MAZ Thai & BBQ (已結業)

以前公司還在附近的時候，常喜歡在灣仔與金鐘交界一帶覓食，反而自從囍帖街重建後，從來沒有來過這一區，今晚與朋友經過附近，逛了一會重建後的囍帖街發現確實變得比以前更熱鬧。不知不覺逛到蘭杜街看見這間裝修得較為前衛的泰國食店，決定入店內試試。店內不算太大，但高朋滿座，裝修時尚卻一點也不像傳統的泰國菜館，反而有點兒像間位於蘇豪區的小酒吧，很適合白領一族來happy hour relax 一下的好地方。泰式柚子沙律$88很適合吃主菜前用來清新一下味蕾，柚子肉飽滿多汁，醬汁調校得酸甜到適中，辣度非常輕微，很適宜一些不嚐辣的朋友，而且配以爽口的鮮蝦作為點綴， 增強口感。沙嗲串燒拼盤 $68由於不吃牛的關係，只選了雞及豬，每件串燒賣相也很吸睛，不會燒到很乾。入口肉質果然十分鮮嫩，蘸上秘製沙嗲醬吃，惹味非常。D24 榴槤薄餅 $66本身愛吃榴槤的我，其實對很多以榴槤製做出來的食物也不是太熱衷，但這個D24榴槤實在太有驚喜。薄餅底又薄又脆，以mix 了少許芝士的榴槤蓉塗滿於餅底上再焗，芝士味道不重並沒有搶去榴槤蓉的味道，相信它的作用只是用來增強榴槤的拉絲效果，這個薄餅很快便被我們清了碟！自家辣酒蒜蓉蝦 $1

灣仔區食肆選擇多，所以同同事出去食飯，可以成個月唔重覆都無難度。最近多左野做夜左收工，費時屋企人等我食飯，所以就食埋先返去。今日有同事陪OT，忙完大家去左食泰菜，入到去坐低再上網search，先知開左無耐。總共叫左四樣食物，質素都有返咁上下：泰式柚子沙律：蝦肉、西柚、炸蒜頭、乾蔥、花生、金不換葉、芫茜、魚露、青檸汁mix埋一齊，蝦唔係用細細隻蝦仁仔，係幾大隻下架，柚子又多又juicy，酸酸甜甜超級開胃，好LIKE！泰式椒鹽魷魚圈：香口滑韌，點埋泰式酸辣汁之後，味道即時大大提升，同啤酒最夾！泰式燒大頭蝦：一隻隻大頭蝦一字排開上枱好得意，蝦肉彈牙爽口，食到啜手指之餘，順便啜埋個惹味蝦頭。黃咖哩牛坑腩：可以話係”白飯小偷”，唔配碗白飯堅係對唔住自己！黃咖哩好濃好香帶甜唔會過辣，仲嘗到少少椰漿味，好可以刺激味蕾，視覺刺激亦好強，一睇到就好想食。牛坑腩夠鬆軟同入味，食到停唔到口。整體黎講，用餐環保舒服，侍應親切有禮，唔錯！

知道灣仔區開左間泰菜館，咁近公司無理由唔去試下架？所以今日放左工就拉埋兩個女同事嚟食好西，哈哈！泰式生蝦 $98 見到透明玻璃肉身晶瑩剔透已經覺得好吸引，新鮮海蝦經冰鎮後，肉質緊實富彈性，味道爽甜鮮美，再配上大量生蒜、辣椒及特製醬汁，有助帶出蝦的鮮味，食親泰菜幾乎實要叫！小食拼盆 $118有墨魚餅、春卷同芒果蝦雲吞，墨魚餅香口彈牙，醬汁更唔少得； 春卷餡料豐富有口感；芒果蝦雲吞最特別，泰式加港式風味，大家爭住食。泰式雞翼 $48女仔就係特別鍾意食香口野同小食架啦！所以食完小食拼盆，點都要叫埋呢個小食之王─雞翼，食落外脆內嫩，簡簡單單已最好味，無須花巧。冬陰功 $118壓軸叫左個冬陰功，呢款咁經典既泰菜又係點可以唔叫架！味道好多層次，辣、酸、仲有不同香料嘅味道共冶一爐，海鮮配料又多又新鮮，吸晒個湯頭D精華，真係辣得好過癮呀~呀~呀！最好係辣中有酸，唔係一味死辣~YUMMY~

突然好想食泰國菜就即刻約fri,估唔到系灣仔區都有甘好味既泰國菜。一入到去，環境同氣氛同九龍塘D大排檔真係無得比！因為都係第一次黎，即刻叫waiter介紹下超lucky撞正佢地做緊OYSTERS promotion,半打先98緊係要識下！BTW,waiter有禮貌介紹左幾款野食都好好味！鮮甜oysters(半打/$98)生蠔超鮮甜，細細隻入口順滑加埋小小海水味道真係好驚喜，中間系泰式醬汁加上生蠔到多左酸辣既風味，好唔錯一定要試下！沙爹串燒拼盤（$68）十個like！拼盤入面有牛肉、雞肉同豬肉串燒，一次滿足曬你既口味。牛肉串燒意想不到既柔軟，一啖咬落去肉汁出曬黎，一試難忘，加上本身沙爹醬汁惹味真係停吾到口，配上中間既醬汁，甜甜地超曬班啊!雞肉串燒同豬肉串燒一樣係keep到外皮小小焦身入面肉汁豐富吾乾身。正宗泰式生菜包（$86）大大盤上臺，次次去泰國餐廳都必食生菜包，我覺得尼間仲會卑到驚喜係因為炒肉碎用左好多香料同辣椒，酸辣味道好出，味道好正宗，無刻意地減低酸味。加上生菜清爽既口感，一定要試下啦！自家辣酒蒜蓉蝦（$166）鮮蝦好大隻肉質好厚，要落去鮮味彈牙，泰式香料加上咸香味道，尼個時候同

公司未搬office之前在觀塘返工，lunch不時會到這家有水準又正宗的泰菜店開餐，通常都是Happy Friday，有時阿頭識做更會請客，大家都食得好開心~近日行經灣仔，才知道他們在這裡開了分店，夠膽開到過海，試問如果質素唔夠班，又點敢進軍港島區？所以今晚就同舊同事來聚舊，順便看看新店的出品是否跟總店有得揮？餐廳可以說分為兩part，吧枱位是讓人放鬆的空間，有些人在那邊飲酒談天及吃小食，很好氣氛。我們食晚飯的就在另一邊享受泰式美食，完全滿足各路客人的需要。基本上我們都是點一些在觀塘店食開的美食，感覺較穩陣嘛~首先來一客蒜蓉包，食泰菜有蒜蓉包可能有人覺得格格不入，但其實這家餐廳的出品走fusion路線，所以我們一點也不覺得出奇~蒜蓉包依舊金香鬆脆，蒜蓉味勁香，掂呀！ 香口食物從來都多人鍾意，這個香煎墨魚餅兩面金黃色脆卜卜，口感彈牙又爽，惹味及充滿墨魚的甜，個個爭住食，好搶手~中間的秘製汁可以減油膩又提名，good~這個也是幾乎每次都會點的，就是自家制辣酒蒜蓉蝦，蝦肉爽口、彈牙，難得的是辣味、酒味都食到，誰也沒有蓋過誰，個個食到吮晒手指，佐酒一流！這個泰式汁煮新鮮澳洲藍青口之前沒有食過，

最近知道灣仔開了間泰國餐廳，喜歡吃泰菜的我當然帶埋朋友一齊去試下啦！ 點了一份BBQ沙嗲串燒拼盤（$68） 拼盤一份有半打，豬、牛、雞各2串，肉質嫩滑惹味，醬汁香濃美味！ 香煎墨魚餅（$86） 墨魚餅爽口彈牙，墨魚味味道鮮香，還帶有粒粒粟米，鮮甜可口。正宗泰式生菜包（$86） 生菜包用上大鐵碟盛載，一邊放了生菜，一邊放肉碎。肉碎粒粒入味，炒得香惹美味。 黃咖哩牛坑腩（$88） 黃咖哩香濃且不辣，奶香味較重，質感較creamy. 雞肉嫩滑，還加入了薯仔，吸收咖喱味道，不錯！ 自家製辣酒蒜蓉蝦（$166） 大蝦size夠大，肉質鮮而彈牙，鋪在上面的辣酒蒜蓉又香又惹味，愈吃愈滋味！ 泰式汁煮新鮮澳洲藍青口（$226） 藍青口份量夠多，用泰式汁煮成的青口特別香口，惹味香濃。藍青口新鮮肥美，肉質較大，味道夠鮮！ 炒金邊粉（$82） 金邊粉配上大蝦等材料炒成，份量夠多，調味略為單調，不過整體還可以的！ 菠蘿炒飯（$88） 菠蘿炒飯賣相精美，配上新鮮蝦、菠蘿、雜豆等朋友都大讚炒得很香，非常喜歡！ 還點了兩杯飲品，飲品特別之處是即叫即製，沙冰打得非常幼細，沒有冰碎。55芒果沙冰（$3

今日男朋友特登嚟灣仔接我收工，仲揀好邊間餐廳同我食晚飯，實在太太太幸福喇，yo!!~~~佢仲知我呢排keep緊fit準備下年做靚靚新娘子，所以盡量叫d輕量級少少嘅嘢食，so sweet!~~ 首先嚟個泰式柚子沙律，好鍾意泰國菜色彩鮮艷，望落去好似當地人咁熱情洋溢，好似呢個柚子沙律幾咁色彩繽紛，酸酸辣辣又juicy，好泰國風情嘅口味，非常開胃清新，又唔怕肥，好鍾意d花生碎豐富口感。另一個前菜小食冷盤係泰式鹵水鵝肝，望落去好似雞腎果d，但食落就完全唔同，係有少少入口即溶feel，，加埋香濃泰式鹵水汁，真係未試過咁樣食鵝肝，好有新意。 男朋友為求飽肚就叫左個榴槤Pizza，相對舖滿牛肉豬肉海鮮芝士果d邪惡系pizza，呢個生果pizza相當健康，餅底薄脆又香，職員強調係用D24榴槤，唔怪之得咁香啦！最後就係盬燒馬友，減肥期間魚就成為左我既好朋友喇，即叫即燒好吸引，配搭自家制泰式辣汁，更凸顯鮮美，最重要無乜骨，可以好放心咁大啖大啖食。另外想讚下呢個環境幾有氣氛，情侶嚟會幾滿意~~@@

提起泰菜，大家會即時諗起冬蔭功湯、菠蘿炒飯、海南雞飯等等經典菜式，呀……估唔到今日黎到呢度食泰菜，食到好多之前未食過既菜式，與其話係泰菜，我覺得更加似係fusion菜，真係幾有驚喜！首先係泰菜館食到生蠔都已經係一件好爆嘅事啦！有Smoky bay Tasmania同南非生蠔，$98半打，水準都可以媲美專食蠔既餐廳。塔斯馬蠔入口帶海水味，後帶甜味，肉質比較豐厚；而南非生蠔 口感Creamy，海水味唔重，鹹甜適中。最重要係唔腥，肉質肥美。呢度都幾多海鮮食，應該係佢地主打菜式，好似呢個自家製辣酒蒜蓉蝦，$166，蒜香中食到酸酸辣辣嘅味道，蝦肉幾鮮香，淺淺嘅辣味其實幾適合佐飯。既然海鮮咁強，唔爭在仲埋個泰式汁煮荷蘭新鮮藍青口，$266，新鮮、厚肉、較甜，用充滿泰式風味既汁去煮到入味，兩者互不搶味，仍然食得出藍青口嘅鮮甜。最後當然唔少得要有d澱粉質落肚先夠飽，如果唔係返到屋企咪要煮公仔麵？揀左D24榴薄餅，$66，焗完之後可以見到表面嘅芝士完全融化，而且聞到濃烈榴槤香味，拎上手即刻可以拉絲。香脆餅底可以中和返飽滯感，勁邪惡、勁好味！呢度嘅環境亦有別於一般泰菜館，整體上幾有新鮮感。

呢間餐廳畀我感覺裝修很似一個西餐廳多個似一間泰國餐廳, 感覺好特別 而食物質素方面我覺得超越一般嘅泰國餐廳             首先食過泰式汁煮新鮮澳洲藍青口, 係我人生之中食過最好食嘅青口,青口嘅size唔大,但係肉質非常之鮮嫰, 好CREAMY, 完全無黐牙 , 個汁同個青口幾夾, 幾好味!                 泰式生蝦啲肉質的qq,有辣椒同埋蒜, 啲辣椒真係幾辣,  飲番杯青檸梳打中和反的難度啱啱好, 爽之後食過泰式古法炒辣蟹, 同青口相比, 蟹嘅份量非常之大 ,佢用豉椒嚟炒都幾惹味, 吾使點需要用鉸, 因為佢已經好細心幫我開曬啲殼, 令我好方便咁食, 蟹真係啖啖肉, 尤其係大鉗, 真係食到啖啖肉, 肉質一啲都唔會梅, 也有咬口, 啲豉椒汁好入味, 正    

墨魚餅同自家製蒜蝦好味係灣仔收工同朋友慶祝生日食生日飯！叫左7-8樣野食！自家製蝦夠特別！幾好食生蝦都新鮮鮮甜！仲要叫左個青口都幾好食！個走地雞係勁好食！好juicy可再encore

泰式鳳爪沙律 $68thai style chicken feet salad比我地想像中大盤好多~~😙😙 thai sauce 酸酸辣辣好開胃👍 好岩一大班人share 一齊食Green Curry Free Range Chicken 青咖哩走地雞 $76係泰國各種口味的咖喱裏面, 我一向鐘情温和派既青咖喱~😁😁 所以一見menu, 毫不猶豫就選擇左青咖喱雞做今晚主食, 可借佢無法包或narm呢類配搭, 最後係蒜蓉包同白飯之間只好揀飯🍚🍚🍚原本諗住實食唔哂d飯，但今次真係低估左個青咖喱既魅力.因為真係 好、好惹味，好、好送飯，好、好開胃😆😆 大推介，所以要俾足2個好個青咖喱椰味香濃, 又帶住小辣, 加埋各種香料, 真係有番到泰國既感覺, 最後一滴都比我地撈飯食埋🍚🍚 非常欣賞佢唔會因為就香港人口味而無左呢度菜既風味, 最怕青咖哩剩得椰味🙈至於個雞相對就失色左d...雖然用左脾肉，但唔算好嫩滑. 不過雞唔會太肥, 而骨頭切得好, 唔會有碎骨... 飯個人覺得偏濕左d, 因為最後要加curry, 乾身會更好... 當然如果有nam就更好啦😆😆😆 淨包黎yam 咖哩食最正沙嗲串燒併盆 $

蘭杜街有間新開既泰國餐廳~餐廳屬於型格路線！眼見當晚都好多人黎食飯~幾爆場喔有happy hour時段，可以放鬆放鬆飲下飲咁嘆下之後有個set唔錯的~6隻蠔加杯白酒~雖然生蠔size不是大隻類！但食落都好鮮味重海水味！蠔肉爽甜叫左份菠蘿炒飯！份量好多夠足料~炒飯好乾身不油膩~肉鬆和腰果帶點咬口更添層次

以前弄英國簽證，基本上也經常來法院道那邊的英國文化協會，因此下來的時候也會到這邊吃點東西，這MAZ ThaiBBQ應該也是新餐廳吧，反正今次中秋前來到這邊，也不妨試點新的。紅咖喱燒鴨($76): 泰式紅咖喱香濃而不辣，質感奶滑creamy，還加入了不少菠蘿，因此多了一份酸酸甜甜的味道。配鴨的確少見，而且還是燒鴨呢，鴨皮香而脆，經燒製後份外惹味，建議可嘗燒鴨，因牛腩/雞隨處可吃。蒜蓉包($36): 難得有咖喱汁，當然不少得了白飯/蒜蓉包，蒜蓉包一共有五塊，每塊也含大量蒜蓉醬，味道份外濃郁，蒜香的味道與紅咖喱也相當匹配，兩者不能分隔。D24榴槤薄餅($66): 這份薄餅共有八件，餅底香、薄、脆，而餡料則非常足料，榴槤非常香濃到位，真實而不虛假，香甜而不膩，榴槤迷怎能不試?鹽燒馬友($162): 不要以為「馬友」便一定是「鹹魚」，這鹽燒馬友其實與一般泰式燒魚本則上也是一模一樣。以粗鹽牢牢包著沒脫鱗的馬友魚燒製，打開後便知道魚肉是十分嫩滑，而且魚油還滿佈在魚肉，香味十足，蠻不錯的呢。D24榴槤沙冰($38): 沙冰比想像中更好喝，首先沙冰打得非常非常非常幼滑，沒有半點冰碎，這無比的幼滑與榴槤香

又喺泰國野系列 收工咁攰 自然想搵啲方便就腳得嚟 又chill 嘅地方hea 下食返啲comfort food 開心下👅-自家製辣酒蒜蓉蝦 $166叫咗小辣 食落其實唔會太辣反而喺帶惹味嘅辣蝦非常新鮮 肉質爽口 而且好入味 不過識食一定喺鋪喺面嘅蒜蓉佢嘅蒜蓉一啲都唔姑寒 你會見到每隻蝦嘅表面都有好多 食落好香蒜味之餘 但又帶點辣 令人愈食愈想食 真喺食慢啲都會俾人食哂無得食😭而且$166 就食到8隻咁高質素嘅蝦 確喺抵食❤️-泰式柚子沙律 $88平時食親份量都好少 但呢到份量好多之餘 個汁而且都比平時食開嘅都唔同 蝦又大大隻 柚子又甜 成個食起黎酸酸甜甜 作為前菜 真喺非常開胃-生蝦 ($98)食泰國嘢又點可以唔食生蝦 但食生蝦同時都要冒肚痛冒險 所以我每次食都喺會小心翼翼咁揀餐廳嚟食 不過放心 推介得呢到 一定是自己食過無問題才推薦大家的👍🏼呢個生蝦真心大隻厚肉 食落新鮮爽脆 配埋泰式辣汁 蒜片 辣椒 確喺無敵❤️-D24 榴連薄餅 ($66)身為榴連愛好者 見到榴連 仲要喺D24 仲唔兩眼發哂光 一嚟到 陣榴連香味Bom Bom 聲攻陷咗我味蕾 差啲想連相都唔影 直接食一食落唔似得滿記

今晚與男朋友吃泰國菜，地點選了灣仔區，近男朋友工作地點。環境寬敞舒適，餐廳設計頗有特色。餐牌選擇多，分左大碟小碟。椰青。大大一個椰青，冰凍香甜，椰青水清香解膩，份量也不少。泰式柚子沙律。香甜柚子伴上香茅等泰式醬料，有5-6隻鮮蝦，味道酸甜開胃。鮮蝦爽嫩彈牙，肉質爽口不霉身，大大一碟非常抵食。青咖哩走地雞配蒜蓉包。泰國菜必點青咖哩。我喜歡這裡的青咖哩，杰身的醬汁唔會稀稀的，味道濃香滋味，清香咖哩味不會太重椰汁，入口不太膩口。雞肉有點嚡口，但又不至於太乾，伴上香脆蒜蓉包味道可口。鹽燒馬友。大量鹽香焗製馬友，魚肉油香嫩滑，果然是鎮店菜式，鹽味突出咸香出色，伴上酸甜泰式醬汁非常惹味。