鮨玥 (已結業)

食友約定走訪這在號稱"蘇豪東"小區内的和式小店，順便啤番一啤👏簡約佈置，座位不多但已分了卡位，吧枱座及散桌，客人各適其式👌先來三得利生啤，清新涼快一下😚再配搭鱈魚乾，烘暖又脆口，佐酒至正小食😋另加燒物兩款，亦是啤酒好伴侣:生燒白鱔烤至皮現微燋而無炭焦味，肉嫩皮爽，好有嚼感😋鹽燒吞拿魚鮫，體積極大，肉量勁多而肉質綿滑，入口好有鹽香味而不過咸，我加了放桌上之生磨山根芥末蓉，更令味道昇華😋意猶未盡，追加了壽司及剌身:鰝鰺薄造-鰝鰺這魚有池魚王之美名，薄造刺身肉質細緻爽口，配以伴碟細蔥粒，魚味更顯😋😋本鮪壽司盛，一次嚐到三個吞拿不同部位，大本鮪魚腩油脂豐富肉質綿滑，中本鮪魚腩油香肉質平均，又滑又有咬口，赤身如其名紅红一片魚肉，不帶油脂入口爽嫩😋😋有飲有食的地道和食店👏👏

日本料理食極都唔會厭最近同男朋友去咗呢間喺西灣河海旁嘅鮨玥 裝修以淺色木系為主 座位寬敞坐得舒服壽司刺身都非常新鮮～上網見到好多人叫嘅本鮪壽司盛果然好好味✧⁺⸜(˙▾˙)⸝⁺✧☾˚‧º· ☾˚‧º· ☾˚‧º· ☾˚‧º·*.❁本鮪壽司盛 $265本鮪壽司有3款：赤身 中拖羅同埋大拖羅～3款顏色唔同 油脂分佈都唔同 但同樣都好新鮮同埋好厚身 一次可以食晒三款唔同嘅壽司好滿足🥰 個人最鍾意入口即溶嘅大拖羅🤤 好鮮甜💓*.❁活赤貝刺身 $128赤貝外表呈橙紅色帶有光澤賣相吸引 食落好爽口好新鮮⁽(◍˃̵͈̑ᴗ˂̵͈̑)⁽🧡*.❁蔥本鮪魚腩海膽丼 $218好多拖羅蓉😆 仲有玉子同埋鮮甜嘅海膽 加埋一齊食大滿足 而且都幾大碗好多飯🤍*.❁生薑燒安格斯牛肉丼 $130安格斯牛肉好香牛味煮到啱啱好🐮 大大碗份量好多 配埋香甜洋蔥一齊食好好味😋*.❁自家低糖玉子燒$36玉子燒蛋味濃厚～ 口感綿滑甜度適中´༥`上面印住「鮨玥」賣相靚*.❁北海道螢光烏賊沖潰 $58第一次試食螢光烏賊🦑 入口黏黏地好有鮮味送啤酒一流🍻*.❁三得利生啤 $78啤酒賣一送一😆 雖然我好少飲啤酒但都陪男朋友飲幾啖🤣 Suntory Pre

作為新界人真係甚少過海，唔係朋友帶路，都唔識黎呢度，蘇豪東個名聽就聽得多，黎就真係第一次，原來係要係西灣河站行過去，就係海傍隔離，真係好正，食完仲可以行海傍吹吹海風。今次食呢間日本野食質素好高，好新鮮，性價比算幾高。本鮪壽司盛呢個本鮪壽司盛一次過可以試哂三款口感，大拖羅、中拖羅同埋赤身，赤身食落有口感，而中拖羅軟硬適中，油脂更濃，大拖羅呈淡粉紅色，肉質軟熟肥美，油脂分佈均勻，散發出魚油香味，入口即溶。生燒白鱔白鱔燒到外脆內軟，外面層皮脆卜卜，肉質依然嫩滑，唔需要特別調味都好夠味。薄燒牛舌牛舌口感好爽脆，帶有香濃牛味。北海道海膽呢個海膽份量一D都唔少，非常鮮甜，海水味濃郁，鮮味十足。三得利 生啤

住東區的朋友講西灣河有間食日本野的餐廳刺身好新鮮五六日夜晚都好full, 趁平日收工諗住一試，平日原來都好多人本鮪壽司盛-大拖中拖赤身各兩件-大拖入口即溶，飯師傅捏得好好完全唔會鬆散北海道海膽-絕對係今日最難忘的一碟，海膽好新鮮完全冇木味冇明礬味-份量仲要一啲都唔少，加上非常脆口的紫菜，下次一定一定會encore薄造-池魚王刺身片（15片）-師傅刀功非常好！每一塊都係超薄賣相100分！-池魚來貨好靚好新鮮塊塊都爽口彈牙唐揚日本池魚苗-炸粉好薄，完全冇over cook, 要黎餸啤酒一流薄燒牛舌-非常非常肥美，好香牛味好爽口彈牙見佢的食材咁新鮮最後忍唔住叫多二款壽司-蟹膏軍艦：係限定款，姐當然要試！蟹膏係好多好豐滿，唔係死鹹個種平價貨-葱本鮪魚腩軍艦：menu 寫係人氣款，真心好肥美，份量一啲都唔少，絕對對得起人氣二字

放工行過西灣河鯉景灣探朋友, 見差不多到晚飯時間, 朋友帶咗我去近海邊嘅一間日本菜餐廳dinner。【北海道海膽壽司】HK$95/件雖然紫菜已經林咗, 但整件入口, 感覺到凍凍地嘅海膽,  鮮味回甘, 滿足。【本鮪壽司盛】HK$265一次過品嚐三款拖羅, 而且魚刺身帶點點厚, 分別有本鮪、中本鮪魚腩、大本鮪魚腩。本鮪: 本鮪甘香帶少少酸大本鮪魚腩魚油比中本鮪魚腩更豐富, 魚油冇預期中咁多; 而三款拖羅都冇筋。【明太子雞翼】HK$60表面燒得金黃微脆, 肉質嫩滑juicy, 釀了鹹鹹地嘅明太子, 口感飽滿。【蒲燒鰻魚丼】HK$128鰻魚切得有點厚度, 魚肉偏爽, 唔係林pat pat果種, 特別魚皮位置超爽彈, 每件鰻魚表面平均掃上甜甜鰻魚燒汁, 燒汁更提升了鰻魚嘅本身鮮味。最正係拆骨技巧非常好, 放心啖啖肉食都沒有發現半條幼骨。餐廳供應多款日本清酒、啤油, 唔飲酒嘅我就點了同樣日本製嘅【水蜜桃特飲】HK$38

就算係平日，只要工作壓力大，都想好好慰勞自己。今日就去咗西灣河海邊食日本嘢。朋友一呢就叫咗兩杯生啤減減壓～我哋叫咗蘋果汁，都好適合配海鮮。首先叫嘅有特大北海道厚岸蠔，果然真係有咁上下分量，有半隻手掌咁大，而且好好肉地，唔需要調味都鹹鹹地，重海水味。然後係本鮪壽司盛，有三款唔同嘅吞拿魚，本鮪赤身吞拿魚肉質結實，中本鮪魚腩則脂肪分佈均勻，留到最後食嘅大本鮪魚腩油脂感濃厚，入口即溶，絕對係高享受。之後叫咗熱食日本花魚一夜干，言下之意，就係用鹽水浸泡、一夜風乾嘅方法醃製，唔需要點豉油都已經好入味，花魚燒得啱啱好，外脆內滑，雖然調味已經恰到好處，但係餐廳都另外準備咗碟味道偏淡嘅醬油帶出更多風味。然後嚟嘅係生燒白鱔，燒得非常之有技巧，魚皮非常之脆，同時白鱔嘅肉亦都keep到好彈牙。主食方面，我哋就叫咗海三色丼同角切海鮮丼。三文魚好新鮮，而且三文魚味突出，油甘魚就夠肥美。角切海鮮丼用料同三色當差唔多，但係別有口感，牌招牌係玉子燒嚟，食落少少甜。

呢日過咗西灣河做嘢，放工就約個住附近嘅朋友聚下。佢帶咗我去食「鮨玥」，餐廳門面同內在環境用上木嘅原素，令人感覺舒服😌！餐廳有做晚市套餐，魚生丼飯同熟食等選擇都有，價錢介乎百幾蚊一份，算OK啦👌。原來餐廳有做廚師發辦餐Omakase，兩個餐目叫「鮨」同「玥」，即餐廳名，幾有意思☺️。套餐價分別為$550同$880，仲可以食河豚添。本鮪壽司盛($255)，有六件壽司，包括本鮪赤身、中本鮪魚腩同大本鮪魚腩，每款各兩件。鮪魚即係呑拿魚🐟，食用次序由赤身、中拖羅去到大拖羅。赤身一般，但無筋嘅，可能用醬油醃漬方法處理會好食啲。兩款拖羅都好正，各有千秋。魚腩位置油份真係勁好多，口感好綿，有少少入口即化嘅感覺😋。大拖羅嘅油脂分佈勁靚，雪花紋般細膩。角切海鮮丼定食($148)，晚市套餐嘅定食好豐富，有沙律🥗、茶碗蒸同麵豉湯，最後者幾有誠意，因為加咗蜆，又夠熱。角切海鮮丼賣相吸引😍，角切海鮮包括甜蝦、三文魚、油甘魚同蟹籽等。魚生粒無碎濕濕，感覺唔會令人聯想到係切剩嘅魚邊。我最欣賞係蟹籽份量夠哂多，所以每啖飯嘅口感都好爽，有爆漿嘅效果。另外，🍚丼飯仲加咗紫菜同芝麻，以提升香氣。鹽燒牛舌($88)，🐮👅一客六片

今次黎到呢間位於鯉景灣嘅黃店，見menu都有幾多奇怪菜式，其中最罕見嘅係雞肉刺身，咁我當然要試試啦！-上年去柏林旅行時去街市食過Mett，即係食 剁 生 豬 肉 +洋蔥鋪上麵包，但又離奇地幾好食喎，佢腍過牛肉他他，其實有少少似日式吞拿魚丼上面嘅免治吞拿魚刺身。-食後感：雞肉刺身好鹹😫 係煙燻三文魚鹹度嘅10倍。建議一定要拌埋底下嘅生洋蔥食，唔係為左辟雞肉嘅腥味(因為其實唔腥定羶)，純粹係想搵另一樣有強烈味道嘅嘢去平衡返煙燻雞肉嘅鹹味。質感方面，雞肉刺身係滑嘅，似無筋嘅煙燻三文魚咁啦！總括而言，以$100都唔洗嘅價錢，可以獵奇試下雞肉刺身，係絕對值得嘅！-本鮪壽司盛壽司最鍾意都係食拖羅! 因為拖羅嘅魚油夾埋粒粒飽滿嘅珍珠米，真係好好味😭 赤身、中拖、大拖都係完全無筋，中拖、大拖入口即融，不得了🥰-雞 泡 魚 的 睪 丸 —— 河豚白子壽司-還記得小時候第一次去日本旅行時，阿爸話想食雞泡魚，但我細膽驚廚師處理得唔好會毒死，所以唔肯同佢食。宜家諗返都好後悔，人一世物一世點都要試下的!-今次有少少可惜嘅係，本身呢間餐廳有河豚刺身嘅，但嗰日咁啱餐廳無，所以我地就退而求其次試河豚白子 (河豚嘅睪丸

今晚同媽咪嚟西灣河食日式料理，佢好滿足好開心～😃我哋兩個都非常鍾意食中拖羅，呢到嘅中拖羅都冇令我哋失望，色澤粉嫩，油脂分布均勻～入口即溶！鮑魚有驚喜😍食落口爽實彈牙，汁醬煮得好食😋象拔蚌刺身都唔錯，幾爽口我好鍾意食玉子燒，呢個係低糖版，又真係比起東京食到嘅少甜好多！海膽軍艦有加拿大產地同埋北海道產地可以選擇，加拿大海膽便宜一半有多，但係同阿媽嚟食又點可以吝嗇呢！黎自北海道嘅海膽好鮮甜，份量都唔少！我第一次叫活赤背嚟食，原來咁好味㗎！呈橙紅色嘅活赤背肉質爽口，鮮味十足，同之前食過10幾蚊一件嘅真係冇得比😅

朋友升職多時，相約食飯一直未搵到機會，趁住佢今個星期復工，放工去佢公司附近食飯，佢挑選咗喺碼頭旁邊呢間精緻嘅日式料理。餐廳食物選擇豐富，淨係丼飯同壽司定食已經有好多款選擇，同樣鍾愛日本料理嘅我哋一時三刻都揸唔定主意。見餐牌有料理長推介嘅是日直送海鮮，我哋好奇向侍應打探一下，原來今日嘅直送海鮮係新鮮空運嘅真鯛刺身，見價錢唔貴，當然要拍板。真鯛刺身賣相精緻，刀工唔錯，魚片厚薄均勻。刺身晶瑩剔透，入口味道清甜，帶有淡淡嘅油香，細嚼之後味道漸濃，而且口感軟嫩而有彈性，配搭帶有微酸嘅醬汁，更加特顯真鯛清甜嘅味道。本鮪壽司盛係最熱門菜式，當然唔能夠放過，有大本鮪魚腩、中本鮪魚腩同本鮪赤身各兩貫，兩個人分享剛剛好，賣相非常吸引，尤其係大拖羅，肥美度一流，見到密密麻麻嘅油脂紋理，已經令人垂涎欲滴！首先當然由味道最清嘅赤身開始，雖然近乎冇油脂，但佢魚味最濃，味道甘香，口感紮實清爽，質素頗高。中本鮪魚腩脂肪比例較赤身多，魚味同油香都表現平均，口感軟滑冇筋，非常唔錯。重頭戲當然係大本鮪魚腩，油花均勻密佈，色澤柔潤粉嫩，有濃濃嘅魚油甘香，味道濃郁，重點係入口即溶，完全令人大滿足！喺眾多嘅定食之中我哋揀咗材料最

近西灣河碼頭嘅一間日式料理餐廳，早幾日貪得意搭船去西灣河，就發現到呢間餐廳了。真蠔 $68隻 每隻約120g，所以size都算中等，厚肉而且味濃，口感creamy，呢餐用佢嚟打頭陣超正。北海丼定食 $328 賣相超！豪！華！各款刺身都有啲咁，啱哂心大心細嘅人。最近愛上咗食鮑魚，呢到嘅鮑魚好彈口，好味道。本鮪壽司盛 $255 有赤身、中拖羅、大拖羅，質素中上，可以再肥美啲，同埋略嫌有少少筋。火炙三文魚 $20 雖然塊三文魚唔算好肥美，但係燒得好香，而且同返嘅比例掌握得啱啱好，好食。火炙左口魚裙邊 $38 相比起火炙三文魚，呢個遜色少少，燒得唔係好夠，令到頂層唔夠香。鵝肝帶子卷 $78 帶子好肥美厚肉，而且鮮甜，但鵝肝就唔太出味，變相成件卷物味道偏淡。蘋果雪葩 $58 原本想叫菠蘿雪葩，可惜當日售罄，但蘋果呢款都非常好食，蘋果味好清甜，但唔會一味死甜。需加一服務費，埋單二人約$1000。如果你鍾意睇我嘅食評，不妨關注我，支持吓我，謝謝你☺️💕

今晚約一個住西灣河嘅朋友佢嗰邊食晚餐。朋友介紹我嚟海邊一帶食嘢。原來呢度叫做Soho East，成條街都係大牌餐廳，簡直就係港島東版既Soho。我哋行行吓就揀咗一間日本餐廳。呢度個Menu超多選擇，燒物、炸物、壽司、魚生、丼飯等等，睇到眼花撩亂。<日本煙燻華美雞刺身沙律>（$98）真係長知識了，原來雞都可以生食。個雞刺身係薄切嘅，煙燻過之後，個口感同煙三文魚差唔多，都係鹹鹹地，仲保留着刺身嗰種彈性。<本鮪壽司盛>（$255）有三款吞拿魚，分別在於脂肪比例，每款有兩件。赤身吞拿魚、中吞拿魚、大吞拿魚。<彩虹壽司卷>（$120）呢個真係打卡一流，仲要大大份添。用咗高質食材牛油果同埋蟹柳一齊卷，每件個面都係唔同嘅魚生，分別有三文魚、吞拿魚、油金魚、左口魚群邊、凡立貝、象拔蚌。塊塊魚生都厚切，每件大到擺唔入口啊！<芝麻豆腐>（$18）正常係個前菜，但係我就當做一個健康飯後甜品。<自家低糖玉子燒>（$35）都幾多舊，上面仲有餐廳個名添。可以揀熱或者凍食，我就揀左熱食，暖暖胃。<Santory生啤> (