鮨文 (已結業)

鮨文既名氣一直都有聽講，難得老婆話請食飯又想食 Omakase，話訂左試下鮨文既lunch，心中都有唔少既期待。 環境就係傳統壽司舖。我地分別叫左兩個唔同既餐，我既$980 同老婆既$1380，下圖係$980既餐。但因為只限12張相，所以未能提供所有相片。 茶碗蒸 3/5味道偏淡，元貝就幾香，但整體就比較普通左少少，個人覺得做唔到打開味蕾或者留有深刻既第一印象。蠔配柚子汁青蔥 （4/5）細佬見識少，又係聽得多但第一次食「令和の怪物」，師父話呢隻係養殖既。 味道鮮甜，肉質生蠔黎講幾爽實，完全無腥味，加埋柚子汁令到成件事同胃口都提升左。帶子 4/5新鮮帶子，拎左去做天婦羅，但師父手勢好好，做到表面脆，內裏都仲係9成生，因為肉質新鮮，所以仲食到一絲絲嘅肉，鮮甜好食👍🏻櫻煮八爪魚 4/5因為老婆嗰個餐係食白子，師傅問我哋想唔想試吓食八爪魚，所以就轉左我呢份做八爪魚，肉質非常軟熟入味，完全唔會好似咬緊一舊香口膠🤣老婆話未食過咁好食嘅八爪魚。鮟鱇魚肝 with 柚子汁 4/5Creamy，味道唔會話10分濃郁，但又唔似平時食魚肝咁樣 有種甘甘地嘅苦味。加咗師傅特製嘅柚子汁，成個餸菜都幾開胃。黎都第

今晚有口福了，跟老闆來到高級廚師發板omakase的日本餐廳"鮨文"，十分期待，更可見識一下。原來黃埔是分店，另外的分店在元朗。黃埔分店十分方便，港鐵站上來，便可見到餐廳在對面馬路，高雅日式裝潢十分顯眼。今天老闆請食OMAKASE $1980鵝肝金箔茶碗蒸賣相精緻漂亮，用料份外高貴，用上鵝肝和金箔的配搭，蛋十分嫩滑，鵝肝味香濃質感Creamy，配搭十分矜貴。雪白晶瑩的是鰻魚苗配上子蘇花冧，原來只有春天有的食材，真是大開眼界。間白配上柚子皮。螢光魷魚配蛋黃醋，醬汁富果香。鰹魚配蒜味豉油味道最濃。櫻煮八爪魚看似簡單的两小件，但製作一點都不簡單，師傅介紹，是用上醬油浸泡，製作需時3天，伴有柚子胡椒，所以特別入味，而且質量腍軟又有口感。明太子青椒天婦羅巧妙的心思，把青椒籽取出再釀入明太子，口感層次更好。不得不提就是這些漬物：看似低調，入口驚喜。有淮山、 煙燻黃蘿蔔、漬蘿蔔、牛蒡，最愛這款煙燻黃蘿蔔，口感超級脆，且煙燻味濃，第一次嚐到這種味道。吉列帆立貝這是新鮮的帆立貝，師傅介紹真正新鮮的帆立貝才會食到有一絲絲的感覺，表面金黃香脆配上他他醬，再夾附鮮脆身紫菜，口感味道層一流。深海池魚網燒過，富炭

幾經辛苦，終於去完西藏，仲要無高山症，當然要熱烈地彈琴熱烈地唱，嚟鮨文又食omakase！茶碗蒸一打開個蓋，入面充滿自家製三文魚籽，每粒都晶瑩剔透非常飽滿，同外面嗰啲完全冇得比，係清甜帶柚子香㗎！至於個蛋真係好滑溜，帶少少鹹香嘅茶碗蒸真係無得頂！刺身5款1. 平靜魚切咗絲嘅平靜魚，加入芝麻、蔥花及薑蓉，入口先食到芝麻味，但千祈唔好放棄，要繼續咬，啲魚味先會出㗎，記住唔好咬幾吓即刻吞呀！2. 天婦羅帆立貝帆立貝炸到半熟，上幾次食都係開邊後釀入海膽，但今次轉做微辣嘅明太子，再加上一片紫蘇葉，外面再包紫菜，外層好薄，一咬開入面一絲絲嘅帆立貝肉顯現易見，口感好之餘呢個配搭又好新鮮3. 櫻煮八爪魚之前幾次喺元朗店都未試過，原來係黃埔店限定！要花上3日去烹調，第一日同八爪魚做massage後用低温煮；第二日先用明火慢煮，期間每10分鐘檢查一次check吓個煙韌度；第三日先加入自家製醬油浸一晚，慢煮出嚟嘅八爪魚肉身依然係粉紅色，就好以櫻花咁，所以佢就叫櫻花喇。不嬲怕咬唔開而唔鍾意食八爪魚嘅我，完全係被震懾住！軟綿程度非筆墨可形容，簡直一咬即開，仲非常入味，又帶少少八爪魚鮮味！係非常花心機嘅一款菜色！

為慶祝能克服高山症，成功到達相信會係我一生能到達嘅最高地 – 珠峰大本營，去咗試鮨文嘅黃埔店，去鮨文當然係omakase，今之試了不起1850嘅，有好多嘢食，分別有茶碗蒸、刺生5款、壽司8款、雲丹盛、手卷、湯同果物食日本嘢，當然唔少得漬物，比平時嘅大碟，有子薑、黃瓜、淮山、牛蒡同紅酒橋頭茶碗蒸一上碟只見到三文魚籽，真係好多，先試一口三文魚籽甜甜哋，一問之下，原來係自家制，用醬油浸過，仲有酒香，再試下蛋，好滑，入面仲有帶子同菇刺生5款平靜魚切咗絲，加入由芝麻、蔥花同薑蓉，入口先感受到芝麻味，再咬多幾口，魚味出晒，一絲絲慢慢食，送酒一流天婦羅帆立貝帆立貝炸至半生熟，開邊，釀入明太子，配上一片紫蘇葉，再包上紫菜，入口外脆內軟，帆立貝仲係一絲絲的櫻煮八爪魚呢個係黃埔店限定的，烹調時間要三日，第一日要先同爪魚按摩，再用低温熟成，第二日就開始用明火進行慢煮，仲要每10 分鐘檢查一次，到咗第三日就加入自家製醬油浸一晚，之所以叫櫻煮係因為煮完之後爪魚係粉紅色的，好以櫻花咁，同平時食嘅八爪魚好唔同，淋到難以形容，仲要好入味，喜歡辣嘅朋友，可以試吓點柚子胡椒醬酒蒸鮑魚係來自九州嘅鮑魚，用清酒慢火煮7小時，

前幾天參加了一個在酒店舉行的宴會。吃過LUNCH BUFFET，壽司上的刺身水準一般是預期，但壽司飯又乾又硬真是不能接受，完全吃不下去。實在要吃一次個有質素的OMAKASE才能彌補。先吃過嫩滑鰻魚蒸蛋熱身。之後愛媛縣鰻魚BB ，十分滑溜， 魚身精瑩通透，配上醬汁及薑蒽，幾開胃。鱈魚白子是冬季限定，配合時令，營養豐富，外型有點像豆腐，入口CREAMY，本身味淡，要配上魚子醬及酸汁吃。櫻煮八爪魚，師傅說用了三日時間去準備，由第一天替八爪魚按摩， 煮熟後再用醬汁浸一日。所以肉質特別軟腍綿滑，鮮嫩入味，配上柚子及胡椒吃十分開胃。富山灣螢光魷魚，魚身柔韌多汁，觸鬚鮮甜爽脆。沖繩水雲， 又名海髮菜，是海藻類植物，更有長壽藻旳美譽。清爽黏滑，沾三杯醋食用，感覺清新健康。已經吃過幾道菜式，師傅送上淮山清物及煙燻蘿蔔，讓我們清一清味蕾。太刀魚昆布卷，太刀魚是日本高級食材，因為皮肉都十分細嫩，只能用手釣方式捕獲，以免太刀魚在魚網整爛皮肉。放入口輕輕咀嚼，慢慢感受太刀魚肉的細緻鮮嫩。大分縣青鮑魚，入口軟彈，沾上濃郁 鮑魚汁，再橯飯吃，十分惹味。甘目鯛壽司， 油潤亮澤，肉質嫩滑，配上黑松露，味道香濃。火灸鱈魚

之前係元朗食過已經覺得好正, 但元朗對九龍人黎講的確係有D偏遠, 早前好開心聽到鮨文係黃埔開分店, 今日終於又搵到籍口奬勵自己黎食多次!! 黎到黃埔分店鮨文大門前, 真係唔係朋友上網睇過確實係呢個門口, 都唔敢推門內進, 因為門前完全沒有店名, 充滿神秘感呀~~入面裝修同元朗店大致一樣, 但就大左好多,仲有一間房仔提供比客人BOOK, 甘私隱度就更高, 啱晒自己人一齊黎高興下時都唔怕嘈到隔離, 房間最低消費係一萬蚊, 最多可以容納七個人, 整體店面大左, 可以坐到四十幾個人, 甘就易BOOK左好多了...我地揀左每位HK$1750+10% 既廚師發辦套餐, 其他一切就交比梓健師傅你啦~~茶碗蒸先黎一個茶碗蒸, 上面係鰻魚, 下面係蒸蛋, 入面仲有細細粒既元貝同菇菌, 食落非常鮮甜...愛媛縣鰻魚BB呢碗鰻魚BB賣相有D似白飯魚, 但細心睇清楚佢係扁而且闊身, 肉身透明, 口感好滑溜, 一食就直落喉嚨...鱈魚白子我唔知今晚有安排白子, 師傅雖然之前有問過有乜野唔食, 但我無答到唔食白子, 我本人幾怕呢個賣相, 但尊重師傅既安排, 我一口吞左落肚! 我以後都會記得講ga la...櫻煮八

要在競爭激烈的飲食界撐得住，食物水準一定要高之餘，仲要有新鮮感。鮨文不是一個新的名字，但他們的大廚發辦每一次都有驚喜。店內外、店員同師傅都貫徹日本簡約風格，晚餐分成兩個等級。之前在元朗本店的大廚發辦晚餐令我念念不忘，有信心保證，今次專程帶了朋友到黃埔店慶祝生日。第一道菜色就係 蟹肉金箔荼碗蒸蒸蛋上面有一層特製汁，依店員叮嚀一同進食，果然更加鮮甜金箔佈滿整個碗，絕對有誠意師傅送上漬物後，就開始主食了六款刺身的頭炮叫 櫻煮八爪魚 由於要三日時間煮(!!!!)，要有足夠的地方、爐頭，同極大的耐心，所以這是黃埔店限定架，好開心可以食到咁特別的八爪魚 一改我對八爪魚的壞印象，呢個肉質柔軟同時又彈牙超近距離睇住師傅的波浪刀切法，更加嘆為觀止刺身分別仲有小長井真蠔；冬季限定的安康魚肝、白子、鮑魚、煙薰吞拿魚BB食材保持一貫的新鮮保證，所以即使食魚內臟都不怕怕最特別的一定要數「白子」貌似迷你豬腦，真身即係鱈魚精巢在日本是冬日補身良品，含豐富蛋白質、維他命D、滋陰養顏，師傅仲話食左皮膚都靚啲經師傅加了魚子醬、酸汁、芽蔥之後，白子個樣都靚左好多一啖食晒，驚喜地口感竟然同雪糕一樣Creamy！味道鮮甜豐腴，

鮨文，一年前在元朗拜訪過一次。及至在黄埔開了分店，住附近的友人一直嚷着去朝聖。既然試過總店的有不俗的水準，那作為鮨文的分店，也該能投下信心一票吧。縱觀兩次的用餐體驗，黃埔店的評分會比元朗店更高一線。能坐上壽司吧桌是個關鍵，對於首訪未能坐上壽司吧桌，那次在內心落下的一些問題，或是用餐當中錯過的細節，都在這次再訪中得知真相，確實是「眼見為真」。所以奉勸大家訂桌時還是抓緊坐上吧桌的機會，這才能讓花去的錢更有價值，要知道城中的師傅發辦，最小過千一位是走不了的，既然未能坐上壽司吧桌是時間而非金錢問題，那無論光顧哪一家鮨店都應謹守這個原則。 　***   入正題了，黃埔店跟元朗店的同樣予人隠世之感，雖然兩家同樣是開在熱鬧的大街之上。簡約又神秘的木色門面，跟元朗店的風格如出一轍，但明顯分別是黄埔店比元朗店大，只是壽司吧桌便足可容納十多名食客，訂不到桌的就只有些四人食桌可選了，比較特別的是黃埔店多了「個室」選項，論環境是黄埔店較為優勝。 這天文師傅不在店內，就由另一師傅坐陣，技藝是絲亳不差，而且相當細心。而上次在元朗店遺憾沒有坐上吧桌，這天終於如願以償，然後發現這兒會有更好的視覺體驗，也連帶味覺享受