Ms B's Cakery (已結業)

ms b 既蛋糕真係靚到唔捨得食，雖然上面既花、嘴唇、蝴蝶其實都係唔食得既。呢個係士多啤梨味，由一層層的cream 、海綿蛋糕同埋士多啤梨片組成，最底係一層消化餅底碎。cream 唔會太甜，士多啤梨都好新鮮，海綿蛋糕好鬆軟，重點係唔會好似連鎖店既西餅咁，落一層好似啫喱咁既野上去固定士多啤梨個層；餅底好薄，唔會太濟。 朱古力呢個個味好濃，上面有朱古力醬、焦糖醬同焦糖粒，個蛋糕有少少似 brownies 同埋朱古力醬好濃味，個底就係榛子味，整個都係偏濃同甜，雖然係有點濟，但真係好好食。

Vi母親好中意Ms B既彩虹蛋糕, 所以今年佢生日Vi就訂左個比佢, 價錢真係幾貴下, 500g 要$630, 不過一年一次唔緊要la  貴野果然連個盒都令d, 感覺已經好高級XDXD蛋糕好令呀 好簡單既設計, 但好令, 上面果3條係棉花糖, 一cut開個蛋糕, 就見到一層層好分明既彩色蛋糕, 總共有4種唔同顏色, 一層層夾住唔同既生果, 有士多啤梨, 奇異果, 芒果, 最底果層係脆脆, 蛋糕幾鬆軟, 而上面既cream好滑, 所有野夾埋好好味 係真材實料既, 唔怪咁貴, 又令又好食呢

Ms B's Cakery的蛋糕不但賣相精緻，味道還很有水準今次替媽媽和契爺慶祝生日，買了Better than Sex （500g/$480），是餅店的signature之一。黑朱古力蛋糕屬厚實型，蛋糕間夾有一層薄脆，增加層次感，蛋糕綿密濕潤，香濃而不甜膩，絕對令人有驚喜！面頭的焦糖脆脆塗有朱古力外層，平衡了焦糖的甜味，還可以淋上鹽味拖肥醬。上面的烈焰紅唇 💋最吸睛！咬下是脆身的，味道有點像肚臍餅。很高興媽媽和契爺都好喜歡我選的生日蛋糕 🎂

今曰生曰，朋友送我這店的旦糕和我慶生。旦糕分別是咖啡芝士餅和香蕉芒果旦糕。咖啡芝士非常滑溜，軟滑的芝士中滲出濃厚的咖啡香。是食過眾多芝士餅中最幼滑的一個。咖啡芝士餅有強烈的個性，相反，香蕉芒果旦糕非常平易近人，樣子十分討好。一隻糖霜蝴蝶在一層層的彩色旦糕飛舞。海綿似的香蕉旦糕很軟綿綿，很濕潤，加上滑滑mango cream，忌廉中間夾住芒果肉，美味可口之餘又少一點膩，多了清新。推介！

其實已經試過很多款的Ms B, 這次買生日CAKE, 就試試千層蛋糕吧這個是新口味, coconut gluten free  的GLUTEN FREE FRENCH CRÊPE CAKE千層蛋糕的話, 始終是LADY M WIN真的數過, 這個千層蛋糕共有30層, 哈哈!皮沒有LADY M 的薄, CREAM 也沒有LADY M滑,下次還是試試其他口味luu

 Ms B's Cakery的蛋糕外型很吸引，很fancy，挺討女孩子的歡心! 當然我也不例外啦! 朋友很用心的提早一天訂了這個非常漂亮的蛋糕給我，一定要預訂才有想要的款式喔! 見到這麼fancy的生日蛋糕，真的看得我心花露放啊! 生日送給女孩子一定好開心!

生日週繼續，同事買了出名的彩虹旦糕黑白版！ 個包裝真係好鬼靚，個盒打開完全係啱晒女仔既蝴蝶and粉藍色！跟旦糕支蠟蠋係金色既，果然係注重包裝！餅店姐姐話旦糕啱啱雪櫃取出，要室溫放兩小時才能品嚐最佳味道，咁我地即管放佢一粒鐘先食！等左一粒鐘後，滿心驚喜地切旦糕，食落其實又唔係好特別！我已經算喜歡椰絲，但係都唔算覺得好好味！個旦糕入面唔算甜，個質感算係界乎軟軟地硬硬地之間，唔識點形容！最好食反而係個朱古力底，好香同好濃！我估佢既朱古力旦糕應該幾好味！上網check返原來佢所有材料原裝外國進口，同埋佢係用代糖同no gluten！可能咁所以多人買啦！但個人認為性價比不太出色！

雙魚座愛浪漫，愛美我們幾個雙魚女生日，當然要選一個又靚又浪漫的蛋糕啦Ms B 一向符合我這些要求，蛋糕美，包裝美，連蠟燭都好美！！Love at first sight，Love at first bite！這個靚到Dom一聲既就係--Paradise香芋蛋糕外層是香芋忌廉，中間有兩層香芋Sponge Cake，夾著一層Coconut Cream，內有椰子肉；底層則是脆餅製作而成。香芋忌廉非常幼滑，香芋味很出而且甜度低。夾著甜度較高的Coconut Cream，味道很夾很Balance，椰肉更增添口感。Paradise Darling Size $300

之前聽朋友講話佢地個PARADISE蛋糕好食, 所以阿媽生日專登去訂左個SPRING蛋糕, 貪佢個樣靚囉. 點知真係得個樣, 個蛋糕難食到咩咁, 又硬又鞋, 好似隔夜蛋糕咁囉! 仲衰過美心D雪芳蛋糕呀! 仲要成$6百幾蚊...

有天朋友女友生日，佢走左買左個蛋糕。睇到個盒已經吾野小了。很小見到的。打開後見到更加得意，有如天使蛋糕般白滑既餅身及外層幼白o既忌廉加上3條很粉色的手挽彩色綿花糖。最底外邊有一粒粒襯番手挽既珠珠。份外別緻，完全冇得輸。切下去後分別為紫(香芋) , 紅(士多啤梨) , 綠(奇異果) , 橙(香桃) , 啡(層脆餅底) , 分明得很，徐左香芋冇生果外，其他層都有生果容，很FRESH的。不過我不喜歡面的忌廉，不過真的柔滑香軟，不過其他人好正好正。成個蛋糕都不太甜。合到好處。見到朋友既女朋友很開心，便問我朋友幾$個，想女人生日買個俾佢，聽完之後我都標汗。跟著我就同我朋友講：「多謝，慳我了」。

媽媽生日正日，蛋糕當然唔可以馬虎！其實一早已經心思思想試歌賦街既Ms B’s Cakery！Lunch hour得一個鐘，以光速行去歌賦街！原本只想買一件taster，但發覺原來好細件架ja，而且姐姐話無一件既盒，所以決定買3件，因為有折的！實在有好幾款都好想揀，不如就以外貌揀幾件最靚既比媽媽啦！SUNSHINE第一眼就比上面既花花吸引左！其實佢係lemon加上poppy seed！蛋糕非常鬆軟，lemon味清新十足，唯獨上面既糖花太硬完全唔食得。BETTER THAN SEX蘿拔妹係朱古力癡~ BETTER THAN SEX既朱古力味非常非常濃郁，而且質地非常dense，每一口都把雙唇黏住！另外蛋糕中間亦夾住一層脆脆，給你另一種口感！LADY IN RED揀呢款既原因係荔枝味！蘿拔妹對荔枝味既甜品、蛋糕甚有好感，幸好這裡的荔枝蛋糕味道來得自然而且慕絲質地輕柔，面的jelly甜而不膩，亦是另一清新之選！蘿拔妹覺得Ms B既蛋糕味道未至於令人驚歎，但賣相實在是能夠迷倒一眾女士！希望下次能夠再試試其它款美麗動人的蛋糕希望媽媽生日快樂身體健康!!

晚上在大班樓用餐，鄰近Ms B餅店，正好買上一個蛋糕作甜品。一個五百克重的Paradise蛋糕，$300一個，價錢不便宜，但有質素。粉紫色的外觀，以簡單唧花襯托，簡約高雅。香芋忌廉口感幼滑，芋香重，甜度輕，不膩口。當中蛋糕夾層同樣是香芋口味，質感鬆軟。中層是椰子忌廉，椰子香氣同樣突出，和香芋味道亦很匹配。因忌廉當中帶有絲絲椰肉，份外富咬口。最底層粟米脆脆，為蛋糕柔弱的質感帶上點點剛度，有點睛之效。

慶祝爸爸生日，係miss B個website見到堆滿金幣既蛋糕，專程去中環買。店既門口好優雅，好多蝴蝶，襯埋D顏色，高貴優雅。細左D，多幾個客人入去會好逼。個盒配合返間餅店，包裝得好靚。本來覺得＄990其實有D費，但咁多金箔，而且為左比個surprise爸爸，都值得既！切蛋糕啦！切極都切唔到底⋯⋯ 分左好耐先分到。原來朱古力面入面係朱古力mousse, 下面全部係原粒既nuts。dark chocolate 好 rich，但食一大件都唔會覺得好甜或者好'漏'  D nuts用拖肥痴埋一齊，放滿成個蛋糕既底，舖得都幾厚，好足料！絕對推介比chocolate fans  

吃過很多MS B蛋糕: Taro, better than sex, mango, red velvet....前幾天就是看到了這個新蛋糕：彩虹分層蛋糕加 五顏六色的爆米花... 心想一定要試試 但最近沒有朋友生日 所以我買了一個做午飯 (有點瘋狂我知道 )... 但這個蛋糕味道相當令人失望有點太甜，蛋糕不夠海綿狀不過外形實在太討好不能抵擋

今天剛好是聖誕節, 要食聖誕蛋糕, 冬節已經食了一個甜死人又多干果的聖誕蛋糕, 其實是個大圓包像蛋糕樣的, 還說已經改良過, 因為這是一間百多年歷史的意大利專造聖誕蛋糕的, 還是用郵購的, 所以外國人的口味與中國的口味真的有不同呀, 今次改在香港買, 就去買個蝴蝶蛋糕1. 這個蛋糕三層各有不同口味, 蛋糕基本是用威風蛋糕底, 加入不同味道。2. 最吸引人的地方是打開盒後, 一看看到的是七彩艷麗一隻蝴蝶正在杏脯果漬上採蜜, 用朱古力環托起杏脯果漬將是在花朵的花蕊, 構圖什美。3. 第一層是用紅菜頭, 威風鬆, 濕濕地, 不太干, 但紅菜頭味不突出。4. 第二層是用開心果, 但我食出來像薄荷味, 有清新的口味, 薄荷味非常重。5. 第三層是朱古力, 好重, 有少少苦味, 三層蛋糕都非常鬆, 及濕濕地不會干。6. 不得不提餅底, 是用一塊好脆及有朱古力碎造的, 食起來好有食苦朱古力餅感覺。7. 蛋糕中央是用少少杏脯果漬與忌廉黏合各層, 有少少酸甜, 連蛋糕一起食, 味道更突出整體說, 蛋糕不會太甜, 蛋糕糕身濕濕地, 果漬造蛋糕食材都可以容合一起, 不一定要用新鮮生果, 各層的味道可以分別食