒，單係名字就已經非常吸引人！配埋自家製羊肉腸同紅菜頭蓉羅勒莎莎，真係好味到冇得輸，絕對值得推介！😚😚😻😻😻白酒😻😻白酒一試就讓人驚艷，口感細膩且十分香醇。呢杯白酒嘅味道淡雅帶有淡淡嘅果香，口感清新悠長，呢個味道絕對讓你念念不忘，而且讓你再次期望回來品嚐！

第一次嚟試呢間網上好hit嘅法國菜餐廳，見到個個都話早啲嚟先至可以好好享受😎-烤焗西班牙伊比利亞羊扒配自家製羊肉腸 超有份量嘅主菜，畀咗三大嚿羊扒同埋一條粗粗嘅羊肉腸，切開係粉紅色嘅，肉都好軟好juicy，完全冇羊膻味，再配埋酸酸甜甜嘅醬汁，一個人食晒三嚿都唔會覺得滯。-美國頂級牛腹肉12安士 我最鍾意呢個部位，唔會太肥，又唔會太韌，牛味又最重。牛肉已經切成細細嚿，好方便點唔同嘅醬汁嚟食，配菜都燒到焦脆可口，食牛之人一定會鍾意！-韃靼牛肉配和牛牛骨髓多士 入面嘅牛肉粒畀得好足！全部都係五成熟，多士都食得出特別烘過，有濃濃嘅牛油香味。一咬落去即刻feel到濃郁嘅肉味。成個味道好豐富有層次，又唔會覺得滯添。-香煎法國鵝肝配法國甜包 全場最鍾意嘅一道菜，鵝肝中間熟度啱啱好，蜜糖黑醋同埋燒無花果一齊食更加清爽，中和咗鵝肝嘅油膩感。

呢間位於美孚嘅House of Joy Oyster Bar and Restaurant主打食正宗西餐環境好靚又舒適仲好乾淨餐廳嘅設計 簡潔高雅好岩放工/週末慶祝👏🏻👏🏻試左幾款菜式每樣都係真係好好味食到超滿足! 🌟烤焗西班牙伊比利亞羊扒配自家製羊肉腸紅菜頭蓉羅勒莎莎羊扒烤到啱啱好 外脆內嫩羊味濃郁配埋自家製嘅羊肉腸💯加上紅菜頭蓉既甜香同羅勒莎莎嘅清新味道食落層次更加豐富🌟苤藍椰子湯配紅蝦多士 椰子湯香甜濃郁苤藍口感脆口 再加上紅蝦多士每一啖都係滋味無窮 非常開胃👍🏻🌟蘋果木煙燻西班牙乳豬 乳豬外皮煙燻得酥脆肉質嫩滑多汁 配上蘋果木嘅芳香色香味俱全😋🌟韃靼牛肉配和牛牛骨髓多士 生牛肉韃靼嘅鮮味同骨髓嘅濃郁香味加上脆脆多士 咬落去口感豐富!呢餐真係食到好滿足下次一定會嗌多幾個朋友嚟甘就可以試埋佢哋嘅其他招牌美食🙌🏻

我同朋友喺饒宗頤文化館參觀嘅時候，無意中發現呢間隱藏嘅西餐廳，House of Joy Oyster Bar and Restaurant，啱啱肚餓，就決定喺度食晚餐。❤️美國頂級牛腹肉12安士賣相好引人注目嘅牛腹肉，睇落非常豪華，上枱前已預先切開，好貼心方便。粉嫩色嘅牛腹肉肉味香濃，口感細嫩多汁。❤️蘋果木煙燻西班牙乳豬仲未食之前就香味四溢嘅乳豬，經過長時間嘅煙燻烤，乳豬充滿咗鮮甜嘅味道，而且仲保持住乳豬原有嘅營養，口感焦脆，鮮嫩多汁。❤️澳洲藍青口配西班牙藍芝士忌廉汁．薯條食完仲想再食嘅澳洲藍青口，食落去嘅時候口腔入面充滿咗海洋嘅鮮味，濃郁嘅芝士忌廉汁提升咗青口嘅味道，再配埋香脆薯條，真係好滿足。❤️苤藍椰子湯配紅蝦多士必須讚一下紅蝦嘅口感，肉質緊緻嫩滑，口感彈牙鮮甜。苤藍椰子湯非常清香，與紅蝦十分搭配，係必食嘅一道菜。

間House of Joy就喺公司附近，所以成日一個人都嚟食。今次嚟都係要叫返我食咗無數次都食唔厭嘅羊扒！伊比利亞羊扒配自家製羊肉腸。次次嚟都一定會要求7成熟，咁樣肉質唔會太乾，好嫩滑，羊味都唔會太騷。今日都燒得特別好，時間都掌握得好好，配埋自家製嘅紅菜頭蓉同埋羅勒莎莎，甜甜地，酸酸味，好惹味！梗係唔好唔記得佢哋嘅羊肉腸！呢樣都係我最鍾意呢道菜嘅其中一個原因。羊肉腸真係好Q彈，而且唔會太咸!甘筍湯嘅要求好高，呢個都係因為之前去瑞士雪山頂上食到人生甘筍湯，之後返到嚟香港就一直再搵呢個味道。而呢度嘅甘筍湯同我喺嗰邊飲到嘅一樣！南瓜味好重，而且唔會又煲得太耐而搞到有焦味，好香濃。如果呢度搞甘筍湯大胃王比賽，我一定第一🙈

今日同男朋友嚟到呢間氣氛感滿滿嘅餐廳慶祝生日，大部分都係以法國菜為主。餐廳環境好闊落，裝修都好簡約大氣，好啱慶祝特別日子～ 🧀火腿芝士拼盤 呢個拼盤我哋叫嚟share當作開胃菜，真係份量十足！拼盤入面可以食到三款唔同嘅芝士：布里芝士，黑松露芝士，羅馬綿羊芝士，各個口感又滑又奶香濃郁！切得厚薄適中嘅火腿大理石紋理好靚，入口咸香包住油脂香，再配埋生果真係好好食！ 🥩韃靼牛肉配和牛牛骨髓，多士 生牛肉剁碎後加入芥茉籽、乾蔥、法葱，拌勻調味後直接生食，口感類似吞拿魚腩，但更加滑嫩濕潤，整體味道清爽微酸！再配埋香脆嘅多士一齊食，別有一番風味～ 🐄美國頂級牛腹肉12安士12安士嘅份量真係好頂，呢個部位嘅肉肥瘦相間、口感鮮嫩軟滑，唔使太多調味就已經香味十足～ 不愧係美國頂級牛肉👍👍

我哋黎美孚《House of Joy Oyster Bar and Restaurant》享受西餐，呢度主打嘅菜式都係一級棒，我哋就點咗幾款主打菜式。1️⃣首先，我哋嚐到嘅係烤焗西班牙伊比利亞羊扒配自家製羊肉腸，紅菜頭蓉，羅勒莎莎🍖。羊扒外脆內嫩，配上自家製羊肉腸，香氣撲鼻，再加上紅菜頭蓉同羅勒莎莎，味道層次豐富，絕對係一試難忘！$3382️⃣跟住，我哋品嘗咗美國頂級牛腹肉12安士🍖。牛腹肉嫩滑多汁，燒得剛剛好，肉味濃郁，每一口都係滿滿嘅幸福感。配埋紅酒，真係完美嘅搭配。$3783️⃣最後，我哋點咗西班牙檸檬撻🍋。檸檬撻酸甜適中，撻皮香脆，入口即溶，食完之後真係令人回味無窮。$88當然，多謝廚師嘅精心烹調，每一道菜都充滿了西餐嘅風味👍。環境靚，食物正，服務好，價錢又抵，呢度嘅晚餐實在係太享受啦！

老婆生日，想帶佢食餐好嘅，就喺社交媒體上見到呢間House of Joy Oyster Bar and Restaurant，見到食評推薦佢哋嘅法國生蠔，就踴躍嚟試一試。餐廳嘅環境真係好舒適，優雅嘅裝飾，食物擺盤精緻，果然冇揀錯餐廳。烤焗西班牙伊比利亞羊扒配自家製羊肉腸，紅菜頭蓉，羅勒莎莎 - 西班牙伊比利亞羊扒擁有好濃郁嘅羊肉味，食落去羊肉味更加鮮嫩，適合我哋呢啲羊肉控。自家製羊肉腸都做得好唔錯，好有嚼勁，成道菜好適合細細品嚐。烤焗法國脆皮黃油雞配炒栗子椰菜仔，西班牙紅椒忌廉汁 - 法國黃油雞肉質極致鮮嫩，唔油膩，食起嚟好香好好味，淋上西班牙紅椒忌廉汁更加惹味，鮮甜嘅味道多咗一啲辣味，非常好食。法國生蠔 - 當然唔可以錯過法國生蠔喇，只需$10一隻。法國生蠔可以話係味道最豐富嘅生蠔品種，每一隻都好大隻，海水味同鹹味並重，更加可以嚐到甜味甚至礦物味，細細咀嚼，慢慢享受。菠蘿雪葩配沙巴翁 & 西班牙檸檬撻 - 食完主食後嚟兩個甜品，真係非常滿足嘅一餐。老婆生日，想帶佢食餐好嘅，就喺社交媒體上見到呢間House of Joy Oyster Bar and Restaurant，見到食評推薦

今晚同老公同屋企人去美孚「House of Joy Oyster Bar and Restaurant」食西餐，一早就已經book好位！☺️ 見到個menu，佢哋嘅西餐真係不得了，種類多款式豐富，包括烤焗西班牙伊比利亞羊扒配自家製羊肉腸紅菜頭蓉羅勒莎莎 $338、白酒、香煎法國鵝肝配法國甜包蜜糖黑醋烤無花果 $188。每一款都有其獨特風味，真係令人驚艷 hehe 👶💜整體環境💜House of Joy Oyster Bar and Restaurant嘅環境簡潔而典雅，布置具西式風情。服務人員友善親切，笑容滿面，服務周到，令人印象深刻。一致給讚。🫶🫶💜主菜一：烤焗西班牙伊比利亞羊扒配自家製羊肉腸紅菜頭蓉羅勒莎莎💜主菜首選肯定係烤焗西班牙伊比利亞羊扒，羊扒嫩滑多汁，配上自家製羊肉腸，紅菜頭蓉同羅勒莎莎嘅香氣完美融合，每一口都充滿驚喜！💜主菜二：香煎法國鵝肝配法國甜包蜜糖黑醋烤無花果💜接下嚟就係香煎法國鵝肝，鵝肝煎得外脆內嫩，配上法國甜包同蜜糖黑醋烤無花果，甜酸嘅滋味真係一試難忘。配料嘅巧妙搭配，令人不得不驚嘆House of Joy嘅廚藝精湛！💜飲品：白酒💜再嚟一杯白酒，清新嘅口感配上呢啲

前日我個朋友由外國嚟香港玩，話想試嚇多國菜，問我邊度有啲咩好食嘅餐廳。我都唔系好識，諗住問嚇老公，老公話之前同事有講過美孚間House of Joy Oyster Bar and Restaurant啲嘢食唔錯，可以去試嚇。咁我就決定帶埋個外國朋友去嗰度食晚餐。我哋一入到去間餐廳，就覺得好溫馨，擺設簡單，啲顏色襯得好靚。個外國朋友仲影咗幾張相添！我哋叫咗【慢煮美國牛小排配蕃茄汁意大利麵 $288】，好大舊牛小排擺喺意大利麵上，睇落就好吸引！仲有濃郁嘅蕃茄汁同羅勒嘅香味，成碟意大利麵變得更加好味！外國朋友叫咗【牛肝菌黑松露忌廉汁意大利飯 $178】，個外國朋友好鍾意，佢仲話系佢第一次試意大利飯，成個口感都好好。我哋仲叫咗唔可以錯過嘅【法國生蚝$10/只】，我第一次食到咁新鮮嘅生蚝，仲帶有淡淡嘅海水味，咬落去特別爽口，好食！！！！外國朋友好鍾意我帶佢嚟呢間餐廳，仲話下次有機會要帶埋屋企人嚟試嚇！

一個人嚟呢間餐廳食晚餐，叫咗杯白酒做開胃酒同埋配埋以下菜式一齊食，提升菜餚嘅鮮味同口感，白酒嘅清爽酸味可以平衡海鮮同埋蔬菜嘅鮮味，而佢嘅果香又可以提升肉類嘅風味。慢煮美國牛小排配蕃茄汁意大利 : 呢道料理以柔嫩多汁嘅牛小排為主角，慢煮過後牛肉更加腍。酸甜開胃嘅蕃茄汁同牛小排真係絕 配，再加上羅勒葉嘅味道，聞起嚟肚餓多咗幾分。意大利麵則嚼勁十足，充分吸收咗牛小排嘅牛 肉味同蕃茄汁。甘筍湯 : 甘筍嘅味好濃好突出。湯嘅口感好滑，作為廚師推介嘅湯品，真係好值得試吓。香煎法國鵝肝配法國甜包，蜜糖黑醋烤無花果 : 鵝肝外脆內軟，一直以嚟都唔知入口即化嘅感覺係點，呢個鵝肝畀我第一次感受到。配埋鬆軟可 口嘅法國甜包，蜜糖黑醋烤無花果酸甜可口，解膩又惹味。