Niku Niku (已結業)

高質日式燒肉店Niku Niku最近受到疫情既影響下，大家都響應政府呼籲，減少外出聚餐，亦都因為大家香港人既自律，確診數字減少。我地亦繼續去保持香港人既守望相助精神，因為疫情下，有唔少食肆大受影響，所以我地要盡我地能力去身體力行，支持小店。香港人最鍾意食和牛，疫情影響，無得飛去日本食，但其實係香港亦都可以食到高質既日式燒肉。今次我就黎到位於大坑既隱世日式高質燒肉店-Niku Niku門口佈置及設計都充滿日式風格，感覺置身於日本京都。特選和牛3部位燒肉拼盤今次我叫左個特選和牛3部位燒肉拼盤，包括左西冷薄切，和牛小排，牛柳中部。首先介紹既係西冷薄切，燒到5成熟，一放落口，入口即溶，肉汁豐富。再黎就係和牛小排，肉香濃郁，配上店舖所提供既三種醬汁，分別係燒汁，麵豉醬及柚子汁，將和牛既味道再昇華。最後就係和牛柳肉中部，和牛柳肉中部就食落去比較有咬口，肉質比較柔軟。咁好味既和牛，點可以只係食三款就滿足，所以我再叫多個牛內臟盛合，包括有牛腸，牛舌，橫隔膜。我個人比較少食內臟既食物，所以對我黎講，今次係新嘗試，但估唔到有驚喜！牛腸牛腸我從來都未食過，亦唔知道牛腸係點既樣。因為係內臟，職員建議要燒耐一些

Latergram 既我，寫番2019年手11月既食評先。 😶😶😶😶😶星期六咁啱興起想食燒肉，就襯開門嘅時候打去book枱，依間餐廳位置不多，只有五六枱左右，星期六晚7點鐘居然都可以只係坐滿四枱。Deluxe sukiyaki beef with egg $380 哩個sukiyaki 入口即溶， 最緊要嘅係佢用炭爐燒出嚟特別有一番風味。為番起一塊$95，俾牛角都要哩個價。 🤤🤤🤤特選燒肉五種盛 $880 (西冷薄切，和牛小排， 西冷扒，牛柳中部，牛腿肉)大家睇到啲肉嘅條紋都知道係靚肉，不過炭爐先係重點🤤🤤🤤Seaweed with sea urchin $market price~$190 per pieces 海膽係跟返market price, 咁岩我個日就大慨$190一塊。 價錢適中，海膽好鮮甜肥美， 不過美中不足嘅係冇標明係乜嘢海膽。以返呢一個價錢嘅餐廳來講，我期待佢哋嘅服務質素係會好好，但係可惜侍應成舊飯咁企喺度，又唔主動，冇晒茶都唔斟，叫佢斟茶等左10分鐘先有，明明得五六台仲要有一兩台係空嘅，都等咁耐，待應都有成三個，以食物質素來講可能我仲會幫襯，但係好多時候睇一間餐廳

正宗日本人開嘅居酒屋近排發現大坑原來有好多野食，今日專程與男朋友黎到大坑，試左一間由日本人開嘅居酒屋。居酒紙主打和牛，黎到當然要試啦！我地見左一份和牛燒肉盛，包括牛小排、西冷、牛柳中部各2件。真心咁大個仔，除左係日本食過入口即溶嘅和牛外，今次算第一次係香港食到！與侍應閒談間發現居酒屋嘅老闆係日本人，而且仲係呢度嘅廚師，難怪和牛可以做到咁高水準！熱情嘅侍應仲推介我地食牛尾拉麵。果然，牛尾湯非常濃厚，食得出湯底用足材料烹調而成。而且拉麵好彈牙，最後我地連湯+麵食哂！我地叫左一客泡菜作為小食，伴埋和牛一齊食，味道亦十分夾！雖然疫情期間去唔到日本旅行，但能夠係香港揾到日本料理嘅味道，可以係一件快樂嘅事！

今曰同朋友食飯，經朋友介紹介紹一間隱世正宗和牛燒肉同日式料理。呢間位於大坑小行入面既一間日式和牛料理店，比到我非常多驚喜，該店廚師是日本人，呢個亦係呢間店吸引之處，手法正宗，食料係由日本空運到港，貨真價實，新鮮美味。鋪頭裝修十分有日本料理店既風格同特式，環境乾淨，而且坐位之間很闊落，無論來食飯，飲酒，聊天都讓你非常舒服唔會有壓迫感。入座後店員會幫你放好食具，因為燒肉既關係，當然小不免醬汁比你調味，3款醬汁分別係燒汁， 麵豉醬及柚子汁，呢3個醬汁配搭可以睇得出廚師非常細心，因為燒汁味比較香口，而麵豉醬味道比較濃郁，而柚子味就非常清新，適合中意唔同味道既客人。坐低後，店員會熱情地向你介紹店既招牌菜，造法及配搭，而且如果食燒肉亦可選擇由店員幫你燒熟或自己燒，如果唔係好識燒既建議比店員幫手，因為食材真係好美味，怕自己燒濃左浪費。睇完菜單已經留哂口水，但可惜我地只有2個人，又叫唔到太多食物怕食啦哂。所以我地就選擇左和牛燒肉盛合3，3個部位分別係西冷薄切，牛小排及牛柳中部。而且還有栗米，秋葵，冬菇等菜類供你燒烤，店員細心幫我地逐樣放落去燒，火喉岩岩好，西冷薄切，入口即溶，和牛味道濃郁，就算唔駛點醬

受疫情嘅影響下，唔好話出國就算出街都少咗好多， 今日因為返工出咗門所以就去咗大坑食日本燒肉，呢間燒肉之前已經聽朋友介紹過好好食，單就一直都未去試過。餐廳嘅外觀一啲都唔似食燒肉既地方， 一開始仲以為自己搵錯地方今日入到去餐廳，侍應即刻幫你量度體溫又會提供消毒洗手液，充足既準備令食客多一份安心。卡位設計岩岩好響應到政府不多於四人用餐，而且卡位位置 寬敞唔會坐得太密。A5 京蔥和牛小排 日本將牛肉分為A、B、C三級，再按肉質細分為5個等級，1為最低，5為最高，所以A5就是所謂既「極品和牛」。極品和牛既味道真係無與倫比，口感軟嫩，脂肪入口即溶，還有一種獨特的牛油味配合京蔥感覺中和番食完和牛口腔既油膩感。 呢個A5牛小排，完全拍得上飛去日本食嘅質素， 完美一百分。 黑豚腩厚切腩肉即係平時我地叫開五花肉，位於豬既腹部。黑豚腩 油脂分佈平均， 肥瘦相間。燒完後肉質腍滑，鬆軟多汁，肉味香濃。全程侍應都會幫我地去燒肉， 而且燒肉既嘅時間恰到好處， 完全係翹埋雙手就食。和牛尾湯麵呢款湯麵係侍應極力推介，表示湯底係由主理呢間店嘅日本師傅，每日新鮮淆製五六個鐘頭，湯麵來既時候，第一眼就比個清澈嘅湯頭吸引咗

今時今日，想出街食餐飯，都會想揀間質素高之餘又唔會太多人，最重要就係餐廳要注重衛生，咁就食得安心又放心。所以去到銅鑼灣，我同朋友就決定行遠少少，去大坑搵野食。一向都覺得大坑呢個地方好特別，位於銅鑼灣同天后之間，無商業既氣息，而且仲帶點外國風情，好似好多國家既菜式都會喺呢度搵到咁。今日我地就打算食日本菜，所以就揀左呢間NikuNiku.Niku Niku係一間主打和牛燒肉既日本餐廳。「NikuNiku」呢個咁可愛既名，原來譯返做中文就係「肉肉」咁解。Niku係日文既發音，日文就係「肉」既意思，睇到個名就令人覺得呢度必定係肉類既專家。我地點左特上和牛小排、雜錦內臟盛合、日本赤雞腿肉用黎烤肉同埋一個和牛Toro蓋飯。🐮特上和牛小排 $390牛小排肉質紮實，而且油脂分佈非常靚，簡單燒好兩面，食落口有入口即溶既感覺🐮雜錦內臟盛合 $200喺日本燒牛內臟係好普遍，亦都好受歡迎。有啲人會覺得動物既內臟有腥臭味，而且形狀怪異，所以都唔會食。但事實上，只要經過正確處理，內臟就唔會有腥臭味，而且更加有一份獨特既美味。所以，喺香港，通常只有高級既燒肉店先會提供各式各樣既內臟。雜錦內臟盛合分別有牛舌、牛腸同埋

Niku Niku 喺美食天堂大坑嘅中心點，店舖分兩層，每層只有十多個座位，主打是優質的和牛燒肉，走中高檔路線！餐桌上有齊所需的餐具和醬料，亦提供濕紙巾供客人清潔雙手！可樂 $35開埋罐加冰再斟埋，Service一流！燒魚翅乾 $65超大片，店主會幫你燒埋同埋剪碎，唔洗驚自己燒會浪費咗啲食材！魚翅乾烤至微焦，超級香口而又帶一點嚼勁，開胃送酒一流，推介！牛內臟盛合 $200有上等的牛舌、牛腸和牛橫隔膜，已預先餣製好，超香濃入味！頭一次食到牛腸，腸壁包著滿滿的牛脂，店員幫手燒到出晒油先上，入口極甘香濃郁，而且肥而不膩，超滿足！爐邊的抽風系統也非常值得一讚，完全沒有一點油煙，食完個身又唔會一陣味！黑豚腩厚切 $225優質的黑豚腩，因厚切和猛火燒的原故，肉汁完全鎖在豚肉中，入口爆汁軟嫩，正！薩摩赤雞柳 $145全隻雞最值錢的雞柳，點燒都一樣咁嫩滑！白飯 $35米香勁出，粒粒分明，最啱同黎索晒燒肉嘅肥油！和牛尾湯泡飯 $165和牛尾十分軟腍，就算係浸湯，牛味依然濃郁，湯底鮮味，咁大碗好快就會扒晒！

今晚去咗大坑，Niku Niku 主打高質日式和牛燒肉，配合貼心服務，店員主動幫忙燒肉，真係一流！餐廳提供三款醬料配燒肉，亦有濕紙巾可使用，保持衛生！另外，爐邊抽風系統非常出色，吸力特強，店內幾乎完全沒有油煙，食完燒肉後更加唔會有油煙味，好強勁！燒魚翅乾 $65估唔到有咁大片！店員用純熟技巧將魚翅乾燒至微微焦香，即燒即食，又香口又開胃，點少少沙律醬，仲滋味，十分推介！牛內臟盛合 $200有牛舌、牛腸和牛橫隔膜，各兩片，全部已預先餣製調味好！牛舌、牛橫隔膜嘅牛肉味香濃，爽口彈牙！第一次品嘗到牛腸，牛腸原來充滿牛脂，軟綿滑溜，油香四溢，令人印象難忘！黑豚腩厚切 $225脂肪和豚肉比例剛好！猛火燒至外層金黃香口，內裡充滿肉汁，超讚！薩摩赤雞柳 $145雞柳脂肪含量較少，但肉質仍然嫩滑，不錯！和牛尾湯泡飯 $165軟腍、和牛味香濃嘅牛尾，配上清甜湯底、大蔥和少許芝麻，好滋味！認真一流！白飯 $35軟硬程度適中，粒粒分明！可樂 $35絕對係燒肉必備！

大坑對我嚟講真係好遠🤣平時真係唔會去，不過聽講有間燒肉幾好食，就同朋友嚟試下喇😚餐廳嘅門面完全唔似係一間燒肉店🤣睇個menu都有好多選擇，不過有選擇困難症嘅我哋決定嗌個二人餐🤣Niku Niku set for二人前 ($2080)😋好味指數：(8/10)本來$2080 2個人，不過依加有8折，都係1800左右就食到🤩蕃茄沙律有啲菜，蕃茄同埋蘿蔔絲，幾開胃😚日本柚子蘿蔔 柚子大根食落去好爽口，而且都幾酸，好醒胃🥳泡菜拼盤好鍾意食呢啲前菜入口，酸酸辣辣咁海膽生牛肉第一次食生牛肉，開頭都有啲驚🤣不過一食嘅感覺就好似平時食魚嘅刺身咁，加上海膽鮮味十足🥰火炙生牛肉片 和牛面頭輕輕燒過嚟，下面係生嘅，一開頭食到好有油香，然後feel到好嫩，加埋啲蔥又係另一種感覺😆特選和牛五部位燒肉拼盤一嚟到已經見到五款牛肉嘅紋理都好靚🤩和牛臀肉食落去就比較肥， 西冷嘅肉味就比較濃，我最鍾意嘅就係和牛柳肉中部，食落去雖然冇乜脂肪，但係好淋，有總入口即溶嘅感覺😚記得注意燒嘅時間，如果燒得太耐就嘥曬啲牛😭和牛尾湯麵佢嘅湯底好鮮甜，牛尾嘅份量都好多，而且煮好淋，麵質帶點煙韌季節甜品今次嘅甜品係抹茶雪糕加生果同埋丸子作為

呢排因疫情影響，冇得去旅行又少左好多出街，放縱自己搵D好野食聽聞大坑有間高質燒肉舖，就叫埋朋友一齊去試～座位寛敞，張枱都幾大，坐得好舒服，就算4個人一齊食都唔會迫。醬汁有3款口味，配合倒唔同人嘅喜好。由左至右係燒㘼汁，Miso汁，柚子醋。醬汁都好重要，好嘅醬汁味道唔會太濃而且少味精，食完唔會頸渴。呢度嘅醬汁符合倒哂呢D標準，令D肉錦上添花。薄切牛舌配檸檬汁上枱，D色澤好鮮艷，一睇就知好新鮮！份量適中，價錢非常合理。小編比較鍾意食薄切，肉感無咁勁，可以食多幾塊終於開始燒喇！好期待完全無痴底，好好～呢隻牛舌咁靚，燒熟少少都冇問題～燒好喇～ 好薄身同埋好冧，完全唔會咬唔開，就算燒唔同時間都係一樣。同出面D牛舌好唔同，好多其他地方嘅牛舌都好韌，好似咬緊橡筋咁。呢度嘅牛舌真係一流！黎到拼盤喇～ 我地叫左3款嗰隻侍應同我地介紹呢度嘅牛肉，係屬於頂級嘅牛肉，亦係刺身級。生食都得嘅牛肉一定要靚同高級，呢度有得食！ 同埋侍應話呢D牛肉基本上五成熟會係最好，不過如果客人鍾意食熟D都冇問題。一開始我地自己燒左一陣牛舌，之後侍應就過黎開始幫我地燒，一邊都有傾下計～佢自先幫我地燒牛柳中部，呢個係稀有部位黎～呢塊

「愛像一陣風，吹完它就走。」正所謂人走，茶總會涼的，緣份係一種時間值，去到某個位如果無辦法走落去，證明呢杯茶係已經唔適合你飲。茶就話會涼姐，和牛唔會啦掛？今日我就殺入去大坑呢間隱世日式燒肉店「Niku Niku」。原來呢到既和牛主打平時好少見食到既部位，級數仲有返咁上下tim，一於搞到成間鋪㷫烚烚先得！👇📌特選焼肉3種盛り合わせ - $540👉人生路不熟，平時真係無乜幾可去燒肉店，當然睇到Menu都唔識嗌啦。唯有聽下Staff講解下，由佢詳細介紹就最好不過啦。我地最後試左呢個「特選和牛3部位燒肉拼盤」，分別係A5和牛級別既西冷薄切、和牛小排、牛柳中部。Staff好細心係隔離全程幫你燒，先試左個西冷先，紋理就夠哂靚仔，食落個口感好嫩滑，控制個時間岩岩好；而和牛小排相對肉香濃郁，味道比較重，Staff會推薦我地配搭返柚子汁做返個提升；而牛柳中部最有咬口，質感柔軟，輕輕點返少少燒烤汁或麵豉汁就已經好好味，整個和牛拼盤性價比相當高，值得一試！📌牛卜口丼 - $160👉和牛當然唔可以比佢停啦，我咁大食一定要整返個丼飯既。刺身丼黎講，我都係第一次試「和牛刺身丼」。我就對呢到出品既品質好有信心，佢地

置身大坑呢個文青聚集地每間餐廳都睇落高級又高質呢日我就決定食呢間先門面用咗好多木元素，洋溢住日本風情餐牌有兩本，飲品同食物選擇都多慢慢揀，慢慢食食物未到之際，店員先幫手倒咗醬先有三款，燒汁、麵豉醬同柚子醋各有特色，個人最鍾意麵豉醬，因為佢厚身啲，啲肉會沾到多啲叫咗個燒肉拼盤，和牛嘅7個不同部位每個部位2件，本身以為都會唔夠飽，但原來唔會！份量啱啱好！第一個擺落去燒嘅部位係牛舌，平時唔多鍾意食嘅朋友都大讚好味！調味夠晒入味！用料新鮮，肉質爽脆！好味到極點嘅係最厚肉嘅和牛西冷油脂分布均勻，燒到中間仲係粉紅色就好上碟咬落去嘅感覺有啲似棉花糖，非常嫩滑！入口即化味蕾至高嘅享受！

2020年3月1日。大坑。晴。多個星期在家工作，週末又冇出街振興經濟再係咁匿埋喺屋企就要變干物女呢日行完銅鑼灣就過到嚟大坑搵食～見到呢間門面好靚嘅餐廳決定入去一探究竟係間日式燒肉店嚟～我哋入到去時間尚早後來見有日本人嚟食，就知正宗！有成本Sake Menu可惜我同男朋友都唔好杯中物，所以冇嗌酒飲食物嘅Menu都分咗好多個section仲有呢幅詳細嘅牛肉部位講解圖特選和牛7部位燒肉拼盤，$10807個部位分別係：西冷薄切、和牛小排、西冷扒、牛柳中部、牛腿肉、和牛舌、和牛橫隔膜仲有幾樣配菜，秋葵、粟米同埋雞肶菇見到個拼盤就已經流晒口水！我哋開餐先至6點，店員就好好人咁話可以幫我哋燒埋一邊燒一邊同我哋介紹店員講我哋知呢啲質素嘅和牛好新鮮，日本客人通常鍾意食刺身但係男朋友唔太鍾意食生嘢，所以我哋就放棄咗，等我下次同其他friend嚟再試下刺身先～店員仲不停幫我哋加茶服務非常周到～柚子白蘿蔔，$55食到一半左右，店員向我哋推介一款小食就係呢款柚子白蘿蔔嘞～呢款漬物用咗日本蘿蔔嚟整，加上柚子嘅酸酸甜甜，開胃之餘，仲可以解下食太多肉嘅油膩感好清新～～碟上面嘅係香港好少見嘅和牛橫隔膜真係第一次食！其他

上星期男朋友生日，為左避開人潮，我地揀左去大坑揾食，見到NikuNiku嘅燒肉即刻被吸引左！🥰.***重點: 呢道每位店員甚至廚師都有戴口罩，食得非常安心！.食得燒肉就會好想食最好嘅嘢肉，我哋揀左個Set: 特選和牛七部位拼盤 $1080 - 每個人都係$500靚蚊，晚餐來講覺得合理。.今餐嘅牛全部都來自日本，每款有兩塊:西冷薄切，和牛小排，牛柳中部，西冷扒，和牛舌，牛腿肉，牛橫膈膜店員推介我哋順時針咁食，呢度會塊牛都非常之靚，雪花紋好深，真心好高質。.我最喜愛: 牛柳中部一向最鍾意食牛柳因為食落好軟林，而且好Juicy得嚟又唔會太肥，唔會有咁有罪惡咁感，而呢度嘅牛柳中部非常富有牛味，唔需要點咬就食到😍☺️果然係高級肉！最驚喜好食: 牛橫膈膜牛橫膈膜部位平時好少食到，亦都非常矜貴，超級驚喜地，佢係好好食，滿滿牛嘅油脂，咬落嘅質感好特別，一試難忘！仲有和牛小排當然唔少得，鍾意食肥肥嘅牛肉一定要食佢，起到濃郁，油脂豐富，燒過後好好食☺️😋.呢餐非常滿足，每一款都好好食，不得不提餐廳用嘅腌料帶出牛肉嘅鮮甜，將牛肉升華到另一個層次！.餐廳亦配備三種唔同嘅醬汁，但咁靚嘅牛，味道已經非常豐富，我覺得可

Had heard great things about this place beforehand so decided to come here for a birthday dinner Right off the bat as soon as you enter, you'll notice the very authentic cozy-Japanese-minimalist ambiance of the restaurantWe were then shown to our tables by some very attractive waitresses who proceeded to give very detailed recommendations of their sets, paying special attention to explain the different cuts of meat offered.We opted for their Chef Selection of 7 Finest Cuts and were definitely no