Mini Club (已結業)

Mini Club 之前都幫襯過幾次，就係超愛呢度環境同氣氛，以主打環境同cocktail Ge bar黎講算係一間幾全面嘅餐廳。晚上嘅6點，趁未有好多食客時就影下環境。呢度同其他分店一樣都係用電子Menu！簡單清晰又夠晒環保。Night cape 一杯紫黃色mocktail, 帶黑加侖子味微甜。Fire Rose 侍應哥哥會即席係你面前點火，勁吸引。 味道主要飲到好香嘅玫瑰甜味同white rum Ge 基底，仲帶點點荔枝味。火焰西班牙黑毛豬鞍扒同樣呢道菜上碟時都會放火，燃燒嘅過程聞到好香嘅肉香。豬鞍扒熟嘅程度剛好，肉質軟稔。無豬果種臭味。狂野摩天輪一個炸物嘅拼盤。（吉列蝦、吉列蠔、帶子、花枝、紫薯）每款有3件，吉列蠔咬落爆汁，另外吉列紫薯餡好多，甜甜地都幾好味。炭燒德國腸拼盤 慕尼黑白腸、香草肉腸、煙辣椒腸、煙莎樂滋味腸、蒜香牛豬腸最正蒜香牛豬腸，咬落口感豐富幾juicy下，另外辣椒腸辣得好過癮。霸王軟殼蟹配法式紅醬意粉軟殻蟹大大隻霸氣放正中，炸得外酥內軟，一咬就爆汁。意粉除左蕃茄都幾重牛油味。忍唔住影番個大合照先。The love of Eiffel 最後粉紅色嘅艾菲爾鐵塔作一

要兩人浪漫晚餐，又要有酒有氣氛，我們去了旺角的mini club。環境昏暗裝修有幾個摩天輪，好少女。叫咗海鮮拼盤當然要配白酒。Carta Vieja Savignon Blanc $335味道清新，有濃烈的香氣，好易入口，一路享受食物一路品嚐美酒。 海鮮拼盤$239性價比極高的凍海鮮拼盤！有鮮蝦、翡翠螺、青口，龍蝦、鮑魚及蟹成個拼盤非常豐富，其中鮑魚爽口彈牙，龍蝦同蟹仲超多膏麵包蟹蟹肉蟹肉鮮甜，仲有淡淡的海水味 火焰西班牙黑毛猪鞍扒$127店員會幫塊黑毛豬點火，令到食落帶點酒香黑毛豬肉質都鮮嫩，咬落去好JUICY！而且帶陣陣香草味，仲可配蘋果蓉（黃色）& 蕃茄蓉（橙紅色），味道更清新。 法式龍蝦汁海鮮扁意粉$103香濃的龍蝦汁配上材料豐富的海鮮意粉，有青口、蝦等等，意粉硬度剛剛好。 軟殼蟹配法式醬意粉$103軟殼蟹好香脆，SIZE都好大，意粉意味道好夠，一點都不DRY。 The Love of Eiffel$207全晚重點！！最呃like就係呢個鐵塔！甜品塔上有多款精美的甜品組成的，有朱古力、布甸、馬卡龍、泡芙，簡直係女士們最愛食的甜品。店員仲會係食客面前倒入乾冰，令到整個甜品塔充滿浪

Mini Club，之前食過尖沙咀店，印象深刻難忘，讓人回味。今次同朋友試下旺角太平道嘅分店。餐廳鄰近何文田，附近環境清幽。裝潢仍舊很有格調、浪漫，讓人忘卻煩囂的都市。上次沒有飲酒，所以今次一心想暢飲一番，叫了一支智利的白葡萄酒(White Wine Carta Vieja Sauvigon Blanc)，好易入口，飲落有桃子及蘋果香味，配合海鮮一起，爽呀！海鮮拼盤海鮮拼盤好大兜，睇落好正，好新鮮咁。龍蝦份量夠大，係對半切開上的，好方便食。入邊仲有好多膏，食完好滿足。蟹的肉質幾實正，鮮甜；鮑魚、翡翠螺、青口幾爽口彈牙，整體來講幾滿意，正！火焰西班牙黑毛豬鞍扒豬扒就食得多，但黑毛豬鞍扒就真係第一次食。上枱嘅時候侍應仲落左酒，變火焰豬扒，好玩。睇落去好厚切，好似肉眼扒咁厚，真材實料，對得住呢個價錢。初初都驚佢韌，點知食落又幾嫩下，不會「嚡」。伴碟有蕃茄蓉、果蓉、海鹽，每種味都不錯，值得一試！霸王軟殼蟹配法式紅醬意粉軟殼蟹係即炸，新鮮熱辣，咬落好鬆脆，一d都唔油膩，好味。意粉軟硬適中，配蕃茄蓉感覺幾清新。黑松露野菌薄餅本來想叫海鮮味薄餅，但見佢餐牌寫住人氣之選係黑松露野菌薄餅，於是就試試。一

這間Mini Club分別在銅鑼灣、尖沙咀和旺角三區都有分店，上網看到其食評有俗的評價，今晚一試，果然有水準。超正添！我和老婆來這間旺角太平道Mini Club, 除了交通方便， 選擇這地點另一好處就是食晚餐之前可以看看這區的寵物店， 見到啲活潑小狗真係零舍心情開朗,之後食飯都特別開心滿足。這間Mini Club 以西式、海鮮、和酒為主，以酒吧格調為主，所以餐廳內燈光都比較暗，但裝修卻獨特，尤其是門口設計都幾吸睛， 大大個紅色嘅電話亭放在門前，而店內兩個會轉動的粉紅色摩天輪,很有心思。餐牌方面更先進，全部放在智能電腦內，圖片真實， 極為吸引,不其然點多幾款食物來食。先來海鮮拼盤， 大大隻鮮甜肉的實麵包蟹 、 味道口感俱佳嘅鮑魚、 爽口新鮮的翡翠螺、 質感實肉嘅海蝦、海水味鮮的藍青口， 全部新鮮味美 ,兩人份量啱啱好，頭盤已好豐富、好滿足。主菜叫了極上12安炭燒安格斯牛仔骨， 聽個名已經知係好嘢， 兩大塊牛仔骨肉質香，炭燒食法味道更惹味更香口，加上芝士煙肉薯蓉伴碟,配搭更完美。小食點了香烤蜜糖雞翼, 55蚊有八隻咁多,香脆味甜肉汁多，每人食了4隻，又飽又滿足。至於飲品和甜品同樣特別，

Mini Club又是酒吧又是餐廳，位於旺角邊陲，交通方便，鄰近何文田，少了旺角的喧嘩，環境寧靜悠閒，內在裝修型格，座位舒適亦不嘈吵，跟一般酒吧有很大分別，見鄰座不少情侶，亦可以同知己良朋傾談整晚。 一入座便送上花生，鹹香好咬口，傾計飲嘢最好。Mini Club 最近推廣阿根廷馬賽貝克紅葡萄酒，是阿根廷的「國寶級」葡萄品種，帶有黑莓、藍莓水果香味的水果香氣，陳釀後的馬爾貝克葡萄酒更帶有朱古力和淡淡的煙熏氣味，以套餐價開支酒便送兩客扒，客人可選豬鞍扒或牛仔骨，非常划算。只是早利亞不勝酒勁，還是cocktail 比較適合。先來點兩杯飲品，望望電子menu，選擇困難症又發作，除紅白酒、手工啤酒外，Mini Club 提供多款 cocktail 及無酒精的 mocktail，款款都精緻吸引，絕對是打卡位。早利亞點了無酒精的 Night Cape，芒果、蘋果、檸檬汁，加上蝶豆花，含有10倍花青素，原本是藍色，混入檸檬等酸性物質，就會變成紫色。眼前這杯漸變夢幻紫藍色的飲品，鮮艷奪目。而朋友點的 Perfume of Roses，Vodka 加入紅莓汁及鮮榨青檸汁，裝入香水樽內，而杯內放了冰凍的鮮紅

勝利道一直都有好多價廉物美嘅餐廳，今晚就揀左呢間酒吧同朋友食嘢吹水。剛踏入門口，就係bar枱同幾張高枱，以為鋪頭好細，但原來內裡別有洞天，餐廳裡面好深，放了一排排長長嘅梳化，方便一大班人吹水飲嘢。初時以為呢間餐廳以飲嘢為主，只提供簡單送酒小食，但打開menu一看，食物選擇超多，根本就係一間西餐廳。我地叫左個海鮮拼盤，見佢價錢唔貴，但海鮮種類超多，好似幾抵食咁。我地仲叫左個火焰西班牙黑毛豬鞍扒，仲有佢地嘅招牌甜品。海鮮盤超多嘢食，有龍蝦，面包蟹，翡翠螺，鮑魚，凍蝦，青口。龍蝦同面包蟹好多膏，好鮮甜。鮑魚同螺好甜好彈牙，所有海鮮都好鮮甜，食完個盤都已經飽左一半。豬鞍扒好大塊，上枱嘅時候侍應仲淋上酒點了火焰再燒多一下，雖然再燒了，豬肉的肉汁無流失到，外面變得更脆，非常好味。飲品方面，有好多cocktail 可以選擇，我見藍色粉紅色嘅Einstein 幾特別，就order左1杯。呢杯cocktail甜甜地有荔枝味，酒精又唔會好勁好辣喉，易入口又好味。另外叫了一杯Nights Cape, 好fresh好好味。甜品巴黎鐵塔最後登場，一陣陣嘅乾冰散發出好夢幻嘅感覺。好浪漫好surprise好靚，連我

趁老公星期日放假就同佢出左旺角行下街食個飯撐下枱腳所以就揀選了這裏。入到黎mini club周圍環境都裝修得好靚，仲有個識得轉既摩天輪係牆上面🎡十分別緻跟住我地跟隨店員入到裏面梳化位坐低，座位都頗為舒適寬敞！！店內還會不停播放著音樂，令客人可以好好放鬆心情，一邊享受美食一邊同朋友或情人傾下計飲下野，真心覺得不錯老公必點手工啤😆😆😆CB-Organic honey dewBeauty and the dark呢杯飲品制作到好似一杯甜品芭菲咁，不論賣相味道口感都一流濃厚士多啤梨及曲奇🍪碎碎，口感好似飲緊士多啤梨奶昔咁，但又唔會好甜誠意推介給各位海鮮拼盤海鮮種類繁多，有龍蝦、麵包蟹、鮑魚......全部食落都好鮮甜美味，龍蝦及麵包蟹內裏仲有好多膏，相當吸引車打芝士焗薯條🍟非常邪惡的一款小食，但又忍唔住要點黎食面頭佈滿車打芝士，薯條焗到脆卜卜意式辣腸薄餅口感有d似食緊餅乾，唔同我地平時食開嗰d咁較為鬆軟香脆，又係另一番味道火🔥焰西班牙黑毛豬鞍扒店員送到上枱時告知我們仲末食得住，叫我地稍等一會兒，心諗究竟要做咩呢？原來係仲要用酒點著佢燒佢一陣間先食得豬鞍扒燒過之後肉質鬆軟，入口濃濃甘香味食到咁上

上次慶完生之後對呢間食店念念不忘，實在太romantic喇！今次到朋友生日，決定帶佢去感受下。不過今次選擇咗去另一間分店，睇下會唔會有另一種感覺餐廳門口設計別具心思，有一個英式嘅電話亭... 呢度有好多特別嘅cocktail，例如係佢哋獨有嘅signature cocktail。淨係睇餐牌都非常吸引，非常吸睛。唔飲酒嘅朋友都唔緊要，當然有non-alcohol啦頭盤方面都有好多種類...有海鮮拼盤，黑毛豬拼芝士拼盤，德國腸拼盤等...Main course亦都有好多選擇丫...豬牛羊，海鮮，意粉，飯，pizza全部都有。仲有生蠔同小食潻呢當然唔少得仲有特別嘅甜品啦.....What the Duck 賣相好靚呀！隻鴨仔好得意，感覺好似喺個浴缸度沖緊涼，有好多泡泡咁...啲童真返曬嚟味道包括Green Apple，Kiwi，pineapple juice，cranberry juice同GrenadineIce bear好可愛呀！係一隻熊仔黎，仲要有埋手㖭野飲就係下面個杯度...口味係Baileys，Kalula milk， Oreo，Rum, Syrup同White cacao頭盤叫

同女友慶祝一下，嚟到依間mini club入去前佢仲話我仲乜慶祝帶佢去酒吧!佢由睇餐牌開始就♡♡眼啦！呢杯泡泡鴨仔係好清新嘅青蘋果奇異果，仲有啲爆炸糖可以加落去Honey Bee 有杯蜜糖在旁，佢係咁攞支蜜糖棒起度玩。按佢喜好點完兩杯cocktails 就可以開始啦佢裝修都幾有特色佢做緊promote , 點支酒送個海鮮盤，原本睇圖以為好細份，點知係超大盤，半隻睡蟹，半隻龍蝦，2隻七孔鮑，4隻翡翠螺，4隻大蝦及青口。材料都算新鮮，去大超市買海鮮盤都唔只依個價。只得海鮮又點會滿足到我呢，炭燒安格斯牛仔骨加焗薯燒得啱啱好，個煙肉焗薯仲非常好食。慶祝就梗係要點火啦！呢個黑毛豬𩣑扒，香而不油，配咗啲沙律菜即時健康晒。重頭戲留後啦，呢個呃like 一流，女友係咁起度影，但我地因為太飽，只係食咗小小，味道不過不失啦，但靚到爆，走時見到其他枱都有座閃下閃下。

今日係小學同學聚會，一早book左呢度刷生蠔同埋傾計。第一次去呢間分店，位置雖然比其他分店難搵，但都算近火車站。燈光依舊昏暗，浪漫嘅感覺。座位以梳化為主，又大又舒服。精選生蠔而家做緊promotion只係$15一隻ja😍我本身唔係太鐘意食生蠔，因為怕腥。我總共食左6隻😂證明呢度嘅質素確係唔錯~好新鮮好creamy 👍海鮮拼盤麵包蟹 - 蟹膏滿滿，鮮甜👍凍螺 - 彈牙有鮮味鮑魚 - 本身以經有味道，唔會淡而無味，口感好好，有驚喜⭐凍蝦 - 鮮甜彈牙龍蝦 - 肉質一般但膏非常出色呢個拼盤無得輸啊😌高水準之作~極上12安士炭燒安格斯牛仔骨炭燒味突出，牛仔骨肉嫩滑較乾身，沾上秘制醬汁就岩岩好~ 軟殼蟹紅汁意粉軟殼蟹份量完全唔嬉場，即叫即炸，熱辣辣，雖然熱氣但好滿足😍巴黎甜品塔每款甜品都有綠茶口味😍岩哂我呢d綠茶控，唔會死甜。朱古力尤其出色，有4款口味，其中咖啡朱古力令我印象最深刻😍入口溶出流心咖啡，香濃程度不斷係味蕾徘徊👍一試難忘~ Night cape 星空效果😍水果味濃郁，唔會太甜~Mavis大大舊冰菠蘿🍍涼透心~荔枝加薑啤味道好配合~

之前同朋友去過一次miniclub嘅尖沙咀分店，好鍾意佢嘅環境同氣氛，野食都幾唔錯，所以今次就特登同朋友黎埋旺角分店。今次黎到睇meun見佢生蠔宜家$18隻！咁抵食，所以就叫左每人2隻試下。平時我唔係好食生蠔，因為好怕腥，但呢個新鮮得黎都幾肥美，又唔會太重海水味，唔食開生蠔嘅我都接受到！海鮮拼盤另外就試左上次無叫嘅海鮮拼盤真係名不虛傳 大大嘅一盤咁上！有麵包蟹 半隻龍蝦 青口 蝦 海螺 鮑魚麵包蟹真係超多！超多！超多蟹膏😭❤️可惜影得唔清 但真係好推薦大家試下！另外佢地嘅cocktail都係好signature所以我三個都一人叫左一杯試下Miniclub真係影相打卡都一流，岩曬放工假日同朋友黎chill下傾下計🤙🏿🤙🏿

間唔中都要同至愛談談情說說愛，所以今次同老公黎到旺角太平道呢間咁有情調既西式餐飲談下心，食下好西入到去大多為梳化台為主，環境好舒服用上ipad餐單，仲有Nuts先黎開支紅酒，摸下杯底調下情先啦呢支紅酒好果香味，好易入口，我同老公都覺得好好飲。精選生蠔我超愛食生蠔，我老公就唔食啦，所以我可以一個食哂佢一d都唔腥仲好新鮮。海鮮拼盤真係好出色呀有齊哂我想食既海鮮，一次過可以滿足哂我，拼盤包括有（翡翠螺、鮑魚、青口、龍蝦、麵包蟹）龍蝦有好多籽仲好多肉麵包蟹都係啖啖肉仲有好多膏呀蜜糖雞翼都好食，唔會太甜唔會太油$68有8隻都好抵食。火焰西班牙黑毛豬鞍扒呢一款好有睇頭，食前仲會表演淋酒點火環節表面灑上香草再配上沖繩鹽麴，好香口野味，好多肉汁再配上一啖紅酒，真係絕配。仲係厚厚的，啖啖肉最後黎個The Love Of Eiffel一個超靚超浪漫既巴黎鐵塔架放上各色各樣既甜品，有馬卡龍、芝士cake、綠茶味慕斯...甜品我多多都食得哂，成個架都差唔多我包辦哂食完真係覺得好開心好幸福真係唔係一般好食架，真係好好食架，好高級酒店既水準

今晚來到太平道飲嘢、食嘢，仲有驚喜添。呢間係酒吧又係餐廳，門口整咗電話亭，都幾出位。入面第一重係酒吧區，裝修都幾靚㗎，望落去好整齊，乾淨，企理，啲歌又好廳，唔似得好多係尖沙咀嗰啲，硬係覺得陰陰濕濕，黐黐立立，仲好鬼死嘈，坐多陣都周身唔自在。入面第二重係半餐廳半酒吧位，有梳化坐，更加舒服。呢度除咗有happy hour 優位之外，仲有其他special promotion，例如飲一支酒送一個扒，都幾吸引㗎。可惜我哋酒量有限，無福消受。飲品我哋叫咗Gunner、Lemon Squash and Orange Juice。嘢食我哋叫咗半打生蠔、24個月黑毛豬火腿伴芝士拼盤、火焰西班牙黑毛豬鞍扒，意式辣腸薄餅、仲幾多個好出名嘅甜品The Love of EiffelGunner 裡面有薑啤，飲落好醒神。Lemon Squash 整得好靚。Orange Squash生蠔好新鮮，好鮮甜，肉質好嫩唔韌，又唔腥。個拼盤夠晒大盤，材料又多，夠晒我哋食。芝士味道濃郁，沙律菜好新鮮。黑毛豬火腿好正，嗰種鹹香味好正，令人難忘，可惜只有4塊。黑松露餅乾，味道好香濃。薄餅熱辣辣，好香。餅底夠脆口。芝士軟腍腍，辣肉

之前幫襯過Mini Club尖沙咀店一次.. 後來先知原來旺角都有分店!而且仲非常近旺角東站! 好方便我呀~~ >v<"一直都對佢既Love of Eiffel印象最深刻💕 所以今次都會叫佢呢!同尖沙咀店既格局係兩個唔同feel呢~長形既店面 一直行入去,, 兩旁全部都係梳化座位黎: ) 幾relax既感覺😌一坐低 員工就奉上花生(🤩) 同好主動咁為我地介紹呢度既食物同飲品🥂服務不錯呢!!睇得出店家幾用心佈置呢~ 牆上仲有摩天輪既裝飾!! 真係好岩女仔黎食!同2位朋友一齊黎... 大家都有d肚餓了...😂所以拿拿聲叫左個 炭燒德國腸拼盤$191 先~ 份量比想像中大!!!總共有5款唔同口味既香腸,,, 全部都好juicy👍🏻同埋真係有唔同既味道呀再加上3款唔同醬汁, 變奏出更多配搭, 唔會食厭呢~~~ 不錯的頭盤呀!(同埋真係夠飽肚!)呢度都有好幾款pizza款呢! 我地揀左 黑松露野菌薄餅$95 🍕Pizza比我地影相影左好耐...xd 估唔到都仍然保持到香脆!芝士份量唔少🧀 但同樣地菇味都唔弱, 所以唔覺膩, 芝士同野菌兩者夾得幾好!!而今餐最令我期待既係呢一個::