Sixer Burger (已結業)

開心星期五收工緊係約朋友食飯relax一下，剛好我同友人都係荃灣區返工，收工係附近食晚飯真係快靚正，荃灣區美食數之不盡，但漢堡包既餐廳並唔算多，而且我們都係burger愛好者，所以今晚我們揀左黎依間burger店食晚飯店鋪位於商場內，餐廳唔算大，只有數十張小枱，黎到已經差唔多坐滿，幸運地我們黎到有一張空枱，所以好快就入座啦餐廳上既漢堡款式都有數款，我們各自叫左漢保配沙律或薯條加飲品套餐，唔想食漢堡薯條熱狗都另有意粉類選擇，見隔離枱有人叫意粉食，份量都幾大碟架我們等左大約十五至二十分鐘就有野食啦，相信食物都係即叫即製，所以需要耐心等候<<龍蝦牛肉漢堡配香草忌廉檸檬汁>>我揀左依款漢堡，賣相都幾吸睛，龍蝦肉完整放係牛肉漢堡扒上，中間夾著洋蔥、蕃茄、生菜同沙律醬汁龍蝦肉食著厚實，重龍蝦味，食得出漢堡扒係手打唔係機製，味道濃郁，麵包微脆內軟熟，連配菜一齊食可解去油膩感，增添清新口感，不錯喔。薯條炸得好出色，即點即炸，食個時仲係熱辣辣，香脆可口重薯味，真係超推介<<芥末籽醬牛肉漢堡>>依款漢堡跟龍蝦牛肉漢堡差不多，只係醬汁同走左龍蝦

入荃灣搵朋友敘舊，一行三人想搵間餐廳飲吓嘢吹下水。住荃灣嘅朋友就話呢間漢堡包幾好食，就一於佢帶路去試吓。去到鋪頭面積唔算太大，好有特色小店嘅感覺。餐廳裝修係美式海洋風，除咗用藍色做主色之外，牆上面亦有ships wheel,連天花都做到好似甲板嘅感覺！喺船入邊食漢堡，感覺自在！同朋友就叫咗三個main,包括兩個漢堡一個意粉，再加個炸魚薯條開心share。首先上嚟嘅就係朋友嘅珍寶牛肉煙肉蛋漢堡！相信係因為太大份所以用木板分拆上！原來佢入邊有兩件牛肉漢堡扒，好邪惡啊！一件就醬汁加芝士，另一件就用煙肉同雞蛋包住。配汁芝士朋友話味道香濃又多肉汁，配煙肉雞蛋就口感豐富，特別係隻大陽蛋煮得好靚好滑。之後就到我嘅牛肉啡菇芝士漢堡，足足有我半塊面咁大！牛肉配上特製醬汁香濃又突出到牛肉味。啡菇大件又厚肉，而且煮得剛剛好，唔會太淋出晒水，保持返菇應有質感！朋友嘅藍青口卡邦尼意粉，我偷食咗一啖，好Rich好creamy!!個汁完全掛曬意粉上面，意粉又煮得彈牙，好正！不過朋友話如果連青口都有埋汁就更好啦。我哋開心share既魚柳薯條～吉列版本嘅炸魚柳外脆內滑。薯條粗切，保留返部份暑皮，豐富左口感。而且炸得好夠

又到星期六，學完琴，當然要行街街啦！我又到荃灣了！逛了一會，又到晚餐時間了。我想起sixer burger 的炸薯條，因此再次光顧這裡。我再一次點海鮮炸籃，炸物依舊出色。炸蠔非常出色，多汁、肥美，而且炸得脆卜卜。另外，我喜歡炸魚，有點肉汁，完全不會乾。朋友點的熱狗，偷偷嚐了一口，脆皮腸，麵包相當鬆軟。另外一位朋友的龍蝦漢堡，龍蝦都算大隻。朋友切了一點龍蝦肉給我嘗嘗。肉都幾彈牙。龍蝦漢堡感覺十分奢侈，但我都好想大啖大啖龍蝦咁食..我的大啡菇牛肉漢堡，大啡菇真的十分吸引。我最喜歡這個菇不會乾巴巴的，亦沒有草青味。而牛肉又是多汁，肉味濃郁的。神奇在於，餡料都是濕潤的，但漢堡包依然乾爽。

今日同屋企人去荃灣行街，行咗一日街。見到一間唔起眼嘅漢堡包舖，諗住入去坐一陣。望下個餐牌好多嘢食，就決定坐低食晚餐。 今日行到好攰，要食豪啲。 叫咗一份“海鮮炸籃”裏面有炸蝦、酥炸生蠔、炸魚柳同埋超級好食嘅炸薯條，再來一個龍蝦牛肉漢堡配香草忌廉檸檬汁加18蚊轉餐有炸薯條同嘢飲。炸蝦鬆脆，生蠔好juicy，連埋啲炸魚都好新鮮，炸得啱啱好，無油冧冧嘅感覺，還有不可以不提係炸薯條，超級好食，微微帶有鹹香味，炸得特別鬆脆，連家中長者都讚個不停。龍蝦漢堡有原隻龍蝦尾，新鮮彈牙，又厚肉，一定要用刀叉品嚐， 牛肉漢堡啲肉汁從口角流出，非常多汁， 連啲配菜都好新鮮，令你食個不停。

身為荃灣友，加埋算係半個漢堡控既我，荃灣區既Burger店點可以未食過！首先要讚下佢既誠實度😎 實物同餐牌有八成相似，算係足料既👍🏻其次選擇都算多，又有炸魚炸雞炸薯條等，驚我唔夠熱氣🤣🤣牛肉啡菇芝士漢堡 $88牛肉漢堡好厚，牛肉唔算多汁，但塊大菇同埋啲醬汁好加分，成個包即刻Juicy哂！加埋蕃茄同生菜感覺上冇咁邪惡👀👀另外只需加 $18 即時升級做套餐，可揀沙律或薯條，另有野飲一杯魚柳薯條 $58真心！好大件呀塊魚柳😍😍😍 炸到金黃鬆脆，而裡面啲魚肉仲係好嫩滑🤤 連啲薯條都特別炸得透，特別香脆！只要你唔怕熱氣，好容易食到停唔到口😈😈😈整體食物唔錯，店鋪細細，但都算坐得舒服，而且地點非常就腳又易搵，經過可以一試～

位於荃灣的 Sixer Burger，是一間設於千色的美式漢堡餐廳。今天相約一位快要離港到外國WH的朋友來吃晚飯，期後去吃甜品。吃飽一點，不然去外國會餓死啦，哈哈。漢堡勻可加$18/25配薯條或沙律和飲品，我們兩個都選薯條，朋友飽到吃不下呢。龍蝦牛肉漢堡$198大大的漢堡疊成小巨塔，內裡包括: 龍蝦，牛肉漢堡扒，蕃茄，生菜等等。龍蝦拆殼，只保留尾部外殼，賣相更好更方便進食。龍蝦肉結實厚肉，漢堡扒屬為軟腍，整體味道不錯。蒲燒鰻魚漢堡$88另一招牌漢堡，是鰻魚堡哦。同樣愛好鰻魚的我們，一於選擇一份吧。蒲燒鰻魚屬薄身幼長，不屬厚肉版本，勝在鰻魚無骨，調味醬汁配搭得宜。不過就好像跟漢堡不太搭，最後我分層進食哦。黑豚雜菜沙律$68由於還有下場，我便點選多份沙律，清清腸胃才吃甜品。黑豚肉煎得香噴噴，肉質腍軟，味道不俗。醬汁自行淋下，自行調教濃鹹哦。

Four of us were super hungry after a busy day working at the site... and so, we need some real food to fill our stomach.. and in Tsuen Wan, this burger shop can easily be missed, but because one of us has tried a special dish here - lobster burger, and so, we can get to it this time.Parking is easy here, you can choose to park on the road next to the shop (remember to look out for the chance of getting a ticket though) or park right in to the shopping mall.All of us were so hungry and we order 5

上次黎食完之後覺得回味無窮所以今次黎食番一模一樣嘅嘢，對食物真係好專一😂蕃茄羅勒忌廉湯，因為真係酸得來好開胃，食漢堡之前打好個底就最啱！龍蝦牛肉漢堡配香草忌廉檸檬汁，今次食特別留意個包烘都好脆又有牛油香味！牛肉漢堡用優質牛肉做，原隻龍蝦啖啖肉！真係每一啖都好滿足呀！再次一提呢度嘅薯條真係冇得頂，實在唔知咩方法令到佢咁脆！就連茄汁都唔係普通茄汁，係有蕃茄蓉！以後黎親荃灣我就諗起佢，真係變咗fans啦！

又一次遇到難題，食巨型或多層漢堡大家有無建議食法呢？哈哈而我都係用拆解既方法，一層一層拆開分開品嚐，又可以試清楚分別既味道。呢度既漢堡大部分價錢都相差唔遠，分別只係放既食材有唔同，大家可以考慮自己想食邊款而叫，仲可以係base加錢配其他食材，而我見當日都唔少人食既龍蝦漢堡。自己叫左珍寶牛肉煙肉蛋漢堡，有種高高在上既感覺，加埋大概有十層，可能堆疊放會太高關係，有一層牛肉要分開位放。而我都由麵包同牛肉開始食，漢堡牛肉好有口感比較鬆軟，另外咬落有少少肉汁流出，加埋醬汁覆蓋整塊漢堡，味道配合都好好。之後食主體，太陽蛋一切流晒出黎，再下層煙肉唔太油膩，好快又會見另一塊漢堡牛肉，洋蔥同蕃茄都好爽口。加$18多個沙律菜同飲品，都唔貴。另外，我媽媽一坐低就已經話想食龍蝦牛肉漢堡，其實我估佢係食唔晒，但佢都堅持想加薯條因爲有連飲品，睇見實物原來係原只大龍蝦，眼見份量都幾多，我只好幫下手食的。龍蝦味十足再加上都有的厚度，個種啖啖肉口感好正，而醬汁係配上忌廉檸檬汁都好特別，大家值得一試。薯條大條比較粗身，外脆內軟配茄汁呢種絕配都唔需要我多講。海鮮炸籃有蠔、蝦、魚柳同薯條炸到卜卜脆，尤愛炸蠔，一咬開入面熱辣辣

今天放工去了食burger~~🤣份量都大個（個包），仲有得配餐～尚算抵食！2個人，食左2個餐，加一小食，$300有找😍😍我地點左2個burger餐～1個是 大啡菇漢堡🍄，真係好大個，我都唔知如何食起好，但真係好好好好juicy~~~😋配薯條 & 汽水～第2個是 牛肉漢堡🐮～好巨型架～～～～啖啖肉，正！沙律都好新鮮👍🏻👍🏻配沙律 & 汽水我地另加左個魚柳薯條🐠～好多炸物呀，哈哈！個人應為魚柳都ok的～ 下次想試埋其他😆食到超飽～呢個份量，應該3個人食都不是問題😂😂😂

荃灣係我近日嘅新蒲點，食漢堡包除咗係快速自選之外仲會係有時候嘅必食之選，原因係一啖啖的品味中，會有豐富的口感。邊度嘅漢堡包包皮唔係普通嘅漢堡包，而係有啲類似豬扒包嘅麵包，外層的一層薄層整到非常之脆卜卜，入邊嗰包係白雪雪嘅軟身包。入面嘅配料有生菜，洋蔥，番茄，仲有非常之厚身嘅芝士，趁熱食嘅時候芝士仲會有拉絲的效果。套餐除左個麵包之外仲會配埋口沙律同埋一個餐湯。我十分鍾意呢個餐，呢一個餐大家有冇發覺係多菜小肉呢。原來食漢堡包嘅時候都可以食到多菜小肉，唔怕肥啦。除咗漢堡包之外呢度仲會有炸雞薯條，炸雞翼同埋薯條並唔係韓國人嘅專利嚟架。西式都可以做得好好，而西式嘅炸雞係著重外面脆皮同埋入面嘅未經醃嘅原味雞肉。位置都幾顯眼，剛在商場的一邊，行行下街食番個下午茶都唔錯。

餐廳位置好方便，行完千色落黎食剛剛好！不過餐廳唔係好大，繁忙時間可能要等等啊！牛肉啡菇芝士漢堡個人好鍾意菇既香味，尤其愛雜菌湯！所以有啡菇漢堡我又點會放過？！啡菇超大只！又厚身，一咬落去有汁流出黎，好香，超正！下一層有芝士同漢堡扒。芝士融晒，好滑。漢堡好厚身，煎到外邊脆脆地，咬開有肉汁流出黎！最底仲有生菜、紫洋蔥同蕃茄，加添幾分清新既既感覺。幾樣野夾埋一齊食好滿足！一啖真係咬唔晒！飲品和沙律菜(可以選薯條)加$18就有晒兩樣！沙律菜有一杯，配以黑醋。不過提提大完唔好一次過倒晒落去呀，咪會好酸蒲燒鰻魚漢堡係原條鰻魚呀！又長又好肉！鰻魚汁好多，沾完全條！肉好軟滑，好香口。未食過鰻魚做餡既漢堡，今次係第一次。鰻魚好好味，搞到唔捨得夾住包食，要逐啲逐啲食，哈哈。意粉夠淋，好中意佢個醬汁，茄汁唔會好酸，酸酸甜甜，夠濃，汁夠多，撈混晒，啖啖有醬汁味！做得唔錯！朱古力咖啡港式奶茶剩叫個包$70-90蚊到，但加$18蚊有飲品同沙律或薯條，我覺得加埋化算啲整體價格都唔算貴，可以一百蚊有找！呢個價邊度搵？而漢堡即叫即做，所以要啲時間整，上枱時熱辣辣，惹味！

星期六既活動離不開shopping 食飯...晚上經過宜間burger 店，見到餐牌既野食岩食之餘價錢又唔貴，就入左去開餐喇！珍寶牛肉煙肉蛋漢堡，size夠哂大，材料好豐富...望見隻太陽蛋記流哂口水喇！蛋隻唔係好熟，輕輕用舌尖一舔就流出蛋汁了！非常滋味！😋最令我滿意既係牛肉打孖上，夠厚又juicy，like爆呀！另外仲order左龍蝦漢堡，簡直冇得頂呀！👍🏻漢堡中夾了原隻龍蝦仔，龍蝦有一部IPHONE6 咁長，都唔細呀!龍蝦肉結實，好新鮮！再配上香草忌廉檸檬汁，味道幾清新開胃呀！每個漢堡加多$18可升級...薯條/沙律+飲品。沙律配既係黑醋，對比起沙律醬更健康。魚柳薯條即叫即炸，非常新鮮熱辣辣呀。炸魚既炸醬唔太厚，外脆內軟，魚柳並冇腥味，good 呀！薯條屬厚切類型，入口較有口感，而且連有薯皮，口感更煙靭豐富！

初時以為只有漢堡食但原來都有幾多種類的食物，最開心係見到有我最愛的炸魚薯條同意粉。龍蝦牛肉漢堡配香草忌廉汁就咁Burger 既款式已經好多好難選擇，但最後忍唔住叫左個龍蝦牛肉漢堡配香草忌廉汁。個Burger一來到痴左線咁大，大大舊龍蝦肉貨真價實，見到就好興奮。一入口，龍蝦充滿炭燒嘅香味，食得出係有落心機去整，肉質好彈牙，啖啖肉好爽。牛肉都好足料好Juicy。沙律因為跟左Set 選左沙律。D菜好靚好新鮮，好清新。減低左唔少肥膩感。Good!炸魚薯條另外，當然少不了就係炸魚薯條。以$68 的價錢有兩條大魚同薯條，我個人覺得係十分抵食。即叫即炸係要讚的。一上菜，係熱辣辣，炸粉好簿，魚肉好厚，又會唔會散哂。略嫌清淡左少少。藍青口卡邦尼意粉份量都算大，賣相唔錯，味道略嫌鹹左少少，但整體都好Creamy ，可能一個人食會膩D，所以Share 就會剛剛好。可能食物係即叫即做的關係，上菜時間略嫌耐左少少，不過能夠保持食物的熱度同質素係重要的，所以等多一陣就唔緊要。一間小店能夠做出咁多唔同款式的食物，實在係我地客人的福氣。從食物中能夠感受到佢地的用心。

男朋友知道我喜愛吃肥美的鰻魚，昨晚特意帶我到他工作附近的餐廳吃“原條鰻魚漢堡”餐單上有著各款不同的漢堡，更可加錢轉配成套餐~除了漢堡外，亦有意粉和小食等供食客選擇廚房是開放式，讓食客清楚看到當中的主食過程~那就先點一客“啡菇雜菜沙律”HKd$68+10%來清清口腔吧啡菇烤得香氣十足，菇身厚而多汁，配上新鮮蔬菜和開胃黑醋，令我食得開懷其後的是加HKd18+10%配套餐的餐飲然後就到了我的“鰻魚漢堡”HKd$88+10%了，我還加多HKd$6配上煎蛋一口吃下，半熟煎蛋中的蛋黃沿着口腔混合肥美的鰻魚，那有不美味的道理而男朋友的“龍蝦牛肉漢堡”HKd198+10%到來時已吸睛非常！大大的龍蝦尾搭上厚度十足的漢堡及雜菜，份量相當巨大！！！龍蝦肉爽口彈牙，漢堡扒也不乾身，配上香脆的粗身薯條，男朋友吃得不亦樂乎滿足了~也要謝謝男朋友的一番心意呢