小飛象葡國餐廳

营业中

休息中

黎到舊城區又想食葡國菜必食小飛象🐘$410二人餐，唔收加一茶水，完全足夠3個人食🍷🍷跟餐送2杯紅酒☕️2個羅宋湯：正常，好多菜🐟馬介休餅：有朋友未食過，係好似咸魚味咁既，小小咸好好味，唔會腥🍷👅紅酒牛脷：超厚肉又淋又入味，長到手掌咁，點解可以咁好食，忍不住口食完再食呀！！🍚西式炒飯，乾身飯，有什豆，仲有驚喜萄式臘肉腸粒超好食🥘壓軸上菜葡式雞，好多人以為辣，其實佢只係顏色似咖哩，好香滑撈飯一流，入面仲有一雞肶一雞翼，開心😙（掛住食唔記得影）食飽仲送西瓜，超抵食，下次再黎啦

星期日下午坐船去氹仔，check in完已四點。因住的酒店離氹仔手信街，步行十多分鐘路就到，所以我和Honey决定去果度揾餐廳食晚飯。嘩！巧多遊客！買左手信，食左葡撻，豬扒包，已經6.30pm. 急急腳出到地堡街，泉福新村，想去波爾圖餐廳食葡國餐，餐廳要我地等到7.30pm, 如果有人取消booking, 我地先有位估唔到星期日晚喺澳門揾餐廳同香港一樣咁難攞位！望過對面馬路，發現到小飛象餐廳既宣傳牌，於是就去左呢間食。該餐廳勝在大，位夠多，我地要兩位，等左10分鐘就有位。先來個 沙律，生菜，洋蔥(可能灼過，所以唔供鼻好爽甜) 青椒，蕃茄，橄欖，一隻蛋，全部食材新鮮，伴上甜醋，味道清新然後燒鹹豬手好韌啊，試第一舊肉，我用刀切，啲豬可能韌得際，又有彈性，切得好用力，結果切出來既一半塊肉，碌左落地舊舊肉都係食等好辛苦！！唉唔食啦。另外叫左碟葡式臘腸燴飯，同港式燴飯有啲不同，飯唔乾，又唔會太濕，唔黏住個口。三百幾兩人晚餐，錢俾得唔值，食物味道，廚藝一般

Firstly, the waitress attitude is not friendly at any mean. I felt like i wasnt served at all for the whole meal. They even forgot to give us the starter bread.Then, the price is BS. Seriously they charged $80 for one garlic prawn? Me and my partner paid $500 and we felt like we did not eat anything at ALL. For whom wanted to try Portuguese food, PLEASE PLEASE go try another restaurant nearby as there are so many of them. This restaurant literally sucks.

去過幾次Taipa，成日都經過呢間葡國餐廳，一直都知好出名，終於真係揾日特登試試佢😬聽講過呢間餐廳啲野食好正，但可能因為平時都比較多客，員工服務就真係好一般啦~~~咁啱我地去呢日雖然係除夕，但午餐時段都唔多人，唔洗等位👍🏿staff安排左我地坐二人枱，不過張枱好大😂座位好闊落，所以環境感覺上都幾好👍🏿我地點左一份蒜蓉包，一份豬頸肉同埋一個海鮮焗飯~蒜蓉包先到，睇落好似牛油同蒜蓉份量都ok，不過食落就冇乜味，到喉唔到肺😕豬頸肉配埋個辣醬係最common嘅配搭，所以係好穩陣嘅選擇👌🏿夠味，豬頸肉唔會太硬，辣醬又可以幫到吊味，唔錯！至於個海鮮焗飯，超級紅噹噹🔴面頭鋪滿曬海鮮，都算幾足料~不過食落個飯同汁嘅味mix唔埋，味道唔夠😕總括而言，食物同員工質素都麻麻，呢個價錢唔會特別再試第二次喇~

今晚在澳門食葡國餐，朋友提議小飛象，我沒有意見，假期關係都很多人在排隊，我們等了15分鐘有位了！大家都選擇障礙點了份二人套餐就不用苦惱了！葡式雜菜湯及熱騰騰麵包馬介休薯餅炸得乾身不帶油達到外脆內軟感覺！切開馬介休薯餅見到內裡馬介休魚一絲一絲口感極佳！紅酒煏牛尾牛尾都腍滑，味道方面比一般葡式煮法較清。焗葡國雞這味葡國雞有點失望，整體似快餐店做法，雞沒有雞味，非常鞋口且咖哩香料也很淡西洋炒飯又係一般快餐貨色，有切細粒嘅葡國香腸，洋蔥及火腿，多油了小小沒有飯香。二人餐這價錢食葡國菜，抵唔抵食就見仁見智喇！如果論款式都幾多，但如果論味道就一般啦！店內裝修都係傳統葡國餐廳格調。

第一次來食，行咗好耐諗吾到上O記睇下好似吾錯所以就上去試試，一試中伏一坐低睇兩睇就叫餐食，有湯、紅酒牛尾、葡國雞、西洋抄飯、馬介休餅、平價紅酒兩杯。湯怪味、馬介休餅=食香草、紅酒牛尾=唉……、葡國雞自己都煮到既味道、至於西洋抄飯我轉咗馬介休抄飯但=雜豆抄飯。唉……成個餐食咗四份一就埋單走

来澳门几次了,总是没有尝到葡国菜，心心念念好久呀，终于尝到啦，除了烧牛肋骨一级棒，其他好一般哦，马介休后面再吃几粒又觉得不错，总之有点小失望…下次去澳门我肯定会再去尝葡菜哦

今次同老婆細仔回港旅行，順道過澳門逛逛，品嚐一下葡國美食。兩年前同大女去過小飛象，印象中食物還不錯，晚飯時間熱鬧非常，旣然有此經驗，今次亦不作他想，結果中伏不而，更俾老婆詐型，差啲要游水番香港咁滞，真係多得小飛象唔少。上星期三六點鐘去到，見到食客疏疏落落，心中暗叫不妙，不過旣然嚟到，好歹都試吓啦。坐底睇睇餐牌，點了炭燒豬扒，茄汁海鮮焗飯，同埋葡國雞半隻。熱豬仔飽先上，擦上牛油，ok. 老婆剛去完洗手間，話見到有女待應去完厠所無洗手，我講笑話希望唔係啱啱拎豬仔飽嚟果個啦。好啦，閒話休題，首先係炭燒猪扒一步帶出。三塊中等大細嘅猪扒新鲜燒起，有些少炭香，尚可。 第二個跑出嘅係焗海鮮飯，賣相都可以，食吓食吓，老婆問我食倒啲乜嘢海鮮，我話好似暫時食到一隻淡菜咁大嘅青口，老婆心水清，數吓先，一，二，三，四隻青口仔加一隻蝦仁，其餘嘅都係青椒洋葱蕃茄。你唔係嘛，收得人一百三十蚊俾啲咁嘅嘢人哋食? 你哋食水係咪深咗啲呀。好! 跟住係包尾嘅葡國雞，白飯另叫。首先睇吓賣相，都呃得人。食落個汁好似螢光色槳糊，杰到冇朋友，碗白飯你敢收我廿蚊? 你有冇攪錯呀?终於一肚氣食完呢餐飯，老婆發哂難詐，佢話行出去俾錢同

自從兩年前我去澳門第一次試咗小飛象後,我一直都對它的葡式燒乳豬念念不忘所以今次我同男友去澳門,都一定要再去多次小飛象 佢地要到晚上6點先有燒乳豬提供,我提早個幾星期係電話到訂枱和訂咗一份乳豬,所以當我地一坐低,就即刻上乳豬我覺得隻燒乳豬都唔錯,d皮幾脆,而且香但上面一半有少少淡,個底就入味....男友覺得乳豬超水準,他狼吞虎噬地吃,成隻肥豬咁由於我地都好大食(好似豬咁),所以仲嗌咗好多野,有馬介休炒西蘭花、燒乳鴿、燒風鱔和葡式雜菜湯,我地覺得乳鴿就一般,因為皮唔夠脆,但d肉都算嫩滑;而雜菜湯就還可以,沒有驚喜,只是普通雜菜湯咁;我地覺得馬介休炒西蘭花唔錯,夠入味 而燒風鱔可說是最最最未食過d咁好食的風鱔,又熱又香又入味,口感又好,好有驚喜!埋單時兩個人包埋service charge都要$677,都幾貴,但好食

來到澳門，葡國餐可以說是必去必食的一個環節！因為住在氹仔的酒店，我們晚上六點鐘左右來到位於官也街的小飛象葡國餐廳。餐廳位於2樓，很大很多座位。六時多就已經幾乎坐滿了，多的是遊客和團體。餐牌上的除了葡國菜外，還有其他西式菜色，價錢都比較貴，大多過$100。我們2人本想點特色辣雞，但需時45分鐘，因為8點約了酒店的水療，所以放棄了。最後決定了兩道菜：蒜蓉燒釀乳鴿和燒鹹豬手，額外要了一支啤酒伴菜！先來的是焗得熱辣辣的餐包，但就較為硬了一些。價錢並不升大眾化。乳鴿很快便接着而來很特別的有檸檬作調味。乳鴿油脂很香，但外皮不是烤得香脆的那種，在底部有蒜蓉和混合了其他香料的餡料，比較鹹，必須要與乳鴿同食，但想不到乳鴿能夠與蒜蓉夾得來呢！燒鹹豬手的確是頗鹹，外皮尚算脆，但就有點兒硬，脂肪部分和皮一同食用時很"癡"牙。在旁的薯仔沒有驚喜，但有減輕鹹味的作用。反而最後食了旁邊的蕃茄和青瓜，感覺很清新舒服，想必是豬手確實很鹹呢！

復活節過澳門一日遊，行程中嘅一環係去睇魔幻間 。豬仔訂咗晚上7:00正飛，先到先得，不設劃位 ！為咗排隊霸靚靚位 睇magic show，我哋特別將晚餐時間推前。反正晚餐會早食，餐廳walk in 得了！我倆5點零鐘過返去氹仔，去到《波爾圖》餐廳，門口貼住是日有事，要推遲營業 ！就係咁，我哋即刻轉去就近嘅《小飛象》葡國餐廳。《小飛象》餐廳樓高兩層，佈置簡潔優雅。時間尚早，客人唔多，入夜後最爆場，上次試唔到呢間餐廳，今次可以圓夢了 。翻兩翻menu, 發覺是晚嘅set dinner麻麻地，散叫正斗啲喎 ~1.炭燒豬肋骨 : 烤得酥香，肉質紮實，比較靭咗啲！2.炭燒羊架 : 對比之下，羊架肉質較濃，口感鬆軟 多了！3.炭燒沙甸魚 : 燒得金黃，咬落外皮香脆 ，幼魚骨比較多, 肉質緊緻而鮮美 ！食飽飽，又準備上路了……

一路好多旅遊書有介紹小飛象 今次黎澳門決定要試下先個日約3.幾去到 所以吾算人多 又吾排隊睇左MENU 覺得叫SET抵食過散叫所以叫左個2人SET 有雜菜湯 吾算好濃味 但都香羅宋湯味 中規中距馬介休 入面有D雜菜混薯蓉 再炸對於我吾好炸物黎講係吾錯 但因為都幾飽胃 所以一件起兩件止炒飯 個味有少少酸酸地 雖然無咩餸但因為惹味都幾岩食葡國雞 好新鮮即焗  拎出黎超夠熱好香椰汁味 雞既份量都多 呢個加埋岩先個飯一齊食 正 最後重點推介呢個紅酒燴牛脷牛脷好LUM完全吾難咬  而且吾會重味就算小朋友都岩食

過來澳門，當然要食 portuguese cuisine. 由地堡街一路行到接近宮也街就會見到有招牌指引。餐廳在二樓。餐廳很大，服務員好多，衛生都很好。有 BB 車或小朋友的家庭，這裡絕對可令你坐得舒服。 我們點了蒜容包，炭燒豬肋骨，葡國雞，海鮮燴意粉。點完菜後，服務員送了一人一隻豬仔包食。包是溫的，沾些 olive oil 食很正蒜容包($2x) - 約5片- 一般質素炭燒豬肋骨($11x) - 4條骨 - 份量較小，但味道很好。燒得 d 邊位很香很 crunchy. 葡國雞($8x) - 椰奶味重，花生味係咩。雞唔滑。海鮮燴意粉($8x) - 這碟中招了。落單時，我問服務員這是白汁還是茄汁。佢竟然答裡面兩重顏色都有。我再問，這是否用 cream sauce 煮的。佢答這是用 cream sauce 煮。到上菜時，原來是湯意粉 d 意粉仲有浸到條條漲卜卜，海鮮煮到柴皮。埋單連加一成 $331。覺得無 value 底過 money

到了氹仔，順便去食lunch,到了出名的小飛象。西式的設計,環境好大呀。即看有咩食。橄欖油。馬加休餅，$116，好特別的菜式，因沒聽過這名字,原來馬加休是經鹽醃製後的鱈魚，加上個洋蔥、椰菜及馬鈴薯等而成馬加休餅，口感似薯餅,味道香口,沾上橄欖油更好味呀。燒牛肋骨,$138,賣相不算太吸引,但味道真係冇得輸,牛肉味濃又多汁,口感鬆化,好味呀。葡國雞，$122，半隻，明顯份量好少，葡汁味較淡，椰香味較重,雞肉正常水準。西洋炒飯，$56，是一粒粒的乾身炒飯,配料份量適中,都不俗呀。整體食物不俗,服務都幾好,環境幾舒服。氹仔舊城區地堡街喜來登廣場地下A舖連壹樓全層

第一次同一家大小一行5人來光顧這家餐廳, 餐廳位置不算十分便利, 通過地圖亦比較難搵, 後來問路人先來到目的地。總括而言, 餐廳坐得舒服, 位置又大, 張枱又夠大, 環境真係唔錯。價錢方面, 算中高價, 平均每人消費約$170至$200, 可以食到飽, 適合一大班人食.