Seafood Stand (已結業)

星期六晚在旺角尖沙咀出街食飯從來不是容易的事。成日聽人講樂富唔同以前,今晚特意來逛逛，食個飯，落地鐵站就係商場，仲有日本大型商店UNY，另外仲好多食肆俾我地揀，未必一定去旺角都可以行街食飯輕鬆輕鬆。 行到咁上下就去一個食肆既平台食晚,朋友選左食海鮮，就食Seafood Stand. 首先點左是日餐湯，係青豆忌廉湯。青豆磨成蓉，很香豆味，唔會太傑身，有啲忌廉令燙更滑更易入口。 沙律本來想食凱撒沙律，店員話未能提供，只得Green Salad。 沙律菜種類都多而且新鮮爽口，煙三文魚大之餘都夠厚，煙三文魚既咸味都帶到俾啲菜，加埋啲麻醬都令菜同蕃茄都好夠味！ 啤酒炸漿炸蠔，好夠份量。啤酒味唔重，個炸漿殼做到好靚，蠔就咁太大隻，餐前小食份量剛剛好。 焗波士頓龍蝦，龍蝦開邊焗，個面仲怖滿芝士，焗出芝士味香濃的效果。波士頓龍蝦肉唔多仲夠曬彈牙，肉汁都鮮甜，龍蝦頭都有膏，食得滋味。 朋友點的十二安士牛扒夠矖份量，叫左五成熟，都夠淋，易咬開同夠牛味，薯條份量都夠多，金黃香脆。 無論食物質素，裝修，服務等都感到這小店的熱誠，期待下一次再來食飯暢聚。

依加係新蒲崗返工, 多了去附近的地區食飯, 今次便去了樂富廣場的Seafood Stand食飯. 不知食甚麼的我, 見到有晚餐選擇, 一共有六款, 配飲品, 也可以半價改為特式飲品. 最後, 我選了香煎三文魚伴田園沙律配芝士薯蓉, 飲品加錢改為熱玫瑰檸檬蜂蜜. 可惜個餐只包飲品, 但我想飲湯, 便另點了法國鮮蠔湯. 先奉上法國鮮蠔湯. 個湯夠熱, 對於我來講, 這是最基本要求. 湯的稀杰度適中, 雖然見不到湯中有蠔, 但入口時充滿蠔的鮮味. 若湯加入蠔作為點綴就更加吸引. 香煎三文魚伴田園沙律配芝士薯蓉. 上枱時已香味撲鼻. 三文魚魚皮幾香脆, 夠薄身. 魚肉偏向挺身, 但入口唔算太乾, 味道調教尚算不錯. 我自己最愛芝士薯容這個伴菜. 薯蓉夠滑身, 再加上芝士, 雙重口感. 食完嘢, 飲番一杯熱玫瑰檸檬蜂蜜, 不但可以起中和作用, 而且能夠滋潤喉嚨, 好適合依加的天氣飲用. 除了晚餐外, 我見到附近的客人有不少也點了漢堡, 賣相也不錯, 下次再來時要試一試.

呢間seafood stand 係樂富新開左一排我都未曾入去試過所以今日就走入去食返個lunch set貪佢又有湯/沙拉同咪野飲呢到個環境都幾有格調👍坐得都好舒服我個人就好喜歡啦 我地兩個人叫左個牛魔王漢堡同吞拿魚忌廉彩椒扁意粉 首先呢個牛魔王漢堡重點並不是漢堡，並不是薯條而是他們身邊的番茄醬平時我都不喜歡點番茄醬但呢個有d 唔同！佢加左d 香草味道好似食緊意大利番茄醬咁同埋薯條一齊食真係超級好味😋😋 另外呢個吞拿魚忌廉彩椒扁意粉都好好味忌廉唔會太肥膩，因為食落有d 黑椒嘅味道中和返！同咪吞拿魚彩椒一齊食感覺健康d!唔會太有罪惡感😝🙈 Lunch set 仲會送湯/沙拉本來我都想試下飲湯，不過賣哂了但個沙拉都好好味有我鐘意的芝麻醬😋 仲有呢個柚子蜜勁多料😆😆甜左小小！但好好味呢個seafood stand 可以做我飯堂超級正，值得推介😋

不知何時開始, 老媽越來越咀刁, 要吃特色菜 (即是她從未吃過) 才願意陪我外出吃飯。其實這並不困難, 皆因老媽多數自家煮, 所以除中菜和踞扒外, 很多現行的菜式對她來說都很特別, 之前帶她吃韓燒、烤魚, 也令她非常興奮, 今次一於再潮一點, 吃大大份的Burger。還記得之前帶老媽去樂富食飯時已發現這間鮮黃色門面的店子, 吸引了我們停下腳步看看, 亦決意找天來, 那就今晚啦! 走進內裏, 又紅又黃的光管招牌, 非常搶眼, 灰泥水的牆身配木地板, 牆上掛了多幅色彩繽紛的海報、懷舊的鐵牌等等, 而最搶眼是其中一邊牆身畫了一個正出海捕捉龍蝦的青年人, 享受生活的樣子, 見到也令人開心。店子正正方方, 最入端是水吧區和廚房重地, 右邊設有兩行二至四人的枱, 而左邊則是一排長沙發椅的二至四人枱, 地方不算大, 但枱與枱之間有一定距離, 都坐得幾舒服。餐牌設計精美, 還以一塊刻了店名的木板承托着, 每頁均印滿菜式的相片, 部份還註明所用的食材, 既清晰亦吸引, 分別有海鮮拼盤、小食、沙律、湯品、海鮮肉類、漢堡套餐和意大利粉, 另外還有一份晚巿套餐。************************

今天在附近逛街，看到這餐廳很吸引所以進去吃午餐。我點了all day breakfast，上菜時我吃了一驚，因為份量超多的，而且幾乎所有英式早餐的款式都包括在內，包括：香腸，煙肉，班尼廸蛋，沙律，煙三文魚，茄汁豆，薯條，面包。香腸很juicy, 煙肉煎得香口但不油膩，煙三文魚咸香，薯條外脆內軟，面包是烘過的排包，很甜很香脆，加了牛油令其更香，班尼廸蛋的蛋香很濃郁，應該是美國雞蛋來的，一切開，裡面的蛋漿就湧出來了。這一餐真的帶給我驚喜。唯一美中不足的是座位較為擠迫，但室內美美的裝潢可以搭救。

筆者向來無飯癮，平日中午亦大多以三文治、漢堡包之類作午餐。記得兩口子之前曾造訪過筲箕灣東大街，一間以海鮮及漢堡為賣點嘅餐廳《Seafood STAND》，並品嘗了店內大熱的 Lobster Roll 同 Burger Set，覺得水準很不錯。尤其是當中的一客香烤鰻魚漢堡，做得非常出色，鰻魚食落帶脂香、而且包身鬆軟，令人回味。近日得悉店子在樂富開了新分店，瀏覽過友人上載的相片，見其中一款龍蝦帶子包，賣相澎湃，超吸引，所以這晚就特意來一嘗。餐廳位於樂富廣場 1 樓，門面搶眼，用上鮮黃色為主調，容易吸引路過的行人眼球。踏進內，地方比筲箕灣分店大，座位寬敞闊落，裝潢沿用幾間店舖的一貫設計風格，以簡約為主，配合牆身上的鬼馬有趣畫作，壁上的美式復古鐵牌和惹人注目的店名光管招牌，感覺 Casual 自在。先拿起店員送上的餐牌細看，Dinner Set 選擇雖然唔算超级豐富，但 variety 都唔少，有燴飯、意粉、漢堡、羊架等，而且定價親民，由 $85-$118 不等，相當抵食。至於 Main Menu 方面，除了主打的海鮮和漢堡外，還有小食、沙律、湯、肉類和意粉等供應。既然餐廳以海鮮及漢堡掛帥，就

Went to Seafood Stand with my gal this Thursday. We arrived at 7 something and surprisingly the house wasnt full. Instead of ordering their set dinner, I asked for a grilled salmon as I craved for fish for loooooooong. It's a hearty portion and the presentation is quite nice. I do appreciate the green which helps to balance the diet. Sadly, salmon is pretty overcooked and dry. $158 for this, frankly I may not come back

以前常常黎到樂富找朋友吃飯，黎到樂富廣場,一上前行見到間新開張的店鋪上網一查原來係多間分店位於不同地區，滿帶好奇心經過門面睇吓有咩好食。門面顏色以黃為主，帶有金甘脆的感覺，決定去左依間burger店食晚餐牆身大大隻笑蝦蝦，讓人胃口大增店內的裝潢很有外國的感覺，未點餐已經立即影相先舖面不算太大，不過裝潢看得出有花心思的。坐底後點了一份蝦兵蟹將堡，配Pineapple Soda蝦兵蟹將堡 我最期待既畫面出現了，一個落足材料的又巨型的Burger介紹下裡面配料:1.頂部手掌大的軟殼蟹放在漢堡內，第一次見到軟殼蟹大得伸出包外。2.中間笑得甜密密的沙拉醬混合在薺中，旁邊配有大量的菜，未食已感受到口感豐富3.底部加上蕃茄，洋蔥，等等。上網一查先知軟殼蟹是指剛蛻殼不久、身軀尚未硬化的螃蟹，軟殼蟹能保持外殼柔軟，是因為剛蛻完殼的螃蟹馬上被帶離海水，才能防止外殼迅速硬化。自己喜歉愛軟殼蟹的蟹殼，因為有很豐富的鈣質，同時經過油炸後，又酥又脆連殼帶肉的入口帶著欲罷不能的美味!! French fries講到炸薯條相信都不用多提金黃外皮，以及咬下去後濃郁的馬鈴薯香氣，想著想著便不知不覺想叫一份麥當勞了。最後上

朋友來港出trip ，順便探訪我，相聚時間有限，選擇在離她下榻較近的樂富開飯。見到有新餐廳就試一試～餐廳環境裝修不錯，不過午餐只可以叫套餐，晚市先有單點菜品。要一個帶子魚柳漢堡跟沙律，另一個係燒春雞。餐都跟南瓜湯，飲品。湯及野飲就好普通啦，但係主菜好好味，好足料。生同熟的蔬菜都整得好食。另外加了雞翼同墨魚餅，朋友都讚不絕口。埋單二百幾，都非常滿足的一餐。

絕對認同「在家靠父母，出外靠朋友。」這句老話，這晚約了舊同事聚舊吃飯並研究製作產品事宜，希望得到專業意見後，產品有更高質素。相約在樂富吃晚餐，來到樂富廣場，地方比想象中時尚，驟眼間還以為在日本某商場，但抬頭一看，原本的屋邨面貌只要被遮蓋，美化的效果確是值得一讚。餐廳就在廣場當眼處，看看餐牌，價目豐儉由人，好友為人體貼，沒有點龍蝦之類，大家都點了晚餐，另外加個頭盤和兩個湯。頭盤點了白酒忌廉煮藍青口，一大鍋青口散發濃濃的白酒香味，旁邊有兩片多士，一堆沙律。吃得出青口不是活煮的，一分錢一分貨，收$88也不期望有活青口，然而，冷藏貨能煮到這效果已很不錯，質素比自助餐吃到還好，我最愛鍋中的白酒汁，用多士來吸索汁液來吃最棒！沙律菜，見她喜歡，讓她吃吧！我的餐湯是意大利雜菜湯，頗多雜菜煮成，用料豐富，惟味道略鹹。好友點了法國鮮蠔湯，像忌廉湯的質感，有蠔味，不腥，好友喜歡。好友的主菜烤春雞伴雜菜炒老虎蝦，半隻春雞顏色烤得吸引，醃得入味，皮很脆，雞肉很香口，大蝦和炒雜菜都見處理認真，夠熱，很新鮮，伴碟的薯蓉也見驚喜。我愛吃漢堡包，試試菠蘿牛王子漢堡，甫送來，第一印象是巨型！除了漢堡包，左有一大堆薯條，右

於年多、兩年前曾到訪過Seafood Stand紅磡店，仲記得佢哋啲漢堡做得唔錯，當其時仲留意到有一款素漢堡「野菜農場烤菇堡」，啱晒我老婆。最近，聽朋友講晌樂富開咗新店，而且，大間咗好多，點都要俾老婆嚟試一試依個素堡。餐廳位處樂富廣場嘅另一邊，所以，出咗地鐵都要兜一兜先搵到。環境確實比紅磡店大好多，而且，都喺用餐嘅餐枱（因為紅磡店全部都喺高腳枱櫈），比較好坐啲。裝修無紅磡店咁美式風，但佢睇得出仍以海洋為主題，如海洋相關嘅海報、噴畫、壁燈及一啲拉起吊燈嘅麻繩，配合上柔和燈光，感覺舒服輕鬆。食物方面，仍以海鮮及漢堡為主打，此外，仲有小食、沙律、湯品、肉類及意粉，數數吓，都有幾多選擇。飲品方面，咖茶汽水以外，更有多款特飲，我就揀咗杯特色咖啡，而老婆亦揀咗杯特色花茶。餐牌有多款小食，最好就點杯啤酒嚟配搭，所以，店家亦有生啤、手工啤供應，而且，更有埋餐酒添。不過，最著數就梗喺點啤酒，因為見門口貼咗張推廣單張，就喺惠顧啤酒有買二送一優惠，唔怪得當晚都見唔少人隊番支啤。可惜我同老婆都唔好啤酒，實在無福消受。法國鮮蠔湯 $48外貌唔講嘅話以為野菌忌廉湯，當然，一入口就明白喺鮮蠔湯，皆因蠔味非常濃郁，鮮

晚上很想吃西式，又不想吃肉扒，於是來到此開業一段時間的餐廳。門前耀眼的燈光，很是引人注目，也給人熱鬧的感覺。門前的燈飾，看來很有格調。整齊排著的酒樽，有種規則的美感。餐廳有著主菜的餐牌，飲品的，也有特別的手工啤酒牌。雖然燈光耀眼，感覺卻很舒適，四周的裝潢有點美式的熱情感覺。點了是晚的主菜，也選了蘋果汁，不用多久就送上。雖只是一般的果汁，味道濃淡適宜，不酸不甜，清新可口。與朋友談了不久，煙三文魚香草忌廉雜菜扁意粉送上，選擇的是明太子多士。還是首次品嚐明太子多士，初嚐第一口有點魚腥的感覺，繼續咀嚼之下，並沒有腥臭的感覺，反倒是鮮香的味道，再一口，鮮香味反濃郁，不自覺的吃下去。香草及忌廉味香口，互相配合，扁意粉很有咀嚼口感，正是個人喜歡的感覺，煙三文魚打開卻很大塊的，分一點給友人還可滿足我喜愛煙三文魚的感覺。就正品嚐明太子多士之時，朋友要的烤德國什腸拼盤也送上，朋友喜愛啤酒，也要了手工啤，此店的啤酒是買二送一，所以我也要一支。我選的手工啤麥味淡，濃澀的啤酒味中，卻帶著果香味，原來是亞熱帶水果的香氣，我比較喜歡。朋友選的手工啤，試了一口，感覺麥味淡，卻比我選的更為濃澀，對喜愛啤酒的人，應該較為

屋企附近開咗一間新店，睇落個裝修好靚，一直都想試吓架喇，今次見冇乜新嘢食就去咗試la💪🏿見佢個價錢都唔係好貴，因為係下午茶時段，所以就嗌左兩個下午茶餐😗我地分別嗌咗一個卡邦尼意粉同埋一個鱈魚漢堡~上菜速度唔算快，不過我地都至在好食，等耐啲都冇所謂。不過...呢餐真係不堪😵😵😵個卡邦尼意粉先到既，望落真係好乾身，搞笑就搞笑在意粉面頭仲有幾條菠菜喺度，十足十喺個鑊度炒完就放上去啲意粉上面一樣😩食落，果然不出所料，真係好乾身，啲味真係好唔夾，要讚既係個菠菜係幾好食既，可以加個餐單係炒菠菜🤔但就真係唔好將佢撈埋落個意粉度👎🏿跟住上枱嘅鱈魚漢堡都唔好得去邊😵簡單一個字可以形容成個餐 - 脆！個包好脆，魚塊好脆，薯條都好脆，但係一啲都唔好食，魚塊魚味唔夠，真係得個大字😂👎🏿總括而言，呢個價位真係有其他burger店做得好好多，唔值得再嘥錢食多次👎🏿👎🏿👎🏿

食物，裝修，音樂都好好，但人手就嚴重不足。今日係情人節，專登選咗間未試過嘅餐廳。我地點咗：1）海鮮platter，2）牛魔王漢堡🍔同3）黑松露闊麵好彩一黎到就有位。 之後其他食客都等咗好至少30分鐘。樓面有一男一女侍應。態度都好好，但經常漏單同忘記野。其實都唔怪得D侍應。樓面，落單，帶位，水吧，jup檯，送餐都係得個個侍應，佢地都好辛苦。我地坐咗2.5鐘都無見過個女侍應有一顆係無野做緊。建議老闆應該請多D侍應。基本上野食係ok無問題。最好食係個牛魔王burger。裡面夾咗 一塊菠蘿🍍，味道同個口感都好特別😋。但薯條🍟就太硬。好明顯係因為廚房裡面都唔夠人手緊。整完一樣先可以整第二樣。本來薯條應該會幾好味。黑松露闊麵口感好好。軟硬程度啱啱好。 唔會太鹹蓋咗松露味道。啤酒🍺仲有埋2送1。但都係果句，嚴重唔夠人手。1杯1664 啤酒🍺（1pint）- $681瓶Hong Kong Beer $58第二杯 1664啤酒🍺 （1pint）- free 由於賣2送1海鮮platter - $258牛魔王漢堡🍔 - $88黑松露闊麵 - $78