Kampoeng

营业中

休息中

難得星期五放假，看阿拉丁前先到銅鑼灣吃午飯。平常吃飯多選中、西、日和韓式，這次朋友帶我去試這印尼餐廳。餐廳位於糖街，維園附近，因在地庫關係，我一直沒有留意到這餐廳。餐廳環境舒適，餐枱上還有小蠟燭，很寫意呢！我們點了二人餐。首先是加多加多沙律，醬汁有花生香，一點點甜，料理豐富，有豆腐乾、雞蛋、薯仔、豆角、通菜，還有脆口蝦片鋪面。沙爹雞肉、牛肉串燒各有兩串，燒得微焦，雞肉爽滑，牛肉juicy有咬口，沾上沙爹醬汁香濃又惹味。巴東牛肉牛肉很好吃，牛肉煮得鬆化，一點都不乾，應該是用上坑腩的部分，牛肉連著一點點煙韌啫喱狀的牛筋，口感很好，沾上那特別的醬汁，很香濃帶一點辣，很惹味，好吃。重口味人士一定喜歡。雜菌炒金邊粉炒得很香有鑊氣，有各式菇菌、蛋絲，還有很多芽菜，十分爽口。金絲粉不會疊著一束束，根根分明，軟硬度適中，而且入味。我們另外加了$28點了馬拉盞炒通菜。通菜十分爽脆，馬拉盞惹味，大大盤我們都吃清光。最後，歎完凍檸檬茶和凍咖啡，我們都滿足地離開準備去看戲。

想喺銅鑼灣食平價,抵食,份量又大,性價比高嘅餐廳, 可以考慮正間印尼餐廳. 晚巿餐牌種類很多，。套餐還包括湯 主食， 菜和飲品等等。先樉了個冬陰公湯， 又熱又辛辣， 為呢個落雨天驅寒，仲飲到入面有好強嘅椰子奶味。之後上來了炸嘢拼盤， 有春卷，有蝦餅，有生蠔，炸到香脆有熱辣辣，配上泰式辣醬簡直一流。再來了一個炒金邊粉，有點像是港式嘅乾炒牛河飲有芽菜，有洋蔥，蛋，小油但好香口。跟住再有一個馬拉盞炒通菜，通菜好新鮮，食落去颯颯下好滋味。跟住叫咗個牛油果沙律， 有牛油果，沙律菜，青瓜， 蘿蔔絲再加洋蔥絲，睇落去色香味俱全，因為有小辣椒，很野味。海南雞好大碟，雞滑，連埋皮同特色漿色，價錢加味道，性價比好高。最後值得一提嘅係超抵食，勁大個的椰子。食完之後，再挖埋啲肉食。椰子肉甜軟，夏天黎講真係透心涼。

話說最近都只係不斷食西餐 好耐都無食下d重口味既食物 今日男朋友早收工 就帶左佢去銅鑼灣到食印尼菜啦呢間餐廳係地庫 入面上唔到網 就可以同另一半放低個電話 好好享受呢一餐飯我地2個都好肚餓 叫左個巴東牛肉配黃薑飯 燒魚 印尼炒粿條 馬拉炒通菜 仲有一杯青檸梳打值得一提係食物上菜好快 巴東牛肉好香濃 唔會死咸之餘仲好有牛味又夠淋 印尼炒粿條大大份 2個人食已經好夠飽 而個炒通菜仲抵食 個份量係外面普通餐廳既2倍有多 食到飽飽地飲返杯青檸梳打就一解油利感啦

平時較少食印尼嘢，今日放工往銅鑼灣皇室堡，附近糖街有間Kampoeng，在銅鑼灣商業大厦地庫，裝修具東南亞風味，主打印尼菜。春卷炸得很脆口，又唔太油腻，素菜饀料幾清新。馬拉盞炒雜菜有椰菜花，西蘭花，芽菜，芥蘭和椰菜，配合馬拉盞嘅咸香，清淡新鲜又健康。半隻海南雞份量十足，雞肉嫩滑有雞味，油香感豐富，配合薑蓉，醬油和雞醬三種調味，各適其式。軟殼蟹炒金邊粉口感似港式豉油皇炒河，呢啲偏向淡香而唔太油腻，軟殼蟹幾香脆。印尼炒飯炒得好夠鑊氣，雞肉粒蝦乾粒咸香惹味，飯粒夠香夠乾身，令人回味。

今天與朋友在附近放工，所以來到了這間餐廳試試。我們8點來到，未算太多人。我們先點了一份青木瓜牛油果沙律。沙律菜十分新鮮，牛油果很香。我們點了一份東南亞風味二人套餐。當中有冬陰公湯。 冬陰公湯每人一碗，濃郁得來有點辣，十分開胃。另外還有雜錦拼盤，包括吉列炸蠔、炸蝦餅、春卷生菜包，炸得十分香脆。再來了半隻海南雞半隻。海南雞肉質鮮嫩和很滑。而且有雞比位和雞翼，我最喜愛的兩個部位。雞皮也不厚也不肥。點上三種不同的醬汁，十分美味。鮮雜菌炒金邊，不知為何變了炒河粉。但十分大碟，又夠鑊氣。蝦醬炒通菜十分大碟，蝦醬炒出來又不會鹹。我們再點了酥炸軟殼蟹。軟殼蟹炸得很香脆，十分喜歡。我們又點了椰青。椰青十分清甜，而且夠凍，十分解喝。最後我忍不住喝了兩個椰青。今天真的很滿足，想不到印尼菜也這樣出色。很喜歡這間餐廳，下次會再來試試其他東西。

維園附近，經常有不少菲傭逗留，有時多人到看不到此餐廳。加多加多沙律，之前都在其他印尼定還是馬拉式的餐廳見過，原來，有點兒好像串燒醬放在底下，然後可以點蝦片，或是青瓜，或是芽菜等等配料，甜甜的，少許辣，少許肉醬的感覺，味道不錯。小食拼盤，仲有炸蠔，以及炸蝦餅，旁邊亦都有炸蝦片，並且會提供泰式辣醬。這個二人餐，原來份量極之多，隶友人叫我選擇要巴東牛肉定還是要海南雞，結果就點了海南雞。但是，什麼來到之後，非常失望，因為海南雞的賣相極差，好像沒有什麼油水，而且海南雞都完全沒有去骨，除了雞翼之外，其他的部份都是有骨的雞，味道非常清淡。炒通菜，內裏亦都有些炸洋蔥定還是炸蝦米粒粒，亦是口感豐富，通菜都不會吃到油太油，也不錯的。另外有一個選項，就選了炒飯，炒飯炒得不算太乾，有輕微鑊氣，而且炒飯入邊都有些趣的洋蔥粒粒，增添了口感。外加的串燒，反而味道普通，不值再吃回想起來，的確強勁，二人餐有整整5/6道菜式，還有兩杯熱飲，當然可以揀選特飲。兩個人竟然可以吃到這個二人餐那麼多的份量，真是佩服。我們點了兩杯熱咖啡，味道好像淡化了的越式咖啡，也是有種東南亞咖啡那種香料味道。位處於地底的餐廳，因此手機訊號難免會

其實除了營多撈麵，我真的不太認識印尼菜，到底有什麼菜式？之前剛好和朋友去銅鑼灣逛街，找到一間印尼菜餐廳，大開眼界。我們去的時候是中午時段，可以選擇午市套餐，以銅鑼灣來說，價格十分實惠。我點了印尼巴東牛肉雜錦飯($68)，裏面是白飯和很多款色彩繽紛的小菜：巴東牛肉很嫩、微辣；白色的是用椰汁煮過的瓜類；黃色那個頗辣的，裏面有豆卜；有個顏色很紅的菜瓜類，吃不出來是什麼，但超級辣；另外還有蝦餅和青椒炒豆角。好吃，很豐富，但真的很辣。朋友點了印尼特色炒飯($68)，炒飯看似豉油炒飯，顏色很深，但吃下去挺惹味，而且也是有點辣。套餐包含一杯熱飲，朋友加了$12升級為青檸梳打，我則加了$25升級為椰青。原來這裏的特飲和普遍的東南亞餐廳特飲都差不多，都是超解渴的那些飲品。最後，我們還另點了一份甜品，叫香蕉珍多啫喱刨冰($35)，也是色彩斑斕，很美。裏面沒有香蕉，但冰的味道帶香蕉味，挺甜的。總括來說，我挺滿意，因為我和朋友都吃辣，可以好好享受，但如果你不吃辣，我就不太建議你試了。

今日去左銅鑼灣既KAMPOENG食lunch, 地點位於地庫，係糖街一路行就搵到！Lunch set就好很選擇，叫左「海南雞配紅米飯」$60，另一個叫左「燒比目魚拼雞肉串燒配白飯」$68！紅米飯感覺健康些，海南雞就有1/4隻，份量好多！都夠食！雞咪濃，不會好柴，都好正！份量是剛好！另個比目魚很大一塊，配上3條串燒，男仔食都夠飽！ 個人喜愛比目魚，脆白的，澆上醬油，把鮮味都出來了！飲品可以加$25轉椰青，冰冰涼涼的，好解渴！地方都好大好好多位, 不會太逼！

<銅鑼灣風味泰菜>🔥呢間喺 cwb糖街既泰菜 kampoeng . 每次經過附近只會見到 佢有間小食鋪放住泰式小食 m路都唔知原來佢落樓下一層有餐廳😂 今日終於俾我發現到要試試佢 原來樓下都幾大 坐位算舒服 播住泰國歌都幾有風味 👍🏻 餐廳既泰菜好多款 不過我同朋友就點左二人餐😃有前菜 主食 飯麵 仲有菜 都幾抵食 好味 🍴東南亞風味二人晚餐 308 蚊加多加多沙律🥗好耐冇食過加多加多沙律 最鍾意佢嗰 d甜甜辣辣既醬汁 帶 d花生香味 有青瓜 生菜 爽口豆卜 青豆 芋頭 芽菜 材料豐富 🥒🥦 仲有水煮蛋 🥚撈埋一齊係好有風味既沙律 正😍 🍴東南亞風味二人晚餐 308 蚊泰式炒雜菜🥒🥬🥦泰式炒菜 有芽菜 西蘭花 椰菜花 生菜 蘿白絲等等 炒得好夠鑊氣 唔錯 😃 🍴東南亞風味二人晚餐 308 蚊巴東牛肉🐮好正既巴東牛肉 醬汁好香辣 🌶帶 d香蒜調味 😍 牛肉近牛展位 好煙靭彈牙入味 正😀 🍴東南亞風味二人晚餐 308 蚊泰式拼盤😄有蝦餅同春卷 春卷好香脆 入面有粉絲蘿蔔絲 好香甜 唔錯 😍 炸蠔 好欣賞佢 個茨粉炸得好薄身 個蠔好大粒 軟熟 點埋甜酸醬 ok 😍

印尼菜甚少接觸，友人是印尼華僑，今晚帶我去了糖街一間印尼菜館。糖街每到假日就是印尼傭人的小天地，自然正宗的印尼店鋪營運而生，嚟間餐廳也不例外，店員全是印尼人，唔知還以爲去了印尼旅行！醬菜蛋豆腐友人極力推介。將豆腐炸後再混入蛋，加入秘製的醬汁，吃起來帶有甜味，好特別，真係第一次食。沙爹牛和雞沙爹醬汁比一般的色澤深，香之外，還帶有微辣，肉烤得香口，惹味。特色炒麵又幾有特色，煎蛋的蛋漿混入麵內好味美。炒麵顯出甜味但不膩，大量菜蔬口感豐富。

印尼菜甚少接觸，友人是印尼華僑，今晚帶我去了糖街一間印尼菜館。糖街每到假日就是印尼傭人的小天地，自然正宗的印尼店鋪營運而生，嚟間餐廳也不例外，店員全是印尼人，唔知還以爲去了印尼旅行！醬菜蛋豆腐友人極力推介。將豆腐炸後再混入蛋，加入秘製的醬汁，吃起來帶有甜味，好特別，真係第一次食。沙爹牛和雞沙爹醬汁比一般的色澤深，香之外，還帶有微辣，肉烤得香口，惹味。特色炒麵又幾有特色，煎蛋的蛋漿混入麵內好味美。炒麵顯出甜味但不膩，大量菜蔬口感豐富。

今日同媽子去銅鑼灣做body check，所以book左呢間食lunch（一來因為係附近；二來因為可以訂座儲分）先講環境，呢度雖然地方大，但裝潢睇落都有d舊，唔知係咪因為開左好耐呢？同媽子自己搵位坐低（係，你冇睇錯，訂左座都可以㨂位坐，應該係冇咩人先可以咁）我地係12點半去到，以銅鑼灣lunch time黎講呢度真係算好少人。媽子點左海南雞+紅米飯餐，d雞係帶骨既，睇落似白切雞，原本以為應該都麻麻地，我試左舊又幾滑喎，媽子都話好味，清曬成碟添我就叫左印尼雜錦椰汁飯，點果陣問個待應有咩料，佢話有牛肉，結果食左先知係雞肉不過都幾好食，d醬料好香，薯仔都煮得好淋身，配菜都夠fresh，蝦餅夠脆，個飯就食唔出有椰子味兩個飯都有跟餐飲，我地都叫左熱奶茶，茶味淡奶味重，不過我鐘意總體黎講呢間嘢食係好味既，又平，性價比高，如果下次再去銅鑼灣我都會想再食返。

得我同我朋友兩個人食，所以我哋只係叫咗三個菜。首先我哋叫咗個印尼嘅沙律，酸酸甜甜但係實在太辣，我哋食咗少少就冇食啦。然後就叫咗個炸魚，都算炸得幾香幾脆，但係食落去又唔算特別出色，反而佢個汁都幾特別。然後我哋又叫咗個印尼炒飯，份量好多，好足料，炒得幾香。佢個環境都唔錯，雖然佢喺銅鑼灣，但係可能因為係地庫，所以冇乜人來可以坐好耐。

晚上放工後，朋友說要帶我試試印尼菜，於是就來到位於銅鑼灣的Kampoeng。印尼特色醬燒爐魚，烤魚外面焦香，內𥚃的魚肉剛熟，非常嫩滑。再配上餐廳人調製的辣汁來吃，別有一番風味。另外，我們也點了青咖哩軟殼蟹配手抓餅。軟殼蟹肥美多肉，不似其他餐廳炸得太乾，炸粉也沒有太厚，食落有濃濃的蟹肉味。另外，印尼式咖哩，和泰式咖哩很不一樣，配上了大量的雜菜，包括西蘭花、椰菜、椰菜花、四季豆、薯仔粒等，咖哩口味偏辣，搭配上手抓餅就非常適合。海南雞皮滑肉嫩，非常有驚喜，餐廳另外配備三種不同的醬汁，包括黑醬油、酸辣醬、和薑蓉，風味大不相同，但和海南雞一起吃都很配合。印尼炒飯的選項也有很多種，待應也為我們一一介紹，如咸魚炒飯會呈白色，黃薑炒飯會偏黃，而我們則選了的Kampoeng印尼村特色炒飯。上菜時，飯粒呈黑色，我們起初以為一定下了很多鼓油，但原來整體鹹味並不重。炒飯炒得粒粒乾身，裏面有 蝦乾，食落非常有口感，還有那隻荷包蛋，拌著炒飯來吃，十分美味。

Kampoeng-印尼風情今次的餐廳位於地庫樓層，門面的竹牆加上黑底白字餐廳名，配上東南亞的裝飾、擺設，內裡的藤椅子、天花的藤燈、牆上的藤帽子，整個印尼風情呈現了。沙爹雞肉串、羊肉串即叫即燒的串燒，雞肉外焦內嫩滑，肉汁依然；羊肉有咬口伴着淡淡的羊羶味，羊獨有的味道，再夾著惹味的沙爹醬。印尼炒飯炒飯粒粒分明而又不乾身，油分包裹著飯粒，當中加入雞肉、肉絲，還有小辣椒，甜甜的又帶點辣味的刺激。巴東牛肉雜錦飯地道的印度菜，有調味餣制過的巴東牛肉、椰奶雜菜、咖哩豆卜、炒魚乾等多種小菜，每樣皆有特色，非常完整的一款。青咖喱牛肋條配手抓餅份量相當有誠意的一道，海量多的牛肋條，腍身入味，配上雜菜、薯仔，濃濃的青咖哩再配上鬆化的手抓餅，一浸一咬。