碗碗香 (已結業)

好想食辣嘢好想食辣嘢好想食辣嘢，重要的事要講3次！然後朋友就話見到同事成日叫碗碗香外賣，所以決定大家一齊去試下！由利園二期一路向前行，見到丹麥再往大球場方向向前行一小段路（記得要留意右手邊）就見到了！！入到去，店不算大，但坐底都舒服，但聞到個陣辣味成個人精靈晒～坐底店員就即刻埋嚟問係咪第一次食？要唔要介紹番？好貼心呀！我地叫左紅油牛肉粉（小辣）、貴味紅油雞絲米皮（小辣）～食物來得算快，唔知係知道我喺咁吞口水～紅油雞絲米皮，店員話同粉皮唔同，米皮係平時食個啲腸粉整的～食落感覺比較滑，加埋呢個辣配搭得十分惹味！個花生勁好食！！不過食到最尾有小小鹹～紅油牛肉粉，湯底不算太濃，有牛𦟌同牛筋腩，值佢個粉好特別！係貴陽米粉，米粉本身較粗身同”林”啲，但又唔係煮過龍個種”林”，有少少似薯粉，食落去係嗦嗦聲～杯凍檸茶個杯係啤酒杯～份量夠！因為平時食辣野係要叫兩杯飲品，辣野味精較多，會好口渴，呢度一杯滿足晒！讚！！

放工後在利園一帶想找家餐廳快食，經過這家小店感覺頗有特色，看到價錢不貴又有位，就直接進去了。小店主打貴陽菜，店員推介牛肉粉，說辣和不辣都好吃，和朋友就直接點了一碗小辣和一碗不辣。另外店員亦推介自家製苦丁茶，可以解辣，跟餐可以半價。值得一讚廚房出菜很快，非常適合趕時間的我。粉面比較粗身，質感像是比較粗的米線。牛肉分別有牛𦟌和牛腩，牛肉味很濃也很入味，肉質一點也不韌。小辣更多添了一份香料香味，輕輕的麻辣感非常過癮。苦丁茶點了冰的，但朋友點熱的更好喝，帶微苦但很易入口，可以下火是不錯的選擇。小店不用加一，性價比很高，絕對再有下次。

今日男友放假 但係又落雨 都無咩心機去玩所以去銅鑼灣睇完場戲諗住是但食個晚餐就算因為醒起加路連山道比較多野食 就行過黎揀下男友呢頭講起想食下辣野 個頭就見到呢間碗碗香紅油牛肉粉 就引咗男友行入去喇男友一坐低就揀咗紅油牛肉粉 店員姐姐問佢要咩辣個陣佢二話不說話中辣，店員都問多次 而跟得男友多 本身袖完全唔食辣丁變咗食辣既我 就諗一諗啦 店員就建議我可以試咗清湯牛肉粉先 陣間可以再加辣好細心好快就上咗男友既紅油牛肉粉 店員姐姐擺低仲叫佢試咗左邊無紅油既部份先 佢索一啖話問翻原來係三骨（🐤🐮🐷）煲超過十個鐘所以先咁濃味 撈混兩邊之前我試就覺得少少麻辣感覺 不過男友就話好滋味到我既清湯牛肉粉上菜 見到有一小羹份量既蒜粒 我已經知我會好鐘意 一飲湯個下再食下食下先留意到原來清湯係跟牛腩粒同牛展 好入味 好有咬口得黎唔會好韌 同埋原來d菜係酸菜黎 男友話夾埋芫茜同湯粉係最好味食到咁上下望到牆上個牌原來有建議食法可以加佢個花椒粉同胡辣椒 又有另一番風味飲品方面食得辣基本都要叫定架喇見到個牌推介苗鄉苦丁茶 所以男友叫凍我叫熱試下原來真係好解到辣，不過如果怕苦會推介熱飲多d 因為凍飲會有少少苦 不過都係

碗碗香 (銅鑼灣).去到銅鑼灣想食台灣野，聽説有間小店好似幾好食，入到去果然好有台灣小店的感覺(⁎⁍̴̛ᴗ⁍̴̛⁎)店鋪細細但充滿人情味，我地坐低一陣都好快滿左！.⚜️清湯牛肉粉⚜️.老闆娘非常nice(⁎⁍̴̛ᴗ⁍̴̛⁎)見我地叫左清湯，話我知係用牛骨、雞、同豬骨等新鮮材料熬製而成，再配埋牛腩同牛展，很不錯(⁎⁍̴̛ᴗ⁍̴̛⁎).⚜️紅油牛肉粉⚜️.另外叫左碗紅油湯底試下，我地叫左少少辣，麻而不辣，少少辣反而好香！配埋店鋪嘅獨有飲品苦丁茶，唔洗怕太辣！.⚜️苗鄉苦丁茶⚜️.個人認為係店鋪招牌飲品(⁎⁍̴̛ᴗ⁍̴̛⁎)我地叫左一杯凍一杯熱，熱嘅就比較啱我女孩子飲，入口清淡，微甘，去到喉嚨有好少好少嘅苦甘，我怕苦都覺得絕對可以接受！🤓我睇menu發現苦丁茶仲有解辣同抗氧化作用，係女孩子嘅養顏恩物💕—————————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌碗碗香 (銅鑼灣)銅鑼灣加路連山道5號地舖.

今次同朋友嚟到呢一間碗碗香食正宗貴林牛肉粉，大廚同侍應都係以鄉下話溝通，感覺夠地道。同朋友兩個人叫咗紅油牛肉粉（微辣）同清湯牛肉粉配兩杯苦丁茶。首先試咗清湯湯底，湯底加左花椒粉同胡椒粉，所以即使唔係食麻辣湯底，依然會有舌頭麻痹嘅感覺（注：麻辣的麻味來自花椒，辣味來自辣椒），清湯得來又唔會太清淡。至於紅油湯底，湯底落咗辣椒油，呢個就辣味比較重而無麻味，同時亦落左酸菜，識落酸酸辣辣，非常開胃，如果鍾意酸味較重嘅人可以要求加酸菜！兩碗牛肉粉都用左牛腩同牛肉片作為配料，兩者肥瘦適中，肉質非常軟嫩，份量都夠多。而米粉比較粗身，粗幼度同烏冬差唔多，食落夠滑溜彈牙！如果食到覺得好辣，可以飲苦丁茶，有清熱下火嘅功效，飲完的確非常解辣。

每星期點都要有返幾日食辣野，今個星期日就去咗呢間碗碗香。之前無意中喺OpenRice search到呢間四川貴州辣辣粉，就去試一試啦。上一次試咗紅燒牛肉粉，原本係想叫牛肉麵嘅，店長一聽到我哋想叫牛肉麵就極力推介呢度嘅牛肉粉，佢話喎，呢度嘅粉係你出邊食唔到嘅好滑架試吓啦！一試冇死嘅，就好爽快叫咗紅燒牛肉粉啦！點知原來呢間嘅紅燒牛肉粉係唔辣嘅所以就有啲失望。所以今次再嚟就要試一試個紅油牛肉粉。紅油牛肉粉（中辣）呢度嘅紅油牛肉粉湯底調得幾好，唔太鹹，好香，好夠麻辣。牛肉粒方面好足料，一碗大概都有成六至八粒，炆得好入味，好林，真係幾唔錯。但係不足嘅係，廚房阿姐唔知聽左邊個人嘅意見，啲粉煮到冇上一次咁滑，仲半生熟。想食死人咩。啲粉一啲就煮到原本咁滑，一啲就未煮熟，硬柴柴。諗住硬嗰啲浸一浸都林啦，點知世事邊有咁簡單。半碗都係半生熟。。。。希望老闆識醒目啦⋯⋯希望下次去食唔會咁啦，難得個湯底幾好味。

我今日行開銅鑼灣附近，甘岩經過呢間餐廳，就入去食個tea， 一入到去，覺得環境好乾淨企理😊 都幾舒服，店員都好有心，態度好好，好友善👍👍👍 好有禮貌，值得一讚我叫咗個紅油牛肉粉，d湯味道好香濃，牛肉好冧，d粉好滑，同平時食個d好唔同，係貴州粉，聽店員講，原來係貴州獨有，香港都冇，佢地會直接喺貴州入貨，唔怪得甘正啦！ 同埋啲紅油令到成碗粉食落去辣辣地甘，好開胃 😋😍😍 岩晒d鍾意食辣嘅人😋👍我另外叫咗杯苗鄉苦丁茶，好清新爽口，我見佢仲寫住原來飲苦丁茶都可以下火養顏😍😍，飲完我覺得仲可以解到辣，好好飲👍👍我好鍾意呢間餐廳，佢哋牛肉粉真係好獨特，好好食😍下次一定會再幫襯，好值得推介👍👍👍

尋晚瞓唔著。上openrice 揾下今日食咩好。揾到呢間碗碗香。食貴州牛肉麵。哈。啱晒我。嚟到舖位細細。冇乜嘢期望。即管入去試一試啦。一心諗住食牛肉麵。但係見到餐牌上有麵亦有粉。一於問吓老細乜嘢好食。 老細諗都唔使諗。就得如果食牛肉就食粉啦粉真係好食。估唔到。因為原本真係諗住食麵老細紅燒好定紅油好。佢話食到辣就食紅油啦。信晒老細啦所以就叫左紅油牛肉粉少辣。來到。都幾出乎意料。個碗咁鬼大。味道唔錯。佢個份形狀似烏冬。但有後會比較煙un。幾特別喎。不過個紅油小辣，都仲係好辣。所以邊食邊飲杯檸茶。佢有個唔知叫咩苦丁茶。聽聞都OK嘅。會解辣。不過聽到個苦字我都唔係好敢試。粉份量正常，牛肉都算幾多。個牛肉幾好食喎都幾林。總括嚟講呢間小店都算係唔錯。都可以一試嘅。同老細傾開計。佢話你試吓喺銅鑼灣搵一碗麵有我哋咁平嘅嚟睇吓啦。我話係呀價錢都合理不過唔好加價喎。佢即刻話下個月就會加價啦。即係九月。起初我入嚟嘅時候剩係得一個客人。我仲以為佢生意會好了唔好。點知轉頭就有幾枱人入咗嚟啦。後面有四個師奶入咗嚟。老細都好老實佢話你哋不如叫兩碗麵啦。留返個肚試吓我哋最有名嘅口水雞同埋豬耳啦。唔知係咪真係好食呢。交

今日返工係開附近，咁岩又有時間，留意左好耐，終於可以來一嚐呢度既貴州牛肉粉。位置比較隔涉，搵左一陣，終於比我搵到😄舖位唔算大，但乾淨企理，又有點特色。入到去坐左門口位附近，叫左個紅油牛肉粉。失禮講句，睇唔出店員咁好禮貌，直覺上叔叔好似比較粗獷😂都幾多選擇，仲有甜品食既呢度，讚一讚覺得menu幾細心，有寫明有咩配料可走亦可加，清晰唔洗估估下👍🏻好快就來到，幾大碗下，牛肉貌似五香肉丁，但食落夠淋唔痴牙有牛香，連帶一d牛筋位，都好夠淋香，加上牛肉量多。伴住有d酸菜，睇得出係自己餣，味道剛剛好。我叫左中辣，個人覺得辣度適中，食到辣又有本身湯既味。而貴州粉有d似粗身d既米線，爽滑但又食落有d上海麵既感覺，幾得意。同時間見到其他客人叫口水雞，其實都好想試，但一個人食唔到咁多，還是下次再試啦～另帶一提，再讚店員叔叔，因為係燙門，張枱都幾貼門口，叔叔每次開門都會好小心睇下會唔會整到人，而且每位客人點菜佢都好好聲氣。聽到有位客人話想要紙巾（見到收銀位放左sample出黎有寫$3/包），好多時正常都會直接講3蚊啦。見到叔叔回應係：一包$3有無問題？ 待客人回應ok後先幫客人落埋單。個人感覺幾有heart❤️

一直都覺得大陸出品嘅麵好好食，估唔到係香港都可以食到。呢間店舖面積唔大，我哋揀咗個角落坐低。今日食嘅係貴州粉，其實冇聽過貴州呢個地方，真係第一次試。男友人叫咗個紅油牛肉粉，小辣，食落有啲麻，原來仲有隻bb辣，店家話係任何人都食到嘅辣，湯底加左花椒，所以會有麻香，用上等大紅袍精細磨製成花椒粉，有散寒，健脾同埋促進食慾嘅功效，估唔到食一碗普通嘅牛肉粉可以有咁健康嘅效果！我就試咗紅燒牛肉粉，呢個係唔辣嘅，邊個湯係用上等嘅豬骨加鮮雞做湯底，再加埋新鮮嘅牛骨，就係三骨原湯啦，呢個湯絕對冇味精，味道好濃郁，我都幾乎飲晒個湯底，飲完覺得好生津！兩碗牛肉粉都有泡菜做配料，其實即係酸菜，味道好清爽又酸脆多汁 ，好開胃！至於啲牛肉係上等牛展，筋同肉嘅比例都好均稱，咬落一啲都唔硬，好好味！而碗麵嘅精髓貴州粉係無添加，冇色素又冇味精，要煮幾個鐘，口感爽滑，唔易斷，又唔會太淋，夾起上黎好有彈性！最後每人叫左杯苦丁茶，店家話係解辣良品，飲完回甘嘅感覺久久不散，功效可以降血脂，降血壓同降血糖，非常健康。

今日係六四，又咁啱行經銅鑼灣，想食下呢間之前收藏左嘅貴州餐廳。入門口就聞到陣大陸辣，流晒口水。我地食左老闆推介嘅紅油牛肉粉，同埋清湯牛肉粉。老闆係一個好好客嘅人，不斷介紹菜式。從來冇食過貴陽粉，今日先認識。見到有幾多大陸人嚟食，我諗原來所謂嘅地道應該係咁。關於貴陽粉，老闆話每十天就會由貴州新鮮運到。粗度比烏冬幼少少，米線粗。質感方面，感覺就像粗米線但不算太彈牙的口感，需要多嘴嚼較易消化，可是不太掛湯所以用湯匙伴湯吃較好。⬇️湯底非常出色，清湯牛肉粉嘅湯底好清好甜，飲極都唔會口渴，好高質素。喝得出是牛骨熬出來的！配上貴陽粉一起吃很夾。清湯牛肉粉上有兩種唔同嘅牛肉，一種係白灼牛展，一個係紅燒牛展。我自己比較喜歡白灼牛展，每塊都有牛味同埋很有口感。紅燒牛展就炆得好琳好入味，但份量頗多，食得多會感覺很滯。⬇️紅油牛肉粉，我們叫了小辣，但食唔到辣的朋友，千祈不要那小辣。我是食得辣的人都覺得很辣。個人認為辣得的確過癮，可是湯上的紅油，卻令人食唔到原來湯底的鮮味，有點可惜。另外我們也試了老闆推介的苦丁茶，原來真的解辣回甘，似乎比牛奶更有效。老闆誇口喝完十五分鐘甘味還會在嘴裏盪漾，真的沒有誇張。整體上很滿

同朋友見到佢新開，大家又鍾意食辣，就試下。舖位近希慎廣場，算方便。店內環境乾淨，偏細間。服務態度幾好，會推薦同介紹特色食品（貴陽粉）俾客。我地兩個人嗌左一碗紅油牛肉粉、一碗紅燒牛肉粉同埋苦丁茶凍熱各一杯。店舖幾貼心，有得揀走/多蔥、蒜、花生、油等等等等唔同配料。上菜速度快，幾分鐘左右就上哂（當時冇乜客）。碗紅油牛肉粉，嗌左小辣，但係都幾辣，如果唔食得辣，建議嗌返BB辣。兩碗粉湯底都濃郁有牛味，粉係貴陽粉，質感黏韌，似係烏冬同米線既合體，值得一試。因為我鍾意食啲煙韌野所以都幾鍾意呢個粉，但係應該係鋪頭特有嘅，係喺貴陽黎，所以唔知邊度可以買到牛肉選用上等嫩滑牛展。一碗粉，份量足，所以我地冇嗌小食。杯嘢飲係苦丁茶，飲落少少苦，冇咩特別，不過店員就話我地知係特別解辣，我地又冇特別覺得解辣。但如果有興趣嘅朋友都可以試吓飲，因為比較少地方有～

Happy Friday Night 梗係要出街食飯鬆下，喺銅鑼灣想搵個地方食飯，最好不過當然係加路連山道，因為呢頭有好多隱藏嘅特式小店！ 今晚想食碗粉，見到開咗間貴州牛肉粉嘅，一於試下～Order咗兩個，有辣有唔辣！紅燒牛肉粉雖然係清湯，但湯頭清甜，聽老闆講佢地每朝早用大量嘅牛肉、豬骨同雞新鮮煲，配上口感軟熟嘅粒粒牛，仲有口感Q彈同好滑身嘅貴州米粉，真係好好味👍🏻👍🏻👍🏻紅油牛肉粉清湯配上濃濃嘅辣紅油，香味不錯，小辣對我嚟講辣度剛剛好，辣油同貴州米粉好夾，不錯不錯！口水雞偏辣，份量有點少，但雞件夠滑，麻味十足，味濃，係好味嘅～但係對唔到辣嘅朋友就未必食到。老闆同員工都好熱情同有善，但坐位有點迫，只能夠快食，不宜坐太耐。整體嚟講，味道都不錯，米粉口感特別，湯底清甜，小店確係有誠意，值得回頭再吃👍🏻👍🏻👍🏻

如果是喜歡吃辣的話，貴州菜或許能帶給不同辣的體驗喔！最近便留意到在銅鑼灣有一家吃貴州紅油牛肉粉頗出名的便找了天去吃吃看來到店外～外邊貼了介紹這「牛肉粉」的湯底、配料等等，看起來很吸引是說這店晚上時間滿多人的啊！所以有機會需要坐出店外幸好這在橫街當中，偶然會有一些車停泊進來～但不是車來車往的大街先來一碗 - 清湯牛肉粉 ($58) 怕吃辣的可直接選這個！湯是以豬骨加上鮮雞作為湯底，再加上牛骨用清水熬製出來的沒味精湯喝起來很濃郁且清甜，還頗暖肚啊 ლ(╹◡╹ლ)  當中的芫茜讓整個湯變得更香。另外還有開胃的酸菜，而且我在我碗湯那裡發現了果皮！    牛𦟌的肉質很軟嫩，筋的部份也已經軟化了～但也不失口感喲紅油牛肉粉 ($58) - 選的是小辣。製作時使用了花椒粉、花椒粒、胡辣椒、辣椒乾和辣椒油，吃起來香辣而不嗆的耶～那紅油真的滿厚～不過吃到一半左右再加上酸菜已經習慣了那個辣度！這個的牛肉是連著筋的喔～口感也是很軟嫩！肉味濃郁，吃起來更為惹味那粉更平時吃開的有點不一樣，是用貴州米製作的米粉圓身的粉很爽滑 (・∀・ ) 還滿喜歡那口感喔！若果需要解辣的話，不妨可以點 - 苦丁茶 ($8)這是綠茶

上次來這邊時已經被他的香氣吸引😍，這次特意再來找他😋！店內裝飾充滿著民族氣息😲，加上簡單的裝潢，蠻舒服的❤️。店員👨🏻知道我們是第一次來，熱情地為我倆介紹了招牌菜💖，還說湯頭的由來🤩。清湯牛肉粉🍜：湯頭名叫三骨湯，由牛🐮、豬🐷、雞🐔三種食材煮成，足足要煮12個小時🕛，加上沒有添加味精，入口特別清甜🤤，肉香滿溢😍。米粉入口爽滑，掛湯力不弱👍🏻。牛𦟌炆得非常入味，口感鬆化軟腍😋。紅油牛肉粉🌶：嚐辣的人妻當然要吃紅油口味💘，再加上店員👨🏻說這是他們自家特製的。先喝一口湯，辣椒香味加上微辣，非常醒胃😍。牛肉帶了點點牛筋🐮，比牛𦟌炆得更軟腍，入口即溶🤤。貴陽玫瑰冰粉🍧：湯底用了玫瑰蜜🌹，香味濃郁，加入了花生🥜及芝麻，口感豐富，當中還有紅棗，為冰粉加添了一份香甜💝，冰粉帶著點點的韌性，甜甜的用來解辣一流👍🏻！苦丁茶🍵：不常看到的一種飲品😲，也不要被他的名字嚇到，因為他一點也不苦的😌，入口也頗甘香，更擁有抗三高👌🏻、增強免疫力💪🏻、美容減脂😍等功效。總結：店家真的沒有把名字改錯，他真的是每一碗🍜都香濃味美，值得一試再試的一家小店。