四姐川菜

營業中

休息中

招牌四川涼麵 + 夫妻肺片 + 招牌重慶水煮魚 + 川式椒鹽蝦 +黃燜雞 ($360/位) 鍾意食地道川菜或愛辣者🌶️唔好錯過呢間😎🌟店舖細細，但小菜款式豐富、環境簡潔，員工有禮；定價$360/位，按人數揀涼菜、熱菜菜式數量，例如我同朋友二人，可以叫2款涼菜+3款熱菜，餐牌選擇辣同唔辣都有，照顧唔同口味👏🏻食川菜點少得水煮魚，滿瀉嘅辣椒視覺好靚🌶️🌶️🌶️🌶️😂辣度揀咗小辣，味道香辣麻，又有花椒麻，魚肉脆口爽嫩，加埋薯粉邊食邊爆汗同流鼻水，爽快😂✌🏻Signature food四川涼麵非常受歡迎，眼見每枱都叫🔥麵質一流，份量好多，攪勻醬汁後好好食，個人推介必食🏆夫妻肺片用川味調味料攪拌，夠辣亦夠香；川式椒鹽蝦大大隻，炸得金黃酥脆，椒鹽好惹味，連殼食埋都OK；黃燜雞肉質比較結實，醬汁香甜，食嗰陣要小心細骨頭🦴

餐廳：四姐川菜地點：銅鑼灣耀華街菜式：川菜餐牌：呢度晚市做套餐，每位$360，根據人數選指定涼菜熱菜數目，熱菜有水煮類，泡椒類，辣子類，干煸類，家常類，不辣類同湯類。涼拌木耳涼拌木耳好大兜，份量唔少，加左好多蒜蓉，少少辣椒同蔥。味道少辣多酸，木耳爽脆，好食。紅油豬耳紅油豬耳都係好大兜，豬耳片暖暖地，食落痴牙，軟骨有咬口，個汁少辣，面頭灑上好多蔥花。糖醋里脊糖醋里脊大概有15條，炸得皮脆有咬口，個糖醋汁好開胃，面頭灑上蔥花。川式椒鹽蝦川式椒鹽蝦一客8隻連殼蝦，熱辣辣上枱，炸得殼脆香口，絕對可以連殼食，蝦頭仲有膏添！伴有滿滿蒜蓉蔥花，味道惹味。干煸鱔魚片干煸鱔魚片份量唔少，整得皮脆香口，味道都頗辣，加左好多辣椒。其他配料仲有爽脆蒜芯，蒜頭，蔥花同花椒。味道好惹味，送飯一流。蒜蓉油墨菜油墨菜新鮮爽脆蒜蓉味剛好。總括而言，食物質素唔錯，有辣又唔辣。入面大概有12張枱，好有家感覺。

(*ˉ︶ˉ*)銅鑼灣 私房川菜 🌶️店舖不大 中式本地菜館的裝潢 比較簡單餸菜都很大份 點了小辣😛川式椒鹽蝦 🦐👍 炸得又香又爽口 鐘意香口野的，椒鹽蝦必點 青椒皮蛋 🥚👍 好香 蒜香椒味好入味 皮蛋Q彈的很新鮮 招牌四川涼面 🍜👍 幼麵配上炒過的辣椒油醬 吃下去感覺爽口 不辣。但吃到後面有點油糖醋里脊 🐽👍 炸到金黃色配上橙紅糖酸醬 有種畫龍點睛的感覺 甜酸恰到好處 豬里脊肉滑且很嫩口 酸菜魚 🐟 魚片超多 入口嫩滑無骨 酸菜再多點就好了 🥹 寬粉吸埋啲湯汁 酸酸辣辣 重慶辣子雞 🐣佈滿了辣椒花椒雞粒 有少少麻辣可接受蒜蓉炒油麥菜 🌱 翠綠且很香 很多了會感到略咸此外點了啤酒跟朋友分享 用作解辣解膩 價錢合理

由於太鍾意食辣野，間唔時就會返內地食辣野，無奈假日嘅時間返內地動輒都要幾個鐘，車費同時間都曬咗...所以一直都好想係香港度搵到啲出色既四川/重慶菜既店，最後終於搵到四姐川菜！*今次我地order中辣*蒜泥白肉切得好薄，肥肉同瘦肉分布均勻，入口亦唔會覺得肥，但就食到豬既濃味。加上個汁香而不辣，非常之夾。夫妻肺片有牛肚，牛展，牛舌等等。呢味餸開始有啲辣，辣汁帶酸加有香麻，非常開胃。不得不提，連啲花生都做得好出色！炸到極香脆，浸左係汁到既花生食到尾都一d淋都冇！招牌重慶水煮魚二人份量但勁多魚肉。肉嫩滑冇骨亦唔會夾散。一上枱已經好香，愈食愈麻辣，花椒落到足！墊底既薯粉出奇地唔淋仲要非常煙韌重好入味添！辣子雞軟骨食左幾款辣餸，出乎意料每一道既辣都有唔同。呢個辣子雞軟骨就辣得黎帶孜然味，炒得乾身食起黎唔會油淋淋！川式椒鹽蝦開左邊，炸到勁香脆，絕對可以食埋啲蝦殼，我連蝦頭都唔放過，有香濃嘅蝦膏！蝦肉結實鮮甜。食到尾上左碟油麥菜，清清地清返岩岩食既重口味野平衡返，好細心另外呢度係劃一收費按人頭計，今次我地2個人食左咁多野就每位$340。覺得係銅鑼灣食到私房菜，份量同質素都👍🏻👍🏻👍🏻，價錢算合理。

一入口門就俾呢幅巨型書法吸引住，好有氣派！好快就有店員過黎安排我地入座。我地啱啱好坐左最後一張枱，之後上黎嘅都要等位嚕，真係好好彩！環觀四周，竟然係外國人幫襯多！睇黎四姐都幾出名下。2人可選兩款涼菜，三款熱菜。我地揀左口水雞、蒜泥白肉、椒鹽蝦、回鍋肉同埋酸菜魚。第一道黎嘅菜係重慶口水雞，雞肉嫩滑，就算係雞胸都唔會鞋！雖然好多紅油，但只係帶微辣，仲有淡淡嘅麻油香，作為開胃小食非常唔錯！第二道菜係蒜泥白肉，豬腩切得夠薄，煮到僅熟，配蒜泥葱花一齊食，十分惹味！推介！第三道係川式椒鹽蝦，中蝦炸到脆卜卜，可以連埋殻一齊食，送酒一流！第四道係酸菜魚，估唔到兩個人佢都上咁大盆俾我地！魚肉大大塊兼無骨，仲要超級滑嫩，完全唔腥。湯有濃郁嘅鮮味，同埋酸菜超級夾，飲左好多碗都唔會厭，正！底下仲有好多粉絲，索晒湯底嘅精華，真係一流！第五道係川式回鍋肉，辣辣地幾惹味。唯一美中不足嘅係部份腩片炒過火，有啲硬。奉送的蒜蓉炒油麥菜，菜葉嫩綠新鮮，營養均衡。四姐川菜整體的水準認真唔錯！全晚座無虛席，下次黎會記得先訂位！

朋友鐘意食川菜，呢晚就俾佢拉到銅鑼灣嘅《四姐川菜》，話一定唔會令我失望～這裡根據人數而點菜，二人餐可以揀2款涼菜同3-4款熱菜。起初覺得每人要 $340 有啲貴，但一路食落就令我改觀了，無論係食物質素同食物份量都超出我嘅 expectation肉片非常薄身，半肥瘦，浸喺成碗紅油入面，雖然比較油但豬肉就索哂麻辣味。呢個味道獨特，用粒粒蔥花、花椒加醋等等，混入幼身又柔軟嘅麵線，份量確實唔少。呢個認真抵食！勁大碗有好多魚塊，酸酸辣辣咁，飲第一啖湯冇咩感覺，但飲多啲味道就越嚟越強烈。呢個冇咁辣，味道鹹鹹香香咁又有啲花椒同八角香味，成隻蝦肥美又炸得好脆，連殼都可以食埋～呢個成碟紅色超多辣椒，鱔片唔多但肉質鮮厚，細嚼之下會慢慢散發出麻辣味。最後仲送咗碟油麥菜～對一個唔係成日食川菜嘅人嚟講，呢餐初頭的確幾有挑戰性，但食食吓竟然開始鍾意呢種味道。估唔到只係呢幾樣小菜已經食得好飽，而且食物絕對係高水準，冇介紹錯～

前幾日阿姨係加拿大🇨🇦番黎香港，準備過新年。佢話好掛住香港既野食，好想好想好想食小菜🤨咁佢難得番黎香港，點都要招待下佢既。今晚天氣凍凍地，想食辣野。經朋友介紹，今晚黎左依間食川菜。-雖然係平日，好彩醒目有book 位餐廳都幾full 呀。 好多人黎捧四姐場😂我地叫左兩款涼菜、三款熱菜每款都好色香味俱全呢-兩款涼菜🌟重慶口水雞係四川既傳統名菜雞肉鮮嫩，醬汁麻辣鮮香 講賣相，已經令人流哂口水-🌟虎皮青椒平時好鍾意食青椒，鍾情佢獨特既氣味虎皮青椒既煮法，今晚第一次食一試即愛上❤️皮薄肉爽、青椒色澤鮮亮，賣相很新鮮微辣中帶甜酸，香脆爽口又開胃-三款熱菜🌟泡椒鱔片好鍾意食鱔，鍾意佢爽口彈牙既口感不過平時屋企好少煮，因為老媽子嫌麻煩🤷🏻‍♀️食鱔多數出街食依款泡椒鱔片，份量夠哂睇頭大大碟之餘，鱔片份量都多鱔片唔係薄切，有少少厚度所以食起來更有煙韌彈牙既質感加埋剁细既辣椒🌶️、姜、蒜片，炒出香味-🌟川式椒鹽蝦賣相又係靚爆鏡蝦🦐整齊地排列，明顯上菜花了心思唔係求其呢👍🏼食物賣相都緊要架蝦殼脆卜卜，蝦亦夠新鮮椒鹽簡單但夠哂惹味香口-🌟家常豆腐一道主要以豆腐、豬肉為主要食材既小菜仲有加埋雲耳味道濃郁-今晚川菜好

天氣回暖潮濕、係時候食番Ｄ辣嘢祛濕、一想就想到四姐川菜。快快訂座否則一位難求、因地方不算太大。點過餐後、陸陸續續上菜、效律相當明快、服務又殷勤、不錯的敘會好地方。口水雞沒想像中辣。香辣的味道慢慢浸入口腔內迴盪、確實滋味。青椒皮蛋碎粒的青椒經醃製過、帶點甜。皮蛋份量不少、有獨特的香、還混入了蒜粒、一點都不覺辛辣、不錯的涼伴。川式椒鹽蝦蝦隻泡得乾身、沒油膩感。蝦頭有不少甘香蝦膏、蝦肉爽脆彈牙、非常惹味。酸菜魚魚塊入口嫩滑、酸菜入味、越食越起勁。泡椒田雞有濃烈黑胡椒的香氣、田雞肉鮮嫩多汁、值得推介。炒油麥菜食過多款辣味、要清清喉嚨、清炒油麥菜、鮮嫩爽口、確不錯。

如題，＜四姐川菜＞在openrice bookmark 已經一段長時間，高據＜想試＞餐廳名單的第一名，往往被朋友們推掉我的建議，都是因為吃不下太辣，特別是麻辣。愛吃辣的朋友，不一定喜歡川菜的麻，四川菜的麻，會慢慢把你的雙唇麻痺，直至完全失去感覺為止，這是川菜的一大特色之一，加上辣味，為舌頭帶來的刺激感，沒有其他地方和國家的菜色，能夠匹敵，聽說四川人夏天都吃麻辣，真不能想像在三十多度的成都，汗流浹背，還繼續吃下麻辣鍋的滋味。找朋友吃好東西不難，但吃麻辣難上加難。最近終於有機會試一下川菜，找到吃得下麻辣的朋友，二話不說，＜四姐＞出馬！星期六晚飯時間沒有訂坐的情況下，所以六點鐘左右已經到達碰碰運氣，到了＜四姐＞的門前才發生，他們晚市還未開始（六點半），開門問了一下，安排到馬上入坐，但因為訂坐已滿，需要在七點半之前離坐，先小人後君子，還解釋他們是＜私房菜＞的型式，$300 一位，依人數而定鎹菜的數目，服務清清楚楚。＜四姐川菜＞地方不大，餐桌大約只有十多張，所以請先預約。兩個人可以選兩個涼菜和三個熱菜，會跟一個清炒菜。雖然是私房菜的型式，食物選擇不少，款色多，涼菜有近二十樣，熱菜都有近五十樣，有

之前睇IG個friend post 左好味水煮魚出來！心心眼的我當然要去一試啦！呢間四姐川菜都唔容易book,上到來都爆場。 看到店名就知這裡主打吃辣，而且是很辣的那種！ 喜歡挑戰自己又自問食得辣的可以上來一試！ 放眼望去有很多是講國語的，那有點像方言口音的相信是喜歡吃辣的北方人，特意上來會一會辣四姐吧！至於我吃辣的程度簡直就是bb班， 如果照正常一般辣的話恐怕會辣到噴火！ 所以記得同店家講只食小小辣，他們都會幫我就住。餐具都十分簇新而古色古香 ，予人有一種典雅的感覺。收費的方式是人頭收費， 每位300蚊免加一， 像我們這樣二人行 ，可以選擇兩分涼菜三款熱菜， 另外白飯任潻！ 更會額外送一碟蒜蓉炒菜，共有六個餸，抵食！涼菜的款式有很多 其中有重慶口水雞、蒜泥白肉、招牌四川涼麵、 虎皮青椒、五香鹵牛肉 、夫妻肺片等等……熱菜的款式更多例如水煮類， 招牌重慶水煮魚、水煮牛肉、水煮肉片、水煮田雞 、毛血旺、 酸菜魚…… 紅燒牛肉、川式宮保雞丁、板栗炆雞、 泡椒肥腸、泡椒鱔片等多款選擇。 完全不食辣的也有不辣類， 例如糖醋里脊 、清炒萵筍絲 、黃燜雞、三鮮鍋巴 、酸菜嫩牛肉、西芹炒鱔絲……有

最近喜歡了食四川菜。以前總覺油淋淋、得個辣字、咩味都食唔出、但最近嚐過两三間四川菜館、己另我對四川菜改觀了。其實食四川菜都幾好呀～可袪寒去濕！四姐川菜是一間平實又親民的店、劃一收費、每位三佰元免收加一、只收現金、案人數定餸菜數量。由於我兩、所以可選擇兩個涼菜和三個熱菜、相當抵食。涼菜招牌四川涼麵大量葱花、椒杍、辣油、將所有撈起、麵條少許麻辣爽口、濃香醒胃。重慶口水雞啖啖肉、醃製入味、辣度不經不覺浸出、口腔開始有點痺感、越食越出味。熱菜招牌重慶水煮魚好期待的一道菜、賣相另人卻步、好似一個辣椒温泉、滿佈粒粒紅椒、還浸滿辣油。其實入口並不嚇人、有辣而香、油而不膩的感覺。魚塊好嫩滑、細嚼下、那辣香另人滿足。薯粉入味非常、煙靱彈牙。值得推介之選。川式椒鹽蝦蝦肉爽脆彈牙、食出滋味。糖醋里脊這個不錯、甜而不膩極開胃。里脊肉質軟腍、伴白飯一流。**　白飯是無限添奉送一碟蒜茸炒油麥菜、時令蔬菜、鮮甜爽脆、好味！整体食物水準中上、價＄＄合理、服務態度又好、可再次幫襯。。。！

世界上總有一些人特別喜歡吃辛辣的食物，我就是其中之一，原因無他，就是特別享受那種麻麻辣辣的刺激，越麻、越辣，感覺就越爽，不過這種感覺要嗜辣的朋友才懂。今天去的是一家私房菜，名為四姐川菜。君雖不見四姐，只見一碟碟有水準的川菜，但已心滿意足。我最近就是特別的喜歡吃私房菜，哈哈。和一般的餐廳不同，這裡是按人頭收費的，劃一是$300，但沒有加一收費。兩位的話可以挑兩個涼菜加上三個熱菜，會因應人數的不同而相應的增加/減少菜式。菜館以典雅的咖啡色爲主調，感覺乾乾清爽的, 很舒服。座位與座位之間的間隔非常空曠，樓底也很高， 坐著不會有壓迫感，私房菜最特別的魅力，就是這種沒壓力、家的感覺。涼菜我們選的是招牌四川涼麵和重慶口水雞。涼麵絕對是夏天的好朋友，酸酸辣辣的，非常開胃。雖然沒菜沒肉，只有四川辣椒醬和很多的蔥花，但已經足夠征服我的味蕾!這個四川辣椒醬應該是以道地的花椒、酥油辣椒製成，光看這個紅彤彤的顏色，就已經流口水了。店員會幫客人仔細的攪拌均勻，使每根的麵條沾上辣椒醬和蔥花。（他們的服務真的相當不錯噢！）首先，我吸入了大大的一口！麵條很Q彈，這個四川涼麵真的 很 好 吃 !!麻度有，香度有，辣度有

是如常要四處奔波的一天：早上十時開始試菜，西餐、越南粉、日本拉麵，試完已是五時多。晚上還有飯局要主持，之前還有個多小時空檔，趕來了這裡。因為想吃辣，而接電話的店員也再三重申「套餐最少是二人份量的」（每位收費$280）。沒要緊，已習慣一個人試菜，必要時吃二人份量也不算什麼。六時多來到餐廳，見四姐正好在陣。想起來也有16年有多了吧，由當年在灣仔道的Q嘜川麵，到後來的上樓私房川菜，再到了今天的這裡，地方光鮮而環境也很不錯。早年曾在四姐的店子搞過飯局，餐牌也絕不陌生。要試試新地方的水準，就隨了點了喜歡的幾味。是日吃了不少東西，也需要刺激的味道去開開胃，選了夫妻肺片。切片的牛鍵及牛肚浸在紅油內，當中還加入了麻料。味道辣中帶麻，夠味之餘加上脆口的花生也美味。當然最重要的就是當中的芫茜及蔥，令整道菜更添香味及生色不少。再來一味開胃前菜，選了酸辣土豆絲。這是製作頗簡單的菜式，材料就主要是刨了幼絲的薯仔，高下之分就在調味。也不要說，這一味酸辣的辣勁比剛才的夫妻肺片更強，啖啖都有切粒的紅辣椒在內的，酸味來自白醋，爽爽的也令人胃口大開。要了支啤酒，也來一點香口的菜式去下酒，就來一碟川式椒鹽蝦。在烹調方面說出

好耐冇食辣，突然想刺激下味雷，3條友仔最後清晒7碟餸，勁！$280一位，我地3人個，可以選擇涼菜2款，熱菜4樣 + 蒜香炒油麥菜(碟菜係送㗎)「酸辣青瓜」 不會太辣，而且青瓜清脆爽甜，非常開胃，如果再麻辣番小小就更好味。「重慶口水雞」 買相雖然冇其他店舖擺得咁靚，但有時有Ｄ野，真係唔可以睇表面，佢雞肉肉質非常嫩滑，佢層雞油加辣油非常香，食落都唔覺得油，食完唔會太麻辣，仲可以食其他餸菜。「川式椒鹽蝦」　自稱懶人蝦，愛蝦人士必食Item，蝦size唔會太大，成隻可以放入口，炸得非常香脆，椒鹽唔會過重蓋過蝦鮮味，而蝦肉好彈牙絕對係新鮮蝦。「泡椒鱔片」　西芹炒得好腍，鱔片爽滑又冇骨，不過就咸左d，餸飯就岩岩好。「肉末土豆絲」　不過不失，味道不錯，但土豆可以再爽口ｄ就更加好。「水煮魚」　又一必食Item，切得大大件又厚身既魚肉嫩滑無骨，魚肉新鮮無比，撈一撈鍋底，通透煙韌既紅薯粉及大量芽菜都是必食配菜。「蒜香炒油麥菜」　食到差唔多時，四姐拎左碟菜送比我地，雖然已經好飽，但最後都清晒。泡椒鱔片